سلطان العضيدان
30/04/2002, 04:50 PM
يقولك (ياطويل العمر) ان هذي جارية متزوجة وترعى غنم عند سيدها والسيد هذا كثيرا الاسفار مشغول في تجارته (الله يسلمك)
وعند هالرجال زوجة معروفة بالجمال (قل امين لعلك تاخذ ازين منها) وكانت الجارية تحمل ابنها الرضيع وتسرح بالغنم من الصباح (ياطويل العمر) الى المسيان ومرة من المرات انشقت قربة الماء اواللبن (والله الحظ الاقشر) التي تشيلها الجارية وخافت على الرضيع وخافت بعد على نفسها من الهلاك والعطش .....(ايه هذا الورطة).
ورجعت عاد الجارية الى البيت وقت الضحى ولى سيدها ماهو موجود مالقت الا زوجة السيد ولى والله زوجة السيد معها واحد غريب وعلى فراشا واحد .
اخذت الجارية الماء وهجت(ياطويل العمر)اييييييييييه اثر الزوجة عرفت ان امرها خلاص انفضح (وشلون عرفت شافت الجارية وهي تنحاش)ومن وقتها قررت الزوجة التخلص من الجارية باي شكل من الاشكال...فكرت الزوجة...وفكرت...وفكرت ولقت مالهاالا ان الزوج يبيعها.
ورجع الزوج طلبت منه زوجته ان يبيع الجارية ولى الزوج يغلي زوجته مررررررة قال الزوج: ابشري غالي والطلب رخيص من بكرة راح الزوج مصطحب معه الجارية الى المدينة علشان يبيعها مع بقاء ابنها مع جارية اخرى لتعتنيبه والله يوم اقبل الصبح وهم في المدينة ومضى هاك اليوم وامرح الرجال والجارية هاك الليلة (الله يسلمك) ولى عاقبهم على ديارهم خيال وبروق وسحاب .
(يالله انك تسوقه لديارنا)يوم جاءالصيح قامت الجارية من النوم وجهزت الفطور في الصباح لسيدها (فطورهم خبز على النار) واثر الرجال منسدح على فراشه مانام بس الجارية تحسبه نايم ولى هو يقظان .
اييييييه الجارية تحسبه نايم عاد بدات تتغنى بهالقصيدة اللي وش زينها يوم تقول:
كريم يابرق عقبنا على اهلنا=جعله على دار العزيز يلوح
لاعود الله نكسي من رعيتي=يوم اني أبغى لي غدا صبوح
لو ان مي ودعتني سدها=ماو والله للسر الخفي نبوح
لكن مي عذبتني بفعلها=وحطت بكبدي ساطيات جورح
مايستوي طفلين طفل على امه=وطفل يعاجي مابقى له جروح
ولا يستوي غرسين غرس مهمل=وغرس على عد رشاه يموح
ولايستوي رجلين رجل على الشقا=ورجل على جال الفراش سدوح
وبعد ماانتهت من القصيدة قفز الرجال وسالها عن الخبر ولى مالها الا ان تعلمه فعلمته الحقيقة وقالت اذا منت مصدق راقب الامر
بنفسك وتشوف الحقيقة ايييييييييه رجع الرجال مع دربه الاول يبي يشوف الكلام اللي قالته الجارية صحيح ولى لا؟
يوم وصل بيته ولى هاك الرجال اللي في فراشه وذبحه (ياطويل العمر)وتخلص منه وشال الجثة مع متاع زوجته الى اهلها لتكون شاهدا على مافعلت .
ارجو ان القصة أعجبتكم....وسلامتكم
وعند هالرجال زوجة معروفة بالجمال (قل امين لعلك تاخذ ازين منها) وكانت الجارية تحمل ابنها الرضيع وتسرح بالغنم من الصباح (ياطويل العمر) الى المسيان ومرة من المرات انشقت قربة الماء اواللبن (والله الحظ الاقشر) التي تشيلها الجارية وخافت على الرضيع وخافت بعد على نفسها من الهلاك والعطش .....(ايه هذا الورطة).
ورجعت عاد الجارية الى البيت وقت الضحى ولى سيدها ماهو موجود مالقت الا زوجة السيد ولى والله زوجة السيد معها واحد غريب وعلى فراشا واحد .
اخذت الجارية الماء وهجت(ياطويل العمر)اييييييييييه اثر الزوجة عرفت ان امرها خلاص انفضح (وشلون عرفت شافت الجارية وهي تنحاش)ومن وقتها قررت الزوجة التخلص من الجارية باي شكل من الاشكال...فكرت الزوجة...وفكرت...وفكرت ولقت مالهاالا ان الزوج يبيعها.
ورجع الزوج طلبت منه زوجته ان يبيع الجارية ولى الزوج يغلي زوجته مررررررة قال الزوج: ابشري غالي والطلب رخيص من بكرة راح الزوج مصطحب معه الجارية الى المدينة علشان يبيعها مع بقاء ابنها مع جارية اخرى لتعتنيبه والله يوم اقبل الصبح وهم في المدينة ومضى هاك اليوم وامرح الرجال والجارية هاك الليلة (الله يسلمك) ولى عاقبهم على ديارهم خيال وبروق وسحاب .
(يالله انك تسوقه لديارنا)يوم جاءالصيح قامت الجارية من النوم وجهزت الفطور في الصباح لسيدها (فطورهم خبز على النار) واثر الرجال منسدح على فراشه مانام بس الجارية تحسبه نايم ولى هو يقظان .
اييييييه الجارية تحسبه نايم عاد بدات تتغنى بهالقصيدة اللي وش زينها يوم تقول:
كريم يابرق عقبنا على اهلنا=جعله على دار العزيز يلوح
لاعود الله نكسي من رعيتي=يوم اني أبغى لي غدا صبوح
لو ان مي ودعتني سدها=ماو والله للسر الخفي نبوح
لكن مي عذبتني بفعلها=وحطت بكبدي ساطيات جورح
مايستوي طفلين طفل على امه=وطفل يعاجي مابقى له جروح
ولا يستوي غرسين غرس مهمل=وغرس على عد رشاه يموح
ولايستوي رجلين رجل على الشقا=ورجل على جال الفراش سدوح
وبعد ماانتهت من القصيدة قفز الرجال وسالها عن الخبر ولى مالها الا ان تعلمه فعلمته الحقيقة وقالت اذا منت مصدق راقب الامر
بنفسك وتشوف الحقيقة ايييييييييه رجع الرجال مع دربه الاول يبي يشوف الكلام اللي قالته الجارية صحيح ولى لا؟
يوم وصل بيته ولى هاك الرجال اللي في فراشه وذبحه (ياطويل العمر)وتخلص منه وشال الجثة مع متاع زوجته الى اهلها لتكون شاهدا على مافعلت .
ارجو ان القصة أعجبتكم....وسلامتكم