شباب عاجل محتار

[كشات...]

السلام عليكم.......

شباب وش تنصحوني فيه

تاهو 2009 و لا ونيت سييرا 2009 ولا افلانش 2009
و انا تقريبا صامل على السييرا بس فيه ناس حيروني اكثر و انا ابي رايكم

و اتمنا انكم تحطون رايكم يا شباب

[P A T R I O T]

افلانش 2009
اذا صامل علي الامريكي

[aoh200]

افلانش 2009

افضل واريح من الونيت خاصة للاستخدام اليومي..

موفق..

[سوبر VTC]

و عليكم السلام و رحمة الله

اكره ماشوف و لا لي خلقه الافلانش :mad:

افضل التاهو

انت شف احتياجك بالسفر و الكشتات

و قرر

الديره و السفر تاهو غمارتين او غمارة و نص
الكشتات سييرا غمارة

و الا حط هالموترين بالبايكه :p

و خل ذا للسفر و ذا للكشتات :D

موفق

[الستانس]

هم كلهم شيون
ولكن ازين الشيون عندي
1-افلانش 2009
ممتاز كأمريكي ولا اخفيك اني احبة حب غير طبيعي ولاكن مشكلته امريكي
وقد سمعت ان فيه مشكله بالدبل وقريت عنها بمكشات طبعا عن موديل 2003
وميزته صندوقه اللي ينفتح وينصك ورفعته عن الأرض مرضية جدا بعكس السيريا

2-سييرا 2009

رهيب جدا ووحش الصحراء اسميه انا ولاكنه حق ابو سنة ونص
وخاصه اذا جاك غمارة و ابيض وشقلته من قدام شوي ومن ورى رفعته
وركبت له كفرات بالون على جنوط البلد بيطلع خياااال

يعيبة انه لاصق بالأرض
بس مدري عن الإستخدام الناس تذم واهله تمدح

[ahmad995]

الافلانش مع واحد من العيال 2003 ما صدق انه يفتك منه ويبيعه
حراره واعطال ما تخطر على البال بس قوي

[مربط القعاسي]

شوووووري عليك لا تعدي الياباني

فتك ولا gx ولا شاص ولا ربع ولا هلي

خذ شور من شار عليك

[عاشق z71]

شف حبيب قلبي كلها واحد ولكنها عل استخدامك

التاهو : اذا عندك عيئله كبيره شوي مالك غيره
الافلانش : اذا انت راعي بر متوسط يعني موب ذاك التحميل وموب ذاك الكر لانه ورى يجي يايات مثله مثل التاهو الفرق انه حوض فقط

اما السييرا : اذا انك راعي تحميل وبر ومطاعس لانه يجي سست

بس انتبه تطيح بالي طاح فيه غيرك ترا في انواع سييرا تجي مكينته 4.8 وهذي ظعيفه نوعا ما

وماتفرق الموتر عن المكينه الي اكبر منه وهي 5.3


يعني بالعربي اذا رحت تبي تشتري قلهم ابي 5.3


او انك تاخذ الكبر مره الي هو 2500

[عقيدالبيد]

مادام انت صامل على السييرا توكل على الله

[البوعينين99]

هذا على حسب احتياجك والغرض الي تبي تاخذ الموتر عشانه مب عشان شكل ولا مواصفات.

لأن كل موتر من هالمواتر فئه لحاله !!

[abo.a]

هو الامريكي كله لا تقربه بس اذا انت صامل سيريا ولا الافلانش

[؟؟؟ياعيني؟؟؟]

شوف وانا اخوك اذا انت راعي بر لا تقرب الامريكي اذا طعتني لانه ماينغزا به لكن عليك بالياباني والحق اهلك وانت في الخيار