المساعد الشخصي الرقمي

مشاهدة النسخة كاملة : قيمة الجيب الحوض 2010


راع العودة
27/08/2009, 05:52 AM
السلام عليكم ورحمة الله وبركاته...


امس ياجماعة الخير كنت مار على معارض بريدة واشوف والا هكا المعرض اللي عنده جيب حوض (شاص)


2010 المهم وانا اعكمه على هالمعرض وادرعم عليه واتمقل بهالجيب والاه فل كامل ونش ودفلك وارد


البريمي ...


واناظر والى به راعي المعرض واطير لمه علشان انشده عن هالجيب ودار هالحوار:

راع العودة: السلام عليكم

صاحب المعرض : وعليكم السلام

راع العودة: بكم الجيب الحوض يالحبيب؟

صاحب المعرض: 140,000 ريال

راع العودة: !!!!!!!!!!!!!

صاحب المعرض: وراك؟

راع العودة: ياخي وش دعوة هالسعر؟؟

صاحب المعرض: صار فيه اختلافات والمكينه فرقت

راع العودة : وشلون عزم المكينة اقوى ولا اردى؟

صاحب المعرض : مادري

راع العودة: طيب صوت المكينه فرق؟؟

صاحب المعرض : ماهنا فرق

راع العودة : تصبح على خبر

صاحب المعرض : تلقى خير بس ترى صرفيته قلت

راع العودة : ياخي اللي يبي يشريه بهالقيمة مهو عجزن لا يحقن به بنزين كل شوي

انتهى الحوار

المهم انه بـ 140000 ريال سعودي


سؤالي ياجماعة الخير هل يسوى الجيب الحوض اني ادفع به هالقيمة و لا لا؟؟؟؟



واعتذر عن الاطالة
والسلام عليكم ورحمة الله وبركاته
ابو صقعبي
27/08/2009, 06:02 AM
وعليكم السلام ورحمة الله وبركاته

السراحه المبلغ مبالغ فيه بشكل كبير

ومع ذالك الاسعار كلمالها بزيادهـ والناس

يشروون عشان كذا لاتستغرب اذا وصل لهالقيمه
طير جنون
27/08/2009, 06:08 AM
اشري هايلوكس تايوتا 4×4 غمارهـ 2010

نفس الفرق لا وبعد الهايلوكس افخم

وبسعر نصف القيمة

او وش رايكم

شاكر لك اخووي على الموضووع
ابوو زيد
27/08/2009, 06:21 AM
يرجال لو تجمعه من التشليح ما طلع نص المبلغ

مبالغ في سعره بزياده وما به ذاك الزود الي يسوى

انا اعطيه سعر من 60 الى 80 الف اشوف هذا سعره

مبالغ في سعره بزياده مع احترامي لملاك الشاص
غالي
27/08/2009, 06:44 AM
هههههههههههههههههههههههههه

ياخي وهي اول مره تصير؟؟؟؟؟؟؟؟

اسأل الي يعرف قيمته اول مانزل 2007

كان في المعارض يبيعونه فوق 140

وانا واحدن من الي راح وسأل عن قيمته

كان على مااتذكر في معرض الجميح في النسيم

فوق 140

عادي حبيب قلبي اول ماينزل موديل جديد لاتشتري

ارجع لهم لين سمعت ان الوكيل نزله او قبل لا ينزله بإيام

وشف الفرق بينزلون سعره


نصيحه لا تاخذ من هالحراميه ((الشريطيه)) سعر موديل جديد اول ماينزل


هذا وقت نصبهم وانا اخوك :)
قطب 999
27/08/2009, 02:25 PM
ما لقيت عنده 2009 دفلك بريمي
غضنفر
27/08/2009, 02:45 PM
أسعار 2010 مرتفعه
خاصه انا على قبالت الشتاء

وبضني انها ما راح ترخص
الا بالصيف الجاي
الشاص الف الي الحين بــ 140 الف
بعد سنة
باعتقادي انه بيصير 120 الف

والي مستعجل
ويحتاج شاص
ياخذله 2009
الين تزين اسعار 2010
بوغيث 6363
27/08/2009, 04:30 PM
أبي أعرف أذا كان ماهناك فرق ليه تأخذ 2010 ,,