لا يفوت اي واحد هل الكلام الي يبي يحافظ على موترة

[الاجودي0]

السلام عليكم ورحمة الله وبركاتة

حذرت الهيئة العربية السعودية ومسؤولو شركات زيوت كبرى ومهندسون مختصون في شؤون ميكانيكا السيارات من الانجراف الخاطئ للكثير من سائقي المركبات وراء المعلومات المغلوطة التي تروج لها الشركات المنتجة لزيوت السيارات بضرورة سرعة تغيير زيت محركات سياراتهم بعد انقضاء مدة تتراوح في الغالب بين 2000إلى 3000كلم، منوهين إلى أن حرارة مناخ المملكة وتغير لون الزيت إلى اللون الداكن ليس له علاقة البتةبالمسافة التي تقطعها المركبة والتي يستوجب خلالها تغيير زيت محركها.

فيما أكدوا بالأدلة القاطعة والتي يجهلها الكثير من قائدي المركبات بأن المركبات على اختلاف أنواعها يمكنها قطع مسافة تتجاوز الخمسة عشر ألف كلم دون حدوث أي أضرار يذكر.
ويدعم صحة هذه الوقائع انتشار مصانع عدة لاستخدام واستغلال الزيوت الرجيعة والتي يعتبرها المستهلك تالفة وهو ما يؤكد نظرية صلاحيتها للعمل، يدعم صحتها حدوث نقلة كبيرة عبر منافسة شديدة لمصانع عدة في شراء هذه الزيوت لتصفيتها وإعادة تعبئتها، حيث شهدت الأعوام القليلة الماضية افتتاح أكثر من ست مصانع لمعالجة هذه الزيوت، فيما اشتدت حدة المنافسة بين هذه المصانع للتعاقد مع مراكز التشحيم العاملة لشراء هذه الزيوت (الرجيعة) من محركات السيارات، حتى قفزت بسعر الطن منها ليبلغ سعره 120ريالاً للطن.
ويدعم صحة هذه البيانات الواقع العلمي والميكانيكي لتصنيع الأجزاء الداخلية للسيارات بشهادة صانعيها، والموثقة بالأدلة الإرشادية أو الكتيبات الموجودة داخل السيارات - الجديدة منها - الذي يؤكد أنه بالإمكان استعمال هذه الزيوت لمدة تتعدى ال 15000كلم، فيما يلتزم بتوزيع ونشر ما يعارض هذه المعلومات وبإيعاز من الشركات المنتجة لهذه الزيوت العديد من مراكز خدمة السيارات عبر العاملين فيها والذين يؤكدون ضرورة عدم تجاوز هذه المدد المذكورة، وهو ما يدل كذلك على ضعف مصادر وآليات وصول المعلومة الصحيحة لمالكي السيارات، وهي ما يجتهد في تدليسها وترويجها كل من له علاقة بتجارة زيوت السيارات .....................منقول للفائدة






ياجماعة الخير واحد من ربعي معة حوض(شاص) ولا يغير الزيت الا كل 10000كيلو واكثر وما شاء الله الى هالحين ماشي زي اللوز ومديل الحوض2003ولا يخلى مكان بالبر وغيرة الا يروح لة اليمن وصلالة وغيرة بس بشرط لاينقص الزيت يعني كل 3000 تشيك نقص ولا لا اذا نقص زود وتوكل على الله
والله البناشر يلعبون علينا وحنا مع الخيل ياشقرا

شي ثاني++انا رحت قبل شهر اشيك على موتر البيت جمس عشان اهلي بيسافرون للجنوب بالصيف المهم رحت لواحد مكانيكي معاملة الوالد متخصص بالامريكي لة اربعين سنة بالسعودية
قلتلة شيك على السيارة شيك قل توكل على الله كل شي تمام قلت طيب الزيت وش رايك قال كم ماشي قلت 6000 قال ان كانك تبي تسافر بعيد غيرة وان كانك منتب مسافر بس بالديرة لا تغيرة الا كل 10000كيلو قلت ليش قال تغير الزيت كل 5000 كيلو هو الي يسبب بنقص زيت المكينة على المدى البعيد ويضر السيارة قلت طيب عندنا حرارة قوية بالسعودية قال هم ليش اخترعوا الاديتر ابصراحة اقتنعت

شي ثالث++فية بالجمس خاصة المديلات الجديدة2004وفوق شاشة بيانات بالطبلون تبين كل شي من ضمن الاشياء (صلاحية الزيت)اذا مشيت على الموتر 5000كيلو وضغطت على ايقونة صلاحية الزيت يقولك صلاحية الزيت 50%يعني الزيت يمشك 10000كيلو تاكيدا على كلام المهندس وقس ذلك على بقية السيارات

رابع شي++واحد من الزملاء معة كرسيدا قراندي شارية قبل 10 سنوات ولا زالت معة قلت له متى تغير الزيت قال اذا طلع بالمكينة صوت عرفت ان المكينة مابة زيت ولا قطرة اوقف عند البنشري واعبي الزيت واتوكل على الله وهذي طريقتي قلت كم يعني قال 15000 الى 18000الف يقول مرة قلت للبنشري فية ضرر على السيارة كذا قال البشري اول مرة يصير لك كذا قال خوينا يبي يختبرة قال اية اول مرة قال البنشري انتبة تتكر اذا تكررت مرة ثانية الموتر يخبط والى يومك الرجال على الموال هذا(لكن انا اخالفة الراى بالهنقطة لا افراط ولا تفريط) يعني كل 10000مقبولة جدا وانتم لازم تشيلون من روسكم قولة كل 5000لازم تغير الزيت هذة المقولة اخترعها اصحاب المشاحم عشان يمشون شغلهم

والشواهد في ذلك كثير جدا لكن مانحب نطول عليكم

ملاحظة الي يبي ينقل الموضوع الله يحللة ويبحة بس بشرط يذكر انة منقول من موقع مكشات

والسلام عليكم ورحمة الله وبركاتة واسف على الاطالة

[نسناس الهبوب]

جزاك الله خير والله موضوع حلو تصدق اني اتنافض اذا مشيت اكثر من 5000 على موتري بس اقول متى بيخبط
لاوزود على ذلك جابوا زيت يمشيك 15000 وعلبته ب 35 ريال تقريبا اذاماني غلطان

[فارس العمور]

كلام سليم 100%

صدقون واحد من ربعي الخاااااصين معه ددسن 99 ويقول ما اغير زيتها الا في السنه مرررره !!!

بس يشيك مانقص خلاص

المهم تعاندنا وجلس يحلف ويأكد كلامه بشهاده اخوانه !!

والله يا شباب انا موقف على الددسن ومجربها معي فترررره ماتنقص ولا نقطه !!! هذا شي شفته بعيني وبعد مايخلي بها محل سفريات

[جزاء الشمري]

مع جمس ماغير زيته ألا على 3000كلم

[الاجودي0]

لا زال هناك تاكيدات تاتي من كل حدب وصوب

[الاجودي0]

رفع للفائدة

[ابومعتز99]

و الله ماندري
اهم شي ان الزيت ماينقص و لابد من التغيير اذا فقدت لزوجته و ليس اذا تحول لونه لاسود

[سوبر152]

إلى 15000 الباترول

[عابر سبيل933]

الجديد ودك على 5000الى6000ماودك تنزل اللزوجه عن 40%للحفاظ على موترك

[في اكس ار]

وازيدكم من الشعر بيت في امريكا ما يعرفون شي اسمه تغيير زيت الا في السنه حسنه
بس كل ما عايره ولقاه ناقص زوده وبس

[ابولولو]

هذاك اول تغير اغير كل 7000الي 8000بالفتك والحمدلله كله تمام وشكرا لراعي الموضوع

[ابوراس الدحمي]

والله سالفة هالزيوت سالفة الحين ان غيرت الزيت يجي عندك البنشري ويقول والله
الزيت تعبان ويسألك ذاك السؤال اللي ما خلقته داعي (كم ماشي على هذا الزيت؟؟؟)
طيب الحين يوم يقول تعبان على اي اساس لونه ؟,ريحتة؟ كميّته؟ هذا اللي ما أفهمه منهم
تحياتي::::::::::

[غالي]

انتم خلكم وسط مهوب اما حبى والا برك :p


فيه ناس مايغيرونه ابد والا يغيرونه على 15000

وناس يغيرونه على 2000 :D


ترا على فكره

مكينه عن مكينه تفرق

فيه مكاين تحتر بسرعه وفيه مكاين ماتحتر الا خفيف

ويفرق الحديد عن الالمنيوم ((في الحراره ))

والمكينه 4 سلندر والا 6 سلندر والا 8 سلندر يفرقون عن بعض

والسواقه والتدعيس وإرتفاع الحراره برضو تفرق عن سواقة الشياب او الي مايتعدى 80 :)

انا من رايي الشخصي :

الواحد يمشي على موتره 5000 او 6000 كلم

وعند تغيير الزيت ينزل مع حق الزيوت ويشوف لزوجته

اذا كانت لزوجته حليوه يمشي على هالموال ويغيره على 6000

وان كان والله اللزوجه ميته فيه

يحرص يغيره على 3000 الى 4000

ياما سمعت عن ناس ماغيروا زيتهم ووصلوا 12 الف وحولها (((وخبطت سياراتهم)))

انا انصح اي كسول او اي نساي مايعاير الزيت هو ناقص او لا

يستمر يغيره على 4000 او 5000

علشان مايخسر مكينته بالآخر لا قدر الله

والله يستر على الجميع :good:

[مخاوي ذيب]

كلام سليم 100%

صدقون واحد من ربعي الخاااااصين معه ددسن 99 ويقول ما اغير زيتها الا في السنه مرررره !!!

بس يشيك مانقص خلاص

المهم تعاندنا وجلس يحلف ويأكد كلامه بشهاده اخوانه !!

والله يا شباب انا موقف على الددسن ومجربها معي فترررره ماتنقص ولا نقطه !!! هذا شي شفته بعيني وبعد مايخلي بها محل سفريات


:D :D :D :D :D :D :D :D :D :D :D :D :D :D :D :D :D

هههههههههههههههااااااااااااااااي قويه خوووووووووووووي سنه ماغير زيت ولا ينقص ويدق فيها مشاوير :j

[BLAZER 93]

السلام عليكم

أخوي مخاوي أنا عندي سيارة الشركة إيكو 2005 ومن 2006 هي معي بعد ما استلمتها ماغيرت الزيت إلا بعد 7 أشهر وغير كذا ماغيرته الا في تشييكات الوكاله يعني نقول من 2006 إلى 2009 3 مرات الوكالة ومره في كراج الشركة ومرة غيره زميلي في الشركة يعني المجموع 6 مرات وإذا فيه زيادة وناسي ضيف تغيير مره خلال 4 سنوات والسيارة والحمد لله ماشاء الله كل شي تمام
وسلامي لكم ومبارك عليكم الشهر

[البرحه]

انا من اكثر من 7 سنوات ما اغير الا كل 12000 الف مع السيفون .. لان السيفون مهم يتجمع فيه رواسب المكينه من الزيت .. وكل السيارات الي عندنا نفس المسافه 12 او 10



والله سالفة هالزيوت سالفة الحين ان غيرت الزيت يجي عندك البنشري ويقول والله
الزيت تعبان ويسألك ذاك السؤال اللي ما خلقته داعي (كم ماشي على هذا الزيت؟؟؟)
طيب الحين يوم يقول تعبان على اي اساس لونه ؟,ريحتة؟ كميّته؟ هذا اللي ما أفهمه منهم
تحياتي::::::::::


ترى البنشريه باختصار نصابين وما عندهم سالفه قل له غير وانت ساكت .. مره ركبت مكينه جديده وقالوا غير الزيت بعد يومين لا يصير في الكرتير وصخ .. واجي للبنشر يوم فك الزيت قال ياخي انت زيتك قديم من متى ما غيرته

[الاجودي0]

انا من اكثر من 7 سنوات ما اغير الا كل 12000 الف مع السيفون .. لان السيفون مهم يتجمع فيه رواسب المكينه من الزيت .. وكل السيارات الي عندنا نفس المسافه 12 او 10



ترى البنشريه باختصار نصابين وما عندهم سالفه قل له غير وانت ساكت .. مره ركبت مكينه جديده وقالوا غير الزيت بعد يومين لا يصير في الكرتير وصخ .. واجي للبنشر يوم فك الزيت قال ياخي انت زيتك قديم من متى ما غيرته




هههههههههههه
والله النصابين وبس

[ابن دهيمان]

ههههههههه
اذكر كان معي واحد في العمل معه كابرس
ما يغير الزيت إلا بعد سنتين بس معه علبة زيت
وكل ما نقص يزيده..
ادري بعضكم بيقول : قوووووووووووية..
بس هذي الحقيقة..

[راعي الفتك 9]

أذكر مشيت 4000 ثم سافر بها أحد الأقارب وخبطت
والسبب المكينه خلص الزيت الي فيها فحسب نقصان الزيت بالسيارة غيير

[التعـ King ـديل]

انا بتكلم عن تجربه اذا الموتر جديد من ال 2000 لحد 2009 غير كل 10 الاف كيلو

واذا الموتر قديم من 90 الى 2000 غير كل 5 الاف كيلو واذا الموتر اقل من ال 90

موديله غير كل 3000 انا امشي على هالخط من عرفت شي اسمه موتر والحمدلله كل

المواتر اللي جات تحت يدي زي اللوز ولا احلا منها ..

[الاجودي0]

شكرا يابوخالد

[النوفي 3535]

السلام عليكم
صباح الخير للجميع
بخصوص موضوع الزيت
عليه دراسات كثير جدا وابي اعطيكم معلومه مهمه جدا الزيت إذا تحول لونه اسود معناه احترق
لا ماهو دليل شي ثاني الكليو الي تمشي عليه ماهو دليل
إذا تمشي خط طويل يفرق مع جو البلد
حرارة الجو كذا
تدري فيه مجموعه اقتراحات
في الصيف استخدم 20w50
في الشتاء 10w30
المسافة بالصيف 7000-8000 كم للبنزين
بالشتاء 10000-15000 كم
بس كل الف يتم معايرة الزيت
بس النقص ولا الزيادة عن الحد المسموح لانه يضرالماكينة على الحد الطويل
اما الديزل لا يتجاوز 3000 جو البلد
خط طويل 6000
حسب الخبرة الفنية البسيطه الي عندي
بس اوعدكم اليومين الجاية انزل دراسة دقيقه عن هذا الموضوع

تحياتي

[الاجودي0]

مشكور يالنوفي وننتظر معلوماتك المفيدة

[OoابوتميمoO]

خذو هالسالفه
واحد من العيال
مايغيير الزيت ابد
تدرون وش يقول
انا ما اغير الزيت ولا ادري عنه الين اشوف لمبة الزيت مولعه
اجل اليابان وشوله حاطينها موب عشان تعرف ان الزيت ناقص؟؟
طبعاً الموتر كورلا 99 وتنقص زيت
انا عن نفسي كل 5000

[ابويارا1001]

بالنسبة لي على حسب موديل وحالة السيارة

بس في الغالب بين 3500 الى 5500

وعشانكم بخليها 4500 الى 6500

وبجرب

[عاشق الزيته]

مشكوووور على الموضوع القيم اخوووي العزيز



بس حبيت ابدي رأئيي بهالموضوع



انا معي جيب صالون واحد وتسعين في اكس



ما غيرت زيته سنه كامله وهو الحين زي الفل


بس زيته الحين اسود شوي


اروجو اني افدتك


عاشق الزيته

[الاجودي0]

اثر الشباب كلهم ساحبين على مواترهم

اها واذا جاء يبيع الموتر قال محافظ علية واغير الزيت باستمرار
ههههههههههههه
امزح

[عاشق الفتك 20]

انا عن نفسي اغير الزيت كل 4000 مع السيفون
ولا زم تاخذ علبة زيت معك في السياره الاحتياط واجب

[الاجودي0]

كلام كبيررررررررر

[مكسر الشوك]

والله كنت اغير الزيت كل 3000 كيلو
بس الحين ماراح اغيرة الا كل 5000 او 6000
ومشكور على المعلومات القيمه

[ابن سيف 18]

ابو يمن يقولك غير كل 3000 ومحلات قطع الغيار يقول من 000 10 الى 000 15 عشان تخبط واشري منهم .

يا اخوان الدعوى مصالح .

وانا اقول عن واقع تجربة الياباني 8000-10000 اما المريكي وغيره 5000-7000

وشكرا اخوي على الطرح المهم

وفي نقطة مهمة اذا بقى من اخر علبة شي خذه معك لاتخليه ترا تحتاجة صدقني (حطه بكيس وباي مكان بالسيارة)

[التل الصامت]

الله يوفقك يا اخوي صاحب الموضوع وانك كفيت ووفيت وما قصرت وعساك على القوة يارب ولا تحمنا من مواضيعك المفيدة للجميع وما شاء الله عليك انا من اللي يغيرون ما بين

8000 -الى- 10000 بالكثير واذا نقص زيد عليه وتوكل على الله والله يوفق الجميع

[التل الصامت]

[النوفي ]السلام عليكم
صباح الخير للجميع
بخصوص موضوع الزيت
عليه دراسات كثير جدا وابي اعطيكم معلومه مهمه جدا الزيت إذا تحول لونه اسود معناه احترق
لا ماهو دليل شي ثاني الكليو الي تمشي عليه ماهو دليل
إذا تمشي خط طويل يفرق مع جو البلد
حرارة الجو كذا
تدري فيه مجموعه اقتراحات
في الصيف استخدم 20w50
في الشتاء 10w30
المسافة بالصيف 7000-8000 كم للبنزين
بالشتاء 10000-15000 كم
بس كل الف يتم معايرة الزيت
بس النقص ولا الزيادة عن الحد المسموح لانه يضرالماكينة على الحد الطويل
اما الديزل لا يتجاوز 3000 جو البلد
خط طويل 6000
حسب الخبرة الفنية البسيطه الي عندي
بس اوعدكم اليومين الجاية انزل دراسة دقيقه عن هذا الموضوع

تحياتي[/]


:good::good::good::good::good::good::good::good:


:good2: مشكووور يا اخوي الغالي على المعلومات التي ما شاء الله كفت ووافت والله يوفقك واسال الله يزيدك علما اللهم اميييين يا رب ومشكور مرة ثانية ولا تحرمنا من خبرتك ومعلوماتك في هذا المجال ما شاء الله عليك وبكون ان شاء الله اول المتابعين لمواضيعك ان شاء الله والله يوفق الجميع :good2: http://www.mekshat.com/vb/images/icons/icon10.gif

[التل الصامت]

[ابن سيف ]ابو يمن يقولك غير كل 3000 ومحلات قطع الغيار يقول من 000 10 الى 000 15 عشان تخبط واشري منهم .

يا اخوان الدعوى مصالح .

وانا اقول عن واقع تجربة الياباني 8000-10000 اما المريكي وغيره 5000-7000

وشكرا اخوي على الطرح المهم

وفي نقطة مهمة اذا بقى من اخر علبة شي خذه معك لاتخليه ترا تحتاجة صدقني (حطه بكيس وباي مكان بالسيارة)]


http://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gif


:good2: مشكوووور يا اخوي وما قصرت وانا معك في كل حرف كتبته ماشاء عليك عندك خبرة الله يوفقك ويزيدك علما وسامحنا اذا قصرنا :good2:http://www.mekshat.com/vb/images/icons/icon10.gif

[التل الصامت]

[التعـ King ـديل]انا بتكلم عن تجربه اذا الموتر جديد من ال 2000 لحد 2009 غير كل 10 الاف كيلو

واذا الموتر قديم من 90 الى 2000 غير كل 5 الاف كيلو واذا الموتر اقل من ال 90

موديله غير كل 3000 انا امشي على هالخط من عرفت شي اسمه موتر والحمدلله كل

المواتر اللي جات تحت يدي زي اللوز ولا احلا منها ..]


http://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gifhttp://www.mekshat.com/vb/images/icons/icon14.gif

:good2: الله يوفقك يا اخوي وانا معك في كل حرف كتبته وما شاء الله عليك عندك خبرة في المجال والله يوفق الجميع :D

[turke2545]

السلام عليكم
الله يوفقك يا اخوي صاحب الموضوع وانك كفيت ووفيت وما قصرت وعساك على القوة يارب ولا تحمنا من مواضيعك المفيدة للجميع وما شاء الله عليك بس السيارات تختلف من سيارة لسياره وعلى كبر لمكينه مثلاً واحد معه سياره صغيره 4 سلندر تاخذ علبتان ونص وواحد معه جيب 6 سلندر ياخذ 7 علب ونص اكيد السياره لاعيرة الزيت عند 2000 تلقاه متغير اوقالب لونه اكيد لازم يغيره وصاحب الجيب عند 10000 يعايره ماتغير لونه ابد فيه فرق عند التغيرات وانا من الناس اللي لاشفته متغير لونه غيرته

[الاجودي0]

رفع الموضوع للفائدة

[شمالات نجد]

98 كل 3000 بدون سيفون حتى التغيره الثالثة

وناوي أغير الطريقة من زمان ولا بعد صملت

الخطة القادمة 6.000 مع سيفون كل مره

سلام

[التل الصامت]

لازم الموضوع يرفع للفائدة و الله يكتب اللي فيه الخير ان شاء الله

[مدمن مرقوق]

انا اشوف من 6 الاف الى 8 الاف معدل زين لتغيير الزيت

[فاقدخوي]

اخوكم معه جيب جي اكس ار 99اغيره على10000وتو اللون تغير شوي والحمدلله

[عابر شمال]

انا اغير زيت سيارتي على 3000كم

[ib2003]

السيارة تويوتا موديل 2006 تغيير الزيت كل 5000 كيلو تقريبا والسيفون كل 10000 كيلو
طبعاً (5000) كيلوا لأني يوم رحت للوكالة قالوا لي غير كل 5000 كيلوا يعني هذا الموال من الشركة الأم

[aboyagob]

واحد يرفع والثاني يكبس >> الله يخلف عليكم بس

الطبيعي كل 5 الاف تغير مره وفيه زيوت مخصصه انها تطول اكثر المسأله موب مسأله تحدي

المسأله مسألت ميكانيكا يعني كم يتحمل الزيت ما تتغير درجه لزوجته وتحمله للحرارهـ

يا ناس اكبروا وكبروا عقولكم ..

الي يقول 25 الف والي يقول صار لي سنه ما غيرت الزيت طيب وبعدين ؟؟

[الاجودي0]

رفع للفائدة

[السد الغزير]

أنا موتري كامري2002 ماشي390الف .. ومكينة زي الحلاوة

أغير كل 9الاف او 8الاف .

[طحنون]

بالنسبه لي تغيير الزيت على حسب جلد السياره ممكن بالصيف ما اتخر في تغيير الزيت ولا لي
وقت معين او مسافه معينه على حسب المزاج ممكن كل خمسه الاف الة 7 الاف اكثر او اقل
اتذكر مره بالهايلكس حلست يومين وهي تشتغل استلموها ثلاث سواقين والثالث اللي هو انا والسياره
توها جايه من مكه ولا طفت ورحت عليها الحفر وحملت عليها كم راس طلي ورجعت للدمام
وماطفت ورحت للبنشري وفك الصره وضحك قال هاذا ماوهب زيت صاير فيمتو ونزل بسرعه
مثل الماء
طبعا الموتر طول الطريق امشي بسرعه 180 وبدون مااعشق الخامس علشان مايبرد عزمه
مالومه صار مثل الفيمتو من الجلد اللي جاه

[wafian]

موضوع مميز

الله يسعدك

[o_m55]

سبحان الله وبحمده سبحان الله العظيم

[مشعل الجنوب]

موضوع جدير بالاهتمام

يعطيك العافية

لا عدمناك

[مرميد]

الله يجزيك خير


خير الامور اوسطها


5000 اعتقد للتغير زينه


اول شي


لان الغبار والحراره والاستعمال


ياثر على اللزوجه وقوة المكينه


ثاني شي


كما هو معروف

عند تغير الزيت


يشيك ماء الرديتر والمساحات


زيت القير والباور والبريد

يشيك الكفرات


يعني متابعه من جميع النواحي


ثالث شي


مقارنه بسعر البنزين


سعر الزيت ولا شي


اقل شي سعر البنزين كل شهر


يكلف من 500 وفوق

الزيت يكلف اقل من 100 مع الفلتر

ما اعتقد له تاثير على الميزانيه


رابع شي

بما ان السياره قطعت 5000


معناه انها جاها حراره كثير


ونقص زيت البريك والباور و...الخ


وتكلفة البنزين ل 5000 كلم

اتوقع اقل شي 500

ما يضرك لو شيكت كل السياره كامله

زيوت وماء رديتر ومساحات وقياس كفرات

[الاجودي0]

كلام جميل جدا

[شامخ ألهيلا]

بين 6000 و 7000 الاف اغيرة
وبشرط تكون قريبة من نزول الراتب :d :d

[الاجودي0]

بين 6000 و 7000 الاف اغيرة
وبشرط تكون قريبة من نزول الراتب :d :d
ههههههههههههههههههههههههههههههههههه

[ee150]

موتري ددسن دفرنسين

واغير زيته كل 10000كم مع السيفون

اشتري كرتون زيت

واشتري كل تغييره من الوكاله سيفون على 28 ريال

ان كنت فاضي غيرته في البيت ان كنت عجل غيرته عند البنشري على 10 ريال

والحمد لله ماعليه كلام

[ابوسعد النجدي]

كلام جميل

بس أشوف الشباب ساحبين على مواترهم

أغلب الردود يغير كل 8000 أو 10000 أو 130000


بس أنا ما أقدر أخليها فوق 5000 بأي حال من الاحوال

[علي ابونواف]

بارك الله فيك وجزاك الله خير على هالمعلومات القيمة

[الاجودي0]

لا اله الا الله
محمدرسول الله

[الاجودي0]

لا اله الا الله محمد رسول الله

[ساكن الشمال]

السلام عليكم
الاخ الاجودي سررت بمروري على تقريرك وعلى هذه المعلومات القيمة
الاخوة القراء
احب اضيف لكم خبرة ( 35 سنه ) انا كثير السفر لكن نوع السيارة يابانيه في الصيف اغير الزيت كل ( 10) الاف كيلو وفي الشتاء ( 15 ) الف كيلو متر ويتم تغيرالسيفون كل ( 50 ) الف وابشركم ماشفنا شر ولله الحمد وتمنياتنا لكم وللاخوة القراء كل خير

[السد الغزير]

ياخوان قبل ماتريح المكينة ريح راسك .. أنا من يوم أتعدى 7آلاف كيلو وأنا كل شوي عيني في العداد وكل بالي مع المكينة , أقول في نفسي عنها بتخبط وعنها بتوقف ..لذلك أغيره مباشرة وأريح راسي .


أقعد أنتظرها15ألف عشان أتأكد من صحة المعلومة .

[mr.abdallah]

كلام سليم 100%
يعطيك العافيه على هالمعلومه
تحياتي..

[asdali]

الكلام غير صحيح اخوي حتى لو كان الزيت يمشي مليون كيلو ..

صدقني اللي يبي يحافظ على موتره يطبق كلام الصانع مو هيئة المواصفات .

صانع السيارة ادرى بها ويطلب تغيير الزيت مع الفلتر كل 5000 كم . اعط الخبز خبازه لو كل نصه .

تحياتي واشواقي .

[عريدان]

أغلب الاخوه اليمنيين ولا يهونون بنغال والهنود ماسكين محلات الزيت وبعضهم يزيد في الاسعار و الود وده كل يوم يزيد في السعر ريال وإلا ريالين و لو قدر يعبي لك مويه بدل الزيت ما قصر وهاذي للأسف من دباشة أكثر السعوديين ... ولا يعرفون أي شي إلا إن كانهم بيتعلمون في سيارتك... واهم شي لا يزيد في الزيت لك تراه بيعدم الصوف ويسبب تهريب في مناطق الربط بين أجزاء المحرك... الموضوع ذي شجون..
أرجو أيضاً قرأة محتوى الرابط التالي:-http://mekshat.com/vb/showthread.php?t=199739

[الاجودي0]

اشكر الجميع
على التفاعل

[حكيم المجالس]

: : :

: :


آنـا بصرآحهـ آغير الزيت كل 3500 :p


واللهـ عن نفسي آغير الزيت كل 3500 ولا آدفع توضيب بـ 7000 :D



،

[فارس شمال]

انا اغير كل 10 الاف كيلو سوناتا --- لا وزيت بترومين وينزل وهو لزج بعد ولا فيه اي مشكله

واسافر على السياره كل شهرين مسافه 2000 كيلو والحمدلله تمام

[الاجودي0]

مازال الموضوع حائر ولم يفصل فية احد حتا الان

[asdali]

مازال الموضوع حائر ولم يفصل فية احد حتا الان

لا يا خوي انت غلطان احنا مو جهة مختصة عشان نفصل فيه , الجهة المختصة هي المصنع للسيارة وفصلت فيه من زمان بس مدري ليش تعاندون نفسكم.