شروكي أمريكي 2001 كم يسوى ؟

[رحلة النسيان]

السلام عليكم ورحمة الله وبركاته

والشهر مبارك على الجميع

وجعلنا من صوامه وقوامه

يا إخوان معروض علي شروكي بالمواصفات التالية

1- موديل 2001

2- أمريكي ( مستخدم في السعودية تقريبا 4 سنوات )

3- ماشي 115 ألف ميل

4- لونه فضي

5- على كلام راعية يقول البدي نظيف كذلك المحركات

6- فيه مثبت سرعة ( الظاهر انه فل كامل )

7- قير اوتوماتيك

8- حسب كلام الرجال انه ما يستخدمه إلا نادرا وقت البر فقط 0


كم يسوى يا إخوان الله يجزاكم خير ؟

[GMC 78]

نصيحه مجرب

ابتعد عنه ويرزقك الله

وشكراً

[aaloveaa]

من ال22 الف وفيها وعلى حسب نظافته وانصحك تفحصه لاتتهاون بالفحص ابدا

والبنسبة للأخ
gmc 78 ترى الشروكي توافيق وحظوظ وشكلك طحت لك في شروكي مكروف لين قال بس وعشان كذا مبهذلك وكرهت شي اسمه شروكي

[راعي المجهم]

أخوي السائل

العام الماضي ولد عمي شاري 2001 نفس المواصفات الي أنت لقيتها بالضبط بــ 20 ألف ريال

وممشاه 80 ألف ميل الموتر وردة بمعنى الكلمة وفحصناه وطلع كل شئ 100 %

بس بعد 6 أشهر من الأستخدام والمكيف والحر في الرياض طلعت فضايحة حرارة مشاكل دبل عمود الدبل يرج

يطفي من حاله ويقطع في البران الكهرب تستهبل حساسات القير كل يوم منحرقه

فعلاً الأنسان الفاضي يشتري جيب شيروكي والله مايحك راسه من المشاوير للصناعية

[رحلة النسيان]

جزاكم الله خيرا

[GMC 78]

من ال22 الف وفيها وعلى حسب نظافته وانصحك تفحصه لاتتهاون بالفحص ابدا

والبنسبة للأخ
gmc 78 ترى الشروكي توافيق وحظوظ وشكلك طحت لك في شروكي مكروف لين قال بس وعشان كذا مبهذلك وكرهت شي اسمه شروكي


اخوي aaloveaa

لا والله الا ما خذه نظيف ورده بمعنى الكلمه

لكن العله عله مره حراره ومره اذا نزلت فيه رمل واحتر شوي

ما يشتغل ومره ربلات الدبل تتقطع ولا تقدر تعشق

اجل حساس الزيت بــ 200 ؟؟؟

الحمد لله الي خارجني منه

GMC 78

[راعي المجهم]

العام كنت أدور زيه ولقيتها مابين 17 ألف إلى 20 ألف ريال للنظيييييييييييييف مرة

لقيت 2001 أبيض فل كامل تماتيك ماشي 80 ألف ميل في جدة

على الشرط بودي ومحركات بطاقة جمركية في معرض العواجي بــ 22 ألف ريال

والصامل والي دراهمه والمة راح ياخذه بــ 20 ألف

[ahmad995]

من ال 20 ونازل

[راعي المجهم]

تبي نصيحتي دور غير هالسيارة أنا كنت زيك أبيه

بس يوم شفت فضايحه مع ولد عمي صرفت نظر عنه

وأخذت ربع تويوتا 89 بــ 15 ألف ريال وردة أطلق من الجيوب كلها

[ابراهيم الريس]

السلام عليكم أخواني الكشاتة
أنا راعي تايوتا ولا استخدم سوى تايوتا وقبل 8 أشهر اشتريت جيب شروكي 2001 نظيف وكنت متخوف منة وسبب شرائي له أقيام التايوتا الخيالية وعز الله انه موتر طيب ولا عطال ولا حرارة ولله الحمد أذا هونظيف توكل على الله والقيمة تراهن غليانات الحين والله يوفقك

[باثفندر]

توكل على الله بس شيك الحرارة زين وتأكد ولاتعتمد على الفحص إدعس على الموتر وهو على الفاضي والمكيف شغال وعطه ربع ساعة إذا الحرارة مظبوطة والصوف مافيها تهريب توكل على الله .