الباجيرو خربان :(

[المطلاع1]

السلام عليكم ورحمة الله وبركاته ,

اخواني

انا عندي باجيرو موديل 2003 والله يا اخوان احس ان راعيه اللي شريت منه الباجيرو غشني :(

كل شوي يطلع فيه عطل

انا دوامي بر بالسالمي واظطريت اشتري جيب عشان الدوام بري وبيتنا بالجهراء يعني تعرفون غبار موسمي

المهم

الحين فيه ثلاث اعطال

الاول :

مال الدبل ( اول ما شريته كان الليت البرتقالي يطلع بالدائرة اللي بين التايرين الخلفيين بس ) ( الحين قام يطلع بال 4L باللون البرتقالي اللي هو بنص الجيب اول ما اشغل الموتر تقعد شوي وبعدين تروح ؟؟ علما بأن قبل ما كانت تشتغل ؟؟ شنو السبب ؟؟ مع العلم ان الدبل مو شغال


http://www.gulfup.com/do.php?img=45574والعطل الثاني كلمة SRS شغاله كل ما اروح مشوار شغاله لو اطلع من بيتنا واسافر للأمارات للحين تبقى شغاله معاي

مدري شنو معناها ؟؟ وشنو السبب بأنها شغاله ؟؟؟ لأن جيوب باجيرو ركبتها ما شفت هالكلمة شغاله ؟؟

http://www.gulfup.com/do.php?img=45573

وااخيرا وليس اخرااا


بغيت اعرف شنو وظيفة الزرين التاليين : R/D lock
والزر الثاني عليه صورة مروحه Rear

واخيرا كل الشكر لكم اخواني واتمنى الاجابه على اسئلتي لأن الحين قمت افكر ابيع السياره واروح ادور بعد سياره ثانيه والله اندبلت جبدي

وكل الشكر لكم http://www.gulfup.com/do.php?img=45572

[وسيع البنايد]

انا نصيحتي وده للوكيل خله يشوف الخرابات الي فيه وبكم يسويها وبعدين سوله عند الوكيل فحص شامل من الى يبن لك الموتر وشهو من لحيه بعد ذلك استخر الله في بيعه او تصليحه والخيره فيما اختاره الله