===فكرة يمكن تنفع الجميع خاصة بتكييف السيارات===

[ابوراس الدحمي]

اسعد الله أوقاتكم بكل خير وتقبل الله منكم الصيام والقيام

كنت اسوق السيارة والمكيف شغال في النهار...وطلعت فكرة ما أدري تمشي أو

لا المسأله وما فيها ان التكييف تمام أول ما يطلع من المكيف

بس ان وصل عندي او الراكب تخف برودته مرررررررة

قلت يالربع ليش ما أوصل (وبصورة مؤقته) ماصورة مثل حقت المكانس

الكهربائية المرنه (اللي يمديك تثبتها في مكان وتلفها يمين ويسار زي ما تبي )

أركب الطرف الاول على فتحت المكيف حق الراكب(اكثر الاحيان ما معي احد بالسيارة)

واسحب الماصورة وأوجهها(الطرف الثاني ) الى مكان سحب الهوا من ورا الدرج

الامامي الكبير( اللي يدخل للمكيف ) وقلت يمكن بأطلع بالنتائج التالية :-

===يدخل المكيف هوا بارد نسبيا مقارنة مع الهوا داخل السيارة (الحار)

===يزيد من درجة التبريد عشان انه مسوي زي ما تقولون دورة تبريد ثانية

=== احسن ما تضل مراوح المكيف شغالة( اللي قدام السيارة ) عشان ان الثلاجة ما تلحق تبرد نخفض درجة الحرارة الهوا اللي الى الثلاجة ويخف الحمل الزائد على المكيف .

هذه طوال الله أعماركم تصورات مبدئية للفكرة ذي بالرغم اني اشكّ في فايدتها

عاد ننتظر منكم تصوراتكم المبدئية عن الفكرة هذه وسلامتكم ::::

[ابولولو]

اخوي ابوراس الدحمي راسك ماشاالله مليان افكار الله لايضرك فكره طيبه والتكلفه بسيطه نفذ وشف وحنا ندعيلك وعلمنا بالنتيجه والاخسائرعلي الاعضاء اذا تمت او ماتمت جرب ومشكور بس عجل قبل البرد مايجي هههههه نتظرالنتيجه

[ابوراس الدحمي]

تسلم يا بو لولو على مرورك عز الله انك صادق (قبل ما يجي البرد)هههههه
لكن تضل الفكرة أولا محل نقاش ثم تنفيذ
اسعدني مرورك ياغالي وتقبل تحياتي :::::

[ابوراس الدحمي]

شجعونا بالمناقشة عشان تصير الفكرة هذه جاية من منتداكم يا مكشاتيّة
ولا أنسب الفضل لي أو لأي واحد يخصّه بذاته

بنخليها للمنتدى:::::::::::::

تحياتي للجميع:::::::::::::

[ملكvtcالصحراء]

فكره نيره وجميله لكن اخاف ان الكمبرسور يكون شغال على طول

[ابوراس الدحمي]

اشكرك يا ملك Vtcالصحراء على تجاوبك معي لكن اللي أعرفة عن المكيفات السيارات انها اذا بردت الثلاجة شوي بإستخدام الفكرة اللي في الموضوع الاساسي
الحساس حق الحرارة يفصل الكمبيرسور على طول ... وبعض الاحيان ما ودّي ان الكمبيريسور يفصل من شدة حرارة الجو اللي نعاني منها (ودي انه شغال على طوووول)
تحياتي لك خاصة وللجميع عامة ::::::

[النوفي 3535]

اخوي العزيز
الفكره كفكره جيده
بس ابي اقولك لا تتعب نفسك
غير مجدية
لانك اول شي ماقريت دائرة التكيف
الردايترات الداخلي درجه حرارة تكون قريبه من الصفر المئوي
بس انا تتكلم انا التبريد ضعيف شف اخوي
للفلترالمكيف
شي ثاني
حاول مايكون جانب الراكب عليه (الارضية فيها تراب)
كل ثلاث سنين غير فلتر المكيف الي قريب من الكمبروسور


تحياتي

[راعي ندقان]

عسى الله يكتب الي فيه خير وشكل العيد قريب بلحيل

[أبو فهد ( 1 )]

السلام عليكم أنا عن نفسي كان معي جيب لاند كروزر سويت له تمديد من المكيف لي مكنسه للدرج الأوسط بين السائق والراكب وجبت لي المكنسة مع تحت ديكور القير وصار فيه برادة تما التمام وبعت الموتر وهي شغالة

[ملكvtcالصحراء]

اهلاوسهلا بك عزيزي ابو راس
لكن بأستمرار الكمبرسور شابك يمكن تثلج الثلاجه ويضعف الهواء الخارج من فتحات التهوية...
بس عندي طريقه يمكن تكون انجح انك توصل اللي من فتحة الأرجل بحيث انك تحوله اذا لاحظت ان الكمبريسور استمر شابك او ثلجت الثلاجة.

[عابر سبيل933]

الله يعافيك يالحبيب

[ابوراس الدحمي]

مشكور يالنوفي وراعي ندقان
بس يالنوفي انا اتحدث عن درجة التبريد ماهي قوّة اندفاع الهوا من المكيف والشي الثاني ان التبريد في اخر النهار وفي الليل احسن من ممتاز(يعني المكيف شغال طبيعي) لكن فكرتي انها مناسبه
لو قلنا مناسبة في فترات الظهرية والصباحيّة ..وخاصة اذا رفعت قوة اندفاع الهوا
الثلاجة ما تلحق تبرد.. زي ما قلت ..فقلت من باب تخفيض درجة الحرارة قبل ما تخش على الثلاجة ان شاء الله انها تساعد....
اشكرك على الرد
تحياتي :::::::

[ملكvtcالصحراء]

ابجربها يابو راس وان مانجحت انت المسئول

[ابوراس الدحمي]

شكرا يا عابر سبيل وملكVTC الصحراء

اجل ياملك الصحراء اقتراحك لتنفيذ الفكرة عن طريق سحب الماصورة من الفتحات
السفلية رهيييييب مرة عشان لا يشوّة شكل السيارة من قدام ويمديك تتحكم فيه ... صراحة نورتنا
وأبو فهد الله يعطيه العافية سوّى قريب من الفكرة بس في استخدام ثاني
ويقول انها شغاله تمام ::::
تحياتي للجميع

[ملكvtcالصحراء]

التجربه خير برهان
تحياتي

[ابوراس الدحمي]

ملكVTC الصحراء الظاهر مسّكت معك تنفيذ تراها مجرد فكرة هههههههههههه
ما بعد سوّينا شي .....الله يدلّك وحتى انا رح انفذها وأعطيكم النتائج ترى منت لحالك انا معاك
الله يوفقك والله انك شجعتني

[ابوراس الدحمي]

ولك جزيل التحيّة اذا جدّ معاك جديد لا تنسانا
:::::::

[ابوسعودد]

اعتقد انها غير مجديه

[ابوراس الدحمي]

اعتقد انها غير مجديه




اشكرك يابو سعود ولكن فيه ناس من الشباب في المنتدى قالو يجربون وأكيد

يطلعون بنتائج الله أعلم بها

تحياتي :::::

[قطب 999]

احسن مد اللي ودخله في ثيابك يجيك انواع البراد من الثلاجه للجسم

[عاشق الفرعه]

جرب ولا تنسى الصور