المساعد الشخصي الرقمي

مشاهدة النسخة كاملة : الفزعة يا هل البتاريل


طير علوان
28/08/2009, 03:32 PM
السلام عليكم ورحمة الله و بركاته،،،كل عام والجميع بخير ،،يا جماعة الخير أنا ما ودي أطول عليكم وشفة الموضوع واحد عنده نفس المشكلة انا عندي الدبل تعبان جيب 97 نيسان به طقات ورا بعض إذا حطيته بالثقيل وبرمله المشكلة معي من العام والسنه ذي حتى إذا حطيت الخفيف يطقطق بس ما عليه الرمله يطلع منها السؤال هل يؤثر على الدفرفنش لإني بصراحة طفران شوي ودي اقنص عليه لين يزينها الله هل فيه مشكله إذا مشيت عليه والله يعطيكم العافية ويرحم والديكم..
abo-lma
28/08/2009, 05:30 PM
وعليكم السلام ورحمة الله

المشكلة اليي عندك هي التروس حقت الدبل والله العالم

واذا مشيت عليه ماعندك اي مشكله

وتقدر تستخدم الدبل بعد لو طحت بغراز راح تسمع صوت الطقطقه

بس ماعليك .

موفق خير
سوبر VTC
28/08/2009, 05:34 PM
و عليكم السلام و رحمة الله
اذا شبكت الدبل بالرمل و بالثقيل و طلع طقطقه
فهذا جنزير الدبل دايم يخرب للباترول
افضل
تركب دبل كامل ياباني من التشليح او الورش المتخصصه بالباترول
سعره تقريبا ب800ريال مع الرجيع
موفق
الوتر الحزين
28/08/2009, 05:51 PM
هلا اخوي حياك الله

شف وانا اخوك انا معي باترول 99 ربع وصار لي نفس المشكله اذا شغلت الدبل خفيف او ثقيل يطلع صوت طقطقه في الدبل وصوتها قوي خاصة في النفود اذا تحمل الموتر ...

سألت كم واحد من الشباب كلهم اكدوا لي انه جنزير الدبل لان الباترول دايم يخرب فيه المهم رحت للصناعيه وشريت جنزير ب900 ريال والتركيب ب200 والحمد لله راح الصوت والموتر تمام اللهم لك الحمد.

على فكره فيه ثلاث انواع للجنزير نوع ب 900 ونوع ب550 تقريبا ونوع ب300
انتبه وانا اخوك لايغشونك..
أبوعبدالله202
28/08/2009, 10:56 PM
هذا يالغالي جنزير الدبل
حصل نفس المشكلة مع واحد من الربع لباترول 99
فيه واحد بصناعية النسيم يضبطه لك (اسم راعي الورشة نسيته واسم العامل إقبال)وصفهم وانت جاي من عند قصر التاج سيده الين يجيك التقوى على اليمين لف قبله ثم اول ملف يسار رابع او خامس ورشة على اليمين
اسم الورشة (العضيب)
طير علوان
30/08/2009, 03:35 PM
جزاكم الله خير يا النشاما على الردود الوافيه