الايكون 2009 هاتوا لي الراي يااصحاب الراي والحكمة

[الكاشوتي]

السلام عليكم ورحمة الله وبركاته كل اوقاتكم وانتم بالف خير

تعرفون انني قبل ايام بعت سيارتي الخاصة لظروف خاصة الزمتني ببيعها

واليوم انا بين اخوتي اشاورهم على سيارة حلوة وحطيت العين عليها ولا باقي

الا مشورتكم يا تقولون اشترها فاتوكل على الله او تقولون لي اتركها فاتركها

السيارة هي ايكون 2009 Xlاو الصغيرة والكل منها فيه دبل ولانني مثل بعض الربع يحبون الطلعات الى الصحراء

فهل تنصحوني او لا

انتظر مشورتكم

اكرر ( كل اوقاتكم وانتم بالف خير )

[الكاشوتي]

والله ماتوقعتها تجي منكم يااهل مكشات

كيف اطلبكم المشورة وتمرون من هنا

ولا واحد ادلى بدلوه

والله انني اشاوركم من جد

[الاجودي606]

والله يا اخي انا اشورك على اليوكن اسبابها1-عزم لا يعلى عليه بالنسبه لحجم السياره.2-ما تصرف بانزين مثل الموديلات الي قبلها.3-راحه على كيف كيفك.4-اظن با هل الموديل شاشه Gps.والله السياره عند الوالد وانا مجربها في بر وسفر>>>> تستحق التجربه

[4x4ofroad]

سياره 100% وسعرها رخيص مقارنه بمثيلاتها
عند تخوي تاهو 2008 4x4 موتر ماعليه كلام

[q8ty]

السلام عليكم اخي العزيز انا لدي يوكن وصراحه السياره للكشخه فقط لاغير لا تصلح للبر خصوصأ وان اليوكن في اخطاء مثل فلتر البانزين اللي تحت اذ عبيت السياره فل يقعد ينقد بنزين وانت تمشي وهذا خطر وانا راجعت الوكاله وقالو خطئ مصنعي والمشكله هذي حصلت كثير وانا اللي عندي xxl ونصيحه زيدها شوي واخذ تيوتا ولا نيسان ولا اخذ يوكن موديل 2006 انا بعته وشريت تاهو 2005 والحمدالله مرتاح اخر راحه ولا اشتكيت منه بشي

[فرخ الشاص]

أخوي أشترى يوكون 2007 ... كان عليه عرض معه قارمن وسليب باق وخيمه ... وللإسف باعه بخسارة 20 ألف .. الموتر من شراه ما طلع من الوكالة كل أسبوع يوديه لهم ... السيارة كان فيها عيب مصنعي في بساتم المكينه ... حاول معهم بإستبدال السيارة ورفضوا !! وأضطر للبيع ... والله يعين اللي شراها ولزقت في ظهره ....


وسبق وأن شفت تقرير عن سوبربان صاحبه يشكي منه ومصور الإيرباقات !! أنفجرت بدون أي مبرر وبشكل مرعب !! وهو ماسك خط ومعه عايله ..


وفي المقابل نسيبنا معه تاهو 2007 النوع الكبير وما قد شكا منه ..


وهذا كل ما أعرفه عن الموتر ..

[q8ty]

كلام اخوي فرخ الشاص صحيح وانا افضل التاهو علي اليوكن وانا توني بعت اليوكن اللي عندي بخساره مايعلم فيها اللي الله وشريت تاهو 2005 والحمدالله ممتاز وخالي من العيوب

[الكاشوتي]

شكرا لكم فانكم اخوه لي لن انسى مشورتكم

ومع الاغلبية يرون فيه بعض العيوب سوف اخذ برايهم وانتظر لاندكروزر 2010مع العلم انه غالي

لكن مافيه حل يناسب السفر والبر الا هو

اكرر شكري لكم فانتم اهل المعروف

والله لا يحرمنا منكم

[هبس 911]

طيب اذا كنت تبي سيارة دفع رباعي وجوده وقوة وكفائه عالية وموصفات وسعرها مناسب جداً خذلك فورد اكسبديشن 2010 xlt 4x4

[ERIC7]

خذ الموتر ولا تشاور بس اذا ماعندك عايله كبيره خذ القصير

[لهايب نجد]

لاند كروزر او با ترول او اكس بدشن كلها تمت تجربتها في اقسى الظروف

[الكاشوتي]

لا خلا ولا عدم منكم فانتم اهل الحكمة والرأي

ابشركم اشتريت لاند كروزر gxr2010

الله لا يحرمنا منكم ومن وصاياكم

والله يجيركم من السوء

اكرر شكري للجميع

والحمد لله رب العالمين

[عاشق الفرعه]

الله يعطيك خيره ويكفيك شره

[q8ty]

الله يعطيك خيره ويكفيك شره ولا تنسانا بالطلعات والكشتات هههههههههههههههههههههههههههههههههه

[الكاشوتي]

كل الشكر لمروركم الطيب

ابشروا بالخير وانا اخوكم الطلعات طلعات بس ان شاء الله يجينا مطر وترتوي الارض وينبت العشب

[جبيلن]

مبروك الله يطعمك من خيره ويكفيك شره 000 كم سعره

[أبو خالد نجد]

اي تويوتا

كلها سيارات ابو كلب برا القلب ما لها امان

خلي عمك وتاج راسك عبد اللطيف جميل يمشيها عليك
================

لا خلا ولا عدم منكم فانتم اهل الحكمة والرأي

ابشركم اشتريت لاند كروزر gxr2010

الله لا يحرمنا منكم ومن وصاياكم

والله يجيركم من السوء

اكرر شكري للجميع

والحمد لله رب العالمين