الشاص والمطاب وووووووو

[الوايلي]

السلام عليكم ورحمة الله وبركاته
يا اخوان هذا الموضوع مهم ويفيد كثير من الناس حيث الشاص محبب لاهل البر والصيد
الشاص عيبه المناقز لن الي ورى سست (11 سسته)فنريد علاج هذه المشكله
واحد من الشباب ساحب 4 سست (اي صار الجيب 7 سست)والله انك ما تحس بالنقز والمطاب مره ولا تاخد اللفه عادي وراسي بس عيب الجيب نازل فواحد يقول ارفعه عن طريق اللعابه ( اخر حديده من اخر سسته)
ويرتفع مثل اول وبعضهم يقول الباون الاحمر بس خطير
وبعضهم يقول حط مساعدات vxr
انا يا اخوان ودي طريقه تريح من المناقز والموتر مرتفع ولا تثر على السياره وذكر الورشه المتخصصه بذلك
ارجو من الخوه المشاركه لتعم الفائده على الجميع
وتقبلو تحياتي
اخوكم الوايلـــــــــــــي

[Abo Nader]

وعليكم السلام ورحمة الله وبركاته...

أخوي قد قريت عن البالون الي يحط في السست و الطريقه تسحب 4 سست و تحط بالون ولا ينزل هذا الي أعرفه راجع موضوع أبو أيمن للمواضيع المميزة

[الوايلي]

اشكرك يا ابو نادر على الرد بس البالون يفيد مع الرجال الراكد مو حق صيد وقنص
لانه يتفقع
وبعيد قاري الموضوع 90 شخص ولا واحد رد غير واحد يعني كل الشباب معهم شبحات وكوامري

[الجيب الربع]

السلام عليكم ورحمة الله وبركاته

أخي الوايلي

أعتقد والله أعلم إن المساعد هو الحل الوحيد ولكن دور لك مساعدات من النوعيات الممتازة من الرماية مثلا وهناك مواضيع تتحدث عن المساعدات في هذا المنتدى....... واذا كنت في الرياض فهناك كم ورشة متخصصين بالشغلات هذي مثل بن مرضاح ممكن أن تسألة ويفيدك أكثر

لك تحيتي

[الوايلي]

اشكر اخوي الحبيب الجيب الربع وعلى الاقل فيه واحد عبرنا
بالنسبه لكلامك ما عليه غبار بس ودي بتجارب الشباب هل احد ركب مساعدات وهل ريحته من المطاب
لان قيه طرق كثير لمشكلة المطاب وشكرا
اخوك الوايلــــــــــــــــي

[الخبير]

السلام عليكم
تسحيب السست افضل خيار بالنسبة لي وترى الشاص ما ينزل مثل ما يقولون الشباب إلا إذا حملت عليه واجد مرة. يعني شعير وانت ماشي.

[بــرق الشمال]

اخوي الوايلي هناك طريقه جميله ومن واقع تجربه وهي:
انك تسحب اربع سست وتركب يايات اماميه(استرالي)لونه اصفر
وموجد عند الرمايه(شارع التخصصي بالرياض)الاثنين بقيمه 500
وممكن تركبه عندهم ويضمنونه لك.كذا راح يفرق معك.وزياده لو تحط
توانك اثنين بالصندوق وتملاهن ماء(ولكن اللي عرفته من كلامك انك راعي مناقز مثلي
والحق لاتلحق فممكن تركب تناكي واحد بالعرض.انا مركب واحد سعته تقريبا 280 لتر ويأتي
خلف الاستبنه يعني يبدا من عند الصنوق جهت السائق وينتهي بالجهه الاخرى مع شنطه)
وممكن ايضا انك تركب مساعدات( رانشو)ويجد 9 طقات وخمس طقات وهي عمليه نوع ما.
المهم اذا كان تبي تركب يايات استرالي فذكرني اعطيك نفس رقم الياي اللي انا مركب مع العلم
ان الياي اليمين يختلف عن الياي اليسار بالمقاس عند التركيب.
واذاكانك بعد تبي تركب كفرات عراض مع جنوط (كانك مقتنع فيهن) راح يفرق معك بالنفود
وبالطرق السريعه وعند اللفات وبالجواد ايضا(الردميه).
الطرق واجد وانا اخوك بس ايهن تبي.:) :) :)

[الوايلي]

اشكرك يا الخيبر على الرد وهذا شرف لي يوم اشوف اسمك بموضوعي
الجيب ينزل يعني يكون مهو مثل اول كيف لو يحمل شعير يسير كامري على غفلله:D
اخوي برق الشمال موضوعك رائع جدا جدا واشكرك على حسن اسلوبك
انا ودي اريح نفسي من المناقز خاصه اني اضرب طريق حدود 800 كليو يم حايل
يعني ما تاصل الا وانت متليش وبعدين اكيد ابركب جنوط منظر ورساوه بالخط
وبعدين انا ما احب التواكني وبعدين وش دخل اليايات بالمناقر:) الدعوه كله على السست
ارجو ان تقبلو تحياتي وشكرا
اخوكم الوايلـــــــــــي

[الوايلي]

السلام عليكم
يا اخوان حبيت اوضح بعض النقاط
بعض الاخوان يقلون حط البالون(البالون فيه عيب ان يزلق معك بالمطر وهذا كلام واحد من الاخوان الي مركبهن)
ومن ناحيت تركيب مساعدات vxrيقول لي واحد من الشباب ركبها عند ورشة النويصر وشغلهم تمام
وترتاح من المناقر والمطاب
فارجو من عنده علم يفيدنا وتقبلو تحياتي
اخوكم الوايلـــــــــــي

[بــرق الشمال]

اهلابك اخوي الوايلي مره اخرى...
بالنسبه لليايات وانا اخوك تنفع وتغير الموتر
وبالأصح تثبت وجه موترك(ومن قالك انه مايناقز من الامام
وانت تمشي بالموتر لاحظ ذالك..ولو تعرف احد مركب يايات
اماميه نفس اللي ذكرت سابقا..ياليت علشان تشوف بنفسك.
انا بالأول ماكنت مقتنع لمين ركبت موتر صديق لي وشف الفرق)
وبعد ماركبتهن فرق معي.....
شكرا لك اخوي الوايلي..