تفضل وشارك برأيك حول تركيب التانكي لـ الفورتشنر .

[بطناج]

السلام عليكم ورحمة الله


من الله علي بشراء فورشنر 2008، ولأني من هواة النزهات البرية والمكاشيت وكذلك العائلة، أصبح تركيب تانكي ماء أمرا ضروريا وحتمياً بالنسبة لي، لكني فضلت مشورة أهل الخبرة في اختيار موقع التانكي، وأفضلية وجوده داخليا (داخل السيارة) "مع خوفي ان يضيق على الركاب"، أو خارجيا (أسفل السيارة)، وكذلك المواصفات الأفضل لخامات التوانك وسمكها والمصممين والورش الماهرة في المملكة.

أرجو أن الا أكون قد أثقلت عليكم

لا عدمناكم


أخوكم/ أبو محمد

[بطناج]

بانتظار ردودكم!

[الربع الغالي]

من رأي أنه يكون داخل السيارة لأن خارج السيارة مع أي ضربه ينشق أو يطيح

[ابوسعودد]

اذكر فيه واحد من الشباب نزل تقرير عن تركيب تانكي في فورتشنر لكن شغله حلو مره واعجبني كثير ركبه داخل السياره وطلع اللي من تحت كان فيه سده وشاله وطلع اللي من فتحه السده ومركب الحنفيه تحت السياره يعني يغسل من التانكي من دون يفتح الابواب
بحاول اجب لك الموضوع وانت بعد حاول تبحث عنه

[ونش]

انا اقول خذلك جيك عادي زيي وركب له بزبوز اسهل لك في التعبيه والتحميل

[ابوراس الدحمي]

لو خليته تحت الشنطة يمكن تنشب لك الاستبنة :::
تحياتي :::::

[فورتشنر]

أنا ركبت تانكي (خزان الوادي ) وهو ممتاز ولا يغير طعم الماء ..
ولكن عيبه الصوت ، وايضا لابد تشيل المرتبة الثالثة ...
وبالتوفيق بإذن الله .

[بطناج]

من رأي أنه يكون داخل السيارة لأن خارج السيارة مع أي ضربه ينشق أو يطيح


هلابك يالربع الخالي، كلامك على متمه ،لكن اذكر واحد من الربع حاط تانكي ايام ما كان معه باثفاندر وماشي معاه زي الحلاوة :good: ، ولا اشتكى منه!!

[الربشاني]

هلا بك حبيبنا معاك مدير رابطة الفورشنر:D

ابي اقول لك اقتراحي والذي ان شاء الله سوف انفذه بس بعد العيد , وهو اني مركب سله خلفيه تفصال عند المميز الى بالصناعية الجديدة بمقاسات تناسب حجم الفور شنر , وفكرت ان اضع تانكي تحت السله تربط ببراغي عندما استخدم السله للطلاعات والرحلات اقوم بتركيبة وملاءه بالماء وهكذا ارتاح من العبث بالسيارة , هل وصلت الفكرة

ويتسع تقريبا من 80 لتر الى 120

انشاء الله اكون قد افدت .

[بطناج]

اذكر فيه واحد من الشباب نزل تقرير عن تركيب تانكي في فورتشنر لكن شغله حلو مره واعجبني كثير ركبه داخل السياره وطلع اللي من تحت كان فيه سده وشاله وطلع اللي من فتحه السده ومركب الحنفيه تحت السياره يعني يغسل من التانكي من دون يفتح الابواب
بحاول اجب لك الموضوع وانت بعد حاول تبحث عنه




هلابك يبو سعود ، انا بحثت عن الموضوع ولا لقيته الى الان!

إذا تتكرم علينا وتبحث عنه أكون لك من الشاكرين

أخوك/ أبو محمد

[ابوسفان]

تبي المو ضوع تحصله بمنتدى تويوتا العربية بقسم الفورتشنر .
انا اقولك انا فصلت تانكيين ماء الاول اللي هو خلف المرتبة الثانية يعني واقف وكان ممتاز طبعاً لازم تشيل المرتبة الثالثه لكن الواقف اخذ حيز بالشنطه 100 لتر ومعي ثلاجه اذا حطيته بالشنطه تطلع عن الشنطه ولا اقدر اسكر الباب لازم احطه بالعرض وتروح على الشنطه قمت واعطيته اخوي
وفصلت المنسدح الارضي 100 لتر وصار ياخذ العفش زي السلام عليكم

[الجفن]

بصراحه انا لي نيه افصل امنيوم خلف المرتبه الثانيه 80 لتر ولبسه ويكون الي من اربله الي حول الاستبنه

[المميـز]

هلا بك حبيبنا معاك مدير رابطة الفورشنر:D

ابي اقول لك اقتراحي والذي ان شاء الله سوف انفذه بس بعد العيد , وهو اني مركب سله خلفيه تفصال عند المميز الى بالصناعية الجديدة بمقاسات تناسب حجم الفور شنر , وفكرت ان اضع تانكي تحت السله تربط ببراغي عندما استخدم السله للطلاعات والرحلات اقوم بتركيبة وملاءه بالماء وهكذا ارتاح من العبث بالسيارة , هل وصلت الفكرة

ويتسع تقريبا من 80 لتر الى 120

انشاء الله اكون قد افدت .


فكرة ممتازه :good:

ولكن عيبها تهبط الموتر من وراء .. إلا إذا كنت مركب ياي حق تحميل يتحمل الوزن الثقيل

:
:
:

أنا من الؤيدين لفك المرتبه الثالثه وتركيب تانكي ماء وراء المرتبه الثانيه