تكفون الفزعة

[gxr v8]

الأعضاء الكرام
عندي gxr موديل 2009
وفيه رجه بالكفرات هل يكون من ضغط الهواء ؟
لأني وجدتها معبأة الى 50

كم هو الضغط المناسب لمن عنده علم

وشكرا

[غالي]

اما ضغط خمسين :confused: :confused: :confused:

ياخوي 50 ماتنحط بالسيارات ابد

مدري عن التريلات عاد

الوكاد السيارات مثل موترك 35 حليوه

وان كانت كفراتك شد بلد دانلوب بتقعد تصفر معك (((كنك مفحط )) في المديور والفات

فا حطها 38 39 كويسه

وكل فتره شيك عليها

كان معي لاند 2003 دانلوب

تقريبا كل شهر اشيك على الكفرات والقاها تنقص رقم او رقمين


اما عن الرجه لها اسباب كثيره

وابشرك بعت موتري وفيه رجه قلبت الكفرات على شكل اكس ولا فاد


عل الاخوان يفيدونك :good:

[ابولولو]

اخوي حط 35بالديره والسفر40 وتاكد مافيهن تحبيل ولوكانن جدد

[ابوراس الدحمي]

المشكلة انهم حاطين ضغط الكفر عالي عشان الضمان الخاص بالكفر,, وطلعت دعوى بعض وكالات الكفرات اخررررررطي :يقولون ان الضمان ساري على الكفرات التي يتقيد أصحابها بتعبئة الهواء بالضغط المناسب للكفرات!!! طيب ولو ضرب الكفر علي ورحت عندهم بيقولون ضغط الكفر ما كان مناسب الحين وش عرف الوكالة الكفرات اني ما كنت متقيد بالضغط المناسب وجايب لهم كفر متسلّخ أو منفجر
كل الكلام هذا عشان انك ياصاحب المشاركة ذكرتني بمسألة ضغط هواءالكفرات العالي
تحياتي :::::::