المساعد الشخصي الرقمي

مشاهدة النسخة كاملة : عزيزي صاحب الباترول رايك يهمنا (( مراوح الكهرب ))


عبدالله العواجي
25/08/2009, 12:11 PM
السلام عليكم ورحمة الله وبركاته


حياكم الله أعضاء ومشرفين مكشات ورمضان ينعاد علينا وعليكم بكل خير


مراوح الكهرب للباترول بين مؤيد وبين معارض


وحنا إحترنا ياجماعه :confused: :confused:


فمن كان من المؤيدين يضع نوع المراوح وتجربته


مع الحراره وهل الموتر خف أو لا


تحياتي للجميع :heart:
راعي كيف
25/08/2009, 12:44 PM
السلام عليكم ورحمة الله وبركاته




حياكم الله أعضاء ومشرفين مكشات ورمضان ينعاد علينا وعليكم بكل خير


مراوح الكهرب للباترول بين مؤيد وبين معارض


وحنا إحترنا ياجماعه :confused: :confused:


فمن كان من المؤيدين يضع نوع المراوح وتجربته


مع الحراره وهل الموتر خف أو لا



تحياتي للجميع :heart:



وعليكم السلام ورحمة الله وبركاته

هلا ابو محمد مبارك عليك الشهر هلا براعي الديرة
اخبار المطر عندكم امس :)

بالنسبه لي جربتهن ركبت مراوح سوبارو
الموتر خف بالحيل
الحنه راحت
صرف البنزين موذيك الفرق لكن تحس انه احسن من اول

لكن اعدملي الدينمو غيرته اربع مرات الحقيقه ربمى انه اهمال مني لأني مادريت ان الدينمو اللي اغيرة كان 85 امبير لكن قدر الله وما شاء فعل الين قالي واحد من الشباب غير الدينمو وحط حق مكسيما 110امبير ولن تشتكي منه مره ثانيه ( الكلام هذا بعد مافكيت المراوح)
الحرارة ترتفع اكثر من اول الين يشتغلن وبعدين تنزل ( هذا وانت واقف )
بالسرعه العاليه ترتفع وبعد سؤالي عن السبب افادني واحد متخصص انها ترد الهواء ؟؟؟؟ :confused:
ولأن فكيتها والأمور تمام التمام الحمد لله
مع العلم ان واحد من الربع مركبها ولا اشتكا منها ابد :no2: توفيق

هذا ماعندي والله اعلم

ابو ناصر
راعي كيف
عبدالله العواجي
25/08/2009, 01:58 PM
هلا حياك الله يأبو ناصر شكل الأسلاك مشتبكه عندك ;)

نرجع لموضوع المراوح ؟؟ :D

أفهم من كلامك إن المراوح ضرك أكثر من ماهي إنفعك
خربت الدينمو - ترتفع الحراره مع السرعه

ياخي أنا أعاني من ارتفاع الحراره مع السرعه والمروحه بلد

وش المشكله برايك هل حتى البلد ترد الهواء :confused:


ننتظر رايك :rolleyes:
برق الوسيطاء
25/08/2009, 02:52 PM
اخوي اذا كانت الحرارة ترتفع مع السرعة احتمال انه من احد الخراطيش حقة الماء اذا كان الموتر مافيه بلف
عبدالله العواجي
25/08/2009, 02:56 PM
حياك الله اكورد

لكن مافهمت عليك يعني الخرطوش يهرب ماء

الماء عندي سليم ماينقص

لكن واحد من الربع يقول هذا الباترول الجديد

حرارته موم مثل القديم ناااااااايمه

بنتظار ردود الأخوان
برق الوسيطاء
25/08/2009, 03:01 PM
اخوي وش موديل موترك
برق الوسيطاء
25/08/2009, 06:02 PM
وانا اخوك اقصد بالخرطوش انه يكون لين مره اذاظغطته بيدك
هذا الخرطوش اذا اسرعة السيارة ومن شدة السحب الي يجي للخرطوش من المكينة فانه ما يتحمل وينظغط وكانك ظاغطه بيدك وهذا يسبب وقوف الماء ويكون دورانه بطيء ويسبب الحرارة هذا مع السرعة الزائده مرره ومع الدعس مثلا اذا كنت بالنفود وتطعس

هذا مالدي وانشاء الله اكون افدتك وتلقى علة موترك0
عبدالله العواجي
26/08/2009, 01:27 AM
أخوي اكورد ماقصرت بيض الله وجهك

لكن وش الحل طيب لو كان المشكله من الخرطوش اللين

هل فيه حل ..؟؟

علما أن موديل السيارة 2007
4500 بخاخ

بنتظار أصحاب البواترول
ابوراس الدحمي
26/08/2009, 01:37 AM
مو كل مرة تضبط معاك المرواح مثل ما ذكر اخونا انا عندي جيب مو نيسان بس ركبت
صاجة حديد تحول مسار الهوا على المكينة قدام الدفرنس الامامي ونوجه الهوا من اسفل الماكينه عشان السيارة عندي رفيعة وأعطى نتيجة مرضيه اذا انا كنت داز على خط لكن
اذا انا واقف ماعندك أحد ارجو ان تكون استفدت من تجربتي وللأسف ما فيه صورة بس
اعتبر هذا الحل مؤقت اثنا ء مشي السيارة :::
تحياتي ::::::
سوبر VTC
26/08/2009, 01:49 AM
و عليكم السلام و رحمة الله
مرواح الكهرب اثبتن فعاليتهن للباترول :good:
من ناحيه الصرفيه و خف الموتر و جوده تبريد المكيف
دينمو المكسيما ناجح للباترول

لكن مكينه الباترول الفتك 4800 :no2:
لا تركب له مروحه كهرب طبعا هم يركبون له مروحه قراند شيروكي سرعتين
و سرعه تقريبا ب750 الى 950
جديده اخبره ب1350

لان الفتك نشيط بدون مروحه :good: 280حصان
و ايضا منتب ملزوم يحتمي الموتر و يخبط و انت مانتبهت
لان مشكله مروحه الكهرب غالبا
ارتخاء اسلاك الكتاوت من الحرارة و بالتالي توقف دوران المروحه
احيانا تخرب فحمات دينمو المروحه (تقضي او تخلص)
همن تطفى او تطلع مشكله من رمان الدينمو :no:

(((خذ هالسالفة هذي)))

احد الربع معك باترول فتك على وقته م2003 فل كامل :redcar:
وقت صيد طيور
موقف موتره تحت الشجر و الموتر يشتغل و السبب
لانه حاط ثلاجه او فريزر بالخلف
طبعا مركب مروحه قراند شيروكي
و فاتح الكبوت

اللي حصل انه جالس بمكان زي ما تقول حظار او عريش و حر جدا جدا :o

طبعا و هو جالس يسمع المروحه تطفي و تشتغل ==> قراند شيروكي

بعد فتره انتبه و لم يسمع صوت المروحه :no:

قام من عند اخوياه و نط => اسنوكا :D:p ==> الى الموتر يركض :j


لقى المروحه طافيه :alarm:

و الحرارة على الاتش :no:

لكن حصل ان مرواح المكيف الثنتين شد بلد شغالات :good:

يعني لو الله ثم مرواح المكيف كان الموتر خبط او يطفى و تعض المكينه تجيم

المهم جاب مفتاح العجل و ضرب دينمو المروحة و اشتغلت المروحه
و السبب فحمات الدينمو :looney:

و كتب الله السلامه ما خبطت المكينه وزد على كذا وقت صيد و مكان بعيد :(

المهم رجع للديره و ركب حقت البلد السير :good:

موفق
سوبر VTC
26/08/2009, 01:59 AM
ياخي أنا أعاني من ارتفاع الحراره مع السرعه والمروحه بلد
وش المشكله برايك هل حتى البلد ترد الهواء :confused:





اخوي عبدالله
احد الربع معه سلقة م91 نظيف جدا من حقات الحرس الملكي
و خرب عليه الغطاء
و ركب غطاء اصلي فوقه استكر برتقالي المهم اذا كان يمشي على سرعه 120 فاكثر تعدا الحرارة الخطين :no:
رجع لنفس الوكيل و بدل الغطاء و
ركب غطاء لكن بدون استكر و نامت الحرارة :good:
اخذه من التويجري اللي بالشارع التجاري ببريده

شخص اخر
موتره على سرعه 130 توصل الحرارة الاتش :no:
سيخ الاديتر + غير الغطاء + غير انبير الحرارة
و صارت المشكله من شي ما يطري على البال
بلف حرارة ب20ريال بس :no:
و الحرارة ضبطت :good:

تاكد من الغطاء جرب من موتر احد اخوياك
و تاكد من البلف قد يكون ثقيل
احتمال مايدور الماء بالسرعه الكافيه
و بالتالي يحتمي

احيانا يكون على نفس مبرد المكيف طين و شجر و متسدد
يمنع دخول الهواء الى اديتر الماء
اغسله عند اقرب مغسله

تاكد لا يكون سلك الحرارة متجرح

الحل الاخير سيخ الاديتر
و تاكد من الخراطيش هل رخوه او مهترئه
احتمال تنسفط اذا كنت مسرع

موفق
~EmPeRor~
26/08/2009, 02:03 AM
يالغالي ابعطيك العمل من واقع تجربة

طبعا رديترك المونيوم << شي حلو جدا

اذا بتركب ركب مراوح قوية مثل المكسيما واذا الدينو عندك اصلي مامنه خوف

بالنسبة للموتر بالسرعات العالية بعد 160 والمكيف شغال بالظهر ترتفع الحرارة الى الثلث او قبل النصف بالعصر والليل طبيعية

بالوقف << لاتشيل همها نهااااائي ولاتفكر بالحرارة تبريدها قوي جدا

السبب لارتفاع الحرارة بالسرعات العالية << المراوح ماتلحق تبرد زي حقت الوكالة لان مراوح الكهرب تعطي سرعه واحدة فقط عكس المكينة سرعتها تزيد كلما زادت سرعت المكينة

اتمنا اني وضحت لك

بالنسبة لتايد اذا انت راعي سفريات بالصيف بالظهر لاتركب بالشتاء ولايام الدافية ركب ولاتشاااور مرة

بالتوفيق << مؤيد
سوبر VTC
26/08/2009, 02:04 AM
أخوي اكورد ماقصرت بيض الله وجهك

لكن وش الحل طيب لو كان المشكله من الخرطوش اللين

هل فيه حل ..؟؟

علما أن موديل السيارة 2007
4500 بخاخ

بنتظار أصحاب البواترول




موترك ما شاء الله جديد
اعتقد الخراطيش سليمه عندك
اعتقد يا بلف او غطاء و ارجح الغطاء
اي تنسيم بالغطاء ترتفع الحرارة
الفتك و موترك و الكبليتر كلهن تقريبا بين الخطين
بعز الحر اللي قبل شهرين عادي جدا توصل الحرارة فوق الخطين خصوصا الفتك
و لا تنسى قبل يومين الحر اللي جانا
الحرارة ارتفعت شوي للسيارات
الحرارة الظهر تقريبا 48
سوبر VTC
26/08/2009, 02:07 AM
بالنسبة لتايد اذا انت راعي سفريات بالصيف بالظهر لاتركب بالشتاء ولايام الدافية ركب ولاتشاااور مرة

بالتوفيق << مؤيد



كلامك منطقي جدا يابعدي :good:
لكن وشو تايد بحثت بالردود عن تايد؟؟؟؟؟؟؟؟؟ :D:p
سوبر VTC
26/08/2009, 02:16 AM
للفائده من المشرف







http://www.mekshat.com/vb/image.php?u=32037&dateline=1237755212 (http://www.mekshat.com/vb/member.php?u=32037) بدوي جنوبي (http://www.mekshat.com/vb/member.php?u=32037) http://www.mekshat.com/vb/images/statusicon/user_offline.gif
مشرف خيمة السيارات وتجهيزاتها


تاريخ التسجيل: Aug 2006
الإقامة: جده
المشاركات: 3,459
http://www.mekshat.com/vb/images/reputation/reputation_pos.gif


رد: مروحة بلد+مراوح كهرب+حراره ...تفظلوا
من مميزات المراوح الكهربائيه

http://www.mekshat.com/vb/../pix/upload03/images103/mk32037_fanfinal2.jpg
انها تقلل من امتصاص عزم السيارة لان
عملها مستقل تماما عن المحرك وتعتمد علي كهرباء السيارة


عكس المراوح الميكانيكيه التي تعتمد اعتماد كلي علي اخذ حركتها من
عمود الكرنك ،، وهذا يجهد المحرك
http://www.mekshat.com/vb/../pix/upload03/images103/mk32037_cooling_system_water_pump.jpg

فعندما يقوم شخص بأستبدال مراوح مكيانيكه بأخرى كهربائيه
يلاحظ فرق كبير في عزم المحرك ،، حيث استفاد من الجهد الذي كانت تمتصه
المروحه المكيانيكيه .

وايضا من مميزات الكهربائيه في فصل الصيف خاصة اثناء الوقوف الطويل
ان تبريدها افضل بكثير من الميكانيكيه ،،، لانها تعمل بأقصى دوران

عكس الميكانيه فيُلاحظ عند الوقوف الطويل بأرتفاع درجة حرارة المحرك
وعند المسير تنخفض ،،
(لا ينصح بالانتظار الطويل والمحرك يعمل في كل الاحوال):hot:

من عيوب الكهربائيه استهلاك عالي للبطارية
وغالبا يؤدي الي تلف الدينمو
http://www.mekshat.com/vb/../pix/upload03/images103/mk32037_12-automobile_alternator.jpg
بعد فترة قصيرة اذا كان من النوع التجاري

وايضا صوتها المرتفع ،،
عبدالله العواجي
26/08/2009, 04:06 PM
سوبر V T C
هلا والله وألف ترحاب , شرفتنا ;) وأتعبناك :D يالغالي :heart:

ماخليت شي يامال العافيه كلفنا عليك لكن أنا أبي رايك أنت

الشخصي بالمراوح للباترول ؟؟

ثانيا الدينمو يقولون يحترق من المراوح ركب دينمو مكسيما

يعني لو أبركب مراوح أختصره وأركب دينمو مكسيما من الأول
أو الدينمو الأصلي يتحمل المراوح علما أن الموتر به بطاريتين

بنتضارك ......

أبو راس الدحمي

هلا بك , شرفتنا بمرورك يالغالي تجربه أحاول إني أستفيد منه

الله لا يهينك ......

ترانيم الوداع

مرحبا , نورت الموضوع بردك يالغالي

يعني الدينمو الأصلي مامنوه خوف مع المراوح

بس إذا كانت ترتفع الحراره عند السرعه كنك يابو زيد ماغزيت

لأن الموتر عندي فيه مروحة البلد ولا ترتفع الحراره إلا عند السرعه 160 وعليه

بنتضار تعليقك على الكلام .....



بنتضار مزيد من التجارب لمراوح الكهرب ومشكلاتها ..
saeed g
27/08/2009, 02:02 AM
انا عندي مشكله نفس خوينا الغالي

معي سفاري م97 و مركب ضفيره كامله للمروحه واديتر سعودي وخراطيش جدد والمروحه مروحة مكسيما سرعتين

لكن للاسف اذا طعست توصل الحرررراره الى النصف

وش الحل مع العلم ان البلف جديد والغطاء جديد


وشكرررا
سوبر VTC
27/08/2009, 07:24 AM
انا عندي مشكله نفس خوينا الغالي

معي سفاري م97 و مركب ضفيره كامله للمروحه واديتر سعودي وخراطيش جدد والمروحه مروحة مكسيما سرعتين

لكن للاسف اذا طعست توصل الحرررراره الى النصف

وش الحل مع العلم ان البلف جديد والغطاء جديد


وشكرررا



اي موتر بالعالم اذا طعست ترتفع حرارته لانك تجهد المكينه بالجلد بالنفود
و يحتمي اكثر اذا شبكت الخفيف بارض هيار
لانك اهنت المكينه و ما تمشي بسمحه نفس
لذلك الافضل الدبل الثقيل اريح للقير و المكينه
لكن برضه لازم الموتر يحتمي في كلا الحالتين
هالحين انت لو تركض ورى الكوره تعبت :D
و لو تركض رجليه تلحق احد بالنفود برضوه تتعب :p
اغلب اللي يطعسون دايم تلقاه يوقف و يفتح الكبوت شوي و يلقي وجه الموتر للهواء عشان تبرد المكينه
تستطيع انت تتغلب على المشكله
بوضع اديتر كبير + مراوح قويه جدا
مثل مروحه قراند شيروكي
لو كانت تركب
اقرب مثال
باترول م91 مركب له مكينه كابرس LS1
اديتر 4رصات + مرواح سوبارو
يطرق بالرابع 200 بالقارمن
الحرارة مع الجلد و حتى و هو واقف بعز الحر بالديره على الثلث مع المكيف
طبعا بلف يفتح على حرارة
85

على فكره
محلول الاديتر اذا تبي الموتر ابرد له حط ماء مقطر فقط
+ 2 او 3 لتر فقط محلول مركز مثل الاي سي ديلكو
اذا زادت نسبة المحلول يحتمي الموتر لان المحلول زيت فقط
ضد الصدا و التجمد
عندك جالون تويوتا الاحمر مخلوط و جاهز
اعرف راعي مرهمات و تطعيس
ما يحط الا مقطر فقط
ابرد للمكينه
ابوعراده
27/08/2009, 02:03 PM
ياحلو شد البلد ولايهمك احد
سوبر VTC
28/08/2009, 02:23 PM
سوبر V T C
هلا والله وألف ترحاب , شرفتنا ;) وأتعبناك :D يالغالي :heart:
ماخليت شي يامال العافيه كلفنا عليك لكن أنا أبي رايك أنت
الشخصي بالمراوح للباترول ؟؟
ثانيا الدينمو يقولون يحترق من المراوح ركب دينمو مكسيما
يعني لو أبركب مراوح أختصره وأركب دينمو مكسيما من الأول
أو الدينمو الأصلي يتحمل المراوح علما أن الموتر به بطاريتين






جزاك الله خير يابعدي و حياك
المرواح اخف للموتر من ناحيه الصرفيه + ينشط عزم الموتر نسبيا
ميزة المرواح بعز الحر لو توقف ساعه المكيف ثلاجه
المرواح افضل من مروحه السير
اهم شي لو قدر الله طفت المرواح تعرف السبب
ياكتاوتات يا سلك منفصل من الكتاوت
تتاكد من السلك اللي راكب على الحساس الالماني
و الطريقه سهله جدا
اذا كان الدينمو اصلي ما عليك الا العافيه
و توكل على الله
اغلب ربعي باترول صالون او سلقه و غالبيتهم مرواح كهرب
+ بطارية اضافيه + ثلاجه فريزر
و بعضهم مركب كنود و يستهلك عند كبس الريشه 50وات فاكثر
و اذا خرب الدينمو فالخراب تكون فحمه الديمنو قاضيه
و اصلاحه سهل
بمعنى اذا كان عندك مرواح كهرب + بطارية اضافيه
فبدل ما يجلس الدينمو مثلا 4سنين
راح يشتغل تقريبا 3سنوات او زياده
نقطه اخرى
البطارية الاساسيه مشحونه :good:
لذلك عندما تشغل الموتر و تشحن البطارية الاضافيه
فكانك تشحن البطارية الاساسيه :good:
يعني كان موترك به بطارية واحده فقط :cool:
و اذا انت مارتحت دور لك دينمو ماكسيما بسعر معقول
و ركبه و الا حطه اسبير
راعي الفتك 9
28/08/2009, 06:27 PM
أعتقد المراوح ماتنفع للفتك وكثير خرابه
المراوح تصلح للصغاير
سوبر VTC
28/08/2009, 08:27 PM
بالسرعه العاليه ترتفع وبعد سؤالي عن السبب افادني واحد متخصص انها ترد الهواء ؟؟؟؟ :confused:




هلا ابو ناصر
اسمحلي
هذا الرجال ما عنده سالفه :no2:

معي جيب يوم الاثنين الماضي جاي من طريق حائل الى بريده
يوم وصلت كوبري عيون الجواء طبعا بالخط السريع قبل بريده تقريبا ب40كيلو
وقفت عند الكوبري
الساعه 2.30ظهرا و الحرارة 44 حر شديد هاك اليوم و اللي قبله بنفس طفية الكهرب على القصيم
مرواح سوبارو + حساس الماني 85
قبل ماوقف كانت انبير الحرارة ثابته على الثلث يعني 85
لان المرواح يشتغلن و طبعا كنت على سرعه 140 مع المكيف
الشاهد
اني فصلت سلك الحساس و طفت المرواح
و مشيت الى بريده على سرعه 140 و المكيف شغال
مسافه 40 او 45كيلو
يوم ناظرت الانبير و الى الحرارة ثابته على درجه 90 او 93درجه
مقصود كلامي
ان الحرارة ارتفعت بسبب فصل المرواح
و هذا دليل يعارض كلام المتخصص خويك

طبعا العصر و بالليل على سرعه 100 تقريبا و طالع تطفى المرواح
لان حرارة المكينه تقريبا تكون 80
saeed g
28/08/2009, 10:30 PM
اخوي سوبر فتك شاكرلك ردك وبيض الله وجهك


واشهد انك فاهم ÷هههههههههههه ماشاء الله عليك
عبدالله العواجي
29/08/2009, 01:46 AM
الشكر موصول للجميع

وضحت الفكره

تحياتي
Skyline
29/08/2009, 11:45 PM
السلام عليكم ،،
عزيزي سوبر Vtc عز الله أنك مكسب كبير لنا بهذا المنتدى الطيب ،،

وحاب أخذ نصيحتك ومشورتك في تركيب مرواح كهربائية لسيارة يوكن دينالي 2004 مستورد ،،
اي نوع من المرواح أركب مع لوازمها المحترمة ،،

وتقبل تحياتي
سوبر VTC
30/08/2009, 12:36 AM
السلام عليكم ،،
عزيزي سوبر Vtc عز الله أنك مكسب كبير لنا بهذا المنتدى الطيب ،،
وحاب أخذ نصيحتك ومشورتك في تركيب مرواح كهربائية لسيارة يوكن دينالي 2004 مستورد ،،
اي نوع من المرواح أركب مع لوازمها المحترمة ،،
وتقبل تحياتي


و عليكم السلام و رحمة الله
جزاك الله خير
و كان لي الشرف اني استفيد من خبرات الاعضاء :good:
فلهم الفضل بعد الله
بالنسبة لليوكن او الجمس يركب عندنا ببريده مرواح كهرب حقت يوكن شد بلد م2007 و طالع
اخبر سعرهن ب1350تقريبا طقم مروحتين
طبعا يركبهن العثيم ان بغيت رقمه للاستشارة علمن
الرياض للاسف مادري عنه :no:
العام الاول كنت واقف الظهر الساعه 1.30تقريبا الحرارة تقريبا 44
و الموتر جمس2001 و الكمبرسور جديد :good:
بنفس اللحظه كان معي عمي و معه دينالي م2004 او 2005
مرواح المكيف كهرب شد بلد
الفارق بين الموترين بعد 5دقائق من الوقوف
ان موتر عمي ثلاجه بسبب المرواح :good:
و انا تبريد عادي جدا :(:( بس لو ادوس بنص على 1.30 كان ثلج
ايضا احتمال لو وقفنا ثلث ساعه يمكن يحتمي موتري و توصل الحرارة
النص لان المروحه على السير ما تلحق :no2:


هذا رابط مميز للاخ هانتر
يقول سعر المرواح من 900 الى 1100
على هذا الرابط

الحل الجذري لحراره اليوكن والمكيف ...... طريقه مجربه (http://www.mekshat.com/vb/showthread.php?t=213086)


و هذا رابط اضافي


إلى من يشتكي من الحرارة ,,,,,, ودع الحرارة نهائياً للأبد ولا تناظر للأنبير بالصور (http://www.mekshat.com/vb/showthread.php?t=205927) ‏
دكتوركلتش
20/07/2011, 10:52 PM
السلام عليكم
اخوي انا ميكانيكي
واشتغل في مجال الميكانيكا ويمر علي با اليوم من 10 الي 25 باترول في اليوم
وسبب ارتفاع الحراره عندك مع السرعه اذا كان مو ديل الموتر من 99 الي 2009
السبب هو التاكد ميزانية الديلكو وتبديل الراديتر و كلتش المروحه مو اصلي ركب اصلي بدون اي كلام مهما انك تشوف الراديتر نظيف والماء الي بوسطه نظيف مو مهم لا انت ولا انا نعلم كيف دورة الماء اثناء السرعه العاليه ولا يغرك كلتش المروحه اذا كان اثناء اطفاء المحرك يكون ثقيل اثناء السرعه يخف ادائه
تحياتي لك