لاتفوتك قصة الكشته مع خكاريا

[عليان الليل]

ترقبو قصة عليان عند الامريكان......................................... ....................قريبا
هذي سالفة ولا عاده الله بغت تصير جريمه
نويت اكشت انا واربعة من اخوييا يم الحفر وزهبنا كل شي
لكن واحد من هالخويا قال فيه ثنين يبي يروحون معنا المهم محد قال شي قلنا جبهم
المهم حركنا ومعنا جمس يم الحفر
مادريت انا ان هالثنين الي جو خكاريا
وصلنا الحفر ماعندنا خلاف يم الصداوي ونصبنا الخيمه كان الوقت مسيان
بلشنا بهالخكاريا مايعرفون يقضون الحاجة بالبر وانتم كرامه
ولازم نوديهم لمحطة والامسجد على بعد عشرين كيلو
ماهي مشكلة. كان يم الخميس وكان بشهر ذي الحجه والشتا بادي يطلع
واول الشهر يعني النجوم مايحتاج على كيف كيفك
عيو الخكاريا ينامون برا من الخوف
ماهي مشكلة . وقت النوم غيرو ملابسم تزهبا للنوم
ماهي مشكلة . كان معي رشاش كلنا رمينا الا هم خايفين
ماهي مشكلة.
بس الشي الي رفع ضغطي وخلان بغيت ارمي هالخكاريا وقطعهم بالرشاش
يوم اصبحنا . جوك على مراية الجمس وكل واحد معه فرشه يكد شعره وكريم يدهن به وجهه عن الشمس
واجيك والله واقض الخيمه ونضف العفش وعلى الرياض يعني ما قعدنا اربع وعشرين ساعة
وارجو من كل واحد قرا هالقصة لو هو محلي وش يزين بهم

[السمح]

أنا لو مكانك أخدمهم من العيون الثنتين ولا سووا كذا إلا لأن أبوانهم وأصحابهم ما علموهم من الصغر على البر .. أبساعدهم ماداموا معي .. ولكن في المرة القادمة إنتبه ياعليان من تروح معه ومن يجي معك .. وأكيد أكيد ماراح أتورط مع مثل هالأجناس مرة ثانية .. وخلك تستاهل :D :D وأظن إن عدم إكمالك الرحلة جاء مناسباً ، على الأقل أفضل من تقطيهم بالرشاش :D :D

[القصبي]

سلام عليكم
هلا يخوي ياعليان الليل
انا والله العظيم لو ان ذولي معي كان ابصبر واصبر الين تقفل معي اما يدهن شعرة مدري وجهة في البر
طيب وش اللي جايبك للبر مدام انك منتب كفو للبر او علشان يقال انك راعي بر
انا لو ذولي معي وزققوها معي اول شي طول الله عمرك بمشي واخليهم في البر خلهم يروحون للرياض مشي علشان يصيرون رجاجيل
وشكرا

[معرب الخال]

والله لو أني مكانك يا عليان كان اجربعهم بهالجمس ألين يحرمون يطلعون البر مره ثانية

اجل تقول يكد شعره ويحط كريم هذا الي ناقص المهم اذا بغيتوا تطلعون وخذتوهم معكم دقوا علي على شان اوريك فيهم

والرقم خذوه من الإستعلامات

[حد السيف]

Originally posted by القصبي
سلام عليكم
هلا يخوي ياعليان الليل
انا والله العظيم لو ان ذولي معي كان ابصبر واصبر الين تقفل معي اما يدهن شعرة مدري وجهة في البر
طيب وش اللي جايبك للبر مدام انك منتب كفو للبر او علشان يقال انك راعي بر
انا لو ذولي معي وزققوها معي اول شي طول الله عمرك بمشي واخليهم في البر خلهم يروحون للرياض مشي علشان يصيرون رجاجيل
وشكرا
وش اللي صبرك ووصلك الى الصداوى مارقلت اللى معك وعرفت وشهم من طيور اللة يهديك بس
من اول محطة روز الرجال بة ومابة قل هونا واول شي حطهم على مدخل شارعهم قل تراني صيفة



محبك اخيك
حد السيف

[راعي مرات]

عليان000


الله يسعدك000


هذي يا أخي فرصك لقيت من تضحك عليه في البر وتهبل به أنا لو محلك أبا أهبل بهم وأخليهم محل تندر إلين يضبطون وصدقني يبون لهم مثل ها الطلعة مرتين ويعجبونك00لأن الشاعر( بركات الشريف) يقول/

الهقوة إنك ما تجي دون أهاليك *** وما ذكر عود الورد يثمر بتنباك

يعني الله يعينك تدربهم ( تصقرهم) 0000


لاهنت على هذه القصة000

[برق شلع]

انا كد صارلي موقف مع خكاريه ولا يهونون الخكاريه اللي معك 00يوم قمنا الصباح
قصدي قمت انا لانهم ماناموا لقيت اثنين منهم قاعدين يفرشون اسنانهم وواحد قاعد يحط كريييم ضد الشمس يقول ان خدوده احمرت من الشمس وزي ماسويت اخذت فوق تحت من محطة الشرق لااوسط اللي بلينه ولا اذن الظهر الا ونا مقبل على ببيتنا بالقصيم000
---------------------------

بس قهر لوسويت فيهم مقلب يعني لو قطعت بهم الدهنا ولا رحت يم ضلعان تبوك ودخلت للديسه والا وادي ضم والله ان تزوغ ابصارهم ويعرفون الكريمات والفرشات00

[الحاتمي]

عليان الليل
ليش ترجع من الكشته بسبب هالخكاريه؟؟
ليش ما وديتهم لفندق الخليوي اللي بمدخل الحفرعلى اليسار وخليتهم
يكشتون بالفندق وكملت كشتتك وانت راجع تمرهم وتوديهم لاهلهم
ولا تنسى تقول لاهلهم لا يخلونهم يكشتون مره ثانيه لان الذيب بغى ياكلهم
بس حظهم انه اكل كريماتهم وبلاويهم....
وش رايك باللي طلع معنا نصيد ضبان الصيف اللي راح
ومعه شي اسمه لامبيلومدري لابيلو سالته وش هذا قال
حق تشقق الشفايف؟؟
اخذته منه وجدعته بالقدر مع الكبسه.......
تحياتي عليان

[شاهد عيان]

موضوع رائع ..

وعندي لكم سالفه :
مرة رحنا لعرق المظهور عند قبه بالقصيم ودخلنا بالنفود مسافة 30 كيلو عن الخط ومعنا واحد من الأجناس المذكورة أعلاه ...

وضعنا الأغراض وجاء وقت النوم قام المذكور وأخذ فرشة الأسنان والمعجون وبدأ بفرك الأسنان ..
رفيقي شاف الحاصل وقال لي أمسكه خلنا نوريه الشغل ... هو علم أننا نبي نمسكه ثم ركض وحنا وراه وراه وراه .... وأسمع خويي يقول الولد بدأ يزبد !!
تعب من المشي وشفت وجهه مت من الضحك صاير وجهه كله معجون أسنان وصديقي يقول لي ماقلت لك الولد بدأ يزبد !!

والداعي الذي خلانا نلحقه إنه كل شوي يغسل أديه ثم وجهه ثم كملها بمعجون الأسنان !!

[عليان الليل]

شكرا لكم جميعا..
ياخوان المشاركة هذي تقريبا له سنتين او اكثر
لكن من الحوادث نستفيد..
تحياتي..

[المري]

مرحبا أخوي عليان الليل..

المفروض انك تصبر عليهم وتكشت المده اللي انت تريد ماهو علشانهم علشان


خويك اللي جابهم معه لانهم اكيد يعزون عليه.. فيلزم انك تحشمهم وتقدرهم


الين ترجعون للديرة....


أنا الى جاتني غلطة من رفيقي *** ادمح الزلة ولا قوله شي
مؤاخذه لو يعترض في طريقي *** اشيله زلاته ولو كان مخطي

الله اعلم انه هو الشاعر-محمد الخس.


وتقبل تحيات اخوك / المري

[ابو عايد]

ولكن في المرة القادمة إنتبه ياعليان من تروح معه ومن يجي معك .. وأكيد أكيد ماراح أتورط مع مثل هالأجناس مرة ثانية .. وخلك تستاهل :D :D وأظن إن عدم إكمالك الرحلة جاء مناسباً ، على الأقل أفضل من تقطيهم بالرشاش

هذي يا أخي فرصك لقيت من تضحك عليه في البر وتهبل به أنا لو محلك أبا أهبل بهم وأخليهم محل تندر إلين يضبطون وصدقني يبون لهم مثل ها الطلعة مرتين ويعجبونك00لأن الشاعر( بركات الشريف) يقول/

الهقوة إنك ما تجي دون أهاليك *** وما ذكر عود الورد يثمر بتنباك

يعني الله يعينك تدربهم ( تصقرهم) 0000

لاهنت على هذه القصة000

مشكور اخوي عليان الليل....!!!

[أبو يوسف]

المشكله هالاجناس آفه للمياه اللي معك

لأنه اي غبار يجي ايدينه يغسل الايدين والرجلين والوجه ويمكن يتروش بعد

مره واحد طلع معنا من هالجنس
حرمناه الماء الا الضروري يعني ذليناه علشان الماء
وطلب بالليل ماء بكاس نحسبه بيشرب
اثاريه بيفرش سنونه
قلنا مابدهاش
وصلت لكذا
اخذنا المعجون وتحت كفر السيارة
والارض نفود

يعني قابلني ان طلع المعجون سالم


اخوي عليان ولا يهونون الباقين
لاتطلع الا مع ناس تعرفهم زين
الا بالطلعة الخفافية يوم واحد او نهار



تحياتي

[مكشات]

هلا اخوي عليان الليل
والله يعوضك عن ذيك الرحلة برحلة أجمل وأكمل ..
قصتك ذكرتني بصديق قديم الله يذكره بالخير .. هالصديق كلما مشينا للبر ومعنا من هالنوعية ينبسط عليهم ..
يجي لمي يبيني أساعده بالتخطيط والتنفيذ - وأنا على الشيلة ذيك الأيام - وخذ يامقالب خصوصا بالليل ..
نتيجة هالمقالب أحد أمرين :
إما يتعدلون ويصيرون أهل بر فعلا ..
أو يتوبون عن الرحلات ..
على سبيل المثال لا الحصر :
أول شيء نخلي السوالف بالليل كلها رعب برعب عن الذيابة والعقارب والأفاعي لين يتخمرون :)
بعدين يبدأ شغلنا ..
مرة أخذنا لي غاز طويل دفناه وخلينا طرفه تحت وسادة واحد منهم ، وخذ من هالأصوات .. مرة صوت واحد يمشي ، ومرة صوت شيء يعوي وأشكال وانواع من اللي فعلا تشيب بالراس ..
صحيح نبتلش فيهم وبردة فعلهم .. لكن كلما حسينا إن الوضع تأزم . أرخينا عليهم شوي ..
ملاحظة :
مسألة إستخدام فرشاة الأسنان في البر ما اعتقد فيها شيء بالعكس ليت لنا جلد على مثل هالأمور ..
المشكلة الحقيقية لما يكون رفيقك بالرحلة سلبي .. يعني مايساعدك بالطبخ والنفخ والإحتطاب وما إلى ذلك .. خله إيجابي معك ومايهم إعتناؤه بنفسه ..
تحياتي

[عبد الله الفايز]

مشكور أخوي عليان على الموضوع والقصة الطريفة.....
عندي شوي ملحوظات على الموضوع وتعليقات وإضافات الشباب
1- صحيح أن اختيار الرفيق مهم جدا ولا تسمح لمن لايناسبك طبعه أن يكون رفيقا لك
2- ودي أن نتفق على تعريف للرجولة في الكشته وكذا تعريف الخكرنة
هل الرجولة في المكاشيت 1- الصبر على التعب 2- خدمة الرفيق بما تستطيع 3- التنازل عما تستطيع من حقوقك خدمة للمجموعة 4- الإيثار في المكان والطعام والشراب 5- تقديم مصلحة المجموعة على المصلحة الفردية 6-الترفع عن إيذاء الآخرين من أعضاء الرحلة أو غيرهم بأي شكل بالكلام أو الفعل أو الإفساد أو التعدي على الحقوق أو الممتلكات 7- النظافة وحسن المظهر وقبل كل هذا الالتزام بالخلق الإسلامي الرفيع

وهل يدخل في الرجولة 1- قذارة الثياب وتتشققها 2- الرائحة الكريهة من الفم 3- الأيادي المتسخة 4- الشفاه المشققة 5- الشعر المنفوش المبعثر ؟؟؟؟؟
الخكرنة هل هي
1- نظافة الثياب2- الرائحة الطيبة من الفم والجسد 3- دماثة الخلق 4- حسن المظهر عموما
وبالتالي فإن من كانت هذه صفاته أقصد ثوبه نظيف وفمه نظيف ورائحته جميله هو خكري يجب أن يحرم من البر والخروج والاستمتاع ...؟؟؟؟
وجهة نظري التي أومن بها أن الخكرنة هي
1- الميوعة والتشبه بالنساء 2- التكاسل والاتكال على الآخرين وعدم المشاركة في أعمال الرحلة 3- عدم إعطاء المجلس حقه من حسن الحديث وحسن الإنصات 4- التذمر وعدم الصبر على مشقة الرحلات ......
ولا أرى أية علاقة بين العناية الشخصية بالجسد والخكرنة إلا ماكان زائدا عن حده وتحول إلى ميوعة وتشبه بالنساء
قد يقول بعضكم إن من صفات الرجولة الخشونة ..... نعم نعم نعم ..... ولكن ماالفرق بين خشونة الرجولة وخشونة القذارة.... ؟؟؟؟؟؟؟؟
أقول قولي هذا وأستغفر الله تعالى لي ولكم................ وسامحوني إن كنت سويت شوي زحمة والخط فاضي

[سوسو _عجب]

السلام علييكم....................................
تحية طيبه للأخ عليان
الرجال مواقف. ويجب ان يكون لك وقفه معهم تعلمهم وتوجهم.لأن لديهم الأستعداد
للتعلم ,
الله يعطيك العافيه على الموضوع

:good:

[عنبري تمير]

انا لوني منك كان علمتهم ان البر يبيله صبر ولاهوب معناها ان التنظف من صفات الخكاريا لا عاد اذا زادت عن حدها

وان البر زين وسعت صدر واعلمهم القنص ........ الخ

والسلام خير ختام

[كايد]

السلام عليكم ورحمة الله وبركاته

مشكور اخوي عليان ولا يهونون الربع

انا لو لي سلطة اي رجل مايع او ناعم او خكري - تكرمون -

ادخل دورة صاعقة بتبوك ثم دورة اماد وتموين ثم اوديه للخرخير بين الطعوس وبعد كذا اذا استمر فالشكوى لله سبحانه:D

[بروق الوشم]

السلام عليكم ورحمة الله وبركاته
أخوي / عليان
المفروض انك والله ماترجعهم الا لما تسوي عليهم كم مقلب علشان يعرفون ان الله حق

ولعل كدهم لشعورهم والتدهين بالكريم من باب التجمل والنظافة :D

[فرنوس]

هذولا ياعليان ودك توليهم شايب راعي نياق لين يظهرهم لهم قلب :D

[الشاقي]

ياحليلك ياعليان كني اشوفك تناظرهم ومنحمس
انا لو انا بمحلك ماتهون علي اظرب بطنه وظهرة وآخرته ارجع علشان خكارية .. انا احط بأذن طين والثانية عجين وانبسط واعدهم اطناب ولاقالو شيء قلت اللي عاجبة والا وصلته للخط يركب للرياض وبس

[مجنونها@@]

وجهة نظري بان الاعتناء بالمظهر واستخدام الفرشاة وووو شي ايجابي ولايخدش الرجولة

والرجال مايقيم من هذي والا تكون النظرة قاصرة
الرجال تقيمة من افعاله
اهم شي تلقاه هب ريح يقوم يشتغل ويضف فراشة اذا قام ويعاون هذا وذاك ويتصف بالايثار

والسفر يسفر عن الاخلاق

وانا مع المري

المفروض انك تصبر عليهم وتكشت المده اللي انت تريد ماهو علشانهم علشان


خويك اللي جابهم معه لانهم اكيد يعزون عليه.. فيلزم انك تحشمهم وتقدرهم


الين ترجعون للديرة....

والصبر من اهم الصفات الي يجب ان يتحلى الواحد فيها



وانك تخرب الطلعة علشان مااستسغتهم هذا خطاء

[شارع 20]

ليتني معك لأسويلهم ربق(رباط) غنم واخليهم طول الليل من شا ن ما يعودون البر مرة ثا نية

ولا ينزلون عن الأسفلت مرة

[ق ح ص 411]

السلام عليكم ورحمة الله وبركاته
الأخوان الأعزاء اضم صوتي لصوت عبدالله الفايز بكل ماقاله........:good:

[عليم الظمى]

تشوف الصورة اللي بتوقيع اخونا السمح اسوي زي الصقر افرمهم فرم




اللهم انصر المجاهدين

[العود الازرق]

اول شىء واهم شىء الخوياء ولو كنت محلك لا جبرتهم على علوم الرجال با القوة واذا بغو الرفاهيه يقعدون في بيوت اهلهم

[الـبــدووووي]

الله يعطيك العافيه

ومشكووووور

وماقصرت

[ابو دانة]

السلام عليكم ورحمة الله وبركاته


اخوي عليان بارك الله فيك المفروض منكم والمطلوب هوا استغلال هذه الفرصه والقيام بنصحة لعل الله يهديهم ويفتح على قلوبه ويصلحهم الى طاعة الله واخبارهم بالصح والخطاء، وايذا ماسمعوا الكلام روحو وحلوهم في البر وشكراً ابو دانة
:good:

[ريف النشاما]

أخوي ابو علياء .عليان الليل... أعلى الله درجتك في الجنه

لايابعد حيي على الكفخه .... بس لي ملاحضات؟
لوأنك صبرت عليهم كما ذكر الأخوان كان أحسن .. يامعود تعلمهم الصقاره قصدي البراره
وتصبر عليهم من شان خويك .. وأشغله لاتخليه يقعد ابد

****أخوي برق شلع **** فرشة الأسنان مهم لتنضيف الأسنان مع المسواك لاكن الي عنده تركيبات لازم فرشه ولا بيخيس بوزه وشكرا لك ..