استفسار عن طريقة تعشيق الدبل للفتك 2009 [الأرشيف]

مشاهدة النسخة كاملة : استفسار عن طريقة تعشيق الدبل للفتك 2009

واثق الخطوه-

30/08/2009, 09:42 PM

مدمن فتك

30/08/2009, 10:10 PM

انا معي فتاك مثلك حطه ان وعشق الطقه الاولى خفيف والطقه الثانيه ثقيل
وكله واحد يعضق على العادي او التماتيك لكن العدي افضل بالبر

واثق الخطوه-

31/08/2009, 12:15 AM

بس مالقم معي ب N يلقم ب D هل فيه خلل ولا يبيله بالقوه

باثفندر

31/08/2009, 12:29 AM

الدبل الخفيف شغله لو بغيت بالريوس ماعندك مشكله حتى وانت تمشي ، وكذلك فصلة اما الثقيل وقف وفضي الموتر.

وبالنسبة للثقيل لازم تضغط القير على تحت عشان يمر على الـ(n ) .

مدمن فتك

31/08/2009, 01:53 AM

كلام باثفندر سليم

عاشق الفرعه

31/08/2009, 01:57 AM

مع أخوي باثفندر

ابرق نثيل

31/08/2009, 01:59 AM

مثل ماذكر الاخوان تعشق على N
ولا تنسى طال عمرك تدق ريوس يجي حول متر
يحفظ الدبلات والقير عن الاعطل لمده طويله وماتستهلك

وايضاً اذا بغيت تفصل الدبل نفس الوضع ارجع ريوس متر
وحطه على ان يفصل معك بسلاسه :good:

واثق الخطوه-

31/08/2009, 02:33 AM

يعطيكم العافيه
بس مايلقم معي ب N

موادع 1

31/08/2009, 02:41 AM

اخوي واثق الخطوة
خذ الكلام الصحيح
بالنسبة للدبل الخفيف تعشقه وهو على الدي
ما فيه اي مشكلة ابد ولا يلقم وهو على الان
اما بالنسبة للدبل الثقيل لازم تفضي القير على الان
وبعدين تضغط على الدبل لين يلقم وبعدين تعشق القير على الدي وتمشي
وانتبه ترا الدبل الثقيل على اسمه ثقيل يعني لا تتعدا سرعة 50 كم
ابد ابد وشف طريقة التعشيق مكتوبة عندك بالشماسة بس بالانقليزي
ودبلك سليم ما فيه شي يعني كل السيارات ما تلقم الخفيف الا بالدي
والثقيل لازم تفضي القير
ولا احد يتعبث بموترك

وموفق

هولوكس2005

31/08/2009, 04:34 AM

يعطيكم العافيه والشهر عليكم مبارك
معي سفاري 2 موديل 2009 تماتيك وعايدي كيف طريقة تعشيق الدبل وهل لازم يعشق على N ولا على D واي احسن يعشق على العايدي ولا التماتيك وطريقة تعشيق الدبل الثقيل وهل هو الدبل الخفيف والثقيل فقط

دام معك فتك ليش ماتصير واثق الخطوه الله يعطيك من خيره ويكفيك شره

الدبل الخفيف مافيه اشكال تعشقه لو كانة سرعتك 40 وأقل وانا أعشقه بعض الايام على 80 لا صار في حاجه او ضروره مثل أوقات المطر أنفقع كفر لا سمح الله هجبك الموتر رقيات وودك ماتاقف ارفع رجلك من البانزين وعشق اما من الاربعين انا قاريه في الكتلوج

والدبل الثقيل واجب بأنك تاقف علشان تعشقه هذاء شرط والشرط الثاني تكون تعشيقك سريعه
يعني الــN تمر من فوقه بسرعه لا توقف العصى بين الثقيل والخفيف او تخلي الموتر على الــ N لأنه فيه احتمى بان يلقم على الثقيل ويهشم لك التروس يصير نص لقمه لا سمح الله

وإذا صار على الـــ N ترى مراح يتحرك يعني تحط الموتر بنمرة الاول وترفع رجلك عن الكلتش والموتر مايتحرك يعني تاقف الحركه قبل القير

ابوناصر426

31/08/2009, 04:58 AM

والدبل الثقيل واجب بأنك تاقف علشان تعشقه هذاء شرط والشرط الثاني تكون تعشيقك سريعه
يعني الــN تمر من فوقه بسرعه لا توقف العصى بين الثقيل والخفيف او تخلي الموتر على الــ N لأنه فيه احتمى بان يلقم على الثقيل ويهشم لك التروس يصير نص لقمه لا سمح الله

ممكن توضح اكثر، وخصوصا التعشيق بسرعة وتهشيم التروس

هولوكس2005

31/08/2009, 05:29 AM

ممكن توضح اكثر، وخصوصا التعشيق بسرعة وتهشيم التروس

يعني توقف العصى بمكانه الصحيح علشان ماتوقف العامود في بداية الترس وتلاحظ بعض الايام لا تأخرت بأنك لا عشقته يطق طقه قويه أو يعلق عصى القير مايقدم ولا يرجع
وغير كذا الباترول جنزير مو مثل التايوتا ترس

فيه بعض الشباب مشاءلله يعشقه بالثقيل والموتر يمشي يرفع رجله عن البانزين بس انه يصرق التعشيقه صرق سريعه تعشيقته

خل يدك خفيفه هذا المطلوب

ربع2003

31/08/2009, 08:16 AM

صباح الخير
اللي فهمته من اخوي الواثق
انه ما يعشق الدبل وهو في N
جره بقوه انا معي 2002 عادي يشبك عادي
وواحد من الربع معه 2004 ما يشبك اللي بقوه هذا بالنسبه للخفيف بس اما الثقيل عادي
بس للتوضيح
بعض الشباب اذا ضغط العصا الى تحت
بعد الخفيف يخليه في الفاضي للدبل
او يسحبه شوي شوي
ويسوي صوت
والصح انك تسحبه بسرعه
بعد الغظط من الخفيف للثقيل
وهذا المذكور بدليل السياره
اتمنى اني افدتكم

سوبر VTC

31/08/2009, 09:15 AM

و عليكم السلام و رحمة الله

ياخوان اللي يبي القير ما يقر بالثقيل
بمعنى يكون فيه قرة للتروس اثناء تعشيق الثقيل

امامك حلين عشان مايقر

1

تصير يدك خفيفة و سريعه اثناء تعشيق الثقيل
طبعا ما تعسر العصا على غشامه بالقوة لا
تتطلب خفه و راحه

2

تحط القير بالتامين p
و الفائده تعشق الثقيل براحه و لا تقر التروس
نهائيا
لان حركه القير متوقفه

الساهر2003

31/08/2009, 10:06 AM

السلام عليكم
طريقة تعشيق الدبل في القير التماتيك مثل الباث والسفاري
تعشيق الدبل الخفيف وانت تمشي وتعشق والقير بـ D او ريوس
ولا يقبل التعشيق وهو بـ N
واذا عسرته يقر الترس وممكن يفقع صوفة الدبل
وتعشيق الدبل الثقيل توقف السيارة وتفضيها بـN
وتعشق بسرعة وخفة وتنزل عصى الدبل على تحت
وهذا المذكور في كتلوج السيارة وغير ذلك غير صحيح
وتعشيق الدبل بطريقة غير التى ذكرت سيؤدي الى مشاكل كبيرة في القير
وسبق لي الفلسفة وعشقت بطرق مختلفة مثل التعشيق والموتر علىp
وسمعت صوت طقة قوي في الموتر
والحمد الله على كل حال

واثق الخطوه-

31/08/2009, 02:11 PM

يعطيكم العافيه على الردود وما قصرتو وشكرا على المعلومات المفيده