المساعد الشخصي الرقمي

مشاهدة النسخة كاملة : بـحـاجـة الـى قـطـع ما حـصـلـتهـا...ياليت تساعدوني


zZzZzIDAaAaAN
18/08/2009, 02:00 PM
بسم الله الرحمن الرحيم


السلام عليكم و رحمة الله و بركاتة
مبارك عليكم شهر رمضان اعاننا الله على صيامة و قيامة..
اخواني انا عندي جمس 454 موديل 80 حوض
الحمدلله اشتغلت عليه و ضبطته و جددته
بس بقى لي كم شغلة ياليت تساعدوني فيها خصوصا اني والله ما سالت الا بعد ما دخت و انهد حيلي..
1- العازل اللي يجي بالارضية يقولون يجي منه شي معه تبن (و انتم بكرامة ) و طين للعزل الحراري ؟
هل هو موجود فعلا.. و وين احصلة (انا بالرياض) او اذا فيه بدائل او الاصلي بس من وين اجيبة و بكم لو تكرمتوا
2-توماتيك المروحة (شد البلد) خربان و يبيلي توماتيك جديد بس للاسف ما حصلت.وين احصل و اذا قلبتها كهرباء وين احصل كهربائي متمكن بالشغلة هذي ؟ياليت تزكون لي كم واحد الله لا يهينكم
3-الموتر بحاجة الى تنجيد ارضية و طبلون و مرتبة برضو الله لا يهينكم ياليت تزكون لي كم واحد و ما نستغني عن اقتراحاتكم بهذا الموضوع .. (فكرت اجيب موكيت للارضية وش رايكم :D , و الطبلون جهه متقشرة شوي وش رايكم و اسوي :confused: )
4-النيكل اللي بالديكور و الخارجي تحتاج الى تجديد...وين اقدر اصبغها و بكم الاسعار
اسف على الاطالة يا شباب.. بس وربي حفرت الصناعية و ما جاورها من احياء و مناطق مؤهولة و خالية من السكان :D
بإنتظار مشاركاتكم و ردودكم...
اخوكم zZzZzIDAaAaAN
عاشق وادي الدواسر
18/08/2009, 02:26 PM
اولن بالتوفيق عزيزي الغالي ثانيا بالنسبه للديكور والشغلات الداخليه تلقاها عند الغرابي افضل شي بس حاول تكسر اسعارهم شوي لأنهم غالين بس شغلهم على كيفك


وبالنسبه للباقي يفيدونك الشباب

وياليت تروح لمعارض الخرج ترى من هناك هم يعرفون محلات قطع الغيار وبيدلونك عليها


ملاحظه اخيره : عازل من طيب وتبن في وجه العدو ؟؟؟؟ بس هاذي معلومه اول مره اسمع فييها ؟؟ لايكون لاعبين عليك بس هع
zZzZzIDAaAaAN
18/08/2009, 02:57 PM
اولن بالتوفيق عزيزي الغالي ثانيا بالنسبه للديكور والشغلات الداخليه تلقاها عند الغرابي افضل شي بس حاول تكسر اسعارهم شوي لأنهم غالين بس شغلهم على كيفك


وبالنسبه للباقي يفيدونك الشباب

وياليت تروح لمعارض الخرج ترى من هناك هم يعرفون محلات قطع الغيار وبيدلونك عليها


ملاحظه اخيره : عازل من طيب وتبن في وجه العدو ؟؟؟؟ بس هاذي معلومه اول مره اسمع فييها ؟؟ لايكون لاعبين عليك بس هع
يسلموووو على مرورك يالغالي عاشق الوادي :good:
انا رحت للغرابي قالوا يسوون تلميع...يعني بخاخ و يقعد يفرك النيكل..صح الطريقة كويسة بس انا ودي اصبغه صبغ يرجع وكاالة و بيني و بينك متعود ان اشتغلت شي يا اخليه افضل شي ولا اخليه
( عندك البوية معدومة بس ما ابي ارشها بخليها على تغبيرة..غالية لو ارشها ميتاليك :D )
الا اذا تعرف مكان بالغرابي يضبونها و شغل على كيفك..
الباقي على قولتك نستنى الشباب و ان شاء الله بروح لمعارض الخرج بس ما ادري احصل هناك ولا لا
اما بخصوص التبن و الطين اللي بوجه العدو :D
هذا واحد يقولي يحطون عليها تبن و طيب علشان تعزل الحرارة مره عن الكابينة و يقولي موجودة بالخرج
و بيني وبينك يقول هو شايفها بنفسه يعني ما احد قالة :D
و مشكور على مرورك يا عاشق الوادي.. و ان شاء الله ان تاكدت من الموضوع بعطيك خبر ( و اذا وصلت مشاركاتي 50 علشان اقدر ارسلك ولا بسوي لك موضوع كامل :D )
The x Hunter
18/08/2009, 03:06 PM
طالما المكينه 454 فلازم تحط عازل متين وجيد انا انصحك انك تاخذ العازل من محلات تنجيد الشاحنات الكبيره عندهم عازل على كيفك لو كنت بجده بدلك بس بالرياض والله ما دل

لان المكينه هي نفس مكينة الباص ابو حمامه الكبير

تحياتي
zZzZzIDAaAaAN
19/08/2009, 07:42 AM
طالما المكينه 454 فلازم تحط عازل متين وجيد انا انصحك انك تاخذ العازل من محلات تنجيد الشاحنات الكبيره عندهم عازل على كيفك لو كنت بجده بدلك بس بالرياض والله ما دل

لان المكينه هي نفس مكينة الباص ابو حمامه الكبير

تحياتي
يعطيك 1000عافية اخوي Hunter
و ان شاء الله بدور العازل اللي قلت لي علية...
مطلق السلمان
21/08/2009, 02:11 PM
أخوي العزيز بالنسبة لديكور اللي يركب في الأبواب لا تصبغة لأن فيه أحد الزملاء صبغة وطلع منظرة ما هو زين لأن الصبغ بغير منظر الديكور شوي راح يصير لونة ( كروم ).

أخوي بالنسبة للتنجيد فيه عندنا طال عمرك محل تنجيد في المنطقة الشرقية في مدينة الدمام شخص أسمه (عادل مد الله ) هذا طال عمرك فنان إلى درجة إمتياز في التنجيد ومختص معظم الجموس اللي في المنطقة الشرقية يجون عنده ينجدون على كذا أخذ خبرة كبيرة في التنجيد وراح ترتاح عنده لأن عنده أقمشة أمريكية ممتازة وأنا أتوقع أنك تلقا عنده العازل أو يعرف من وين تشترية لأنه منجد ويحتاج إلى هذا الأمر.

أخوي بالنسبة لتماتيك المروحة وين يركب وهل هو قطعة كهربائية أو قصدك كلتش المروحة أرجو أنك تحدد نوع القطعة عشان إذا فيه أمكانية أنساعدك.

تقبل تحياتي وبالتوفيق ،،،
راعي المجهم
21/08/2009, 02:16 PM
أخوي ركب عازل حراري حق الأفران الي يجي زي الشعر ويحط تحت الأسطح الزنك

شفت لي كذا واحد مسويها في جمسات 454 قديمة

ولا تحس أبداً بالحرارة
الريان 1
27/08/2009, 05:22 PM
الله يجزاكم خير على المعلومات====
قرم العيال
27/08/2009, 05:55 PM
اسمع بالنسبه للقطع النيكل

ما لك إلا تغطيس ..

وهذي عندك بالرياض يا الرضا .. او مركز سامي . حق زينه واعلوم شباب