ياأهل الجيوب فزعتكم !!

[alhtan]

السلام عليكم ومبارك عليكم الشهر
عندي مشكله في سيارتي نوع جيب لكزس470 موديل 2002 والمشكلة هذي تظهر بعض الأحيان إذا شغلت السيارة ومشيت شوي عن البيت ووقفت عند تقاطع من التقاطعات في الحي أفاجأ بالموتر يطفي واشغله على طول ويشتغل وامشي طبيعي ولاتحدث هذه المشكلة إلا مره واحده تقريبا في الشهر أو أكثر,, ولا ادري وين العله ,,فياليت اسمع شوركم وش اسوي !

[محيسن1]

افحص كمبيوتر وريح بالك

[سوبر VTC]

و عليكم السلام و رحمة الله

شيك على الافياش اللي راكبه على اللهاة احتمال ما توصل زين

بمعنى به فضاوة بسيطه همن يطفى الموتر

اعتقد مشكلتك من حساس (الأر بي ام) حق البنص

وظيفته يوازن السرعه اذا كنت مسرع بحيث اذا مسكت فرامل و وقفت عند الاشارة

ما يطفى الموتر

اخبر احد الربع جلس موتره شهرين ما يشتغل نهائيا

يضغط على الدعسه و يشغل همن يبتل دايس و احتمى الموتر ما يطفى :no2:
لكن المكينه ترتر وده تطفى
حتى انه اذا وقف عند الاشارة وده يطفى الموتر

المهم انه حصل المشكله من فيش الار بي ام به 4 اسلاك
واحد منهن مايوصل متوسع
ضيقه بمفك صغير و كبس الفيش (الانثى)
و ما شاء الله اشتغل الموتر من اول نقرة :good:

احيانا ربما تكون المشكله من حساس (المقنت)

(هو مثل حساس ABS تقريبا (ماص) )
ياخذ معلومه من سنون الحذاف
بمعنى اذا دقيت سلف و دار الحذاف اخذ المقنت معلومه ان الحذاف يدور
و يرسله الى الكمبيوتر الذي بدوره يشغل الموتر

قد تكون المشكله من منظم الهوا
او عندك ضعف بطرمبه البنزين افحص ضغطه
يحتمل ان فيش الطرمبه متوسع من الحرارة و هذه صارت لجمس ضيقت الفيش و نظفت الكربون و حطيت شحم
ربما كويلات تهريب كهرب او خراب

اللي اعرفه عن التويوتا او اللكزس
اذا كان هناك خراب لكهربه المكينه
تولع لمبه الميكنه

موفق