المساعد الشخصي الرقمي

مشاهدة النسخة كاملة : دلوني على محل تركيب الطبق


ابو سلمان
15/08/2004, 05:54 PM
وعليكم السلام ورحمة الله وبركاته

الى الاخوة الاعزاء الكشاته احب الركب طبق في السيارة بس ابي ورشة لها الخبرة وتكون قي الرياض لان الورشة الممتازة في الزلفي وابي اعرف اذا كان في الرياض شئ و الا لا .
الروضة
16/08/2004, 09:12 AM
أخوي أبو سليمان حفظه الله
السلام عليكم ورحمة الله وبركاته
أي حداد متمكن يقدر يسوي لك ماتطلب مثلا إذا كان في خاطرك شكل معين ارسمه له أو عطه صورة وينفذه
لكن أنا اعطيك فكرة يمكن تنفع لك وهي جب زاوية وثبتها مكان المرتبة الخلفية ومع الجهة الثانية نفس الزاوية ( يعني تكون الواحده من الزوايا ممتده من ظهر المرتبة إلى الباب الخلفي والثانية مثل ثم تضع لوح خشب عليهن وتربطه بمسمارين على شان مايتحرك ) من أجل لو اردت شيل شئ كبير فك اللوح وحطه تحت
الميزات للطريقة
1- مايكون فيه رجلين تضيق
2- عدم تخريق الموتر
3- سهولة حمل ا لشئ الكبير
4-قلة التكلفه
5- ممكن تضع اللوح إمتداد للمرتبه إذاتصفطها وتنام عليه يعني تفك اللوح وتضع تحته مايناسب إرتفاع المرتبة
6- التحكم بالدروج اللي على جنب بسهولة
والسلام
ابو سلمان
16/08/2004, 05:50 PM
وعليكم السلام ورحمة الله وبركاته

شكرا لك اخوي الروضة على المعلومات وان شاء الله ابجربها وابلغك النتائج بالصور






______________
http://www.mekshat.com/pix/upload/sign/images/mk9589.gif
aahhhh2
17/08/2004, 01:21 PM
السلام عليكم ورحمة الله وبركاته

وشو الطبق

وياليت صور علشان نستفي
الله يجزاكم خير
صاروخ
17/08/2004, 02:06 PM
صبحك او مساك الله بالخير يابو سلمان
انا معي جيب gxr وودي اركب طبق وقيل لى ان فى الزلفى كما تفضلت لكن ماقالوا لي اسم الورشه ووين هي من الزلفى
اذا تعرف عن الورشه اللى بالزلفى شيء علمني ومشكور

لاتزعل اصبح الطالب مطلوب :D :D
ابو سلمان
17/08/2004, 07:45 PM
الاخوة الاعزاء ................. تحية طيبة

اخوي aahhhh2 بنسبة لطبق عبارة عن لوح اما من الحديد او الخشب مثل الونيتات والشيصان بعضهم يركبه ويصبح دورين.
ممتاز للتحميل اما الصوالين فمنفعة كثيرة اولا يغطي العفش وممكن يصير سرير اذا نزلت المرتبة الثانية مع نفس المستوى ... ارجو ان تكون المعلومة وصلت صحيحة اما الصور ما عندي الان لاكن في المستقبل وترى الفكرة قريبة من سيارات الرنج روفر الجديد لاحظ في الخلف ....

اخوي صاروخ بالعكس عين لاحاف وعين غطا .... الورشة اعرف مجموعة من الزملاء مركبين عندها وممتازة وشغل لا يعلا عليه ولكن البعد له دور ... وان شاء الله ابجيب الوصف او رقم الورشة في اقرب فرصة لا تزعل ان طولت عليك شوي ...

__________________________________________________ ______
http://www.mekshat.com/pix/upload/sign/images/mk9589.gif
ابو سلمان
05/09/2004, 03:25 PM
ناسف لتاخير ...

اخوي العزيز صاروخ الطبق يركب عند ورشة السلمان والوصف تفرق مع مفرق الزلفي وانت جاي من الرياض وتجيك لوحة الزلفي 55كم ابتل بيجيك دوار اتجه يسار ( اصل ما فيه الا يمن الارطاوية ويسار الزلفي ) ابتل الا اول اشارة وبعدين تيامن وامش مسافة تجيك الورشة على اليمين ترى فيها شينكو احمر واكرر الاسف لتاخير

http://www.mekshat.com/pix/upload/images5/mk9589_11.jpg[/img]

[line]
http://www.mekshat.com/pix/upload/sign/images/mk9589.gif[/img]
صاروخ
06/09/2004, 08:31 AM
سنايدي يابو سلمان

ماقصرت يالغالي
وان شاء الله انا اليوم العصر عنده

وعلى طريقي سوف املء تانكي السيار ه من ماء الزلفى وضبط الفنجال والبراد ودعيلك

:D