المساعد الشخصي الرقمي

مشاهدة النسخة كاملة : الباترول حقي فيه كتمه عند الملفات ابي الحل لأهل البواترول


VTC2008
29/08/2009, 05:31 PM
انا ياشباب معي باترول ربع مكينة 4500 كبليتر لأجيت أهدي عند اي مكان ومشيت فيه (((( كتمه )))) تقل وده يطفى بعدين يصفي .. رايكم ماهو الحل
D I K T O O R
29/08/2009, 05:39 PM
الاحتمالات
بواجي ,, اسلاك بواجي ,, فلتر بنزين ,, تنظيف كلبليتر
هويدي
29/08/2009, 06:58 PM
مرئيات الخراب طرمبه بنزين بس خلها آخر الحلول

ابدا بالرخيص والسهل

اذا شبك الكمبرسر يرتفع الانبص ( يدعس بنزين ) ؟؟؟

اذا كان ما يدعس شيك على الليات الصغيره اللي خلف القربه

وشيك على صفايه البنزين تلقاه تحت الموتر يمكنه معبيه تراب ومنسده

وفيه تجربه سوها عن الشكه .. ان لقحت ولا ماضرها الفحل :d

اشتر بخاخ تنظيف ايسيدلكو من اي محل قطع غيار بخمس طعش ريال وفك القربه وشغل الموتر ورش بفتحه الكلبليتر وادعس بتلاحظ الدخاخين تطلع من الشكمان كرر المحاوله لين يصفي الموتر

وان شاء الله يصير خرابه خفيف وماياصل للطرمبه وجرب الحلول حبه حبه الين تلقح ان شاء الله واعذرنا على الاطاله
ابولولو
29/08/2009, 07:37 PM
اخوي الاخوان ماقصرو بس فيه شغله بسيطه ورخيصه واحد من الاعضاء سواه وعلي اخوياه وظبط كلش عنه التكلفه بريال وجرب اول شي قبل الخسائر اشتر بريال قاز والتانكي فاضي مره يعني ياله يوصلك للمحطه واذا حطيت القاز بريال عب بعشرين ريال بنزين ولو تمسك طريق طويل حولك احسن لك وموفق خير
جيبي جايزلي
29/08/2009, 08:12 PM
ظغط الهواء اذا شغلت السياره وين ياصل اذا علي النص زده شوي
وزياده الهواء تلقي مسمارين واحد للبنزين لا تقربه واحد للهواء
تلقها عند الكلبليتر تحت القربه يمين
سوبر VTC
29/08/2009, 11:50 PM
هلا اخوي

اذا كان الموتر تلقلق بلوفه اوزن الديلكو + البلوف

اذا كان العزم ضعيف
تاكد من صفاية البنزين
احتمال ضعف بالطرمبه
اسلاك او بواجي اذا كان يقطع مهب صافي
فلتر الهوا متسدد
VTC2008
30/08/2009, 03:18 AM
شكرا للجميع لنصائحكم والافاده
ابو العطاء
30/08/2009, 03:33 AM
اذا صلحت السيارة ولا عليك امر تعلمنا وش الخراب منه لا تقل الخاتمه


لان عندي نفس المشكله في الباترول وناوي ان ما صلح انصيه المعارض وتوبه اشري نيسان على كل لسان
عاشق المسانيد
30/08/2009, 03:51 AM
السلام عليكم
اخوي فتك اذا كنت من اهل الرياض راح ادلك على ورشه متخصص بسيارات الباترول في الصناعيه القديمه
شغله ممتاز
سوبر VTC
30/08/2009, 05:35 AM
السلام عليكم
اخوي فتك اذا كنت من اهل الرياض راح ادلك على ورشه متخصص بسيارات الباترول في الصناعيه القديمه
شغله ممتاز


ورشة التركي ابو صالح :rolleyes:
سوبر VTC
30/08/2009, 05:39 AM
لا تقل الخاتمه





ههههههه
الله يرجك انت و ضرسك :D:p

فيه ورشة التركي ابو صالح بالصناعيه حول مركز ترايستار

و فيه ورشة شرق معارض النسيم ورشة البريدي :good:
رجال شايب و بطران :good:

موفق
momdoh
30/08/2009, 06:07 AM
اخوي الكربريتر يبغاله تنظيف بالبخاخ ايسدلكو الامريكي (نفس الحاله صارت للجيب عندي)
وخل البخاخ معك على طول في السياره اذا رجعت التكتيمه عاود البخ
اتفاق الطائف
30/08/2009, 06:12 AM
اتوقع ان سيارتك تعاني من وجود ماس كهربائي
هولوكس2005
30/08/2009, 06:17 AM
السلام عليكم والرحمه

كان موقعك القصيم
فأنصحك بورشة جبريل السوداني الي بشارع التجاري بس تراه مايشتغل إلى الصبح
السـبار2
30/08/2009, 06:41 AM
اخوي انا صار لي نفس اللي صار لك

وكان السبب شيء تافه بس الصدفة خلتني اكتشفه

لقيت السبب من قربة الهواء كان مسمار فيها مرتخي وعندما حركت القربة بدا الموتر يكتم ويوم شديته صفا الموتر

تبي نصيحتي شيك على القربة من اولها لين تاصل للمكينة لان فيه واحد بعد صار له تكتيم في موتره الباترول

ولقيناه من التوصيلة اللي بين القربة والمكينه منقطعة وما بينت لين فحصناها زين(( اللي كنها لي متعفط ))


والله ان دورت موضوعك لين لقيته عسى الله ينفع بالسبب اللي قلت لك
سوبر VTC
30/08/2009, 04:57 PM
هذا رابط عن تقطيع الباترول اذا كان يدخن


هل تعاني من تقطيع او زيادة صرفية او دخان اسود في الباترول من 88 الى97 ادخل (http://www.mekshat.com/vb/showthread.php?t=169392) ‏