افضل عيار لقياس هواء الكفرات ؟

[ابوشدوق]

السلام عليكم ورحمة الله وبركاته
كل عام وانتم بخير ومبارك عليكم الشهر الفضيل
ياشباب لو تكرمتوا حبيت اعرف ماأفضل عيار للكفرات لأني مالقيت الصاحي فيهم
حتى عند البناشر بينهم اختلاف
وأنا استعمل هذا وهو مش بطَـال
http://www.mekshat.com/pix/upload03/images122/mk13844_eyar.jpg

ارجو من عنده خبرة ان لايبخل علينا جزاكم الله خيرا

[ابن دهيمان]

أفضل عيار عندي (قلبك دليلك لو أفتوك):d
إذا نقص الهواء اعبي وأخمن أنه يكفي ..وبس !!:d

[استفنز]

افضل عيار سلمك الله عيار ميشلان الاصلي
بس انه غالي شوي
(80 ريال )تقريبا

[غالي]

في معيار لونه اسود ((( قودير))

الصراحه لم أحصل افضل منه

حتى اهو ماحصلت مثله بالسوق

وله معي من سنين يمكن حول 10 سنوات ماشاء الله

وهو طبعا إليكتروني

وفيه مدليه نقس الي بالصوره


واصغر حجم


والي يعرف وين ينباع يعلمني تكفون

ابي اشتري منه

[أبوعبدالله202]

بالنسبة لي افضل عيار ميشلان الاسود وقيمة 80 ريال .
صغير ووذف ولا يأخذ مكان

[ابوشدوق]

ابن دهيمان ههههههههههههههههه شكرا ياحبي لك:p

استفنز جبتها يابطل وفعلا مادام انه ميشلان لايعلى عليه:good2:

غالي قديمك نديمك ( والجديد ماأغناك ) وين نحصل مثله الحين ياعزيزي :what:

ابوعبدالله202 صدقت والصغر ميزة للاشياء بالسيارة ( ومن كثر مانلفز بالسيارة ماندري وش به ):D


اشكركم على المشاركة والمعلومات المفيدة

[~ V T A C ~]

ميشلان الاصلي سعره 120 ريال


وموجود عند برق الحياء

وهو اكتروني

ويجي نوع موب اكتروني

[راعي الفتك 9]

النوع الأيطالي أمبير
ممتاز

[راعي عدوان]

منكم نستفيييييييييييد
مشكوورين

[اسهيل]

انا شاريه من وكيله المحيميد في شارع الريل 110 ريال وهو ممتاز وايطالي مكتبو عليه ميشلان

[سوبر VTC]

و عليكم السلام و رحمة الله

فيه عيار مثل القلم لونه فضي بسعر 10ريال
ممتاز جدا عن تجربه
و يجي شكل اخر مثل القلم لكنه اقصر منه بالنص
لونه ازرق
تحصله بالزينات او محلات الرحلات

[مغلي]

مشكله
لما تبغى تسافر
وكل بنشر ... عياره يقول غير الثاني
واحد يقولك هواء كفراتك 35
والثاني 40
والثالث 50
وتتلخبط .. ولا تعرف من الصح منهم ؟؟؟
.
.
من جد عيار الهواء ... مشكله كبيره

[ددسن 2008]

الموضوع قديم !! اخوي مغلي

هذا عيار هواا وبنفس الوقت يفيدك للتنسيم وحسب تجربتي له عمل ودقيق له معي اربع سنوات

http://www.mekshat.com/pix/upload05/images247/mk201574_1122.jpg

موجود عند ساكو 35 ريال

[PATHFINDER 4]

اسمه مشلان ويجي معه جراب جلد ممتاز جدااا جدااا وافضل من الايطالي

[مغلي]

انا عارف ان الموضوع قديم ... بس مهم جدا .. وليته يثبت... لأن الناس تسافر كثير بالصيف ... ومشاكل الكفرات كلها من نقص الهواء فيها .. والسبب ... عيار الهواء يختلف من واحد للاخر .. واحد يقول ان الهواء 35 والثاني 40 والثالث 50 ... ولا تدري من الصح فيهم ؟؟؟

[عبدالله العمرو]

اسمه مشلان ويجي معه جراب جلد ممتاز جدااا جدااا وافضل من الايطالي




نعم صحيييح من تجارب طويلة 100%

[راعي الصنف]

يالله لك الحمد والمنة ..
تدرون ان سعر عيار ميشلان الاصلي الكتروني عند وكيلة وصل سعرة ب170 على ايش ما ادري ......

اهل العقول في راحة ......

[نواف685]

اعتقد اللي زي امبير الحراره بس مشكلته خرابه سريع

[صاروخ الغطغط]

افضل عيار سلمك الله عيار ميشلان الاصلي
بس انه غالي شوي
(80 ريال )تقريبا

انا استخدم عيار ميشلان ممتاز بس المشكله غلاه:good2:

[رحال كعب]

مشلان وغيرة لا نصيحة رح لشارع الريل وبعدين البعض يشتكي من الغلا 80 ريال وين غلاه يستاهل 200 ريال اي يعطيك معلومة صحيحة

[همس الغدير]

تسلم اخوي... أحسنت

[الخلاوي 15]

مع احترامي .. المشلان طيب ودقيق لكن غالي جداً .. وانا أشوف الايطالي الأصلي يقوم مقامه وسعره ب 35 الأصلي طبعاً
شاريه من محل وكيل ماطور ابوجمل في الغرابي

[يكفيني نظرة]

http://im15.gulfup.com/2012-07-03/1341315260741.jpg (http://www.gulfup.com/show/X5xurtt7odcp2)

عن تجربه 12 سنه وقيمته 70 ريال تقريبا ..

[ناصح]

في هذا الموضوع ستجد بالصور أفصل نوع

تفضل

كيف تعرف ضغط الهواء المناسب لإطارات سيارتك..؟؟ هنا الجواب (http://www.mekshat.com/vb/showthread.php?t=352829)


ويوجد نوع أخر يقيس ضغط الهواء وأنت داخل السيارة

تفضل هنا

جهاز قياس ضغط وحرارة الإطارات أثناء القيادة (http://www.mekshat.com/vb/showthread.php?t=353315)

................ ‏