فلتر الهواء كذا ؟؟؟؟؟؟؟؟

[محيسن1]

السلام عليكم ورحمه الله وبركاته
اعضاء مكشات مساكم الله بالخير حبيت اعرض عليكم
يوم جيت اركب البطاريه الاضافيه قال لي ماله الا الوضع هذا قلت ماله ضرر
قال ابد علي مسئوليتي
والصورة تحكي لكم
هل يلزم تركيب فلتر والا وضعه كذا عايدي؟؟؟؟؟
وبعدين الفلتر الكويس وين احصله؟؟؟؟؟
http://up4.m5zn.com/9bjndthcm6y53q1w0kvpz47xgs82rf/2009/8/18/02/4m1g2gp81.jpg (http://games.m5zn.com)


http://up4.m5zn.com/9bjndthcm6y53q1w0kvpz47xgs82rf/2009/8/18/02/rkp8piyn9.jpg (http://games.m5zn.com)

[عاشق Vtc 4800]

حيـــآاك أخووي


معليش بس الصورة ماوضحت لنــآا المشكلة بالظبط


لكن حسب مـــآا أشوفه إن تكملة الفلتر نـــآاقصة


وأتوقع إنها تسبب مشكلة


لكن لو كانت الصورة اكبر وأشمل ،، كنت أقدر أعطيك العلم الأكيد



تقبل مرووري

[عاشق وادي الدواسر]

كيف يقول لك كذا هاذا اكبرجاهل تدري وش فايدة الفلتر يحمي المكينه ويصفي الهواء الداخل للمكينه ويحافظ على الكلبليتر او البخاخ سليم بدون تقطيع او مشاكل


وإذا بتخليه كذا مايخالف حط له فلتر رياضي مع العلم إني ما انصح إلا في فلتر الوكاله



والاخوان يفيدونك اكثر وبالتفصيل إن شاء الله

[ابوعقل]

وعليكم السلام

عند من ركبته؟؟

لانه ما يفهم شي ابد ابد ابد

الفلتر وظيفته يصفي الهواء اللي داخل للمكينه من الوسخ

وهذا اللي هو مسويه لك ما يصلح ابد

لان الوسخ بيدخل على طول وتخرب المكينه عندك

ارجع للكهربائي وخله يشوفلك مكان ثاني للبطاريه ورجع علبة الفلتر مكانه

بأسرع وقت ولا تتهاون بالوضع لانه يظر المكينه

[محيسن1]

مشكورين وماقصرتو وبيض الله وجيهكم
طيب الفلتر الرياضي يسد الغرض والا لا

[سوبر VTC]

و عليكم السلام و رحمة الله

ركب فلتر رياضي + تلبسه شراب حقت رجلين و نتم بكرامه

عشان ما يتعبك بتنظيف الفلتر كل اسبوعين



http://www.mekshat.com/pix/upload01/prof004/mk53291_ru-4860.jpg

[محيسن1]

مشكور اخوي سوبر .....
طيب انواعه وشي لاني اجهل الفلتر الرياضي بانواعه
ووش تنصح فيه والا اركب اي فلتر وبس
وجزاك الله خير

[~EmPeRor~]

ياشباب

اذكرو الله

الموتر فية فلتر

ولاكن الانتيك يسحب هواء من داخل الكبوت

يالغالي

طريقتك هذي تقلل من عزم الموتر قرابت 5 احصنة لان المحرك يسحب هواء حار من المروحة
انت مازال فلتر الوكالة راكب << مباشرة على الكربريتر مباشرة وهو كافي ومامنة مشكلة

ولاكن الانتيك هذا ماينفع انصحك تزبط محلة وتخلية يسحب هواء بارد << اهم شي سوى من الرفرف زي الوكالة او تركب انتيك ثاني من الكربريتر وتركب نفس الفلتر الي فوق ولاكن يكون بمنطقة مايسحب هواء من الرديتر


واذا خليته على وضعه هذا ماعندك اي اشكالية باذن الله لوجود فلتر الوكالة << ولاكن انتبة لاينزل على القزوز ويميع من الحرارة

بالتوفيق يالغالي

[فتك2002]

وعليكم السلام
اخوي محيسن ولا يهنون الربع انا مؤيد لكلام او اقتراح الأخ سوبر فتك

[محيسن1]

مشكور اخوي ترانيم الوداع وحكيته انه ينزل علي القزوز لا لانه مثبت في البطاريه...
ومشكور اخوي فتك 2002
وان شاء الله بكرة اروح ادور فلتر مع اني والله ماعرف فيها اي شي بس الله يسر الامور

[سوبر VTC]

ماعرف محلات بالرياض
لكن لقيت ردود للاخوان





الفلتر الرياضي أفضل شيء هو فلتر k&n
فلتر أمريكي مجرب ومضمون عليه ضمان 1000000 ميل مايدخل غبار أو وسخ
أنا مركبه عندي في شفر تريل بليزر بسعر 330 ريال مع علبة تنظيف خاصه له
ويتم تنظيفه كل شهرين إلى 3 أشهر
لكن وقت هبوب الغبار يٌنصح بتنظيفه بمدة أقل
وتواجده في محلات التزويد
أنا أعرف بالرياض واحد إسمه 4500 بحي الربوة
لكن يٌستحسن أخذ الأنتيك وهي الماصورة الواصلة بين الفلتر واللهات
وبكذا يطلع لك فوق الألف ريال
محل 4500 في شارع ال 30 الربوه

وهو بعد مخرج 14 بإتجاه الجنوب قبل العثيم مول شارع منور 30 ما ادري وش اسمه المهم ادخل معه يجيك المحل بعد 800متر تقريباً ع اليمين تلفاه ع الزاويه

وجدت هذا النوع امس بأحدى محلات الزينه

لكن ما ادري عن جودتة وسعره 100 ريال

صورة1
http://www.mekshat.com/vb/../pix/upload02/images83/mk32037_z1.jpg

صورة2
http://www.mekshat.com/vb/../pix/upload02/images83/mk32037_z2.jpg

صورة3
http://www.mekshat.com/vb/../pix/upload02/images85/mk32037_z3.jpg


صورة4
http://www.mekshat.com/vb/../pix/upload02/images85/mk32037_z4.jpg




في عندي لك حلين واحد حل قوي واستراتيجي والثاني حل حق عرابجه لاكنه يفي بالغرض ومظمون انشاء الله


الاول : في جرابات خاصه تنباع بالمحلات تلبس الفلتر هو يكون خاص بالفلتر جراب تلبسه باوقات الغبار او اذا جا الصيف تركبه لقلة الطلعات واذا جا وقت العلوم السنعه الشتا والمطاعس والمقاومات انزل وفك الجراب <<< طبعا جراب مايبيله شي كنك تلبس بزر عمره 3 سنين طاقيه صوف حقت الشتا << مايمديكم على الوصف :D

الثاني : وهذا حق العرابجه :D

يجيبون سلمك الله شرابات الحريم
رح لاقرب محل نسائي قله ابي ذاك الشراب النسائي الي يوصل الى الفخوذ ههههههههههههه

عاد لي قالك وش تبيبه قله موب شغلك !

المهم تاخذه وتلبس الفلتر فيه بكل سهوله لانه يتمطط والزايد قصه

داري ان ذا الطريقه زاحفه وغبيه لاكن بم اننا وصلنا لشاش حق الجروح خلنا على ذي اصرف هههههههه

المصدر هنا



بخصوص فلتر الهواء الرياضي يا شباب - منتديات مكشات (http://www.mekshat.com/vb/showthread.php?p=2002197)


تجربتي الشخصيه عن الفلتر الرياضي . [الأرشيف] - منتديات مكشات (http://www.mekshat.com/vb/archive/index.php?t-155437.html)





تلبس بزر عمره 3 سنين طاقيه صوف حقت الشتا << مايمديكم على الوصف :D

الثاني : وهذا حق العرابجه :D



ههههههههههه:D:p
ياخي انت فسقان :p

[راعي الفتك 9]

لا تنسى الفلتر الرياضي يكون بدون غطاء يشرب الماء بسهوله وكذالك الأتربه
وحرارة السياره تحرقه
أرجع للكهربائي وضع البطاريه في مكان آخر

[محيسن1]

مشكور سوبر فتك علي الاهتمام
مشكور اخوي شيخ المعني
وبيض الله وجيهكم

[ابوو زيد]

ماعندك مشكله يالغالي لانه فلتر الوكاله مطبق على الكبريتر على طول شف الكبريتر العلبه السودا الي فوقه افتحها تلقى فلتر الوكاله

وهذي ماعليه خوف واذا تبي ازود ركب لك فلتر رياضي من محلات الزينه او محل 4500 بالربوه

لا تاخذ اصلي ولا شي في نوم بـ 100 او 150 ركبه وخلاص

طبعا فلتر رياضي هو اسمه سموتا

[الثويرات]

الخرطوش المفصول وظيفته هو منع دخول الماء الى القربه( الفلتر) والشباب فاهمين غلط لان الفلتر داخل القربه لان سيارك كلبيتر.
وايضًا له وظيفه هو سحب الهواء الخارجي ابرد من الي داخل الكبوت .

فاذا انت مانت طاب في شعبان ماعليك ان شاء الله.
ــــــــــــــــــــــــــــــــ
واذا انت تبي تحل المشكله

وفيه حل هو انك تجيب توصيله ثانيه وتوصه الى الرفرف وتمشي الامور زي الحلاوه.

وفيه حل ثاني هو انك تجيب خرطوش ومعه الي تركب برفرف وهو حق باترول ديزل ( بلد) تلقاه بالتشاليح وراح تركب البطاريه معك 100%

[~EmPeRor~]

هلا بيك يالغالي

ارسلتلي على الخاص ولاكن لاسف انت مقفل الرسايل عندك فقلت انزل الرد في احدى مواضيعك



السلام عليكم ورحمه الله وبركاته
اخوي بغيت اسئلك عن الراس اللي شاريه من الوكاله كم شاريته
وبيض الله وجهك:D :D


وعليكم السلام ورحمه الله وبركاتة

يالغالي انا شارية قبل سنة ونصف ب 2800 ريال بمعرفة لي هناك كان سعره هذاك الوقت ب 3100 والان لاسف ارتفع ووصل الى 4300 ريال :eek:

ولاكن من ناحيت الراس الباترول مستحيل تلقى تجاري او ياباني مافية الا اصلي وكالة فقط بكل مكااااان عكس الامريكي

بالتوفيق

[~EmPeRor~]

محيسني
يالغالي

اذا بتركب لتر فك حق الوكالة لانك بتكتم الموتر بفلترين

[محيسن1]

طيب اخوي ترانيم الوادع سمعت من كثير من الناس بأن الفلتر يضر المكينه اذا انك مركب هدرز هل صحيح والا سوالف ناس؟؟؟؟؟
مع اني مركب هدرز ....

[سوبر VTC]

[quote=الثويرات;3005832]الخرطوش المفصول وظيفته هو منع دخول الماء الى القربه( الفلتر) والشباب فاهمين غلط لان الفلتر داخل القربه لان سيارك كلبيتر.



اي و الله ياراعي الشماسيه (الطرقه+الجال:rolleyes:)

ماجبنا خبر فلتر الكلبليتر :no: ناسينه :D

الفلتر فوق الكلبليتر

[؟؟؟ياعيني؟؟؟]

السلام عليكم
يوم من الايام بلقاك تطير بس ناقصك جنحان ههههههههههه


لا اله الا الله