المساعد الشخصي الرقمي

مشاهدة النسخة كاملة : السيد كتالوج مامدى أهميته ؟ ومواقف للفائدة ...


راعي الفورت
26/08/2009, 02:15 AM
بسم الله الرحمن الرحيم

السلام عليكم ورحمة الله وبركاته

هل تحتفظ بكتالوج السيارة داخل السيارة ؟

أم في مكتبة البيت ؟

أم في الاستراحة مع بقية الحوسة ؟

أخي الحبيب لا تنس بأن للكتالوج أهمية قصوى لديك والسبب ماستقرأه من المواقف التي سيطرحها الاخوان في هذا الموضوع

وأنا أولكم :

في موقف لزميل لا أعرف الموقف جيدا وإنما يقول أضاءت في الطبلون ( لمبه ) لأول مرة أشوفها وتوقفت على جانب الطريق لكي أتفحص السيارة وفتحت ( الكبوت ) وقلبت يمين يسار ولم أجد شيئا وفي لحظه خطر في بالي مراجعة الكتالوج لمعرفة سبب تلك ( اللمبه ) وفعلا بحثت في قسم .... فوجدت المشكلة والحل ...

وموقف صار لي أنا شخصيا وسيارتي موديل جديد تاهو 2008 وتعرفون هناك حساسات للإطارات ... أخوكم غشمشم قمت وسويت تبديل للكفرات ( وهو الصحيح ) شقلبه وهناك من يسميه تصليب x عموما المشكلة وجدت بأن الكفر اللي كان أمام يمين وهو الآن خلفي يسار دخل فيه مسيمير ونسم شوي أعطاني المؤشر بأنه ( يجب فحص الإطار الأمامي الأيمن ) رحت للبنشر وقال مافيه شيء سليم

احترت وش السوات بعدين تذكرت بأن الأمامي الأيمن هو الخلفي الأيسر وفعلا شلنا المسمار وسوينا رقعة داخليه ... لكن لم تنته المشكلة ستبقى هذه الحوسة هذا كذا والمقصود كذا .... قلت يا رجال ورا ماتفتش بالكتالوج يمكن عندهم حل ... وفعلا لقيت الحل والطريقة إذا قمت بتبديل الإطارات ... وحليت المشكلة بنفسي والسبب وجود الكتالوج بين يدي


وليس في مكتبة المنزل أو غرفة العامل في الاستراحة


والآن حبذا نشوف مشاركاتكم ومواقفكم مع الكتالوج
مرور الكرام
26/08/2009, 03:41 AM
موضوعك جداً جداً جداً مهم ..

والحمدلله كل ما أشتريت سيارة أنزل الكتالوج بالبيت وأقراه بالتفصيل ..

علشان لو صارت مشكلة في المستقبل ( لا سمح الله ) أعرف وين ألقى الحل بالكتالوج ..

والمواقف كثيرة ..

أهمها شريت مرة برادو 2006 مستعمل ..

وكالعادة قريت الكتالوج وشدني طريقة إنزال الكفر السبير من أسفل السيارة لأن مكان الفتح غير واضح ..

وسبحان الله ثاني يوم بنشر علي الكفر وعلى طول كنت عارف مكان إنزال الكفر وقمت باللازم ..

بصراحة لو ما كنت مطلع على الكتالوج كان ضعت وأنا أدور خصوصاً بالحر والشمس ..

الموقف الثاني :

أحد الزملاء معاه لكزس 300 ويقول من شرا السيارة ما عرف كيف يخزن وضعية المرتبة ..

حاولت أنا وياه ما عرفنا الطريقة .. قلت مالك إلا الكتالوج ..

فتحنا الكتالوج طلعت الطريقة وبكل سهولة إنك لما تجي تخزن يكون القير على P

وجربنا ونجحت الطريقة ...

حالياً معي تاهو .. أستفدت كثير من الكتالوج خصوصاً أستخدامات الدبل ..

ومعلومات مفيدة مثل فك اللحية الأمامية أثناء التطعيس .. وأستخدام القير .. وأمور كثيرة جداً ..

أشكرك على موضوعك الجميل مرة أخرى ..

ولكن أخشى ما أخشاه أن الشباب ما يقروون الكتالوج وبالتالي ما راح يقرون الموضوع والرد !

ولك مني أجمل تحية ..
asd6244
26/08/2009, 04:35 AM
فعلا الكتالوج مهم أن يبقى معك ....
كان معي سيارة كابريس استفدت كثيرا من الكتالوج عندما كان معي
لكن مشكلتي أنني بعتها واشتريت باتورل فتك ولم اجد معه الكتالوج ، فإذا كان أحد من الشباب معه كتالوج يحمل عن طريق النت فياليت يضع لي رابط
عابر سبيل933
26/08/2009, 04:43 AM
الله يعافيك يالطيب
غالي
26/08/2009, 04:49 AM
عندك مثلا السيارات الاوربيه خصوصا وسيارات الهيدروليك عموما

بعض هالسيارات ماترفع السياره بالعفريته الا لازم تفصل الهيدروليك

وفصل الهيدروليك له طريقه

مثلا : الضغط على زر ارفاع السياره لمدة خمس ثواني وتجيك بالشاشه oof او on

يعني انفصل او شبك

ورفع السياره بدون فصله يسبب مشاكل كثيره :(

ــــــــــــــــــــــــــ

وكذلك عندك انوار التحذيريه بالطبلون

فيه علامات تتشابه تنسى وش له

وفيه سيارات تجيك نفس العلامات لكن اللون يختلف فقط

فلازم تتأكد من الكتالوج

,,,,,,إلخ

ومشكور على الموضوع جزيت خيرا
راعي الفورت
27/08/2009, 04:37 PM
موضوعك جداً جداً جداً مهم ..

والحمدلله كل ما أشتريت سيارة أنزل الكتالوج بالبيت وأقراه بالتفصيل ..

علشان لو صارت مشكلة في المستقبل ( لا سمح الله ) أعرف وين ألقى الحل بالكتالوج ..

والمواقف كثيرة ..

أهمها شريت مرة برادو 2006 مستعمل ..

وكالعادة قريت الكتالوج وشدني طريقة إنزال الكفر السبير من أسفل السيارة لأن مكان الفتح غير واضح ..

وسبحان الله ثاني يوم بنشر علي الكفر وعلى طول كنت عارف مكان إنزال الكفر وقمت باللازم ..

بصراحة لو ما كنت مطلع على الكتالوج كان ضعت وأنا أدور خصوصاً بالحر والشمس ..

الموقف الثاني :

أحد الزملاء معاه لكزس 300 ويقول من شرا السيارة ما عرف كيف يخزن وضعية المرتبة ..

حاولت أنا وياه ما عرفنا الطريقة .. قلت مالك إلا الكتالوج ..

فتحنا الكتالوج طلعت الطريقة وبكل سهولة إنك لما تجي تخزن يكون القير على P

وجربنا ونجحت الطريقة ...

حالياً معي تاهو .. أستفدت كثير من الكتالوج خصوصاً أستخدامات الدبل ..

ومعلومات مفيدة مثل فك اللحية الأمامية أثناء التطعيس .. وأستخدام القير .. وأمور كثيرة جداً ..

أشكرك على موضوعك الجميل مرة أخرى ..

ولكن أخشى ما أخشاه أن الشباب ما يقروون الكتالوج وبالتالي ما راح يقرون الموضوع والرد !

ولك مني أجمل تحية ..


مرحبا بك أخي الكريم مرور الكرام أكرمك الله وفتح الله عليك ووأشكرك من كل قلبي على تعطير الموضوع بالرد والتعليق وحقيقة مثل ما تفضلت لاغنى للقائد عن الكتالوج

والاخوان أكيد ماراح يقصروا في طرح المواضيع والإثراء


دمت بود
راعي الفورت
27/08/2009, 04:40 PM
فعلا الكتالوج مهم أن يبقى معك ....
كان معي سيارة كابريس استفدت كثيرا من الكتالوج عندما كان معي
لكن مشكلتي أنني بعتها واشتريت باتورل فتك ولم اجد معه الكتالوج ، فإذا كان أحد من الشباب معه كتالوج يحمل عن طريق النت فياليت يضع لي رابط


هلا وغلا بالأسد سدد الله خطاك شكرا لتفضلك بهذه التعليقات

ومن رأيي بأنك تمر الشركة وتسألهم فقد تجد عندهم نسخة من الكتالوج

دم بأحسن حال
راعي الفورت
27/08/2009, 04:42 PM
الله يعافيك يالطيب


يالك من خفيف عابر سبيل أسعدني مرورك هلا أتحفتنا بموقف مر معك وأنت عابر سبيل

تقبل ودي
راعي الفورت
27/08/2009, 04:45 PM
عندك مثلا السيارات الاوربيه خصوصا وسيارات الهيدروليك عموما

بعض هالسيارات ماترفع السياره بالعفريته الا لازم تفصل الهيدروليك

وفصل الهيدروليك له طريقه

مثلا : الضغط على زر ارفاع السياره لمدة خمس ثواني وتجيك بالشاشه oof او on

يعني انفصل او شبك

ورفع السياره بدون فصله يسبب مشاكل كثيره :(

ــــــــــــــــــــــــــ

وكذلك عندك انوار التحذيريه بالطبلون

فيه علامات تتشابه تنسى وش له

وفيه سيارات تجيك نفس العلامات لكن اللون يختلف فقط

فلازم تتأكد من الكتالوج

,,,,,,إلخ

ومشكور على الموضوع جزيت خيرا


هلا بالغالي مرورك غالي علينا

وكلامك صحيح وفعلا دائما تضطر للبحث في الكتالوج عن المشكلة فقد تضطر أحيانا لسؤال انسان والجواب عندك في الكتالوج

كم كان مرورك رائعا
مطارد المطر
27/08/2009, 07:56 PM
نشكر راعي الفورت على الموضوع

وأعتقد بأن الكتالوج له أهميته عند أصحاب السيارات

وياليت الشباب يثرون الموضوع بأفكارهم ومواقفهم

ومشكور مرة ثانية على موضوعكالأكثر من رائع
راعي الفورت
02/09/2009, 05:48 PM
نشكر راعي الفورت على الموضوع



وأعتقد بأن الكتالوج له أهميته عند أصحاب السيارات


وياليت الشباب يثرون الموضوع بأفكارهم ومواقفهم



ومشكور مرة ثانية على موضوعكالأكثر من رائع




هلا بالغالي مطارد المطر

وآسف على التأخير وعدم الدخول للموضوع نظرا لسفري للمدينة وانشغالي


ماقصرت الله يجزاك خير

وعطنا أخبار الامطار يامطارد
booooo6
02/09/2009, 08:29 PM
الكتالوج للسيارة مهم جدا منهم انه فيه فصل بكل الكاتلوجات يسمى الصيانة الدورية يعلمك اذا مشى الموتر الممشى الفلاني وش تغير مثل السيور و الشغلات هذي اما بالنسبة لي فأنا لما اشتري سيارة انزل الكتالوج معي للبيت و آخذ معي قلم تحديد الهاي لايت و ورق ملاحظات الاصفر و اقرا الكتالوج و احدد الاشياء المهمة و الاشياء الي مافهمتها و بعدين اسأل لين استوضح كل شي

قبل فترة لما اشتريت السيارة الي معي ماكان فيها كتالوج فاظطريت احمل كتالوج السيارة من الانترنت و بحكم اني ماحصلت الا انجليزي حملته و الشكوى لله لكن اكتشفت اني لما حملت موديل 2005 الي هو زي موتري من الموقع الامريكي عطاني حق 2006 عندنا ففهمت الشغلة و حملت حق 2004 و طلع موتري و قريته كله بالتفصيل و الحمد لله بس لين الحين ما استفدت منه

الي استفدت منه فيه كتيب ثاني صغنطوط حملته برضه من النت خاص بصيانة الباثفايندر يعطيك اول شي خيارات و انت تختار منها الي تبي يعني مثل
نظام الفرامل / نظام التعليق / الاجزاء الكهربائية / البودي << على سبيل المثال لا الحصر
انا استفدت من نقطة البودي حيث انه كان يوضح جميع اجزاء السيارة و كل مسمار في السيارة و يعلمك شلون تفكك السيارة كلها من الصدام للصدام حتى الشاصي تطلعه لحاله
و يعلمك كل المسامير هل هو مسمار عادي و الا مربع و الا كلبسات و على هالحالة انا استفدت من هالجزئية بس و ان شاء الله ما ارجع استخدمه الا للاطلاع فقط

بالتوفيق للجميع
راعي الفورت
04/09/2009, 12:09 AM
الكتالوج للسيارة مهم جدا منهم انه فيه فصل بكل الكاتلوجات يسمى الصيانة الدورية يعلمك اذا مشى الموتر الممشى الفلاني وش تغير مثل السيور و الشغلات هذي اما بالنسبة لي فأنا لما اشتري سيارة انزل الكتالوج معي للبيت و آخذ معي قلم تحديد الهاي لايت و ورق ملاحظات الاصفر و اقرا الكتالوج و احدد الاشياء المهمة و الاشياء الي مافهمتها و بعدين اسأل لين استوضح كل شي

قبل فترة لما اشتريت السيارة الي معي ماكان فيها كتالوج فاظطريت احمل كتالوج السيارة من الانترنت و بحكم اني ماحصلت الا انجليزي حملته و الشكوى لله لكن اكتشفت اني لما حملت موديل 2005 الي هو زي موتري من الموقع الامريكي عطاني حق 2006 عندنا ففهمت الشغلة و حملت حق 2004 و طلع موتري و قريته كله بالتفصيل و الحمد لله بس لين الحين ما استفدت منه

الي استفدت منه فيه كتيب ثاني صغنطوط حملته برضه من النت خاص بصيانة الباثفايندر يعطيك اول شي خيارات و انت تختار منها الي تبي يعني مثل
نظام الفرامل / نظام التعليق / الاجزاء الكهربائية / البودي << على سبيل المثال لا الحصر
انا استفدت من نقطة البودي حيث انه كان يوضح جميع اجزاء السيارة و كل مسمار في السيارة و يعلمك شلون تفكك السيارة كلها من الصدام للصدام حتى الشاصي تطلعه لحاله
و يعلمك كل المسامير هل هو مسمار عادي و الا مربع و الا كلبسات و على هالحالة انا استفدت من هالجزئية بس و ان شاء الله ما ارجع استخدمه الا للاطلاع فقط

بالتوفيق للجميع


مرحبا بك أبو صالح أسعدني مرورك ومشاركتك وتجربتك لفائدة الكتالوج وطريقتك

فعلا أحدنا مايفكر إلا إذا وقع في المشكلة

ياليت نستفيد من بعضنا البعض

والواحد يبي له قبل ما يشري سيارة مستعملة تأكد من وجود الكتالوج

والبعض قد يستهزئ فيك ويقول وش تبي به هذا ماله داعي

نصيحة للجميع فكر قبل الورطة

دمت بود يابو صالح
الدبل الثقيل
04/09/2009, 04:02 AM
جزاك الله خير ... موضوع مهم ...

لكن بعضنا مهمل الكتلوج وانا منهم ... وهذا غلط كبير...
البوعينين99
04/09/2009, 04:12 AM
كلامك صحيح
الكاتلوج مهم جدا و إن ماحتفظت فيه بالسياره خله بالبيت.

انا مره ولعت علي لمبه في طبلون الرنج وما عرفت وش معناها إلا بعد مافتحت الكتلوج وطلعت اللمبه تنبه عن الفحمات الي قدام مخلصه.
محسن اليامي
04/09/2009, 05:14 AM
انا أهم شي عندي الكتلوج حتى موتري الباترول مافيه كتلوج خذيد كتلووج واحد من الشباب وصورته بالكااامل

وعندي كابرس موديل 93 مافيه مكان مادورت كتلوجه ماحصلته آخر شي لقيته بتشليح الخفجي وانا طالع من الكويت للدمام

فالكتلووج مهم جدا جدا

مشكوور على الموضوع المميز..............
راعي الفورت
07/09/2009, 10:08 PM
جزاك الله خير ... موضوع مهم ...

لكن بعضنا مهمل الكتلوج وانا منهم ... وهذا غلط كبير...


غلط كبير

أرحب فيك وبصراحتك ومرورك الخفيف ( يالدبل الثقيل )

غلط كبير
راعي الفورت
07/09/2009, 10:10 PM
كلامك صحيح
الكاتلوج مهم جدا و إن ماحتفظت فيه بالسياره خله بالبيت.

انا مره ولعت علي لمبه في طبلون الرنج وما عرفت وش معناها إلا بعد مافتحت الكتلوج وطلعت اللمبه تنبه عن الفحمات الي قدام مخلصه.


البوعينين أرحب فيك

وأشكرك في عرض تجربتك مع الكتالوج

وهذا اللي يبين لنا أهمية الكتالوج في حياة سياراتنا

دم بود
راعي الفورت
07/09/2009, 10:14 PM
انا أهم شي عندي الكتلوج حتى موتري الباترول مافيه كتلوج خذيد كتلووج واحد من الشباب وصورته بالكااامل

وعندي كابرس موديل 93 مافيه مكان مادورت كتلوجه ماحصلته آخر شي لقيته بتشليح الخفجي وانا طالع من الكويت للدمام

فالكتلووج مهم جدا جدا

مشكوور على الموضوع المميز..............


هلا أخوي محسن

ماشاء الله عليك فعلا باين إن حرصك على الكتالوج دليل وعيك بأهميته والا لما ذهبت للبحث عنه في مكان آخر

حقيقة أحس فيه ناس مهتمه بالكتالوج وحريصة عليه وهذا ماهو غريب على الشباب

والسبب في هذا كله إنه أحيانا يغنيك عن الذهاب للورش أو الميكانيكي أو الكهربائي وهذا من تجارب بعض الزملاء

أخي محسن أشكرك مرة ثانية
محمد بن سعيد
07/09/2009, 10:53 PM
الكتالوج ما عنه غناة
البوعينين99
27/09/2009, 10:00 PM
واليوم أنقذني الكاتلوج بعد الله مره ثانيه :d


طفت الولاعه ومابقى كهربائي مامريت عليه ولا واحد عرف المشكله


لقيت الحل في الكاتلوج
السياره رنج روفر فوج 92
لن أمل من العطاء
28/09/2009, 06:32 AM
أشكر كأخي راعي الفورت على الموضوع الرائع والشيق والجميل

قراءة الكاتلوج مهم جدا جدا

ينفعك بقدرة الله وقت الازمات والمشاكل

والشكر موصول لكل الاخوان الذين أثروا الموضوع بتجاربهم مع الكتلوج

اخيرا
عندما تراجع كاتلوج السيارة في قسم الصيانة الدورية تجد اقسام للمسافات وكل مسافة ماهي الاشياء التي يجب تغييرها والاشياء الواجب فحصها والاشياء الواجب تنظيفها وانواع الزيوت والشحوم وماء الاديتر واليواجي وحتى نوع الزيت

ولكن عندما تذهب لصيانة الوكالة لا يلتزمون بما في الدليل وانما من عند انفسهم على حسب السعر الذي يريدون

وهذا دليل على جهلهم ونصبهم الا من هدى الله

شكرا لك اخي الكريم
اكرم ابوالكرم
28/09/2009, 08:16 AM
معلومات قيمة ومفيدة شكرا للجميع
راعي الفورت
18/11/2009, 06:49 AM
أشكر كأخي راعي الفورت على الموضوع الرائع والشيق والجميل

قراءة الكاتلوج مهم جدا جدا

ينفعك بقدرة الله وقت الازمات والمشاكل

والشكر موصول لكل الاخوان الذين أثروا الموضوع بتجاربهم مع الكتلوج

اخيرا
عندما تراجع كاتلوج السيارة في قسم الصيانة الدورية تجد اقسام للمسافات وكل مسافة ماهي الاشياء التي يجب تغييرها والاشياء الواجب فحصها والاشياء الواجب تنظيفها وانواع الزيوت والشحوم وماء الاديتر واليواجي وحتى نوع الزيت

ولكن عندما تذهب لصيانة الوكالة لا يلتزمون بما في الدليل وانما من عند انفسهم على حسب السعر الذي يريدون

وهذا دليل على جهلهم ونصبهم الا من هدى الله

شكرا لك اخي الكريم


وأنا أشكرك على المرور والتعليق

وبالفعل الشركات مالها إلا اللي ينفعها فقط

والحقيقة إن الكتالوج غني غني غني بكل التفاصيل وما مواقف الشباب اللي صارت لهم إلا دليل على قيمة الكتالوج والاحتفاظ به قريبا منك


أشكر الجميع على إثراء الموضوع والتعليقات الرائعة


أخوكم : راعي الفورت
مغبررالددسن
18/11/2009, 07:13 AM
الكتلوج له عده استخدامات غير انك تقراه :

الكتلوج ما أحسن منه أليا طلعت بر ومالقيت شي تولعبه ضوك :)

أمعطلك كم ورقه وسو قهوتك وعلى هالمسحاب لين يقضي الورق ودور كاتلوج ثاني خخخخخخخ

بالتوفيق ان شاء الله
راعي الفورت
18/11/2009, 10:56 AM
الكتلوج له عده استخدامات غير انك تقراه :

الكتلوج ما أحسن منه أليا طلعت بر ومالقيت شي تولعبه ضوك :)

أمعطلك كم ورقه وسو قهوتك وعلى هالمسحاب لين يقضي الورق ودور كاتلوج ثاني خخخخخخخ

بالتوفيق ان شاء الله

أحسنت على هالمداخلة وهالفائدة تصدق راحت عن بالي !!

عاد قل لي وش الددسن اللي تحتاج كتالوج

خلك على ضوك لما يجي من يفزع لك من ربعك وأنت تدفا وتاكل فصيفصات


شاكر لك
هاوي البر
18/11/2009, 01:45 PM
الي ما عنده كتلوج من وين يحصل
سيارتي gxr 2006 شريتها مستعملة ولا لقيت كتلوج معها
مرور الكرام
18/11/2009, 02:15 PM
الي ما عنده كتلوج من وين يحصل
سيارتي gxr 2006 شريتها مستعملة ولا لقيت كتلوج معها



الله يعينك ..

تلقى راعيه الأول شاب ضوه على الكتالوج !