المساعد الشخصي الرقمي

مشاهدة النسخة كاملة : كيفكي اصنع كشته ؟ ؟ ؟


سنتافي
14/08/2004, 07:19 PM
السلام عليكم ورحمة الله وبركاته
انا ربي قدر علي وطلعت لي ارض صغيره بمنطقه موهب بعيد عنها الكهرب بس بعيد عني الناس يعني بشبه مقطعه وبصراحه ودي ازبطها يعني مهب الاستراحه وبنفس الوقت محل جلسه وشاي وشوي وطبخ وخيام . . .

فحبيت اسمع اقتراحاتكم حول الموضوع يمكن تكون عندكم افكار جميله







http://www.mekshat.com/pix/upload/images5/mk8041_1121.JPG
ابو سلمان
14/08/2004, 08:31 PM
والله ياسنتافي الافتراحات كثيرة ... ولكن لايمنع من الاطلاع واقترح :
اما تبيعها وتريح راسك .... او تصبر اللين يصير حولها بنيان وتطق استراحة لك والعائلة ...
او لين يرتفع السعر وتبيع بعد
اما كشتة لها دئمة ولا حولك مشجار ولا رميله .... مالها داعي
سنتافي
15/08/2004, 01:12 AM
مشكور اخوي ابو سلمان على ردك الجميل لكن الظروف كل آتي

اولا انا شايل من راسي بيعة الارض
ثانيا انا ودي اسوي لي مكان اشرد فيه من الصجه سواء حريم او بزران صدقني هم مبسوطين حيل في البيت
ثالثا الشجر والخضار ينزرع ينوجد لكن الهدوء اثمن منه مافي. وبعدين لا جوك الشباب والطبخ والوناسه مافي ازين منها وهذه وجهة نظري






http://www.mekshat.com/pix/upload/images5/mk8041_1121.JPG
العنكبوت
15/08/2004, 02:15 AM
الاخ سنتافي

اولا هل الامن موجود به ؟

هل تضمن ان ربعك يجونه ؟ يعني لاتصير بعيده قوه ويتثيقلونه ربعك

هل به امل من الماء والكهرب ؟

ان كان جواب السابق كله نعم فاول شي اقترحه عليك

انك تسورها وتحط لها باب

بس بالطرق الخفافيه يعني السور حجر العمدان حديد العماير التركيب

يعني شغل خفافي والباقي يجي بعدين

تحيتي لك
جلوبلستار
15/08/2004, 03:18 AM
اولا مبروك الأرض
ثانيا اذا كانت الأرض بعيده عن البنيان فأنا انصحك تحط فيها خيمتين الأولى كبيره ( تقريبا 4* 9)ويكون جزء منها مجلس والجزء الآخر مطبخ والخيمه الثانيه تكون للحارس ( على كفالتك طبعا واربط فيه حبل عشان ما يبعد عن المخيم اكثر من عشرين متر ) :D وحط عنده ثنتين او ثلاث معزا ( غنم ) للحليب وعيالها للمندي واذا بتحط لك شجرتين او ثلاث ترا ما عندي مانع . ويبيلك محول كهرب على البطاريه الف وات ( انحش عن المواطير ) المحول يقوم مقام الماطور ولا يبي له صيانه ولا تصليح ولا عب بنزين ولا ديزل وما فيه ازعاج وتراه اقصد المحول ما يفضي البطاريه يطفى قبل تفضي وانت ادرى مني بهالشي .وكذا يكون عندك مخيم من احسن ما يكون . الأيام هذي تجلس فيه من بعد العصر الى تالي الليل والى منه برد الجو ( في الشتا ) بيطلع هالمخيم احسن من كامب ديفد . تخيل نفسك وقت الشتا جاي الضهرللمخيم والى شافك العامل نقز وفرش الفرشه وصف المراكي وشب الضو وجهز العده وقبل ما تزين القهوه الى ربعك مقبلين عليك وجلستو وسولفتو وشوي بدا السحاب يركب والمزون ترتفع ثم امطرت و بدت الشعبان تمشي ...
واحرص على الربع السنتنافيين يعني الي يتهاوشون كل واحد يقول الغدا عندي العشا عندي . وانحش عن الي يمد رجليه ويقول وين الشاهي وين الغدا :mad: .
وطبعا في الصيف تحتاج لماطور ( والأفضل انه يكون روبن ديزل ) ومكيف صحراوي ثلث حصان . وصدقني اذا سويت كذا بتدعي لي ولا تنسى تعزمني على افتتاح المخيم .
سنتافي
15/08/2004, 12:33 PM
السلام عليكم ورحمة الله وبركاته

مشكورين شباب على ردودك الجميله وارائكم الاجمل

والله هي مهب ذاك البعد عن البنيان يعني 5 او4 سنين والبنيان عندك ولاهي ذاك البعد عن الديره والكهرب

انشاءالله داخل بعد شهر او اثنين والماء قريب يعني سهله جيبته .

عموما فكرة التسوير هذه جميله والله وانا بعد كنت افكر فيها لكن ما كنت مقتنع اما فكرة الغنم فهي الي ما

خطرت على البال يعني من جد فعلا اروق من الروحه لحلقة الغنم والمشاوير الطويله :p طيب على سيرة

الحيوانات وش رايكم لو ازود بها كلاب سلق (اكرمكم الله ) اثنين ثلاثه ظنكم تنفع :confused:


اما بالنسبه للخيام وش البديل المناسب


http://www.mekshat.com/pix/upload/images5/mk8041_1121.JPG
جلوبلستار
15/08/2004, 02:20 PM
ويكفي واحد ... ولا تنسى ان العامل اذا نام يمكن تسرق الخيمه ما درى لكن الكلب يشم ريحة الغريب من مسافه بعيده ويعطيك انذار باقتراب العدو ..
انا اقول السور خله بعدين .. يمكن يطري لك طاري والا شي ..
وما مثل الخيام وعلوم الرجال . وتقبل تحياتي اخوك جلوبلستار .
سنتافي
16/08/2004, 01:29 AM
السلام عليكم ورحمة الله وبركاته

مشكور اخوي على تواصلك وماقصرت والله كفيت و وفيت


ولا تنسى ان العامل اذا نام يمكن تسرق الخيمه ما درى لكن الكلب يشم ريحة الغريب من مسافه بعيده ويعطيك انذار باقتراب العدو ..
والله مدري من الي يبي يحرس الثاني:D

صدقت بحكايت الخيام من جد مالها مثيل ولا بديل

http://www.mekshat.com/pix/upload/images5/mk8041_1121.JPG
المربد
17/08/2004, 01:53 PM
لا تحط سور
لا تبني سور
آخر شيء تفكر فيه السور...!!!

انصحك تبني لك غرفة وحمام (الله يكرمكم) وتحسب حسابك انها تكون في مكان الملحق بالنسبة للأرض وتـبـنـيـها صح ماهو صف بلوك عشان ان الله اعانك وبنيت الفلة تصير هي الملحق.وتستعملها مستودع وسكن للحارس
وتحط على جدار الغرفة ارفف حديد على طول الجدار من الداخل حتى لا تصير الغرفة حوسة لأن اغلب الحراس معروفين بالطمالة ، يحوس لك اغراضك شيء فوق شيء.

وتحط لك خيمة من مصنع القاضي او واردالصباح (5×8) وتصير على ارضية مصبوبة صبة نظافة ومسوية بالقـدّة ، ومساندها مبنية من بلوك 15 ومليصة ومصبوغة ابيض ومدد اسلاك الكهرباء في كل زاوية من الخيمة ولا تحط فيها مشب استعمل المنقلة حتى يبقى المكان نظيف وما فيه بربسة
وبين الخيمة والغرفة تحط لك شبك فيه اللي تريد من الحيوانات
واذا كان عندك قريشات تقدر تبني خزان الماء علشان تستعمله احسن من التوانك الحديد، وان بقى من قريشاتك شيء وما دام الحفار جاي للمكان احفر البـيـارة (الله يكرمكم) ولاتنس لا تحط سور
انتبه تحط سور لأنه يقيدك بمعنى الكلمة
يقيد المنظر
يقيد المساحة
يقيد البناء في المستقبل
يقيد ريحة الحيوانات عندك على طول
يقيد كل شيء

واسال الله ان يبارك لك في مالك ورزقك وان يجعلها عون لك على طاعة رب العالمين.
سنتافي
24/08/2004, 12:06 AM
هلا اخوي المربد واعتذر عن التأخير صدقت بفكرة السور فكره جميله لا بأس والمشجع انه حسناتها اكثر واهم من سيئاتها

انتبه تحط سور لأنه يقيدك بمعنى الكلمة
يقيد المنظر
يقيد المساحة
يقيد البناء في المستقبل
يقيد ريحة الحيوانات عندك على طول
يقيد كل شيء
حنى ما نبي انتقيد انا بشرد من التقيد :D

لكن لو حطيت سور ارتفاعه بسيط بالبلوك مبني يعني نص متر او اقل ومتر فوقه من الشبك :confused:
http://www.mekshat.com/pix/upload/images5/mk8041_1121.JPG
عجاج
24/08/2004, 01:12 AM
السلام عليكم ورحمة الله وبركاته
اخوي سنتافي احد اقربائي عنده ارض نفس مواصفات ارضك وبقولك وش سوى
سور ارضه وجعل الاعمده من بلوك فقط
بنى غرفة ودورة مياه ودكة
جاب قلص وايت عادي مستعمل ووضعه داخل الحوش على كفرات بدل الخزان الارضي ( بسعر زهيد)
اشترى مكينة دادسن من التشليح قديمه ورهم فيها محول كهرب .. يدق سلف ويولع اللمبات تقل بعرس مشالله
استفاد من هذي الطريقه مدة 3 سنوات حتى وصل الكهرب ولله الحمد

والله الموفق
سنتافي
24/08/2004, 03:58 PM
السلام عليكم ورحمة الله وبركاته
جزاك الله خير اخوي عجاج


سور ارضه وجعل الاعمده من بلوك فقط
بنى غرفة ودورة مياه ودكة
جميل يعني ما بعد كثير .:rolleyes:


جاب قلص وايت عادي مستعمل ووضعه داخل الحوش على كفرات بدل الخزان الارضي ( بسعر زهيد)
هذي الفكره الي كانت تدور في راسي لكن الفكره الي كانت عندي هي بخزان عادي ستيل او فيبر جلاس مثل الي موزعه حول الشط حق الهاف موون في الشرقيه.


اشترى مكينة دادسن من التشليح قديمه ورهم فيها محول كهرب .. يدق سلف ويولع اللمبات تقل بعرس مشالله
يعجبني خويك ماشاء الله عليه ما يلعب :D لا انا الكهرب يبي يدخل انشاء الله بعد شهر او نص لكن المشكله مدري وشي الشروط حقت شركة الكهرب بي يوفقون على تركيبه بدون سور بس اعمده .
http://www.mekshat.com/pix/upload/images5/mk8041_1121.JPG

ملاحظه الى عزيزي المشرف انا حاولت اعدل اسم الموضوع لكن كان الرد اني لازم اراجعك وانا مدري وشلون صار كذا الموضوع ماانتبهت الا متأخر