استفسار عن مشكله من راعيات البثفاندر و السيارات الأخرى

[no fear 78]

عندي باث موديل 2003م جيت اشغله ما يشتغل بس تسمع صوت تك تك او بعد المحاوله ال4 او ال5 يشتغل ما في شي

للعلم مو مشكله من البطاريه البطارية جديده

افيدوني يا النشامه :confused: :confused:

[هاوي نفود]

حياك الله أخوي

إن كان قصدك إنه عند بداية التشغيل تحس كأن البطارية ضعيفة يعني السلف ما يقوى يدور المكينة

فإن كان هالكلام بعد توقف مدة طويلة ( يعني مثلاً تشغله بالصباح )

فإحتمال يكون بسبب الجلد النحاسية الموجودة بالسلف

تكون متآكله شوي فتثقل على السلف في التشغيل إلى أن تسخن شوي وتمشي مضبوط

هذا توقعي والله أعلم

[shaheenshah]

من كلامك الله العالم ان دقمة السلف عندك فيها مشكلة

[سوبر VTC]

هلا اخوي
احتمال ان الدقمه تبي اصلاح نحاسات مخلصه و يغيرن
مثل فحمه دينمو الكهرب

للفائده
اخبر جيب جيكسار راعيه يدق سلف و يطلع صوت تك للسلف
فصارت المشكله من اصبع البطاريه الكهرب

اذا كان نور الطبلون مثلا ضعيف
تاكد من الاصابع

موفق

[البرحه]

تصير دايم في الجموس

دقمة السلف .. وترى تطول ع هالحاله يعني تجلس احيانا شهور ما تنش مره

[بن محفوظ]

على وصفك ... الظاهر انها الدقمة .... شيك عليها يمكن الكهرب الي يوصل ضعيف ... اوفيها خراب

[سليمان1400]

تأكد من اصباع البطاريه اذا صار مرتخي يسوي نفس الحركه