شباب الله يجزاكم خيير تكفوون

[3bdelm7sn]

السلام عليكم
الشهر عليكم مبارك
انا عندي اليوكون 2007
من اول طلعت فيه مشكلة في القير كذا تحس القير تغير عن اول لا جا يعشق من الاول للثاني كذا تحسه ما يمسك الثاني زين ياخذ كذا ثانية تقريبا ويمسك النمرة الثانية
المهم غيرت زيت القير والفلتر وتصفية مكينة ورجع القير طبيعي
من 4 ايام تقريبا طلعت نفس المشكلة يعني بسس اخف يعني يعشق من الاول للثاني بس تحسها قوية تعشيقته وما فيها طقة ترا وزيت القير ماشي عليه الحين من يوم غيرته 14000 الف تقريبا وش اسوي اغير الزيت مرة ثانية هو والفلتر
وترا المشكلة الثانية ما طلعت بعد فقعت مكينته قبل 5 ايام يعني وداخل الدير يعني ارفع رجلي وادعس بقوة
الله يجزاكم خير تكفون ترا هو مظيق صدري
***************************



تم تعديل الرد بواسطة المشرف
بدوى جنوبي

[3bdelm7sn]

فقعت مكينته مهب قصدي انفقعت صدق لا جلدته كذا حول نص ساعه الحق واحد يعني ما صرت اخليه الا يغير الا اذا جا الضغط على 6 :)

[3bdelm7sn]

والله رفع ضغطي وش اسوي

[الاندكروزر123]

غير الزيت و اذا مانفع المشكلة في كراسي القير او المكينة ترى اذا استمرة بتحوس علية الحساس حق المكينة

[غالي]

ياخي ماابي اضيق صدرك

لكن انت اكيد سامع عن عيب تصنيعي بالقير في 2007

صح والا لا؟؟

اذا كان تحت الضمان وده للوكاله

وادخل اليوتوب وأكتب ((فضيحة يوكون 2007))

بيطلع لك واحد موتره مايمشي وهو مامشى الا 10 الاف

ونصيحتي لك
دخله الوكاله قل ابي اشوف وش فيه لاتصلحونه الا مكلميني بالتلفون اشوف كم التكلفه

اذا عرفت وش المشكله والسعر ...ذيك الساعه قرر وش تسوي تصلحه عندهم او برا

والله اعلم

[سوبر VTC]

و عليكم السلام و رحمة الله
جرب فصل البطاريه ==> مثل اعاده البرمجه
احيانا غسل القير يفيد في تنظيف خارطه القير

انه غسل القير يجيب نتيجه طيبه لانه يفتح اي انسداد بخارطه القير
الغسل لمده 5دقائق و تفرغ الزيت
راح ينزل رايش الكلتشات و التروس بماص الكرتير

بعضهم يقول ارفع السيارة بعفريته و حط زيت جديد و خله تدور السيارة لمده 5 او 10 دقائق و فرغ الزيت

و ان شاء الله يعشق القير بسلاسه و ماراح يعلق :good:
خصوصا مشكله حدثت لفتك 2002
كان يعلق بنمره و لا يريح نهائيا
و قالوا له تغير الخارطه ب2700 من التشليح
او من الوكاله بسعر 5000الاف ريال
طبعا خريطه الفتك معقده جدا
غسل القير و ضبط :good:
طبعا تماتيك

نصيحه من راعي ورشة

اذا كان القير مهب نظيف بسبب استخدام سيئ سابقا
الافضل تغيير زيت القير كل 20الف كيلو
للحفاظ عليه من الخراب
او
كل 6شهور


ادخل هذا الرابط


http://www.mekshat.com/vb/images/buttons/firstnew.gif (http://www.mekshat.com/vb/showthread.php?t=221402) مثبت: ๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=221402) 2 (http://www.mekshat.com/vb/showthread.php?t=221402&page=2)) ‏

[3bdelm7sn]

الله يجزاكم خير كلكم ويعطيكم العافية
هي جت من اول وراحت بعد ما سوينا له تغيير زيت القير والفلتر وتصفية مكينة والوكالة لا غيرت زيت القير عندهم يغسلون مخ القير معه وينظفون الحساسات بس كل 14000 بسوي كذا ومع العلم ترا توني مغير صوفة القير الخلفية والامامية ظنكم منها بس المشكلة ما طلعت الا بعد ما مشيت 3000 كيلو بعد ما غيرت صوفة القير

[3bdelm7sn]

طالع من الضمان اصلن اول ما مشا 62000 طلعت المشاكل

[سوبر VTC]

اذا كان الزيت ناقص
يتاخر بالتعشيق

[3bdelm7sn]

لا الزيت مضبووط كامل والكامل وجه الله

[3bdelm7sn]

ان شاء الله يوم السبت بغير زيت القير والفلتر الله يعينا على الوكالة يصقعونك ب 550 تغيير زيت قير وفلتر
انا كلمت واحد قالي يمكن الرايش او برادة الحديدة نزلت على الفلتر وسكرته قلت له انا بقعد كل 14000 اسوي كذا قال انت عطيته بزيادة في الحر ولازم يصير كذا قالي غير الزيت والفلتر حق القير وانا بغيرها بشوف ان شاء الله يضبط

[ميمون111]

ركب فلتر اصلي

[عاشق الفرعه]

مدري والله بس حبيت أشارك

[3bdelm7sn]

السلام عليكم والله غيرت زيت القير والفلتر والمشكلة ما راحت والله شكلي بغسل المخ على قولة اخوي سوبر Vtc طيب وين المكان المضبوط اللي شغلهم زين واسعارهم زينة

[سوبر VTC]

السلام عليكم والله غيرت زيت القير والفلتر والمشكلة ما راحت والله شكلي بغسل المخ على قولة اخوي سوبر Vtc طيب وين المكان المضبوط اللي شغلهم زين واسعارهم زينة


اخوي
احد الربع معه فتك نيسان القير يعلق على نمره
غير الزيت و لا ضبط :no2:
بعد يومين زان القير :good:
اصبر عليه

[الربذي]

وعليكم السلام الله يعينك على الامريكي وخرباته ولكن اخي الحبيب ارجوا منك عدم سب الدهر( قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ) .
ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني . سبحان ربي العظيم وغفر الله لك اخي الحبيب لعلها طلعت بحالة غضب ولم تتمكن من تعديلها لاتثريب عليك اخي

نحسن الظن باخونا عبدالمحسن

اخي الامريكان اهم شي عندهم كم ينتجون حبه وبس وليس الجودة مثل تويوتا مثلا او اليابانيين بشكل عام
وهذا يقوله خبراء في عالم السيارات ماجبته من عندي ولكنه واضح لذوي العقول ..

ااكتب فضائح اليوكن او اعطال اليوكن وشف الكثرة هذا من غير الي ماحطوه بالانترنت وهم تكثر من 98بالمية من الخربات .....

[3bdelm7sn]

الله يجزاك خير اخوي سوبرvtc ان شاء الله بصبر ونشوف اي تغييرات بقولكم
الربذي الله يجزاك خير على النصيحة والله انها غلطة وحصلت صار اللي صار لكن ان شاء الله يضبط ونصبر عليه سنتين وتوبة ما نغير لاندكروزر :)

[3bdelm7sn]

السلام عليم
والله الموتر ما ضبط لين الحين
ابغى ورشة فاهمة ويخافون الله واسعارهم معقولة الله يجزاكم خير تكفون
انا في الرياض انا والله سمعت بتشالنجر وش رايكم فيه واذا فيه لحسن منه لا تبخلون علينا

[سوبر VTC]

و عليكم السلام و رحمة الله

المراكز الكبيره غالبيتهم لا يخاف الله و حراميه

و المدراء لبناني او سوري او اردني توبر البي :mad::mad:



http://www.mekshat.com/vb/images/avatars/ksa.gif (http://www.mekshat.com/vb/member.php?u=11979) Magellan (http://www.mekshat.com/vb/member.php?u=11979) http://www.mekshat.com/vb/images/statusicon/user_offline.gif
مكشاتي فضي
تاريخ التسجيل: Jan 2005
الإقامة: الرياض
المشاركات: 1,994
http://www.mekshat.com/vb/images/reputation/reputation_pos.gif


http://www.mekshat.com/vb/images/icons/icon4.gif رد: عاجل لخبراء الجمس 2003 في القير و دفرنس اقتباس: المشاركة الأصلية كتبت بواسطة سلطان الرياض http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=2975220#post2975220)
طيب في أحد يعرف مركز صيانة ممتاز للمشاكل التي ذكرت ؟؟؟
عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء

[3bdelm7sn]

الله يجزاك خير مشكوووووور وما قصرت
بس ابي احد يرد على سؤالي تشالنجر كيف فيه واحد يمدحه لي وانا والله متردد اروح لهم ولا لا

[3bdelm7sn]

السلام عليكم
شباب رحت لتشالنجر اليوم قالو لي يحتاج توضيب المهم انا ما اقتنعت المهم وامر على ترايستار قال الفلبيني الشايب ان القير ما فيه شي طبيعي وش السواة معهم الله يجزاكم خير تكفون اصدق تشالنجر ولا ترايستار واذا فيه ورش نفحص عندها لا تبخلون علينا

[vip000]

اخوي عبدالمحسن الموتر قيره نظام كهربا سويك الكهربا فيهم مشكله هذي يبيله جهاز فحص خاص للقير وده الوكاله وراح يفحصونه باذن الله يبين معاهم ان شاءالله وماراح تخسرشي تبي تصلح بالوكاله كيفك ماتبي تصلح طلع الموتر وهم معلمينك شنو العله وصلحه برا وادفع اجور الفحص واتمنى اني فدتك

[بدوي جنوبي]

اخي الامريكان اهم شي عندهم كم ينتجون حبه وبس وليس الجودة مثل تويوتا مثلا او اليابانيين بشكل عام
وهذا يقوله خبراء في عالم السيارات ماجبته من عندي ولكنه واضح لذوي العقول ..

ااكتب فضائح اليوكن او اعطال اليوكن وشف الكثرة هذا من غير الي ماحطوه بالانترنت وهم تكثر من 98بالمية من الخربات .....


معليش اخوى الغالى الكبير الربذى :D
من قالك ان الامريكان اهم شيئ عندهم الانتاج
بالعكس الكلام هذا لتويوتا وطقتها ،، وشف اغلب مصانع تويوتا وين اصبحت الان
على الاقل اغلب السيارات الامريكيه باقى تصنع في امريكا وكندا
والقليل منها يصنع في استراليا مثل الكابريس واللومينا




ولا تنسي ان هذه المشكله ايضا منذ مبطى وهى مووجده في اللاند كروزر وحتى احدث موديل
اقرأ هذا الرد



السلام عليكم ورحمة الله وبركاته
حياكم الله
اخواني المشكلة معروووفة في الاندكروزر وهي (طقة القير)
وآه من طقة القير طبعا اتوماتيك
كنت اعاني من المشكلة من يوم ماطلعت السيارة من الوكالة
لاندكروزر 2006
احيانا يكتم ولا يغير على طووول ومن ثم يطق طقة والله تدمي القلب واحيانا اذا كتمت عليه تطلع صوت لطقة
قالوا لي تشحيم وشحمنا وقالو فلتر وغيرنا
مع العلم ان الصوووت كنت اعاني منه من يوم ماكان ماشي 5000 كلم ودخلته الوكاله وبعد فترة رجع الصوت ومازلنا على هذه الحال :( :( :(
حتى وصل الممشى ولله الحمد 210000كلم
والان طفح الكيل وخلاص ووجبت البيعة او التزيين
اقووول تدروون خلاص الظاهر اننا هونا على التزييين الي يعرف ورشة يرشدنا لها
وله مني دعوة في ظهر الغيب.........
والي له نظر بالموووتر ويبي يشتريه انا ببيعه
المواصفات
gx.r
6سلندر قير اتوماتيك
ثلاجة+مكيفيين+النور العالي زنون وكالة+واللون اللؤلؤي....
آسف والله على الاطاله لكن هذي معاناة اخوكم .........
دمتم بالمحبة.......





طبعا ردى على ردك لاني استخدمت انواع كثير من السيارات
امريكي ويابانى
لكن الاغلب منها هو الامريكي
وخاصة اليوكن لهذا اثرت فضولى في الرد عليك

استخدمت يوكن موديل 95 و 98 و99 و 2003 و2007 مع اخى والى الان لم يشتكى من مشاكل

كل هالموديلات لم اعاىن من اي مشاكل معها وسبق ذكرت ذلك في احد ردودى
المشكله واجهتني فقط في موديل 98 نفس مشكله اخونا عبدالمحسن وهى طقة القير
عند انتقال السرعه من نمره لنمره ،،،


*******

اخى عبدالمحسن صدقنى قد تخسر كثيرا كثيرا حتى تحصل على الحل
ولا اقول لك هذا الكلام لكى اقلل من عزيمتك في الاصلاح
لكن اقول لك هذا لكى تتقى الوقوع في مشاكل مع قير سيارتك
وتتجنب اصحاب الورش وكل من هب ودب يطلب منك غيار
القطعه الفلانيه وانتبه من زيارات الورش ممكن يحطوا لك قير ثانى غير قيرك ويكون موضب ،، وانت تجى فرحان تبى تاخذ سيارتك وتشوف ان الطقه راحت
وفي الحقيقه انهم استبدلوا قير بقير موضب

اسمع كلام من اخ محب لك وللغير ومحب للخير بأذن الله

القير لا توضبه مهما كان وانت شفت ورشه تشالنجر قالوا لك توضيب
والفلبيني قال القير سليم

مشكله القير في الطقه معقده وتحتاج لشخص متمكن في القير او عن طريق الوكيل
لانه يوجد لديهم اجهزة فحص خاصة بالفير فقط
تفحص القير قطعه قطعه وحساسات والبدي بلف
او مركز صيانه موثوق فيه ،،

رأيى الاخير اترك القير واستخدم سياراتك ووفر قريشاتك :D

تحيتى

[3bdelm7sn]

الله يعطيكم عافية ويجزاكم خير كلكم
اخوي بدوي جنوبي والله منب مسوي شي خلااااص خل السيارة الين توقف من نفسها هذيك الساعة نشوف اشتري قير جديد ولا نوظبه والله يكتب اللي فيه الخير والوكاله بعد العيد وش رايكم ادخلها العيسى ولا الجميح ترا انا في الرياض والله يعطيكم الف عافية