المساعد الشخصي الرقمي

مشاهدة النسخة كاملة : لا هنتوا ورشه لتركيب التوانك للشاص بالقصيم


مطارد
29/08/2009, 01:02 AM
السلام عليكم ورحمة الله وبركاته ..
مساكم الله بالخير ومبارك عليكم شهر الخير
اخوكم يطلبكم الراي والمشوره فيما يلي :
1- ورشه لتركيب التوانك في القصيم وموقعها بالتحديد .
2- كم رايكم يكون حجم التوانك للشاص .
انا سمعت عن مجمع الصمان ببريده يقولون انه بصناعية الرواف وانا من عنيزة ولا اعرفها ..
ومشكورين وبيض الله وجيهكم ولا عدمتكم يالذيابه ...

تقبلوا تحياتي ...,,
ابوسفان
29/08/2009, 01:21 AM
والله ياخوي مشاركة فقط لا غير رح لعروق الشمال يفصلك اللي تبي
مطارد
29/08/2009, 01:27 AM
مشكور يا بو سفان انا مريت عروق الشمال وصحيح يفصل توانك بس ما يفصل شنطه

وانا ودي اركبهن مره وحده ..

مشكور ياالغالي ..
سوبر VTC
29/08/2009, 06:03 AM
و عليكم السلام و رحمة الله

مبارك عليك الشهر الكريم

شف محل السنيدي بطريق الملك خالد
يمكن تحصل عنده تانكي جاهز المنيوم
و عندك محل فهد للرحلات باسواق الغد
عند جوازات بريده
و ان شاء الله يفصلك شنطه المنيوم
عنده باكستاني جيد اسمه دالور
ترى شغله من ناحيه التلبيس و العازل :good:
احسن من عروق الشمال و السنيدي
و لاحظ الشناط حقت الطبخ و القهوه ممتازة جدا
اسفنج ابيض + القصدير حقت الكبرات
المحلات الثانيه يحطون اسفنج الاصفر الرخو
و عندك محل المبارك قبل مصنع الببسي بطريق الرياض القديم
يمكن تحصل عنده

التانكي مع احد الربع مركبه على شاص عرض قبل الستبنه ياخذ تقريبا 200لتر
+
و اللي يمين الاستبنه تسقط به ثلاجه فريزز بالملي :good:


اذا تبي تفصل شنطه حديد
مر على ورش التوانك اللي بطريق عنيزة و انت طالع من بريده
عند سوق التمر طريق الملك عبدالعزيز


موفق
عابر سبيل933
29/08/2009, 06:08 AM
عزالله ماقصر سوبر افادناالجميع
عبودي بلس
29/08/2009, 06:09 AM
فيه مصنع الوادي بالرس يفصل اللي تبي وشغل مظبوط وكان تبغى رأيي فصل ألمنيوم صح ان سعره غالي شوي لكن لك وللزمن
ومحله بالصناعية طريق قصر بن عقيل يجي على يسارك طواري الكهرب ارجع مع الاشاره وادخل يمين بعد الطواري تلقاه بالزاويه على اليسار
ارجو ان يكون الوص واضح
مطارد
29/08/2009, 04:42 PM
اخوي سوبر وعابر سبيل وعبودي بيض الله وجيهكم وماقصرتوا ومشكورين وجزاكم الله خير ..,,