اليــــــــايـــــــــــــات

[أبو_خالد]

السلام عليكم ..


متى أعرف أن اليايات بحاجة للاستبدال ..؟

بمعنى ..

أنه متى أغير اليايات ..؟



وسلامتكم ..

[محمد العوني]

يكون عطل المساعدات واضح ان المطب يتكرر

يعني السياره تهز بعد المطب ..

او يكون يطلع زيت من المساعد..

اليايات تكون السياره نازله لأن الياي الجديد يرفعها ..

هذا الي اعرفه

بالتوفيق

[هويدي]

وعليكم السلام

زي ما تفضل اخونا محمد اذا كان الموتر نازل بشكل ملحوظ او انضغط جزء من حلقات الياي وتصير تصفق ببعضها بالمطب

[الاجودي606]

يا اخوي على حسب ما اعرف انها تسمع صوت طقه بعد مطب على حسب علمي ويفودونك اهل الخبره

[التميمي 20]

أعتقد من خبرتي المتواضعة ان المطب اذا ارتد (صار له هزات متتابعة) أو اذا حملت صار يضرب بقوة وتحس ان البدي يلمس الشاص معناتو منتهي !!!

وهذه تبين في السيارات اللي تحمل كثير....


تحياتي وشهر مبارك ...

[الاجودي606]

وانا مع اخوي التميمي 20

[my own]

الياي يبان مع وقفة السيارة او التحميل السيارة تطيح ,,
المساعد مع المطب ولا اذا هزيت السيارة السيارة تناقز ,,

[سليمان 10]

اذا لان الياي واصبحت السياره نازله من الخلف خاصه يكون الحمل على المساعد ومن ثم يظهر الصوت ويتعطل المساعد ويشغلك بالتغيير المستمر 0واسأل مجرب اللاند كروزر لازم يركب له يايات استراليه امامي وخلفي حتى يخف المطب وتتحكم بالسياره وتتمتع بالقياده وهذه وجهة نظري فقط 0واذكر انني شريت سياره وعند الذهاب الى المعرض مريت على الرمايه واخذت ياي خلفي لاني تعودت على ان تكون سيارتي مليانه متماسكه 000

[أبو_خالد]

الله يجزاكم خير جميعا ..

والله الموتر وقفته ممتازة ماغير المطب تحس إنه يهجد جميع مع العلم إن المساعدات مركبهن من الوكالة
والجلد والربلات كلش تمام ماغير اليايات مشتك بأمرهن وفعلا فيه صوت إذا ارتفع الموتر ثم نزل مثل المطب الاصطناعي ..!


أشكركم جميعا عضوا عضوا