سؤال غريب و مهم عن تركيب تانكي الماء ؟ ؟ ؟ !!!

[الرسيفر]

مرحبا الحبايب أنا بسال سؤال غريب وبعضكم يبي يشرهة لكن تحملونا

اليوم رحت بركب تانكي الماء للجيب وقال العامل بعد ما أخذ المقاسات بفك اصبع البطارية عشان ألحم التانكي بالسيارة
بصراحة بما إن الموتر جديد دخلن الماء قلت ما له داعي فك البطارية لحمه تحت بعيد عن السيارة بعدين اربطه بالمسامير تعرف حريص على الموتر اللي وسوس بي فيه واحد بجنبي قال انتبه يلحمون التانكي وهو بالسيارة يعدم عليك كهرب السيارة:no2:
. بصراحة بلشت:confused: جا راعي الورشة وقال مادام فكينا اصبع البطارية ما عندك مشكلة أنا احترت هذا يقول احذر وانتبه وهذا يقول عادي
قلت تدرون بلاش اليوم نكمل بكرا بعد ما استفسر من الشباب :type:

وبعد هالسالفة الماسخة وش نرسي عليه ؟ نبي العلم من اللي عنده علم

[vx.95]

هلا بخوي ...راعي الورشه صادق مافيه مشكله ..أنا مركب تانكي مويه بالموتر وفكلي أصبع البطارية
أما خويك هذا ماعليش ماعنده سالفه ..أبد توكل على الله وركبه

[عاشق وادي الدواسر]

8 8 8


ما ازيد على كلام اخوي حرف واحد



تقبل مروري وبالتوفيق والله يعطيك من خيره ويكفيك شره يارب

[الثويرات]

اذا كان التانكي مسدوح ورى مايبي لحام ولا خرابيط حط له بليته من مسمار المرتبه الايمن الى مسمار المرتبه الايسر تضغط عليه وخلاص يضبط مايتحرك لو تطيح من السماء .
وذا كان واقف عليه بالحبل وشداد معه.

كل الطريقتين مجربهن ولا عندك احلى منهن وريح راسك منا لحام وخرابيط

[shaheenshah]

اذا كانت اصابع البطارية مشبوكه نعم فيه مشكلة ويمكن تشب السيارة الله لا يقدر
لان السالب وصل على جسم السيارة كلها

اما اذا فكيت الاصابع ما عندك مشكلة

[الربع الغالي]

أخوي اشترى التانكي المسدوح داخل السيارة ارتفاع 15سم وخذ مقاس الطول والعرض ألي أنت تبي بدون تربيط ولا شي وانصحك بالستيل 2ملم ضد الصدى .
ومن ناحية التحميل الخادمة والأطفال والأغراض البر كلها عليه والحمدلله ولا يضره
من ناحيتي داخل السيارة أفضل من خارج السيارة وكل واحد وله مشورته
وإن شاء الله أني أفدتك

[مركزالعبد]

السلام عليكم

يا أخوان المشكلة تأتي في فهم دورة الكهرباء .
اذا كان الكهرب Ac فالتيار يكون متردد بين السالب والموجب هذا هو الخطير لايحوشك ينفضك نفض
واذا كان Dc+ فالتيار يكون لواير اللحام موجب وللقراوند سالب وهذا النوع امن نسبيا ويصير ثلث الحرارة على عود اللحام وثلثين على الجسم المراد تلحيمه
واذا كان Dc- فهو عكس اللي فوق وهو امن نسبيا وهنا يصير ثلثين الحرارة على عود اللحام وثلث على الجسم المراد تلحيمه

الكهرب في اللحام يدور بين السالب والموجب ((بين عوداللحام وبين الجسم المراد تلحيمه))
يعني لو تحط يدك وهو قاعد يلحم مايشفطك ابد

بالعربي خله يلحم ولو السيارة مشبوكة بطاريتها
والله الساتر.

لكن انتبه لايكون في تهريب بنزين او يكون فيه هوز حق بنزين قريب من الحرارة

[راعي جيوب]

رأيي مع الأخوان فك الأصباع وما عليك إن شاء الله

[راعي الفتك 9]

الحين دايم نلحم صدامات السيارة تلحيم كهرب بدون مانفك الأصبع ولا يضر السياره

[سوبر VTC]

الواحد يشري السلامه بيده و ببلاش

فطبيعي يفك الاصابع

من خاف سلم

[Avalanche]

اذا فكيت الاصابع ما عندك مشكلة .....

[التميمي 20]

هلا بخوي ...راعي الورشه صادق مافيه مشكله ..أنا مركب تانكي مويه بالموتر وفكلي أصبع البطارية
أما خويك هذا ماعليش ماعنده سالفه ..أبد توكل على الله وركبه

كلام سليم ....

انا ركبت 4 مرات في اربع سيارات وهذا من باب الاحتياط فقط والحذر زين ومافيها شيئ ...

توكل على الله وركبه ...

[بواسامه]

السلام عليكم

يا أخوان المشكلة تأتي في فهم دورة الكهرباء .
اذا كان الكهرب Ac فالتيار يكون متردد بين السالب والموجب هذا هو الخطير لايحوشك ينفضك نفض
واذا كان Dc+ فالتيار يكون لواير اللحام موجب وللقراوند سالب وهذا النوع امن نسبيا ويصير ثلث الحرارة على عود اللحام وثلثين على الجسم المراد تلحيمه
واذا كان Dc- فهو عكس اللي فوق وهو امن نسبيا وهنا يصير ثلثين الحرارة على عود اللحام وثلث على الجسم المراد تلحيمه

الكهرب في اللحام يدور بين السالب والموجب ((بين عوداللحام وبين الجسم المراد تلحيمه))
يعني لو تحط يدك وهو قاعد يلحم مايشفطك ابد

بالعربي خله يلحم ولو السيارة مشبوكة بطاريتها
والله الساتر.

لكن انتبه لايكون في تهريب بنزين او يكون فيه هوز حق بنزين قريب من الحرارة



يعجبني اللي فاهم ويتكلم من بخص:good:
الصحيح انه مايضره ابدا
وسبق ركبت ولحمته بنفسي
ولكن من باب الاحتياط لا غير
تسلملي يامركز العبد

[الرسيفر]

شاكر ومقدر يا الحبايب على التفاعل والردود اللي تجي من ناس فاهمه

بصراحة يعجبني بهالمنتدى التعاون بين الأعضاء والمشورة

الحاصل : اليوم إن شاء الله بروح ألحمه والله يستر

[WAW]

يعني لو فكيت اصبع البطارية وخلصت شغلك وش بيضرك ؟؟

متاخر يوم من شان تقول افك اصبع البطارية او ماافكها ؟

وفي النهاية اسلوب الربط والصواميل والبراغي افضل من التلحيم


تحياتي

[بواسامه]

يعني لو فكيت اصبع البطارية وخلصت شغلك وش بيضرك ؟؟

متاخر يوم من شان تقول افك اصبع البطارية او ماافكها ؟

وفي النهاية اسلوب الربط والصواميل والبراغي افضل من التلحيم


تحياتي

مايلام اخونا:D
الحلال عديل الروح
وصدقت الربط والفك خير من التلحيم
يظبط بكانات تلحم بالتانكي مباشرة
ومن ثما تشد بالمرابط او بالشاص بالبراغي

[ابوسعودد]

الله يكتب لك اللي فيه الخير ... وفك اصبع البطاريه احتياط ولا يوجد كلافه في فكه .