إلى رابطة ملاك الشيروكي

[The x Hunter]

السلام عليكم ورحمة الله وبركاته

اخواني ملاك الشروكي ابي نصيحتكم ولا تبخلون علي

عندي جيب شيروكي موديل 2000 الجيب بصفه عامه جيد قير عادي بس فيه كم مشكله :-

1- الجيب مرفوع على مستوا واحد وهذي ميزه ومنظر حلو بس الرفعه مسببه مشكله السياره اذا جيت ابدل النمر اسمع دكه

مثل الدكه الي تجي من فضاوة الكروونه ولا اذا اخترب الصليب كشفت عليها طلعت كلها تمام بس لاحظت ان القير نازل عن مستواه الاصلي والي فهمته انه اذا ارتفع الموتر لازم ينزلون القير لجل يرتاح العمود.

2- فيه تفتفه بسيطه نضفت البخاخات وتحسن شوي بس البواجي يقلي لا تغيرها الا مع جلد الكويل الي تجي حول البواجي انا ما عندي مشكله اغيرها لو منها المشكله بس خوفك تغير وتغير ومافي شي يتحسن

وانتم عارفين الشروكي قطعه ذبح

افيدونا وشكرا

[سوبر VTC]

السلام عليكم ورحمة الله وبركاته

اخواني ملاك الشروكي ابي نصيحتكم ولا تبخلون علي

عندي جيب شيروكي موديل 2000 الجيب بصفه عامه جيد قير عادي بس فيه كم مشكله :-

1- الجيب مرفوع على مستوا واحد وهذي ميزه ومنظر حلو بس الرفعه مسببه مشكله السياره اذا جيت ابدل النمر اسمع دكه

مثل الدكه الي تجي من فضاوة الكروونه ولا اذا اخترب الصليب كشفت عليها طلعت كلها تمام بس لاحظت ان القير نازل عن مستواه الاصلي والي فهمته انه اذا ارتفع الموتر لازم ينزلون القير لجل يرتاح العمود.

2- فيه تفتفه بسيطه نضفت البخاخات وتحسن شوي بس البواجي يقلي لا تغيرها الا مع جلد الكويل الي تجي حول البواجي انا ما عندي مشكله اغيرها لو منها المشكله بس خوفك تغير وتغير ومافي شي يتحسن

وانتم عارفين الشروكي قطعه ذبح

افيدونا وشكرا

و عليكم السلام و رحمة الله

القير ينزل يحط له حديده مبسطه و تنزله تقريبا 2سم و طالع
و تغير مسامير القير و تشري مسامير اطول تاخذهن من عند حقين ادوات العدد
او محلات قطع الغيار او محلات الزينه
و تجرب الموتر
تنزيل القير اريح لصليب العمود + القير لانك بهذه الطريقة تريح الرمان حق شجرة القير (الترس المسنن)


التفتفه افضل افحص كمبيوتر ب100ريال او 50ريال :good:

قد تكون المشكله من فلتر البنزين اللي فوق التانكي متسدد و تراه يخرب و يحشر الطرمبه
يفضل تغيير الفلتر كل 40 او 100الف و سعره ب220تقريبا
اذا كان العزم ضعيف شوي افحص ضغط الطرمبه
ايضا تاكد من ضغط الطرمبه اذا كانت تعطي 40 و طالع فهي تمام :good:
اذا كان الضغط اقل فعندك مشكله يا ان الطرمبه ضعيفه
او فلتر البنزين اللي فوق التانكي متسدد

http://www.mekshat.com/vb/../pix/upload01/prof004/mk53291_amb333.jpg

الكويلات قليل جدا تخرب

غالب الخراب من الحساسات اللي على نفس اللهاة
1 حساس او منظم الهوا
2 حساس البنص اذا اذا جيت الاشارة يوازن بين سرعه
3 حساس القير او البنص

افضل حل تركب لهاة كامله من موتر من التشليح او من مواتر احد ربعك و شف الفرق

الحساس اول الصورة شف طالع منه سلك اصفر (حساس الار بي ام ) او حساس البنص
اذا وصلت الاشارة (يوازن) بين سرعه المكينه و بين الهوا الداخل الى المكينه
عشان ما يطفى الموتر
و ايضا يحمي الموتر في الصباح اذا كان بارد

*******

حساس القير / راكب عليه فيه به 3 اسلاك
شفه طالع منه ((سلك برتقالي))
هذا الحساس يتحرك مع دعس البنزين => يدور مع اللهاة و اذا كان خربان يكتم الموتر عند الدعس على البنزين

الحساس الثالث يسار الصورة بالاسفل هذا منظم الهوا
يقيس كميه الهوا الداخله
http://www.mekshat.com/vb/../pix/upload01/prof004/mk53291_amb222.jpg



احيانا تكون المشكله من الحساس اللي راكب على حذاف القير (حساس مقنت)

قطع غيار عندنا بالقصيم ببلاش و متوفر :good:
خصوصا الشيروكيات اللي تجي من اليابان مقصوصه من عند النص سكراب


موفق

[The x Hunter]

الله يعطيك العافيه


وما قصرت بشيك على كل الي قلته وبعطيك النتيجه ان شاء الله

[بواردي الدلم]

ياراعين الشيروكيات

اللي خابر لي شيروكي نضيف سبورت 2000 او 2001 لون اسود او رصاصي او ابيض

يكون تماتيك ونضيف لين قالو نضيف من كل جهه يرسل لي على الخاص بالصور والحد وله جزيل الشكر لاني تعبت مالقيت

[حبيب الملايين]

كيف النصيحه في الجيب الكومندر 2007

[القلب المحروم]

غيرت الحساس باللهات كامل و ما راحت

مشكلتي اذا مشيت وضغطت كلتش ابعشق من الاول الى الثاني تطير دعسة الابنص الى حو الثلاثه
واذا هديت وضغطت كلتش عشان اوقف يرتفع الى واحد ونص واذا وقفت السيارة تماما نزل الى وضعه الطبيعي

نظفت الثروتل ومانفع
وغيرته وما نفع

وايش الحل تكفون

[تاهو z71 فضي]

السلام عليكم
اخواني ودي اشتري شيروكي سبورت اربع ابواب
ولقيت واحد استخدام امريكي ولكن المكينه تبخر زيت وبزياده
ودي تفاصيل عن اسعارها من مديل 1998 الى 2000
والفرق بين الاستخدام والسعودي وهل قطعها نفس بعض
وكيف استخدامها والمكيف تبعها والحراره الطبيعيه وين توصل
ارجوا افادتي ولكم جزيل الشكر

[hsdt]

عند شروكي فيه قطعة وطلعت من الديلكو
ونفس الشي شروكي ثاني طلع من الشكوش
موديل قديم

[تاهو z71 فضي]

السلام عليكم×اخواني ودي اشتري شيروكي سبورت اربع ابواب×ولقيت واحد استخدام امريكي ولكن المكينه تبخر زيت وبزياده×ودي تفاصيل عن اسعارها من مديل 1998 الى 2000والفرق بين الاستخدام والسعودي وهل قطعها نفس بعض×وكيف استخدامها والمكيف تبعها والحراره الطبيعيه وين توصل×ارجوا افادتي ولكم جزيل الشكر
ارجوا الرد عاجل يا اخوان بحكم ان فيه ناس جربوها

[ابوعلي771]

استغفر الله العظيم واتوب اليه

[ابوعلي771]

لا إله الا الله

[ابوعلي771]

سبحان الله والحمدلله والله اكبر