المساعد الشخصي الرقمي

مشاهدة النسخة كاملة : صيد الخميس 8/12/04


gulfhunter
13/08/2004, 01:58 PM
السلام عليكم ورحمة الله وبركاته

مجموعه من صور يوم الخميس أن شاء الله تعجبكم ………. وعلى فكره الصيد كان ضعيف وعباره عن ثلاجتين شعري….


http://www.mekshat.com/pix/upload/images5/mk7686_DSC00198.JPG

http://www.mekshat.com/pix/upload/images5/mk7686_DSC00199.JPG

http://www.mekshat.com/pix/upload/images5/mk7686_DSC00204.JPG

http://www.mekshat.com/pix/upload/images5/mk7686_DSC00205.JPG

http://www.mekshat.com/pix/upload/images5/mk7686_DSC00206.JPG
صقر
13/08/2004, 02:09 PM
السلام عليكم

صور حلوة.

مبروك عليك الصيد

وبالهني والعافية

وبارك الله فيك
حد السيف
13/08/2004, 02:53 PM
السلام عليكم ورحمة الله وبركاته
gulfhunter
هلابك يالغالي
ومدري كان الصور لسوق السمك باحد مدن الشرقية يالغالي
سؤال تبادر الى ذهني شكل الحافظات والمكان الذي يتم تفريغها فية
لك دعواتي بالتوفيق

محبك اخيك حد السيف
هاوي مقناص
13/08/2004, 03:29 PM
بسم الله الرحمن الرحيم...............



مشاء الله علي صيدكم ،وبالهنا وبالعافيه.


اخوك :الخشــــــــــــــــف
gulfhunter
13/08/2004, 05:09 PM
حباكم الله اخواني على مشاركتكم

أخوي حد السيف هلا بك ..... لا أنت غلطان ....... سوق السمك يختلف كثير.... هذا المكان لنا على البحر على طوال..... وعلى فكره الثلاجات (الحافظات) اللى تستخدم في سوق السمك تكون أصغر من النوع اللى في الصور..........

ومشكورين على المشاركه
حد السيف
13/08/2004, 10:52 PM
السلام عليكم ورحمة الله وبركاته
gulfhunter .............شكر لتوضيحك يالغالي والغريبة شكل الموقع مثل حراج السمك بالجبيل الجديد
عموما شكرا لتوضيحك يالغالي ووضعك النقاط على الحروف
محبك اخيك حد السيف
الرماي
13/08/2004, 11:44 PM
ماشاء الله
اللهم زيد وبارك

صيد طيب الله يوفقكم بالمزيد المره القادمه
الكشاح
14/08/2004, 01:01 AM
اخيgulfhunter....صيد مبارك وطيب في مثل هذا الوقت من السنه
وعندي كمن سؤال لو تكرمت انتم هواه ولا اصحاب حرفه...
وكم خذتو من الوقت لصيد هالكميه من السمك ماشاء الله..وكم كان عددكم

وهل عندما تصيدون السمك تحطونه في الحافظه مباشرة..
وهل تأخذون ثلج معكم..

وهل كنتم تصيدون بالخيوط...ولا نوع اخر

تحياتي لك واحترامي
gulfhunter
14/08/2004, 07:56 AM
السلام عليكم ورحمة الله وبركاته

حياك الله أخوي حد السيف......

الرمادي هلا بك .... والله يسلمك ويعافيك......

حياك الله أخوي الكشاح.......انت تأمر أسأل على كيفك.........

بالنسبه للوقت...... ناخذ ساعه وربع الى ساعه ونص إذا الجو حلو (سبحه) وأكثر من ساعتين إذا في هواء قوي للوصوال الى منطقة الحداق..... وناخذ في الحداق ثمان ساعات (8) ... وخبرك الصيد ضعيف......
عدد الحداقين خمسه.......................

وبالنسبه للسؤال الثاني.......... نعم نوضع السمك في الثلاجه (الحافظه) مباشره ....أنت عارف الجو حار ..... الثلج ضروري يكون في الطراد قبل الحداقه........

وبالنسبه للسؤال الثالث.......الصيد بالخيوط..... سماري..... لأن السمك في الصيف يروح غبه ..........

وانا عندي لك سؤال واحد كيف الحداق عنكم

وشكراً على مشاركتم في الموضوع
الكشاح
16/08/2004, 12:51 AM
وتسلم على الاجابات الطيبه.عزيزي

وعساكم عالقوة يا رب...بس ما رديت على سؤال انتم اصحاب حرفة ولا هواة

اما بالنسبه للحداق عندنا في الإمارات طيب والحمد لله ويختلف من منطقه الى منطقه

مثال في المنطقة الغربيه من ابوظبي غرب الصيد كثير واكثر صيده الشعري العربي الي يقطع الاصابع والهامورمن الحجم الثقيل..طوال السنه ويكثر في الشتاء طبعا..اما بعض الاسماك موسميه مثل (النيسر)(والبدح)و(البياح)كلا له وقته مثل منت عارف
والمنطقه الشرقيه من دبي شرق موجود فيها نفس الانواع المذكورة.بس بقله لانها..محادقها بعيده..وراس الخيمه فيها الكنعد الي يحبه قلبك..والقباب على المواسم
والفجيرة.كذلك فيها الخير لكن سمكها غريب شوي لانه في بحر العرب وبحر مفتوح على بحور..وسمكته اعتقد انها اقل جودة من سمك الخليج العربي..,وانا يا اخوي عندي هواية صيد الاسماك بإنواعه..وادش البحر مع الاخوه ذوي الخبرة الطويله مثل من عندى ولا يهون الربع لكي اتعلم منهم واستفبيد.واسف على الاطاله..

ولكم اجمل التحايا
ابو وليم
16/08/2004, 06:44 AM
يلة شي احسن من لا شي
gulfhunter
18/08/2004, 10:17 AM
السلام عليكم ورحمة الله وبركاته

حياك الله ياابو وليم ومشكور على المشاركه في الموضوع ويبقى شي أحسن من لاشي…….

هلابك ياالكشاح واسمحلي عن التأخير في الرد………… الصيد بالنسبه لي هوايه ….. ومشكور على الرد …… المنطقه الغربيه بعيده من ابوظبي بالبحر وكم تبعد ……..

تراى ولهانين على الهوامير الكبار………….

وشكراً على مشاركتم في الموضوع
الكشاح
21/08/2004, 11:36 PM
حياك الله اخوي صياد الخليج وااسف ع التأخير في الرد الظاهر انه ما وصلني اشعار المشاركه

وان سألت عن المنطقه الغربيه..فهي المنطقه المقاربه للحدود السعوديه...عندكم مثلا راس بو قميص في السعوديه نحن عندنا راس بو غميص...يعني مجرد انك ادش حدود الامارات من الغويفات ..الجهة الشمالية كلها بحر لغاية ماتوصل بوظبي..في اماكن على السيف يحدقون فيها بعض الشباب ولكن ما عندي احداثيتها..
لكن الاغلب يدش بحر..بس اغلب الاماكن مفتوحة جهة الشمال الا الاماكن المشبكه والاماكن العسكريه..
والهوامير كثيرة والحمد لله... اجمل تحيه
gulfhunter
22/08/2004, 09:37 AM
السلام عليكم ورحمة الله وبركاته

حياك الله أخوي الكشاح .........تسلم ومشكوار والله يعطيك العافيه.................
MARINE
29/08/2004, 04:56 PM
ماشاء الله ايش هالزين كله وتقول الصيد ضعيف بعد كيف لو كان الصيد زين
ايش بتسوي والله يوفقك ويزيدك من فضله والله يهنيك بس ها لاتنسانى بحبتين شعري
اخوك
MARINE
:heart:
gulfhunter
30/08/2004, 08:22 AM
عليكم السلام ورحمة الله وبركاته

حياك الله أخوي MARINE وشكراً على المشاركه...................

الصيد طبعاً ضعيف بالنسبه لي...... لأن خذنا وقت كثير على الصيد...... أكثر من 8 ساعات....؟؟؟؟؟؟؟؟؟

انت تامر .... الله يهديك بس حبتين..(داخل بوفيه) أنت تامر على الثلاجتين بس وين هم الحين؟؟؟؟:D
MARINE
30/08/2004, 04:40 PM
ماتقصر ياخوي و فيه العافيه ان شاء الله
واتمنى لك التوفيق
اخوك
MARINE
:heart:
gulfhunter
31/08/2004, 04:50 PM
حياك الله أخوي MARINE

أنت تامربس أشر...........
MARINE
31/08/2004, 06:46 PM
جزاك الله الف خير
ماتقصر خيرك سابق
اخوك
MARINE
:heart: