المساعد الشخصي الرقمي

مشاهدة النسخة كاملة : طلب استشارة أفضل ورشة للباثفندر بالقصيم


الرتيمة
22/08/2009, 02:06 AM
تكفون أبغى أفحص باثفندر 2003 عند مكانيكي أو أفحصه كمبيوتر أيهم أحسن لأني يمكن أشريه و أيهم أفضل الكمبيوتر أو فحص المكانيكي ؟؟
و أين الورشة الممتازة أو الكمبيوتر الممتاز ببريدة

مشكورين وتحملونا على كثر الاستشارات
هولوكس2005
22/08/2009, 04:28 AM
السلام عليكم ورحمة الله وبركاته

مبروك عليك الشهر

ماتنلام تبي تدفع دراهم اسأل وأستشر ولا تشري إلى وانت راضي

على العموم فيه ورش فحص عند المعراض يفحصون لك الموتر

وكانك مشكك رح لم ورش سعويين خبره مثل الهبيش والخضير والصمعاني يخدمونك ويفحصونه من ناحية خربات كثير ماتجيهم

وفيه أشياء انت تفحصهن

1/ كسر بالزفلت بالدبل الثقيل يعني من اقصى اليمين إلى اقصى اليسار لا سمعت طقطقه معناه فيه خلل
2/ ادعس البانزين والفرامل سواء كانه تماتيك كان سمعت طقطقه معناه فيه خلل
3/ دورلك ارض هيار وحط الموثر بالثقيل وبالثاني وادعس بسرعه كان سمعة طقطقه فيه خلل
هذا الي عندي ولأخوان يفدونك
سوبر VTC
22/08/2009, 05:32 AM
عندك ابو خالد الخضير :good:و الكهربائي العثيم ابو ابراهيم
الرتيمة
22/08/2009, 04:36 PM
مشكور اخوي هولوكس2005 على مرورك وملاحظاتك ما قصرت
ومشكور اخوي سوبر على هذي الورش لكن اللي يبي يفحص كمبيوتر وين أحسن محل
الرتيمة
22/08/2009, 04:39 PM
اخوي هولوكس2005 وين مكان أصحاب الورش اللي ذكرتهن (الهبيش و الخضير والصمعاني) بودي تحدد مكان الورش لو تكرمت مع الشكر الجزيل
سوبر VTC
23/08/2009, 02:47 AM
ورش الكهرب لاتعدا الكهربائي العثيم بصناعيه الرواف

يجي بعده يوسف السلمي على نفس طريق خضيرا

متخصص بتوضيب الباث و خبره

و قبله به ورشة الشيبان يفحص كمبيوتر

نصيحه لاتعدا العثيم

و الخضير ابو خالد رجال نصوح و ثقه

و هم يدلونك على ورش طيبه :good:

موفق
سوبر VTC
23/08/2009, 02:50 AM
اخوي هولوكس2005 وين مكان أصحاب الورش اللي ذكرتهن (الهبيش و الخضير والصمعاني) بودي تحدد مكان الورش لو تكرمت مع الشكر الجزيل



عن اذنك راعي الهلي :D:p:D

الهبيش ورشته بجنب ورشة ابو خالد الخضير بطريق خضيرا

و بعدهم الشيبان و السلمي على نفس الخط

الصمعاني بالتشاليح لكن قبل التشاليح تقريبا بنص كيلو

مع الخط اللي يدخل يمين خط اهل السكراب وجهك جنوب
هولوكس2005
23/08/2009, 05:32 AM
عن اذنك راعي الهلي :D:p:D


الهبيش ورشته بجنب ورشة ابو خالد الخضير بطريق خضيرا


و بعدهم الشيبان و السلمي على نفس الخط


الصمعاني بالتشاليح لكن قبل التشاليح تقريبا بنص كيلو


مع الخط اللي يدخل يمين خط اهل السكراب وجهك جنوب




يا حبك للقافه يارعي السوبر ايه راعي باترول أصابعك تحكك ارفق تمسحت الكتابه الي على الكيبورد :D:D لا والله إلى الله يجزاك خير قرم والله بس على العموم فيه كهربائيين على مستوى غير العثيم معنه آخر مره مريته على ايام الهلي والحين معي فتك بس فيه السوري الي بالتجاري وبه مظفر وغير الي اذكر محله وكل واحد ابدع بشغله
الرتيمة
26/08/2009, 03:06 AM
مشكورين على المشاركة وما قصرتو سوبر و هولوكس2005 الله يعطيكم ألف عافية