افزعو على سالفة السياره والسمكره!!!!

[شغوف]

السالفه ومافيها
نزلت بفورد سعودية للمعارض وادور بالحراج على ان السياره بدون سمكره وهي كذلك والله العالم..
المهم جاني الزبون الصامل ورحنا نفحص عند البريدي نفحص بويه فقال السياره مرشوشه كامل حتى التنده ..الحقيقه اني شاك بسالفة مركز البريدي .

فمن ألقى يفيدني هل السياره مرشوشه والا لا .!!!

[بن داود]

مساك الله بالخير

الحين انت منت متاكد من السياره انها مرشوشه

مركز البريدي من احسن مراكز الفحص بشهاده الجميع

اذا كان الموتر مطلع على يدك وكاله وانت تدري ان مافيه سمكره ولا صبغ ذاك الوقت شكك فيهم

ومبروووووووووووووووووووك عليك الشهر

دمت بخير

وكل عام وانت طيب

[نشمي الحوطة]

أذكر واحد قال لنا سالفة ..

فيه واحد راح شرى جمس جديييد وكالة
وطلعه من الوكالة ومن بكره علطول على المعارض
المهم ويجتمعون عليه الشريطية
اللي يطقطق واللي يفتح الكبوت واللي واللي .. المهم جاه شايب قال له موترك قالب !

وقعد يحلف ايمان مغلظة خوينا انه امس مطلعه من الوكالة ولا احد صدقه ..

وقعد يتحسب على هالشايب اللي خرب سوقه ..

المهم هو شك بالموضوع .. وراح للوكالة وقال لهم موتري قالب وانتم كذابين وووو ..

وقعد هو واياهم لين قالو له انه خلال تنزيله بالميناء طاح على التندة وسمكروه وباعوه لك ..*

ممكن اذا كنت ظامن موترك تصير نفس سالفة خوينا ..

والله ييسر لنا ولك ..

والشهر عليكم مبارك


* القصة على ذمة الراوي اللي ممكن يكون واحد من الاعضاء

[الوسيطاء]

اخوي فيه رشه اسمها لكر طبعاً تسوي لمعه وبعض الورش واكثرها ترشها للضمان

ومع جهازهم فحص البويه تبين انها بويه وهي شفاف ولاكن رح لسمكري وقله شل اللكر وريح بالك

[شغوف]

هل أستطيع إزالة اللكر.
وأظن ان السياره فيها لكر على ماقلت
أفيدونا تكفون السياره ودي أبيعه بس اني متعلق بهالسالفه

[شغوف]

up

----------