المساعد الشخصي الرقمي

مشاهدة النسخة كاملة : آآآل باث آآآل


بدران9
29/08/2009, 10:01 PM
سلام
بعد مدة من التفكير والمقارنات بين الجيوب المتوسطة واستشارة عدد لابأس به من المغلوب على امرهم قررت ان اشتري جيب نيسان باثفندر 2005 لؤلؤي ماشي اقل من المية فتحة سيدي مثبت سرعة واركب له تانكي وبطارية اضافية وونش كهربائي ودعامية ام مساحي وكنود وشاشة ملاحة ومساعدات منورو ويايتات اوستورالية وياويلك يالبر! حتي اني بغيت اشتري العصابة قبل الفلقة!


طبعاً رحت للصناعية عشان اربط سيارتي القديمة مع ان موديلها 2006 تمهيدا لبيعها واستبدالها بالموترالمذكور اسمه وبياناته اعلاه... وكعادتي الكريمة لازم افر اقل شي على ثلاث ورش للمفاضله بين الاسعاروالعمالة..

دخلت الورشة الاولى واذا بي ارى باثاً لؤلؤياً معلقاً في السقفي كأنه نجمةٌ وقد رفع بالرافعة الهكربائية ..تنحت فيه قليلاً وانا اقول نعم مكانك فوق فوق مهوب على الارض هذا مكانك الحقيقي يالباثفندر!
انت الذي يعرف المطعاس جرتهو *** والحزم يعرفكم والشعب والحجرو
لاكن سلامات ليه مرفوع عسى ماشر؟؟ تعال يارفيق وش بها الباث رافعينة عسى ماشر؟؟
هازا توزيب مكينة!

اووف توضيب يارفيق هذا باث فندر كيف انتا سوي توضيب؟؟ الشرهه على راعيه اللي ناطله عندكم انتم جيدين في اللصبة والتميس وش عرفكم في الباثات؟! وطلعت من الورشة الاولى بعد ان تيقنت انها ليست كفؤ لتربيط سيارتي المصونة. اجل توزيب!


الورشة الثانية كانت عمالتها عرب من عرب الشمال الجنوبي يعني مشكلين ومدري وش اللي جمعهم صراحة... ولعروبتي قررت ان اقتحم هذه الورشة رغم عدم قناعتي ببعض العربان في المكانيكا (ملاحضة عزيزي القارئ ان كانك مشغول ترانا مطولين شوي) طالعت يسار ولا فيه باث رصاصي نزعت احشائه من جوفه بشكل غليض وموحش ومقزز... ياللهول منظر مفزع ومروع ... ليه كذا ياجماعة ليه!! المشكله اني اشوف الباث بديه نظييييف جداً ومكينت الباث مشلوعه... صدق لاقالوا الجيب مخبر مهوب منظر... جاني المكانيكي بعد ان رأى اشفاقي على الباث وقال لي: مذا قرى لك يابن حلزة؟؟ لا ولا شي بس ليه كذا على الباث؟؟ جاوبني المكانيكي الثاني هذا القيب ياعمنا خبط وقبنا له مكينة قيب من التشليح .. وطلعت مكينة قيب التشليح محتاجة توظيب.


الصراحة ماش تشائمت من الباث... قصدي من الورشة ...وطلعت منها وانا بديت اعيد حساباتي في شراء باث 2005 لؤلؤي فتحة وباقي المواصفات والتجهيزات تلقاها عزيز القارئ فوق .. يعني مو معقولة ورشتين القا فيها باثين محتاجين توظيب.. والمشكلة موديلاتها من 2003 وانت طالع.. ... لاكن على قولتهم الثالثة ثابته.. قررت اروح للورشة الثالثة وحاولت اني انسى كل مامر بي من ذكريات اليمة في ذلك العصر.. وقفت عند الورشة الثالثة ذات العمالة الفلبينية اللي لبسهم واحد وشكلهم واحد كنهم طقم حبه وبديت افاوضهم بتربيط الموتر من الصدام للصدام وفي اثناء المفاوضات اذ وقفت سحطة بجانب الورشة واذا بها باث اسود مقيد.. فك قيده صاحب السطحة استعداداً لتنزيلة ولكن الباث يرفض النزول! نزل الجلنط ياولد! فضه! الباث مافيه امل ينزل! تدرون ليه؟؟ لانه داري انه بيرفع على المشنقة! تجمعوا عليه الشقردية ونزلوه بالغصب من السطحه كانت مكنيته مجيمة وهم يدفونه يطلع صوت من المكينة باااااااث بااااااااااث باااااااااع! الله يذكر ضحايا العيد بالخير!


طبعا سيق الباث كالعادة الى المشنقة استعداداً لنزع احشائة وامام هذا المنظر لم اتمالك اعصابي فقررت الغاء فكرة التربيط نهائيا قصد فكرة البيع لكن السؤال ليه اشتري باث والسب فيه اكثر من ستين الف واجلس على اعصابي كل ماسمعت صوت قلت جاك الذيب جاك ولده!

يعني بالعربي مطيرنه فوق على ايش؟؟ ولا فيه مكيف خلفي ولا دف لوك ولا زنن تراكشن كنترول ولا مثبت الا في الفل ولا تسخين مراتب ولا ولا ولا!!

ولا وش رايكم :d
براوننق
29/08/2009, 10:17 PM
ابعد وانا اخوك عنه تراه حساس وقطع غياره نار خذلك هدد ولا الفرق
ابو سعد التميمي
29/08/2009, 11:08 PM
خذ لك جكس لو موديله 96 عز الله انه موتر البر ابرك من الباث

انا كان معي باثفندر 2005 وبعته وشريت لي جكس 96 ماشي 188 يوم خذته لكن فرق بين الثرى والثريا

الباثفندر عيبه قطع غياره غاليه ويتفكك بسرعة وغير كذا موديل 2005 ينقص زيت عيب مصنع من الوكالة

انصحك بالتويوتا وبس
جلجونيا
29/08/2009, 11:13 PM
فعلا السيارة ماخذه اكثر من حقها بنسبة لسعرها ومشاكلها اللي ما تخلص، ما خبرت ولا باث إلا ويعاني من

مشاكل ،اقل شي اصوات طقطقة تضيق الصدر، فلما هذه المبالغة في سعره ...

شكراً لك اخي صاحب الموضوع ونصيحة ابعد عن الباث قبل لا تعلق مكينته في الهوااا
بدران9
29/08/2009, 11:13 PM
ابعد وانا اخوك عنه تراه حساس وقطع غياره نار خذلك هدد ولا الفرق

هلا بك براوننق عز الله وش خليت! بس الهدد كبير شوي وانا ابي موتر بر وديرة.. لاكنه في البال من زمان.
بدران9
29/08/2009, 11:17 PM
خذ لك جكس لو موديله 96 عز الله انه موتر البر ابرك من الباث

انا كان معي باثفندر 2005 وبعته وشريت لي جكس 96 ماشي 188 يوم خذته لكن فرق بين الثرى والثريا

الباثفندر عيبه قطع غياره غاليه ويتفكك بسرعة وغير كذا موديل 2005 ينقص زيت عيب مصنع من الوكالة

انصحك بالتويوتا وبس


يابن الحلال يمكن لو جربت ترهم عليه قطع غيار ددسن ترا يمكن تركب...
اما بالنسبة لمشكلة الزيت فهذي يبيلها موضع مستقل... لكن وين المسؤول عن الوكيل اللي يدخل مكاين نص عمر!
سوبر VTC
30/08/2009, 12:26 AM
و عليكم السلام

الباثفندر توافيق
بعضهن تجلده و مثله :good:

و بعضهن تحافظ عليه و يعاكس معك
اكثر مشاكله الحرارة
لانه له بلفين بلف امامي و بلف خلفي عند صدر الغمارة
خلف المكينه
و احيانا اذا سيخت الاديتر ما ينفع التسييخ
لازم تغيره
لان الرصات باعتقادي ضيقه => المجاري ضيقة
احيانا بسبب الحرارة
تقوس الرصات على بعض تضغط على بعض

عندك مسامير الثلاجه تطيح و تكسر البستم

انا ارى الباترول افضل منه
و اسعار معقولة جدا :good:


موفق
الجندي2005
30/08/2009, 12:59 AM
تسلم اخوي على الموضوع كنت مقتنع سابقاً عدم جدواه والآن زاذ اقتناعي ،،،،،،،،،،،،،

صراحة لاندكروزر أو فتك أو بس ،،،،،،،،،،،،،،،،،،
محسن اليامي
30/08/2009, 01:38 AM
أتركه وخذ برادو أو باجيروا

وان كتنك هاوي موتر كبير خد لاندكروزر أو خلك بانرول فتك
بدران9
30/08/2009, 02:13 AM
و عليكم السلام

الباثفندر توافيق
بعضهن تجلده و مثله :good:

و بعضهن تحافظ عليه و يعاكس معك
اكثر مشاكله الحرارة
لانه له بلفين بلف امامي و بلف خلفي عند صدر الغمارة
خلف المكينه
و احيانا اذا سيخت الاديتر ما ينفع التسييخ
لازم تغيره
لان الرصات باعتقادي ضيقه => المجاري ضيقة
احيانا بسبب الحرارة
تقوس الرصات على بعض تضغط على بعض

عندك مسامير الثلاجه تطيح و تكسر البستم

انا ارى الباترول افضل منه
و اسعار معقولة جدا :good:


موفق






الغالي سوبر فتك وانت الصادق كنه مسابقة اليا نصيب وانت وحظك... واعرف واحد غير ادريتره بتسعمية ريال... وبعد اسبوع رجعت له مشكلة الحرارة..
الاعتراض ماهو على السيارة نفسها كل سيارة وفيها مشاكل لاكن على السمعة الكذابة والسعر المبالغ فيه.
نورت الموضوع بردك.
بن محفوظ
30/08/2009, 04:04 AM
تبون الصراحة ...... كل المواتر التالية خنبقة ... يازين القديم ... توضبه وانت في الصمان وما عندم اي مشكلة ...

جتنا المواتر التالية وكلها حساسات و كمبيوتر ودفلك و شاشة ودفيدي ...

اشياء مالها داعي ...
يعني تخيلوا الحين الواحد فينا يشتري موتر ويكشت وهو مايدري الموتر بيرجعة والا بيطفى في نص البر ...

ايام اول الواحد يحط معه في الموتر سير و خرطوشين رديتر مع بلف

الحين فيه مواتر اذا دخلت لمحل قطع الغيار تاخذ فحمات تطلب طقم ثاني لانك بعد شهرين بتركب وبعد 8 شهور بتخرط الهوب .... والخ من المشاكل ...


اما عن الباث الي هو صلب موضوعنا .... وهو يدخل في قائمة المواتر الي من الجيل الي مايعتمد عليه

لاحظت فيه النشاط وصغر الحجم والراحة في المركب و الرساوة في الخط وقوة الدبل

واما عن الحرارة و نقص الزيت ومشكلة المسامير و حساس موديل 2003 فهي ابرز عيوبه ..


والي يقول الزيت ينقص علبة كل 3000 تراه عاااااادي مره ولو تمشي عليه 4000 مايضره لايلعبون عليك الورش ويقولون لك لازم توضب ...


والي يعاني من مشكلة ويبي لها حل فيه موضوع رابطة ملاك الباث وفيه الحلول



موفقين يا جماعة
سوبر VTC
30/08/2009, 05:34 AM
والي يقول الزيت ينقص علبة كل 3000 تراه عاااااادي مره ولو تمشي عليه 4000 مايضره لايلعبون عليك الورش ويقولون لك لازم توضب ...



صدقت يابعدي بكلامك السابق :good:

بالنسبة لنقص الزيت
كل 1500 الى 2000كيلو يقنص نص الى ثلاثه ارباع العلبه

و السبب عيب صناعي ضعف بشنبر البستم
ما يحجب الزيت

عموما انتبهوا :good:
لا تخسرون لا تلمس او تفك المكينه نهائيا :no2:

الا اذا كانت تصرف زيت واجد تدخن ازرق
تفك و يسقط له شنبر
خشيمان
30/08/2009, 06:19 AM
انا اقول خذ العلم من راعين الباثفندر

اهل مكة ادرى بشعابها ,,

ودي أتفلسف عليك بس للأسف إختصاصي باترول << مهوب عااقل

بس لا تنسى الاستخارة قبل كل شيئ ,,

ودمت بود
AZOO9Z
30/08/2009, 06:48 AM
و الله يا أخوي الباث فعلا فيه مشاكل واجد و ما يصلح للي يشيل هم

و يخاف على سيارته و راعي وسوسة تبي موتر عكسه عندك :

لاندكروزر موديلات 90 الى 2007 بس بشرط أن يكون Gx أو Vx

أخف و أقل مواصفات و بلاوي <<< هذا اذا تبيه للبر و الكشتات

و الله يوفق .
قناص خلاوي
30/08/2009, 06:54 AM
الله يوسع صدرك بالعافية اخوي على هالموضوع خفيف الدم
ونصيحه انحش عن الباث وشجرته
عليك بالفتك أو الهدد أو الاف جي أو الباجيرو أو البرادو أو الاكستيرا
المهم الباث لا تقربه تسانك تبي السلامة وراحة البال
escape_man
30/08/2009, 07:23 AM
اي بالله .. اهل مكة ادرى بشعابها ..

اووولاً :

الي يقولون الباث غالي ؟؟!! هذولي عجيبين ..

الباث انا مطلعه فل كامل فتحة وسيدي ومدري وشبعد من الحمراني لون اسود بـ 86

وكان البرادو لانقول الجقس والفس :) كان بـ 125 نفس الموديل ..

سلامات ؟؟ وين غالي معه .. موتر جديد .. والحين موتري يسوى 55 ورح دور برادو نفس الوديل حول هالقيمة .. سجل عندك نقطة

ثانيا : عيب مصنعي شرعي هو طيحة مسامير الثلاجة وهذي عند ورشة ابو ابراهيم ساعتين وانت فاكهن وخالص ومريح مخك .. سجل نقطتين

ثالثا : ياباني من صدامه لصدامه يالي تشكون من الدفرنسات والقيور .. ولا ني اعني اهل التويوتا :)

يكفي انه يقربع لكن ما تتطلق عويناته مثل الفقس والجقس وكل يوم طالع بهوياته طقطقة

نقص البنزين : هذا للي مايعرفون الميكانيكا يسمى تبخيييييير وليس صرفية .. وكنا نسميه من زمان ايام الجموس تندية .. وانا كان عندي كامري جديدة تصرف حول العلبة كل 1000
واهل الكوامر ادرى بشعابها ..كان عندي قبلها مكسيما جديدة نفس القضية تبخر .. وعقبها باترول قطري يصرف .. يكفيك يابن آدم ضخامة المكينة وحصولها على جائزة في المعايير الدولية بخلاف تويوتا الي وللشهدة تفوقت بغلائها وتسويقها ..

الزبدة .. انا ماني من محبي الباث ولا اواطنه لكن الضليمة شينه
no fear 78
30/08/2009, 10:18 AM
يا جماعه ما في موتر كامل و كمال لرب العالمين المشاكل مترفقه وهذي قسم الأعطال مليان مشاكل السيارات اليابانيه و الأمريكيه

المشكله مو في الموتر المشكله في الأستخدام و المستخدم اذا تعتني في سيارتك ما اشوف مشاكل بس يوم تجلدها جلد الله ايعزكم مثل الحمار يحرن و يرامح و ما يمشي الأعتناء و الموضبه على الفحص الدوري و عدم العبث بسيارة = عمر طويل للسياره و قطعها

يا طويلن العمر و السلامه
نيار
30/08/2009, 12:48 PM
اي بالله .. اهل مكة ادرى بشعابها ..

اووولاً :

الي يقولون الباث غالي ؟؟!! هذولي عجيبين ..

الباث انا مطلعه فل كامل فتحة وسيدي ومدري وشبعد من الحمراني لون اسود بـ 86

وكان البرادو لانقول الجقس والفس :) كان بـ 125 نفس الموديل ..

سلامات ؟؟ وين غالي معه .. موتر جديد .. والحين موتري يسوى 55 ورح دور برادو نفس الوديل حول هالقيمة .. سجل عندك نقطة

ثانيا : عيب مصنعي شرعي هو طيحة مسامير الثلاجة وهذي عند ورشة ابو ابراهيم ساعتين وانت فاكهن وخالص ومريح مخك .. سجل نقطتين

ثالثا : ياباني من صدامه لصدامه يالي تشكون من الدفرنسات والقيور .. ولا ني اعني اهل التويوتا :)

يكفي انه يقربع لكن ما تتطلق عويناته مثل الفقس والجقس وكل يوم طالع بهوياته طقطقة

نقص البنزين : هذا للي مايعرفون الميكانيكا يسمى تبخيييييير وليس صرفية .. وكنا نسميه من زمان ايام الجموس تندية .. وانا كان عندي كامري جديدة تصرف حول العلبة كل 1000
واهل الكوامر ادرى بشعابها ..كان عندي قبلها مكسيما جديدة نفس القضية تبخر .. وعقبها باترول قطري يصرف .. يكفيك يابن آدم ضخامة المكينة وحصولها على جائزة في المعايير الدولية بخلاف تويوتا الي وللشهدة تفوقت بغلائها وتسويقها ..

الزبدة .. انا ماني من محبي الباث ولا اواطنه لكن الضليمة شينه



هذا الكلام اللي عليه العلم..
أتحدى تلقى جيب بمواصفاته وسعره..
الهايلكس اللي لنقل الدبش الله يكرمكم أغلى منه..
وسيارات تويوتا أنا ماأتكلم عن الفي اكس آرواللي حوله..
ناظر اللي بمواصفات الباث..
الفورتشنر تجميع اندنوسي:(
ضاقت الديار ؟؟؟:D
وأبو جميل أنواع السرقة وكل جيوب تويوتا فوق المية ألف أنواع المبالغة بالأسعار أجل الهايلكس المصندق الاندنوسي يسوى 115000ريال:confused:
صدق عجايب..
ناس تجور على السيارات شفهم تفجير في تفجير بالطعوس وإذا خرب عليه شيء قال الموتر ماينفع ؟؟؟
ارحم الموتر اللي تحت ايدكــ تزين الأمور..

بالنهاية أتحدى جيب بمواصفات الباثفندر تلقاه بـ60 ألف..
مرير الشوق
30/08/2009, 12:51 PM
أنا اؤيد كلام بن غييثات
عز الله انه صدق ..

وزود على ذلك انه الموتر يطربك خفييييييييييييييييييييييف موب ثقيل نفس يعني فيه خفة نفس مثل الفيتك بس اصغر حجم ..

اما من ناحية العيوب فما فيه سياره بدون عيوب ابداً ..

بس فيه الحرارهـ الغير مؤثرة أبداً على السياره هذا هو له معي سنتين واذا اسرعت ومسكت خط ارتفعت حرارته الى النصف تقريباً ولا تضر بالسياره ابداً ........

وغير كذا اكرفه كرف واجر عليه وشاف الظليمه مني بعض الاحيان ولله الحمد ما اشتكى ..

ظليمته والله شينه يالربع ..

واللي ما جربه يجيني واخليه يجرب عزمه علشان يعوف السيارات الباقيه ..

واما من ناحية السعر فلا ازود على اخوي بن غييثات بشئ .. واقول سعره بالنسبه للطرب اللي والوناسه وانت تجر عليه ماهوب خساره ولاهوب غالي

وهذي توافيق من الله ...

وانا اللي لاحضته هاليومين من بعض الناس ..

يطيح بسيارات خوابير مخوبره ورايحه فيها ويجربه شهر شهرين سنه ويشوف المشاكل ويقول والله الشركه موب زينه والله نوع السيارة موب زين ... مسوي فيها ميكانيكي هههههههه

والله يتقبل منا ومنكم صيامنا وقيامنا
ahmad995
30/08/2009, 01:04 PM
واحد من العيال معنا بالاستراحة معه باث 2004
يقول رهيب لولا الحرارة وقطع الغيار النار

وبعد سنه ونص من كلامه هذا انكسر قيره << طبعا تماتيك
ركب له قير عند الشيبان ببريدة ب 4500
ثم خرب مروحة المكينة وركب له جديدة ب 800 ريال
ثم خرب كمبرسور المكيف قال حسبي الله عليه ماااااااا ابيه
طبعا اشتراه ب 64 الف وبعد سنه ونص باعه 47

وشرا اف جي له اللحين يمكن ثلاث شهور ويقول للحين ما اشوف فيه مشاكل
راح فيه شهر عسل للجنوب كله ويتردد من بريدة للرياض يقول مريح وقوي وراسي
لكن غــــــــــــــــــــــــــــالي
ابومحيميد
30/08/2009, 01:16 PM
والله كل سيارة فيها عيوبها

وعيب الباثفندر الحرارة وقطع الغيار غالية

لكن يميز الباثفندر خفته وقوته ومظهره الرائع

والثلاث ميزات هاذي ماتجتمع في معظم السيارات
سراب الود
30/08/2009, 01:21 PM
والله ياجماعه كلامكم ما لاحظته ابد

انا من ملاك الباث 2004 والله ماشاء الله ما شفت منه الا الخير واي موتر فيه بلاوي


ثانيا انتم الي تشورون عليه خذلك لاند الله يهديكم داخل بقاله اللاند بكم سعره يا بعدي

ثانيا على كلام اخونا بياخذ 2005 يعني مستعمل بكم تلقاه وبكم تلقى الاند ؟؟؟؟؟؟؟؟؟

واخوي قناص الخلاوي انت يوم تشير عليه ياخذ السيارات الي ذكرتها مجربهن ولا بس كذا ذكر السيارات
ابد البااااااااااث ممتاز
فيه عيوبه وعلى كلامك بتاخذ 2005 يعني مشكلة الحساس انتهينا منها والباقي ما فيه عيوب اللهم مسامير الثلاجه المسامير تغيرها في ورشه معروفه تلقاها في رابطة الملاك وغيره ماااااااااااااافيه شيء
Abu Saad
30/08/2009, 01:32 PM
طبيعي اذا كان معك نوع معين من السيارات وكنت في الشارع او الورشة او التشلييييييح
ماراح تركز عينك الا على نوع سيارتك فقططططط
وخصوصا اذا صرت مشفق على الموتر .
حتى لو كان معك سيكل راح يكون العنوان : آآل سيكل آآآل:)
لكن لو تلفت يمين ويسار على باقي الرافعات بتشوف عيال عمه وجماعته مشقولين! الخ ..
هذي القضية ومافيها .
ان شاء الله الفكرة وصلت ..
والسلام عليكم .
عبدالرحمن السالم
30/08/2009, 01:55 PM
والله شف يالغالي انا معي باثفندر 2005 مطلعه وكاله
والله ثم والله ماشفت منه الا كل خير ياربي لك الحمد .. المسامير شلناها هي اساساً عيب مصنعي يعني ماهي من الموتر ابد .. وعلى حسب علمي ان وكاله نيسان باليابان مرسله خطاب للحمراني على اساس انه يشيلها بدون مايدري العميل ولاياخذون منه فلوس .. الموتر ماشي معي ياربي لك الحمد والشكر .. ترا الكامري من 2003 إلى آخر مديل وهي تنقص زيت عادي وطبيعي .. انا كان معي ربع 2003 وكان يستهلك زيت واستغربت منه بصراحه رغم اني ماوضبت ولا شى بس ما ادري من وين يخرخر منه الزيت والحمد الله مشي معي ورحت عليه ومهنا ديره ماطبيته وبالاخير بعته وهذا هو مع واحد من الزقرت ولا به شى يذكر ابد
وانت تشوف بعينك كيف شعبيه الباث وكثره بالشوارع يعني معقوله كلهن تخب ؟!

اقولك كل سياره وله مشاكله واعرف موترك وشف وش يبي وش مايبي وهو يعرف لك
سوبر VTC
30/08/2009, 04:27 PM
نقص البنزين : هذا للي مايعرفون الميكانيكا يسمى تبخيييييير وليس صرفية .. وكنا نسميه من زمان ايام الجموس تندية .. وانا كان عندي كامري جديدة تصرف حول العلبة كل 1000




انا مادري معين تفهم انت :D:p
شغل مخك زين

نيم على مخك :j

وش دخل البنزين بالصرفيه :no::no:
انا اقول ان الباث به عيب مصنعي نقص الزيت
خطا فني من المصنع
و السبب شنبر البستم ما يحجب الزين
كل 1500 الى 2000 ينقص نص او ثلاثه ارباع

دليل ذلك ان ورشة السلمي عندنا ببريده
اذا سقط له شنبر
ما يصرف زيت نهائيا :good::good:
لاندكروزر-83
30/08/2009, 05:25 PM
السلام عليكم انا معي باث مديل 2005 لة معي سنة ونص تقريبا وبصراحة ما شفت من الموتر مشاكل العيب المصنعي اللى فية وهو مسامير الثلاجة وشلناها غير كذا ما شفنا شي من الخرابات اللى تقولون عنها وانا ما يحتاج رجلي حارة الله لا يوريك ما نيب ارحمة ابد ولله الحمد الموتر ماشي ويطربك بالخفة والراحة والعزم والرساوة . ويطربك دقت السلف وهداوة المكينة. بس فية ملاحظة (ان المساعدات الامامية بحكم جفاستي في السواقة تفقع على غيرتها مرتين).
بن محفوظ
30/08/2009, 08:11 PM
بن غييثات :

ياخي انت داهية ما شاء الله عليك .... وكل يوم تتحفنا بشي جديد ..
التعـ King ـديل
30/08/2009, 08:33 PM
الباثفيندر افضل ماصنعت نيسان من موديل 2003 الى 2005 والسيارات اللي شفتها ماهي دليل على انه موتر خرابات

انا كان عندي باث 2005 مشيت عليه 70 الف وصارت لي ظروف وبعته قبل سنه ونص والله يشهد على كلامي حتى اللي

شرا الموتر مني موجود معنا بمكشات والرجال طير حر من شمال لجنوب ومافيه الا قوه مشاوير مابين الرياض وجده والموتر

مااشتكى وماشي زي اللوز .. اخوي بدران لو كل سياره بنشوفها بورشه ولا بتشليح بنكش منها علشانها بتخرب صدقني وانت

والاعضاء بكرامه نبي نركب حمير لانها لاتصرف ولا تخرب وتتحمل الكرف .. اخوي بدران رح لتشاليح الحاير وشف الفكسارات

منثره طال عمرك وكلها حوادث قلب هل معنى ذلك ان الفكسار مهوب موتر وشف قيمته الحين 280 الف ولا شقه تمليك وهو

راس ماله تويوتا .. القصد وانا اخوك اي موتر تشريه لو انه ايش مايكون طالما انك تناظره وتهتم فيه بيهتم فيك اما انك تبي تلعن

خيره وتقول ليش يخرب هذا جنون اسميه مافي موتر بالكون مايخرب حتى المخزن وهو واقف يخرب .. الباثفيندر انا جربته الحمدلله

وحتى النقص اللي يقولون عيب مصنعي سببه علبه التبخير والاكيد طالما انه يبخر الزيت اكيد بينقص ونقصه شي بسيط واذا تبي

من اخوك الصغير الشور طق الباث وابشر بالطرب خط وبر وفخامه 2005 مابعده موتر والله يشهد على كلامي استخدام سنتين

والله اني ندمان كل الندم اني بعته وكل ماشفت باثفيندر بالشارع لؤلؤي 2005 تخنقني العبره اني فرطت فيه .. اخوي بدران استخر

وتوكل على الله سبحانه .. والله يطعمك من خيره ويكفيك شره ومابي منك الا الدعوه الصادقه بظهر الغيب الموتر بيطربك وعن تجربه
بدران9
30/08/2009, 10:18 PM
اخوي جللجونا لاتجيب طاري التعليقات ترا ذكرتني بالاسهم... ماله داعي اسهم ومكاين روقنا شوي...

الجندي 2005 الله يسلمك من كل شر بس مواترك اللي ذكرتها يبيلها ميزانية شوي عشان تطيح في النظيف..


بس لا تنسى الاستخارة قبل كل شيئ ,,<< المشاركة بواسطة خشيمان

والله انك صادق لو الواحد يستخير قبل لايشري كان تشوف انواع الشريطية متعلقين بمواترهم.

محسن اليامي الله لايهينك على مرورك وثانكيو على النصيحة.

بن محفوظ لا وازيدك من الشعر بيت المواتر الجديدة اي تفتفه فيها يقولك المهندس لازم فحص كمبيوتر يعني ادفع مية مقدما ونعلمك وش بلاه! الله يذكر ددسنا بالخير !

عزوز وانت الصادق مايصلح ابد!

وصدرك ياقناص خلاوي بس ماشاء الله عليك ماخليت جيب ماذكرته.

بن غييثات وش دخل البنزين بالصرفيه :no::no:
انا اقول ان الباث به عيب مصنعي نقص الزيت
خطا فني من المصنع
و السبب شنبر البستم ما يحجب الزين
كل 1500 الى 2000 ينقص نص او ثلاثه ارباع

دليل ذلك ان ورشة السلمي عندنا ببريده
اذا سقط له شنبر
ما يصرف زيت نهائي <<< هذا الرد مقتبس من كتاب سوبر فتك صفحة 988 كتاب الاعطال والتنكلوجيا.
حياك الله يابن غييثات وكلامك على متمه في النقطتيب اللي ذكرتهم بس الثالثة صراحة مالكش لوا بعدين وش ذا الموتر اللي حاطتين ثلاجته فوق الباستم؟؟ ياخي كل الجيوب ثلاجاتها في الغمارة الا ذا الباث !! ضاقت!! عموما نورت الموضوع وهلابك يالغالي.
بدران9
30/08/2009, 10:58 PM
نوفيرا شاكر لك مداخلتك القيمة وعلى ماقلت مافيه موتر الا وفيه مشكلة. بس بعض المواتر وانا خوك فيه مشكل كبير.

اخوي نيار الله يرضى عليك غشني في السعر بس عطني جودة .

مرير الشوق هو يجي الشوق مر؟ بس ان كانك تحب الخف والعزم وماعندك مشكلة بالحرارة خذلك شروكي لا وبقيمة الباث بتشتري لك ثلاثه ابيض واخضر وليموني.

احمد ودي اقتبس كل كلامك فيذا بس تبي الجد سلمني على خويك اللي متمشيبها شهر العسل في fj

ابو محيمد هذا اللي وهق الناس ((مظهره الرائع))! من برا الله الله ومن جوا يعلم الله!

سراب الود الله يحفظ لكم موتركم وعلى ماقلت اللاند ليس ندا للباث لا في الحجم ولا السعر!

ابو سعد وصلت.

اخوي دحيم تبيع؟؟

الاخ لاند عسى الله لايغير عليك.

كنق التعديل.... ياخي... والله... يعني... كلامك ... الحقيقة...بس.... والله ان ودي بالباث بس. ماش !
بعدين ترا القلب ماله دخل في تخبيطة المكينة يعني والله ماقد سمعنا ان المكينة خبطت على الواحد في السريع وانقلب.. لا ياعزيزي انت فاهم غلط ...هذولا حقين الفكسارات يطيرون طيران على الخط ولا ضرب عليه كفر جاب العيد الله يحفظنا من كل مكروه.
نيسان 807
31/08/2009, 12:38 AM
بدران الله يهديك بس قسم بالله كرهت موتري <<<< دخل جوى بالموضوع

إذا منت مستعجل على الموتر الجديد فحياك الله معنى في الاجتماع القادم للباث لتتعرف عليه بقرب وعلى طبيعته من ملاكه <<<< لاتنسى تجيب معك العزبه

أما الباث فشباب ماقصرو فيه عطوك عيوبه و مميزاته وانت لك الاختيار .

وإذا شريت موتر علمني لأني الصراحة ارتويتلك
escape_man
31/08/2009, 02:25 AM
انا مادري معين تفهم انت :D:p

شغل مخك زين


نيم على مخك :j


وش دخل البنزين بالصرفيه :no::no:
انا اقول ان الباث به عيب مصنعي نقص الزيت
خطا فني من المصنع
و السبب شنبر البستم ما يحجب الزين
كل 1500 الى 2000 ينقص نص او ثلاثه ارباع


دليل ذلك ان ورشة السلمي عندنا ببريده
اذا سقط له شنبر
ما يصرف زيت نهائيا :good::good:






ياخوي عيب عليك .. احد يلقط الهرج عن ولد عمه

خشها واسكت .. قصدي الزيت مو البنزين .. وبالنسبة لكلامك عن السبيكة فانا اقول غير هالكلام

والي اعرفه وتعرفه ات انه لو لنا صرفية علبة كل 2000 كلم

فمعناتها كسواق خبير بتلاحظ الدخان الايض الناتج عن ترسح الزيت لغرفة الاحتراق

ثانيا : هذا كلام الوكالة

ثالثا : هو طبيعة وخاصية موجودة ( اقصد التبخير) موجودة بالنياسين كلها من ظهرت على الدنيا ومع هذا حازت على افضل مكينة قياسية باحد الاعوام وحاليا مثل ماقلت سابقا .. عندنا كامري جديدة تنقص كنها باث.

ملاحظة : على فكرة وهذا من واقع تجربتي .. التبخير مايصير الا على السرعات العالية ..

انا صافق بموتري من الرياض لابها 160 - 180 ووصلت ولا نقطة زيت بالعيار.

وانا راجع 125 مانقص شي يذكر

وبالشتاء تلاحظ الصرفية اقل

انت عاد اوزنها بمخك وعلمني يابن آخي
سوبر VTC
31/08/2009, 08:54 AM
ياخوي عيب عليك .. احد يلقط الهرج عن ولد عمه


سم سم يا خلفهم :D:p

خشها واسكت ..


على قولة ابن جدلان
يدك لامدت وفاء لاتحرى وش تجيـب
كان جاتك سالمه حب يـدك وخشهـا
ماله دخل 1/0 :p


قصدي الزيت مو البنزين .. وبالنسبة لكلامك عن السبيكة فانا اقول غير هالكلام

ادري انك تغشمر :D
شنبر مهب سبيكه


فمعناتها كسواق خبير بتلاحظ الدخان الايض الناتج عن ترسح الزيت لغرفة الاحتراق

الدخان غير ملاحظ للاسف

ثانيا : هذا كلام الوكالة

الوكاله لم تعترف بالمشكله و لم تقل حتى انه عيب مصنعي :mad:

ثالثا : هو طبيعة وخاصية موجودة ( اقصد التبخير) موجودة بالنياسين كلها من ظهرت على الدنيا ومع هذا حازت على افضل مكينة قياسية باحد الاعوام وحاليا مثل ماقلت سابقا .. عندنا كامري جديدة تنقص كنها باث.

ما نقول شي
بس برضه الباث لحاله ينقص واجد
و الدليل موتر ولد عمي باث م2005 سواقته عاديه


ملاحظة : على فكرة وهذا من واقع تجربتي .. التبخير مايصير الا على السرعات العالية ..

شي معروف على السرعات العاليه يحترق الزيت ماجبت شي جديد
موتر ولد العم سواقته 140 و ينقص
النتيجه 2/0 :D

انا صافق بموتري من الرياض لابها 160 - 180 ووصلت ولا نقطة زيت بالعيار.

ترى اهلك يبونك :eek:
لا عاد تعود له تسرع يا شاطر :p

وانا راجع 125 مانقص شي يذكر

وبالشتاء تلاحظ الصرفية اقل

انت عاد اوزنها بمخك وعلمني يابن آخي

سكروب عادي و الا مربع :cool: