ربع الباترول2009 وش رايك فيه؟؟ [الأرشيف]

NEWASSER

30/08/2009, 02:26 AM

السلام عليكم ورحمه الله
اخواني ما نستغني عن شوركم وخصوصا اللى جرب الموتر
ابي سياره للمطامر وطلعات البر بس وكني استحليت النيسان
وش رايكم في الباترول ربع 4500 كفو الواحد ياخذه ولا لا
وش العيوب اللى فيه؟
واذا احد يخبر لي عروض اقل من سعر الوكاله
لا احد يحرمنا من رأيه الله لا يهنيكم
الله يجزاكم خير

هويدي

30/08/2009, 03:12 AM

من خلال تجربتي له موتر لا يعلى عليه

كان معي 91 بعده شريت 2001 على وقته واستعملته لمده 8 سنوات تقريباً ماعمره طلب شي غير القطع الاستهلاكيه فحمات الخ اعتقته للتجديد ولا باقيبوه كم خرفه :)

وحالياً معي 2006 فرق عن الاول الخفه وقل الصرفيه مقارنه بالاول لانه بخاخ

NEWASSER

30/08/2009, 11:51 AM

اخوي هويدي الله يعطيك العافيه
يعني بالمقارنه بباقي الجيوب زين اخذه ؟
لاني ولله اشوي متردد لان في ناس تسولف وتتشكى منه
والشي الثاني سعره مبالغ فيه اجل سلقه فوق ال100 الف!!!!

ahmad995

30/08/2009, 01:17 PM

الباترول اذا صار باب واحد تراه وطب ثقيل
وبالخط على كلام الناس انه ما يتعدى ال 160
وكان واحد من العيال معه 2006
يقول العن سيارتين شريتهن الشروكي والباترول
ما عمره طلع للبر وتهنى بطلعته
اما حراره او صوت بالمكينة

انا ما جربته لكن احسه حلوو رغم ثقله

ساري 111

30/08/2009, 01:26 PM

اذا وصلت الـ 100 خذلك إف جي

بالله احط 90 الف بموتر قزازه عادي

المميزات/
الاف جي من تويوتا بينما الباترول من نيسان وهذه لصالح الأف جي
الاف جي مكينه قويه جداً بينما الباترول اذا جب 160 يعتبر انجاز
صرف البنزين لصالح الافجي
الاف جي توماتيك والباترول عادي
الاف جي قزاز كهرب والباترول هندل
الاف جي مثبت الباترول لايوجد
الاف جي مسجل محترم مع سمعات بكل ربعه ععد(8) والباترول مسجل بايخ وسماعتين بس
الاف جي اوسع شنطه من الباترول بفرق وااضح
الباترول اذا ركب اثنين ورى طار وجهه للسماء فما بالك مع العفش
الاف جي يوجد فيه كل متطلبات الامن والسلامه من ارباقات بالسقف الجوانب وكذالك اجهزه تحسين الثبات والفرامل

.... الخ

والعاقل خصيم نفسه

Abu Saad

30/08/2009, 01:46 PM

اذا وصلت الـ 100 خذلك إف جي

بالله احط 90 الف بموتر قزازه عادي

المميزات/
الاف جي من تويوتا بينما الباترول من نيسان وهذه لصالح الأف جي
الاف جي مكينه قويه جداً بينما الباترول اذا جب 160 يعتبر انجاز
صرف البنزين لصالح الافجي
الاف جي توماتيك والباترول عادي
الاف جي قزاز كهرب والباترول هندل
الاف جي مثبت الباترول لايوجد
الاف جي مسجل محترم مع سمعات بكل ربعه ععد(8) والباترول مسجل بايخ وسماعتين بس
الاف جي اوسع شنطه من الباترول بفرق وااضح
الباترول اذا ركب اثنين ورى طار وجهه للسماء فما بالك مع العفش
الاف جي يوجد فيه كل متطلبات الامن والسلامه من ارباقات بالسقف الجوانب وكذالك اجهزه تحسين الثبات والفرامل

.... الخ

والعاقل خصيم نفسه

انا اقول اذا وصل ال 100 ياخد سوبرسفاري فتك نظييف 2005 اطلق منهن كلهن .
ان بغيته شباب اسهل من السهل وان بغيته عائلي عائلي .
والعاقل خصيم نفسه :)
وبالتوفيق

خشيمان

30/08/2009, 02:34 PM

والله يالغالي خذ العلم من اللي جربه ,,
وبختصر الكلام ,,
كان معي موديل 2008 مطلعة وكالة
والله انه موتر اجودي
قعد معي حول سنه .. كرفته كرف الويل مافيه بر ما طبيته ولا ديره ما رحت لها
والله انه يبيض الوجه

واللي يقول انه مب زين في البر انا اتحداه
لمدة سنه طلعاتي للبر اسبوعيا مافيه نفد ما قطعته ما عمره غرز معي
قطعت فيه نفود الثويرات ولا فيه احلى منه

مره ساحب موتر (( طافي )) في نفود الطوقي وهي معروفة بسيوفها وطلعته للقار والمواتر الثانية عجزت
ولا يمكن ينشب او يتعلق بسبب ان الكفرات قريبة لبعض
هذا بالنسبه للبر
والموتر فيه وذافه ما تلقاها في كل المواتر
صغير وخفيف تحس انك تتحكم فيه صح ,,

أما عن عيوبه:
المكينة ما من زود عزم اذا قارنتها بالربع والشاص ( للي يبي الهباال والمطاعس )
في الخطوط ما حولك احد ما من رساوة ,,

وفي النهاية اشير عليك ان كانك جزمت عليه حرام تشري 2009 وكالة
الحمراني شاف الناس تبيه رفع سعره

موتري 2008 ماخذه وكاله من عندهم بــ 87
2009 رفعوه حول 12 الف والفرق درايش تماتيك وقفل كهرب بس

فدور لك شيئ مستعمل نظيف احسن لك

وان بغيت اي استفسار انا حااضر

عبداللطيف2

30/08/2009, 03:00 PM

بغيت شيء من الحمراني بلغني بس اهم شيء تسأل عن سعره بالمعارض وبالوكاله مممكن نجيب لك سعراقل بالف او الفين

قرم العيال

30/08/2009, 05:25 PM

نصيحه اصبر يالغالي

يقلون انه 2010 مكينه فتك ..

اصبر ..

NEWASSER

30/08/2009, 10:46 PM

الله يعطيكم العافيه ومشكورين على الفزعه يالوجيه الطيبه
انا هونت عن ال2009 بنصبر لل2010 ونشوف ان شاء الله ما يزيد سعرها 50 الف
لان السيارات صايره مثل العقار كل يوم تطلع الله يعين

باثفندر

30/08/2009, 11:47 PM

راي شخصي ،،،،

وصلت الـ 100,000 خذ صالون مستخدم او زدها وخذ جديد سفاري 1 .

mr.a

31/08/2009, 12:43 AM

لا وصلت لمئة خذلك من تويوتا أفضل شركه وكلن يعرفها

تحياتي:mr.a

ابرق نثيل

31/08/2009, 02:11 AM

الربع لا يعلى عليه طير بر

لكن في 2010 شايعات انه يبي تكون المكينه 4800

وعلى فكره الباترول هذا للي يحقرونه اهل التيوته يبي يعيش معك 20 سنه بحول الله

والى الان شف مديل 91 مطلوب ومرغوب

ف لايغرك كلام العذال