المساعد الشخصي الرقمي

مشاهدة النسخة كاملة : ابي رايكم عندي مشكله بالباترول


الغرابيM
29/08/2009, 05:19 AM
السلام عليكم ورحمة الله وبركاته ..

حبيت استفسر منكم أهل الخبره عندي باترول وفيه بالرفرف والباب من عند السواق تقاشير بالبويه وحبيت اسأل فيه حل غير رشة الموتر كامل وياليت تعطوني سعر رشت الموتر ..

وحبيت استفسر بعد عندي البيبان يبيلهم تلبيس من داخل والمراتب والارضييه وش تصحوني فيه ..
سوبر VTC
29/08/2009, 05:48 AM
و عليكم السلام و رحمة الله

تقدر تنقط البدي اذا كان يستحمل التنقيط
بمعنى مهب قشر كبير مساحه كبيرة
بواسطه فرشه رسم حقت الالوان

بس تبي سعه صدر

اذا بغيت الطريقه علمن

التنجيد
حط عازل + فرشة ارضيه مثل حقت الطبلون ام شعر
و حط عليه باغه

اذا كانت البيبان ديكورهن متشقق
يلبسونهن لك نفس لون الغمارة


موفق
الغرابيM
29/08/2009, 04:20 PM
ياليت تعلمني بالطريقه لاهنت
سوبر VTC
30/08/2009, 02:56 AM
تفضل يابعدي

طريقتي و لعل احد الاخوان تكون فكرته و طريقته افضل
ما نستغني عن ابداعاتهم

تشري من المكتبه ريشه حقت رسم اللي راسه مثل فرشة الاسنان او مثل الفرشات حقت راعين البويه
طبعا تاخذ اصغر مقاس و بعدين تقص كل الشعر بالمقص ماعدا 7 شعرات تقريبا
ال7 شعرات تقصهن بحيث يكون طول الشعره الواحده ثلث او نص سم للجميع
ثم تجيب غراء ياباني كرتونه برتقالي سعره ب2ريال
او امريكي كرتونه ابيض بسعر 3ريال
و تحط غراء على نفس هذه الشعرات او الشعيرات
حاول تجعلها متلاصقة بعد وضع الغراء
و اذا جف او نشف الغراء تقص من هذه الشعرات من الاعلى لمسة خفيفه تقريبا 1ملم
عشان يكون الراس مدبب و هذه نقطه مهمه من اجل تنقيط البويه بالشكل الصحيح

و تروح تاخذ بويه من حقين بويات السيارات
احرص على افضل شخص مشهور بتطبيق البوية بالشكل الصحيح
عادة تجد رقم بوية سيارتك من خلال باب السواق او من خلال الاستكر بدرج السيارة...الخ
و خذه من عنده تنر و حطه بعلبه صغيرة مثل حقت مويه
و خذ قطن او قماش

بعدين تحط البوية بعلبه قطرة عيون حقت الصيدلية عشان ما تنشف البوية
لانه اذا تعرضت للهوا و انت عارف ان شغلة التنقيط تحتاج سعه صدر تقريبا نص ساعه فاكثر اذا كانت الخدوش كثيرة
الريشة تغمر راس الريشه فقط بالبوية لا تكثر عشان ما تسيل البوية
يعني كل خدش تقدره التقدير الصحيح من ناحية كمية البوية و غمر الريشة
طبعا تنقط البدي بواسطة هذه الريشة و في نفس الوقت تحط اصبعك الكبير على نفس العلبة ==> تسكر الفتحه عشان ما تنشف البوية بسبب الهوا

اذا نقطت البدي بالبوية و اخطات في مكان التنقيط او سالت البوية من مكان الخدش
امسحه بواسطة التنر==>مسحه خفيفه و لاراح يضر
و اكمل عملك حتى تنتهي

هذه الطريقة اذا طبقتها بالشكل الصحيح يطلع الشغل رائئئئئئئئئئئئئئئئئع جدا :good:
افضل من بعض الورش و الوكالات لانهم ماعندهم ذمه
و حالهم يقول ==> جلد مهب جلدك على الشوك جره :mad:

انا سبق جربت الابره حقت الصيدليه اصغر مقاس
لكنه متعبه جدا و تسيل البويه بكثره

اذا كانت البويه متقشره من الاساس
بعد ما تنقط على نفس المكان
تتركه حتى ينشف
همن تنقط عليه مره ثانيه
الفائده
تعبي الحفرة و تسكره تكون مسح مثل البدي :good: