بالصور تركيب مروحة كهربائية لليوكن Yukon Denali 2004

[aboriyadh]

كل عــــــــــــــام و انتم بخير

بالبداية
نقـــــــــــــــول : ما شــــاء الله تبارك الله أولا



بعد بحث و استفسارات وجدت إجماع أن حل مشكلة ارتفاع الحرارة اثناء وقوف السيارة مع تشغيل المكيف (خاصة الظهرية ) و مشكلة عدم تبريد مكيف سيارات gmc اثناء الوقوف

اتضح لي أن كل هذا بسبب حرارة المحرك وعدم وجود تهوية كافية

المهم كان اغلب الحلول هي تركيب مروحة كهربائية امام الرديتر او خلفه وهذا الحل ممكن جدا مع الـ YUKON العادي حتى لو حجم المروحة كبير

و لكن مع الدينالي غير ممكن لضيق المسافة بين الشبك الأمامي و الرديتر (خاصة رديتر القير )

المهم بحثت في كثير من الورش و كل اللي قالو بإستطاعتهم تركيب مروحة قالو لابد من قص أحد القوائم المثبته للرديتر الصغير (قوائم على شكل مثلث )
طبعا لم اوافق على هذا الحل
و كنت ابحث عن حل للتركيب دون قص او تعديل في إي جزء من السيارة

و الحمد لله وجدت كهربائي فاهم و سبق له أن ركب مثل هذه المروحة وعلى نفس السيارة

ندخـــــــــــــــــــل بالموضوع

اولا -
المروحة - مروحة تويوتا لاند كروزر (صناعة ياباني ) 5 ريش متوسطة الحجم
و هذه المراوح مستعملة يتم استيرادها من( الدول الباردة - مثل كندا وشمال اوربا - وغيرها ) كونها لا تستخدم هناك ويتم فكها او فصلها نهائيا.
ويوجد محلات تبيع مثل هذه المراوح (يعرفها الكهربائية )

ثانيا -
المتطلبات الاخرى - كتاوت 12 امبير + فيوز كابرس
سلك كهرباء يفضل نوعية جيدة من 2.5 ملي و اكثر (حسب طول التمديدات ).

ثالثا -
طريقة التركيب

1- فك الشبك الأمــــامي من خلال فك الغطاء الفيبر فوق الرديتر ثم فك مسمار الشبك و اخراج الشبك كامل
http://8wsnsq.blu.livefilestore.com/y1pghZUxHlhBSGDaaVjF51y1rP1ZrrG7Fm-g-nIhc_JpaF_TAP8xJm9Oe78MiEei69sSLoCIfXAatCJ02soD0KO aQ/dinali.jpg


2- فك مسامير قاعدة رديتر القير و من ثم سحبها الى الخارج و وضع المروحة الكهربائية خلفها .

http://8wsnsq.blu.livefilestore.com/y1pP5xw2_9V4H-kcib-HE48i4eEAqAkj2SIvCoVSCOYJ0np5HHXharSVxAUC4oQ2SvLUo BNQxugUPXCZpFAbrccAg/dinali1.jpg


3- عمل اطار كامل حول قاعدة المروحة (الحديد ) لعدم احتكاكها مع الرديتر اثناء التركيب (الاطار من الحلقوم المغلف للأسلاك اللي تجي قريب المكينة بلستيك حراري ).


4- تركيب مسامير طويلة لتوسيع المسافة

http://8wsnsq.blu.livefilestore.com/y1paBcOYGiOfxvXUDBX-QJyaragJLI42HGxHe0BQUmrhMFJF1x6hxpVm34AsVqnEE7OX2W ut0qo1buNhzExlKy2tA/dinali2.jpg


5- تثبيت المروحة على القاعدة الخلفية و شد قاعدة رديتر القير بالمسامير عليها . مع مراعاة ان يكون الشد على القاعدة الحديدية للمروحة و قاعدة الرديتر ,.


http://8wsnsq.blu.livefilestore.com/y1pp2kbroOrsTpAP0ZDcXDnMMaX9zMQpewoR3ou0-T_MNUg98J4bpSkpj5MQo9qoSV0tKuKWC3M_PBNVQ68My3H3g/dinali3.jpg


6- تركيب كتاوت و تركيب فيوز بين الكتاوت و المروحة مباشرة (( السلك الجاي من المروحة ))لفصل الكهرباء عند حدوث اي مشكلة في المروحة.

7- توصيل المروحة من خلال اصباع البطارية بالكتاوت و توصيل التشغيل عن طريق
فيوز الكمبروسر في علبة الفيوز مباشرة لتجنب إي قطع في اسلاك السيارة او اسلاك الكمبروسر.

المروحة طبعا تشتغل مع مكيف السيارة وعندما يفصل المكيف تطفي وعند إطفاء المكيف تفصــل كذلك .



ملاحظة -
المروحة لا تحتاج تثبيت بمسامير لأنها راح تكون مزنوقة بين قاعدة الرديتر وقاعدة رديتر القير و من الاسفل راكبه على قاعدة فوق الصدام ثم تشد عليها المسامير لعدم حركتها
و تكون المسافة بينها وبين الرديتر ملي مترات فقط
و يمكن التاكد من ثباتها بهزها او سحبها فلا يمكن تحريكها وكانها ملحمة على القاعدة


للمعلومية تم التركيب بـ 280 ريال مع قيمة المروحة
المحل في المدينة المنورة
و من يريد إي معلومة انا حاضر


الملاحظات -

الحرارة لا ترتفع عن قبل النصف بشرطة واحدة اثناء تشغيل المكيف الظهر و الوقوف لمدة اكثر من نصف ساعة
حرارة عداد القير تحت الـ 200 بشرطتين ولا إدري هل هي طبيعية أم لا !!

الصوت
يوجد صوت ولكن ليس قوي او مزعج (يشبه صوت سيارات المورسيدس )

اثناء تشغيل السيارة بدون مكيف تشوفها تدور دوران خفيف جدا ناتج عن هواء مروحة السيارة

و للجميع اجمل تحية

[فتك ابوفهد]

ماشاء الله
شغل نظيف
وموضوع يستاهل التثبيت

[Skyline]

ما أقول الا رحم الله والديك عزيزي برق لاح ،،

لدي نفس موديل سيارتك وأفكر في تركيب مروحة كهربائية وما شاء الله موضوعك وضح لي الكثير من الأمور الخافية علي بخصوص كيفية تركيب المروحة ،،
على الأقل الواحد بعد الأطلاع على هذا الموضوع القيم لما يروح للكهربائي يعرف كيف يتفاهم معاه ،،

وهل للمروحة سلبيات وجدتها بعد التركيب والأستخدام ،، مثل ضعف الكهرباء بالسيارة ( الأنوار ) ، وهل صوت المروحة يكون مسموع داخل السيارة ،

وسؤال خارج الموضوع يخص الدينالي اي نوع من البنزين تستخدم ، وهل لديك حنه في مقدمة السيارة بين الراكب والسواق بسبب الدفع الأمامي

وتقبل تحياتي

[aboriyadh]

اخوي : فتك ابو فهد

حياك الله وتسلم على هذا الشعور

اخوي : سكاي لاين
و والديك و هذا أفضل شي الواحد يحصل عليه - دعوة صالحة له و لوالديه

بخصوص السلبيات لا يوجد لها إي سلبيات وهي خفيفة و لا تسبب إي ضغط على كهرباء السيارة ابدا و المروحة ليسة كبيرة بل متوسطة الحجم

البنزين استخدم 91 وكان معاي يوكن 2001 استخدمته 4 سنوات ونص و من يوم طلع الـ بنزبن 91 وانا اعبي منه

الصوت لست متأكد من وجود صوت .
اللي لاحضته عن سيارتي القديمة (بدون دبل ) ان اللي بدون دبل اخف في القومه و مشي السيارة داخل البلد اما في الطريق الطويل لا يوجد فرق

[Skyline]

يعطيك العافية عزيزي برق لاح على سرعة الرد ،،
ونسيت أسالك عن أبعاد المروحة قطرها وسمكها ، مشان نعرف مقاس المروحة اللي ممكن نحشرها في هذا المكان المحدود .

[غالي]

الله يجزاك خير اخوي

موضوع وتفصيل وصور موضحه

بيض الله وجهك

[الفيصل2009]

أبدعت... بارك الله فيك

[سوبر VTC]

و عليكم السلام و رحمة الله


الله يعطيك العافيه على الشغل
ما شاء الله تبارك الله

يستاهل التثبيت

معي جمس 2001 و الكمبرسور جديد و
مع عمي دينالي م2004 مرواح كهرب شد بلده بدل مروح السير
الكلام هذا بعز الحر الساعه 1.30 ظهرا الحرارة 44
بعد 5دقائق و حنا واقفين
موتري تبريده عادي جدا لانه مروحه سير :no:
موتر عمي مكيف ثلاجه :good::good:

بالنسبة للمرواح انت ركبت يجي بعضهن استخدام ياباني
و لكن للاسف دورانهن ضعيف لان قلب المروحه الدينمو صغير :no:
لذلك ماتعطي نتيجه طيبه و لا ترضيك :no2:



http://8wsnsq.blu.livefilestore.com/y1paBcOYGiOfxvXUDBX-QJyaragJLI42HGxHe0BQUmrhMFJF1x6hxpVm34AsVqnEE7OX2W ut0qo1buNhzExlKy2tA/dinali2.jpg

بالنسبة لاطراف الداير حق المروحه
بدل (الجرجور) حق الاسلاك (الحلقوم)
تقدر تحط فلين عازل حق الهواء من عند الزينات
تحط على الاطار


موفق

[هااااااوي]

ماااقصرت الصراحة ابداع ...

[aboriyadh]

حياكم الله جميعا

وشكرا على المرور و الردود الطيبـــــــــــــــــــة

اخوي : سوبر VTC

اللي وده يغير في السيارة و يقص القوائم يركب مروحة مورسيدس اسمها او حجمها (124) بقاعدة واطية (القاعدة اللي هي خلف دنمو المروحة ) يوجد نوعين واطي و عالي

وتركيبها يلزم قص القائم اليسار في الصورة الثانية و تعديل تثبيت القوائم و تعطي هواء اقوى و قطرها اكبر بقليل من المروحة الياباني

لكن أنا كنت لا ارغب في إي قص او تعديل على السيارة


ولكن دفع الهواء في مروحة الاند كروزر الياباني الأصلية ممتاز جدا . وهي افضل ما يمكن تركيبه دون تعديل في الهيكل .

و تحية لك و للجميع

[aboriyadh]

يرفع للفائدة

رفع الله دراجاتنا و إياكم في جنات النعيم

[ebn-aljazerh]

جزاك الله خير على الموضوع
أنا ألغيت مروحة الوكاله (العادية)للتاهو موديل 2003 وركبت مروحة كهربائية للتاهو 2007
والحرارة طبيعية و المكيف ثلج و الحمد لله

[aboriyadh]

جزاك الله خير على الموضوع
أنا ألغيت مروحة الوكاله (العادية)للتاهو موديل 2003 وركبت مروحة كهربائية للتاهو 2007
والحرارة طبيعية و المكيف ثلج و الحمد لله

يا ليت معلومات زيادة

السعر كم ؟؟
مكان التركيب وين ؟؟

هل تحتاج ترهيم وقص في هيكل السيارة و قاعدة الرديتر ؟؟

و طريقة التوصيل بالكهرباء كيف يكون ؟؟؟ وهل تعمل مع المكينة أو مع المكيف ؟؟

وهل تم الغاء المروحة القديمة (مروحة السير )

انتظر ردك و جزاك الله خير

[سوبر VTC]

يا ليت معلومات زيادة
السعر كم ؟؟
مكان التركيب وين ؟؟
هل تحتاج ترهيم وقص في هيكل السيارة و قاعدة الرديتر ؟؟
و طريقة التوصيل بالكهرباء كيف يكون ؟؟؟ وهل تعمل مع المكينة أو مع المكيف ؟؟
وهل تم الغاء المروحة القديمة (مروحة السير )
انتظر ردك و جزاك الله خير



انا اخبر يركبون مرواح كهرب حقت يوكون م2007
لموديل م2006 و تحت
ياخذونهن من الوكالة
بسعر تقريبا من 110 الى 1350 مروحتين
يتم الغاء مروحه السير و يركب مكانها مرواح الكهرب
و المكيف ثلاجه و لا يحتمي الموتر :good:

[المميـز]

ماشاء الله تبارك الله ... شغل مرتب :good:

الله يجزاك خير على الموضوع الرائع

بس ليتك تذكر لنا اسم المحل حتى يكون من ضمن اللسته اللي عندي :)

كوني من سكان المدينه المنوره

[راعي المجهم]

شغل ممتاااااااااااااااز جداً جداً

ولكن لو ركبت بدل منها مروحة جيب نيسان الصغيرة

تبرديها ثللللللللللللج لأن عدد دورانها في الدقيقة كبير جداً أكثر من التويوتا

[Skyline]

السلام عليكم
عزيزي راعي المجهم ، ممكن تفاصيل أكثر للمروحة التي ذكرتها
أسم الجيب وموديله ،
كم قطر المروحة وسمكها
عدد ريشها
عدد سرعاتها

وتقبل تحياتي

[aboriyadh]

ماشاء الله تبارك الله ... شغل مرتب :good:



الله يجزاك خير على الموضوع الرائع


بس ليتك تذكر لنا اسم المحل حتى يكون من ضمن اللسته اللي عندي :)


كوني من سكان المدينه المنوره

المحل طال عمرك و انت نازل للبلد من طريق المطار تاخذ الاشارة اللي قدام الشؤون الصحية يمين كأنك رايح للأمـــارة القديمة
تمشي مع الطريق الين تشوف اول اشارة يكون مجمع ورش على يدك اليمين في نهايته محطة على اليمين قبل الأشارة مباشرة
المحل من المحلات اللي على الشارع مباشرة (مكتوب كهربائي سيارت فقط لوحة ابيض وكتابتها ازرق ) بدون اسم للورشة
المعـــــــــــــــــــلم اسمه زهير باكستـــــــــــــــــــــــاني .

[ربع 2008]

شكرأأأأأأأأأأأأأ

[aboriyadh]

شغل ممتاااااااااااااااز جداً جداً

ولكن لو ركبت بدل منها مروحة جيب نيسان الصغيرة

تبرديها ثللللللللللللج لأن عدد دورانها في الدقيقة كبير جداً أكثر من التويوتا

يا ليت معلومات أكثر عن المروحة عشان يستفيد منها الأخوان

حجمها
و سعرها
و عدد الريش

وخاصة اللي وده يركب جديد يستفيد من هذه المعلومة و تحصل لك دعوة طيبة

[talal69]

السلام عليكم ولرحمة الله وبركاته
شغل طيب ومعلمه اطيب من رجل كريم

[aboriyadh]

السلام عليكم ولرحمة الله وبركاته
شغل طيب ومعلمه اطيب من رجل كريم

و عليكم السلام

شكرا لك

[aboriyadh]

up

للفـــــــــــــــــــــائدة

[لن أمل من العطاء]

شكرا لك اخي العزيز

مشاركة بناءة ومفيده

فشكرا لك

[aboriyadh]

شكرا لك اخي العزيز

مشاركة بناءة ومفيده

فشكرا لك

العفو

وشاكر لك مرورك وكلماتك الطيبة

[ملك الغضى]

:j بعد اذن صاحب المشاركة يوجد عندي مروحة كهرب يوكن موديل 2006وطالع للبيع نضيفة واستعمال حشمة 0 وهي تجي مروحتين ومثبتة على قاعدة وحدة وسبق ان ركبتها على يوكن موديل 99 وركبت بدون اي ترهيم اوقص وكانت الحرارة علىالربع نشوف سومتاتكم يا الربع

[aboriyadh]

:j بعد اذن صاحب المشاركة يوجد عندي مروحة كهرب يوكن موديل 2006وطالع للبيع نضيفة واستعمال حشمة 0 وهي تجي مروحتين ومثبتة على قاعدة وحدة وسبق ان ركبتها على يوكن موديل 99 وركبت بدون اي ترهيم اوقص وكانت الحرارة علىالربع نشوف سومتاتكم يا الربع





مشكور
لكن هل تركب امام الرديتر او خلف الرديتر من جهة المكينة ؟؟
وهل هي مثل مروحة اليوكن 2005 و 2006 يعني لازم تنشال مروحة السير ؟؟

[ملك الغضى]

تركب بين الاديتر والمكينة وليس بين الاديتر والصدام وانا اللي فكيتها من يوكن 2005 من التشليح:j

[fahad-k6]

يا اخوان انا عندي يوكن 2001 اقدر اركب مراوح كهرب

بدل الاصليه مثل 2005 و2006

[ملك الغضى]

نعم تقدر ونص

[الكـاسـر]

ماشاء الله شغل ممتاز لاكن عندي تنبيه لنوع الشبك اللي على موترك (الشبك النيكل اللي على شكل دوائر) سمعت انه يمنع دخول الهواء بشكل سليم مما يؤدي الى ارتفاع حرارة زيت القير ويسوي مشاكل للقير والله اعلم

[راعي المجهم]

ماشاء الله شغل ممتاز لاكن عندي تنبيه لنوع الشبك اللي على موترك (الشبك النيكل اللي على شكل دوائر) سمعت انه يمنع دخول الهواء بشكل سليم مما يؤدي الى ارتفاع حرارة زيت القير ويسوي مشاكل للقير والله اعلم


نعم كلامك صحيح 1000 %

أحد زملائي معه دينالي جته حرارة غريبة فجأة

شيك على

الرديتر سلييييييم

البلف سلييييييم

المروحة سلييييمة

الطرمبة الماء سليمة

المهم قال له كهربائي فاهم في الجموس

غير شبك السيارة (حق الدينالي ) بشبك يوكن عادي

وفعلاً غيره بشبك عادي وضبطت الحرارة تحت النص بشرطة

في جميع ظروف القيادة

لأن شبك الدينالي يمنع دخول الهواء للمكينة

[برق خاطف]

:j بعد اذن صاحب المشاركة يوجد عندي مروحة كهرب يوكن موديل 2006وطالع للبيع نضيفة واستعمال حشمة 0 وهي تجي مروحتين ومثبتة على قاعدة وحدة وسبق ان ركبتها على يوكن موديل 99 وركبت بدون اي ترهيم اوقص وكانت الحرارة علىالربع نشوف سومتاتكم يا الربع

اخوي ملك الغضى ...حياك الله.. ياليت ترسل رقمك على الخاص .للتفاهم على السعر ...
انا مشاركاتي لاتسمح بارسال رساله على الخاص ........

[طرد الهوى]

الله يرحم والديك

المفروض الموضوع يثبت

[aboriyadh]

نعم كلامك صحيح 1000 %

أحد زملائي معه دينالي جته حرارة غريبة فجأة

شيك على

الرديتر سلييييييم

البلف سلييييييم

المروحة سلييييمة

الطرمبة الماء سليمة

المهم قال له كهربائي فاهم في الجموس

غير شبك السيارة (حق الدينالي ) بشبك يوكن عادي

وفعلاً غيره بشبك عادي وضبطت الحرارة تحت النص بشرطة

في جميع ظروف القيادة

لأن شبك الدينالي يمنع دخول الهواء للمكينة




يمكن يكون الكـــــــــــــــــلام سليم

لكن
شبك الدينالي هو نفسه (شبك معدني مخرم على شكل دوائر ) من موديل 2000 إلى 2009

و لو كان به مشكلة سوف تغير الشركة شكل او حجم وتصميم الفتحات

على العموم في حال تركيب مروحة كهرب بين الشبك و الرديتر المروحة تقوم بسحب الهواء ( الشفط ) من الخارج للداخل لذلك هي تساعد على دخول الهواء للرديتر و رديتر القير

و شكرا لك على المشاركة و للأخ الكـــــــــــــاسر

[fahad-k6]

شغل ممتاااااااااااااااز جداً جداً

ولكن لو ركبت بدل منها مروحة جيب نيسان الصغيرة

تبرديها ثللللللللللللج لأن عدد دورانها في الدقيقة كبير جداً أكثر من التويوتا




السلام عليكم
عزيزي راعي المجهم ، ممكن تفاصيل أكثر للمروحة التي ذكرتها
أسم الجيب وموديله ، وكم سعرها

عدد ريشها
عدد سرعاتها

وتقبل تحياتي

[ابوفيصل1]

كل عام وانتم بخير

والله يجعلنا واياكم من عوادة

اخواني لدي تاهو2003 الى هو في صورة العرض

الحراره دون النصف ولا قد تغيرت في خط طويل اوداخل المدينة بمكيف او بدون مكيف والحمد لله


المكيف ثلاج بس مجرد الوقوف عند اشارة او محل ينعدم تبريد

اخاف اركب مروحة لحل مشكلة التبريد في المكيف واتورط في الحرارة او تتغير السيارة على ولقية عدت طرق لتركيب المروحة وعدة انواع مادري ويش الانسب والاصح


ملاحظة او نصيحة

انا غيرت المكيف كامل من والى بسبب التشغيل الغلط وانا في خط طويل كنت متجاوز المية وعشرين وطفيت المكيف لشدة برودة بعد خمس دقايق اشتدة الحرارة وشغلتة مرة ثانية وانا مسرع مم سبب خراب المكيف واصدار صوت مزعج لة

[aboriyadh]

كل عام وانتم بخير

والله يجعلنا واياكم من عوادة

اخواني لدي تاهو2003 الى هو في صورة العرض

الحراره دون النصف ولا قد تغيرت في خط طويل اوداخل المدينة بمكيف او بدون مكيف والحمد لله


المكيف ثلاج بس مجرد الوقوف عند اشارة او محل ينعدم تبريد

اخاف اركب مروحة لحل مشكلة التبريد في المكيف واتورط في الحرارة او تتغير السيارة على ولقية عدت طرق لتركيب المروحة وعدة انواع مادري ويش الانسب والاصح


ملاحظة او نصيحة

انا غيرت المكيف كامل من والى بسبب التشغيل الغلط وانا في خط طويل كنت متجاوز المية وعشرين وطفيت المكيف لشدة برودة بعد خمس دقايق اشتدة الحرارة وشغلتة مرة ثانية وانا مسرع مم سبب خراب المكيف واصدار صوت مزعج لة

تركيب مروحة اضافية امام الرديتر (بين الرديتر و الشبك الامامي ) اذا ما نفعت ما راح يكون فيها ضرر او تغيير على السيارة باذن الله

لكن الاستغناء عن مروحة المكينة و تركيب مراوح كهربائية بين المكينة والرديتر (مثل طريقة الموديلات 2005 و طالع ) هذي ما عندي فكرة عنها

بخصوص المكيف مشكور على النصيحة

[ابوفيصل1]

بغية اعرف اسم الفني ورقم الهاتف ووصف مكانة في المدينة المنورة

انا من مدينة تبوك واريد ان ازور المدينة واركب المروحة مرة وحدة

[aboriyadh]

بغية اعرف اسم الفني ورقم الهاتف ووصف مكانة في المدينة المنورة

انا من مدينة تبوك واريد ان ازور المدينة واركب المروحة مرة وحدة

تفضل هذا عنوان المحل

المحل طال عمرك و انت نازل للبلد من طريق المطار تاخذ الاشارة اللي قدام الشؤون الصحية يمين كأنك رايح للأمـــارة القديمة
تمشي مع الطريق الين تشوف اول اشارة يكون مجمع ورش على يدك اليمين في نهايته محطة على اليمين قبل الأشارة مباشرة
المحل من المحلات اللي على الشارع مباشرة (مكتوب كهربائي سيارت فقط لوحة ابيض وكتابتها ازرق ) بدون اسم للورشة
المعـــــــــــــــــــلم اسمه زهير باكستـــــــــــــــــــــــاني .

[برق خاطف]

مطلوب مراوح كهرب لليوكن 2005 \2006..تكون نظيفه ...............

[صيّاد الصيد]

السلام عليكم ورحمة الله وبركاتة


اشكرك جزيل الشكر يابرق لاح على طرح هذه الحلول

ياشيخ لي سنه وانا اتهرب عن قص الحامل الامامي على شان اركب مروحه


جزااااااااااااااااااك الله عنا كل خير

[هذاب السرايا]

السلام عليكم ورحمة الله
يا أخوان نبي كهربائي مضبوط في الرياض يركب لنا ماروح الكهرب اللي بين الراديتر والمكينه
علما أن المراوح سرعتين
هل تحتاج حساسين يعني واحد لكل سرعه
وهل الكتاوت فيه نوع اجود من آخر
وهل الفيوز ضروري
و آخر سؤال
وش الافضل الحساس حق الحراره يركب إذا طلع الماء من المكينه والا اذا طلع الماء من الاديتر لأن واحد من الاخوان يقول الماء اللي يطلع من المكينه دايم حار فبتكون المراوح على طول شغاله حتى لو كنت بخط و في براد والا شتا والا ليل
نبي منكم تشيرون علينا و تراها فزعة منكم
الله يرحكم والدينا و والديكم

[هذاب السرايا]

للرفع يا قروم العيال
وين الردود

[شاص 4500]

مشاء الله عليك
تقول الشغل شد بلد يعني متعوب علية

[رفيع المقآم]

عز الله شغل ميه ميه نهي نهي كويس مره كفووو ومشكور وما قصرت

[قرم العيال]

جزاك الله خيرا

[NavMan]

بارك الله فيك

[النفيعي2010]

ماشاء الله
شغل نظيف

[مغلي]

السلام عليكم ورحمة الله
يا أخوان نبي كهربائي مضبوط في الرياض يركب لنا ماروح الكهرب اللي بين الراديتر والمكينه
علما أن المراوح سرعتين
هل تحتاج حساسين يعني واحد لكل سرعه
وهل الكتاوت فيه نوع اجود من آخر
وهل الفيوز ضروري
و آخر سؤال
وش الافضل الحساس حق الحراره يركب إذا طلع الماء من المكينه والا اذا طلع الماء من الاديتر لأن واحد من الاخوان يقول الماء اللي يطلع من المكينه دايم حار فبتكون المراوح على طول شغاله حتى لو كنت بخط و في براد والا شتا والا ليل
نبي منكم تشيرون علينا و تراها فزعة منكم
الله يرحكم والدينا و والديكم

:good2::good2::good2:

[مغلي]

حياكم الله جميعا

وشكرا على المرور و الردود الطيبـــــــــــــــــــة

اخوي : سوبر VTC

اللي وده يغير في السيارة و يقص القوائم يركب مروحة مورسيدس اسمها او حجمها (124) بقاعدة واطية (القاعدة اللي هي خلف دنمو المروحة ) يوجد نوعين واطي و عالي

وتركيبها يلزم قص القائم اليسار في الصورة الثانية و تعديل تثبيت القوائم و تعطي هواء اقوى و قطرها اكبر بقليل من المروحة الياباني

لكن أنا كنت لا ارغب في إي قص او تعديل على السيارة


ولكن دفع الهواء في مروحة الاند كروزر الياباني الأصلية ممتاز جدا . وهي افضل ما يمكن تركيبه دون تعديل في الهيكل .

و تحية لك و للجميع

لو تذكر لنا وش موديل اللاندكروزر الي بناخذ منه المروحه

[hightech]

السلام عليكم ورحمة الله
يا أخوان نبي كهربائي مضبوط في الرياض يركب لنا ماروح الكهرب اللي بين الراديتر والمكينه
علما أن المراوح سرعتين
هل تحتاج حساسين يعني واحد لكل سرعه
وهل الكتاوت فيه نوع اجود من آخر
وهل الفيوز ضروري
و آخر سؤال
وش الافضل الحساس حق الحراره يركب إذا طلع الماء من المكينه والا اذا طلع الماء من الاديتر لأن واحد من الاخوان يقول الماء اللي يطلع من المكينه دايم حار فبتكون المراوح على طول شغاله حتى لو كنت بخط و في براد والا شتا والا ليل
نبي منكم تشيرون علينا و تراها فزعة منكم
الله يرحكم والدينا و والديكم

اخوي انا كنت قبل امس في الصناعية بقصد تسييخ الاديتر وكان معي مروحة مرسيدس

ابغى اركبها خلف الشبك قدام الاديتر وتعرف العمالة هناك يعرفون كل شي المهم اللي

اللي يقول مااسوي الشغلة هذي احس انه امين وأسأله اذا فيه احد شغله ممتاز المهم

انهم قالوا لي على ورشة البركات حول اللي يصيخون الاديترات ورحت لمه الصراحة

الرجل ملم بشغلة السيارات ومشاكل الحرارة والاديترات وقالي انه باستطاعته يركب

المروحة ولكن لن استفيد منها وأنا عندي المروحة الاصلية بالمناسبة السيارة قراند

شروكي المهم ان الرجال نصحي بتنظيف الاديتر والمكينه والسلندر وفعلا تم الاتفاق

200 ريال وقلب السيارة ألا طرمبة مويه :D ذكرني بالمزارع المهم اني طلعت من عنده

وامس طول القايله وانا في الشموس والحرارة تحت النصف ماشاء الله..

اشوف عليه اقبال كثير واكثرهم يعرفونه من زمان والرجال تعامله ممتاز ..

حصل فيه تنسيمين في الاديتر يالله تنشاف لحمها وغير جيك مويه اصلي اسي ديلكو

والباقي ماء مقطر وانتهت مشكلة الحرارة بالقراند شيروكي وبنتظار مشكله ثانيه :D

خلاص ادمنت الصناعية وريحة الديزل وصوت الشواكيش والبوية :mad:

[هاوي مكشات1]

الاخوة الاعزاء السلام عليكم
حبيت اشارك معكم ولوكان الموضوع قديم ولكنه مفيدوهذه اول مشاركة لي في مكشات وبما أن لي تجربة بسيطة في هذا الموضوع وقديمة ايضاولكن احببت ان طرحها للفائدة وللتنبيه ---- كان عندي قراندشيروكي مواصفات امريكي وتبريده على الخط تمام لكن في الوقفة لاشيء رحت للورش كلها اخيرا قالوا فك المروحة الاساسية اللي في المكينة وركب مراوح كهربائية وبالفعل ركبناهاوكل شيء تمام وفي يوم من الايام رحت للجنادرية وكنا نمشي بين المخيمات المكيف معاد يبرد
انتبهت للحرار لقيتها على الاخرفتحت الكبوت لقيت المراوح ما تشتغل الاسلاك ذابت والكتاوت محروق بالرغم من انها من النوع الممتازوالادهى من ذالك راس المكينة صار فيه مشكلة كبيرة للتنبيه وشكرا للجميع .
مع تحيات :ابوسعد

[aboriyadh]

الاخوة الاعزاء السلام عليكم
حبيت اشارك معكم ولوكان الموضوع قديم ولكنه مفيدوهذه اول مشاركة لي في مكشات وبما أن لي تجربة بسيطة في هذا الموضوع وقديمة ايضاولكن احببت ان طرحها للفائدة وللتنبيه ---- كان عندي قراندشيروكي مواصفات امريكي وتبريده على الخط تمام لكن في الوقفة لاشيء رحت للورش كلها اخيرا قالوا فك المروحة الاساسية اللي في المكينة وركب مراوح كهربائية وبالفعل ركبناهاوكل شيء تمام وفي يوم من الايام رحت للجنادرية وكنا نمشي بين المخيمات المكيف معاد يبرد
انتبهت للحرار لقيتها على الاخرفتحت الكبوت لقيت المراوح ما تشتغل الاسلاك ذابت والكتاوت محروق بالرغم من انها من النوع الممتازوالادهى من ذالك راس المكينة صار فيه مشكلة كبيرة للتنبيه وشكرا للجميع .
مع تحيات :ابوسعد

شكرا لك على التنبيه

فعلا الاستغناء عن مروحة المكينة (مروحة السير ) يعتبر مخاطرة
لأن المروحة الكهرب يمكن تقف في اي لحظة لإي سبب كان
فيوز كتاوت انقطاع اسلاك او عطل في دنمو المروحة

اما مروحة المكينة فهي على سير السيارة و لا تقف الا اذا انقطع السير
و اذا انقطع السير او صارت فيه مشكلة تولع عندك لمبة الكهرب


لكن يمكن تركيب مروحة اضافية مع مروحة المكينة لزيادة التبريد


و شاكر لك مرة اخرى

[قيس بن شداد]

السلام عليكم

الله يعطيك العافية

ياليت تعيد رفع الصور لأنها ماتظهر

[aboriyadh]

السلام عليكم

الله يعطيك العافية

ياليت تعيد رفع الصور لأنها ماتظهر
الصور ظاهرة اخوي

حاول استخدام متصفح الفاير فوكس

افضل متصفح يدعم الصور و الجافا

[عىتالالال]

السلام عليكم انا عندي شفرلية 200 مقاس 15 مشكلتي الحرارة لقيت مهندس كهربائي يصلح ترهين يفك مروحة المكينة يضع مروحتين بدل الاول شد وكالة الفين وسبعه الله يوفكم العطوني الحل هل تكون مناسبة انا شفة عندة هيلكس 20010دبل يضع مراوح اسم المحل البتار ابي رد

[abusummer]

شكرا لك على التنبيه

فعلا الاستغناء عن مروحة المكينة (مروحة السير ) يعتبر مخاطرة
لأن المروحة الكهرب يمكن تقف في اي لحظة لإي سبب كان
فيوز كتاوت انقطاع اسلاك او عطل في دنمو المروحة

اما مروحة المكينة فهي على سير السيارة و لا تقف الا اذا انقطع السير
و اذا انقطع السير او صارت فيه مشكلة تولع عندك لمبة الكهرب


لكن يمكن تركيب مروحة اضافية مع مروحة المكينة لزيادة التبريد


و شاكر لك مرة اخرى

كل نظام وله مميزات و عيوبه
و نظام المراوح الكهربائة افضل من نظام مروحة الماكينة
و يمكن تحويل السيارة الى نظام المراوح الكهربائية بشرط ان تكون المراوح على قدر الماكينة لا اقل منها حتى لا تتعرض للتلف المتكرر
الاتجاه السائد الان التحول الى المراوح الكهربائية
و الله اعلم

[عاشق GMC]

موضوع ممتاز والاجمل التفاصيل مع الصور يعطيك الف عافيه وماقصرة،،،

[asd20009]

اخوي الغالي يسلمو علي شرحك لكن هاك اسمع قصتي حصلت اليوم ولايهونون الربع وتكفووون افيدوني :

عندي تاهو 2003 امريكي مروحته شد البلد لها صوت ثقيل عند بداية الاتطلاق ,,,نصحوني بتركيب مراوح 2005 توفير بنزين وحراره اقل..
رحت التشليح واشتريتها ب1200 ريال كامله (مرحتين كهرب جنب بعض )
رحت لكهربائي قالي اشتر كتاوت كابرس عدد 2 ب30 ريال الواحد
سلك 10 متر قوي نوعا ما ب20 ريال
فيوزات ...

المهم فك لي مروحة البلد وركب المروحتين وتمام.. لكن المشكله يوم خلص تفاجات بالاتي عند التجريب...:
1- الكهرب يومض على خفيف (الطبلون - النور الامامي )
2- اول ماوقفت جاي من الورشه وجيت اشغل مره ثانيه خالصه البطاريه مررررررره يعني ماشغلتها الا باشتراك مع ان لونها اخضر يعني فووووول...

السوال:
افيديوني قبل لاادعي على الي نصحني بتركيب المراوح تكفوووووووون تراني تعبت وخساير مالها داعي ...

وهل بكرا اروح الغي المراوح وارجع شد البلد والا فيه حل ثاني تكفووووووووووووووووووون الموتر طفا مرتين بنفس اليوم ...

علما اني في الدمام واقرب صناعيه لي هي الخضريه يعني لو فيه واحد فاهم فيهن دلوني عليه ارجووووكم...

لان المراوح باقي بظمانها يومين عشان ارجها واخذ بس فلوووسي واريح راسي...

[R-e-l-a-x]

سلام عليكم
صراحة موضوع متميز يستحق التثبيت الله يوفق اخوي
بس ممكن اسم المحل لاني ودي اركب مروحة كهربائية غير المكنيكيا الي عندي اكسبديشن وانا من المدينة ويدك الف عافية
مع تحياتي

[اخوهملا]

الصراحه فايده عضيمه

[HAS5SAN]

بيض الله وجهك

[ناصر البخيت]

جزااااااااااااك الله الف خيررررررر ومشكوورر

[almwaji3]

اخوي الغالي يسلمو علي شرحك لكن هاك اسمع قصتي حصلت اليوم ولايهونون الربع وتكفووون افيدوني :

عندي تاهو 2003 امريكي مروحته شد البلد لها صوت ثقيل عند بداية الاتطلاق ,,,نصحوني بتركيب مراوح 2005 توفير بنزين وحراره اقل..
رحت التشليح واشتريتها ب1200 ريال كامله (مرحتين كهرب جنب بعض )
رحت لكهربائي قالي اشتر كتاوت كابرس عدد 2 ب30 ريال الواحد
سلك 10 متر قوي نوعا ما ب20 ريال
فيوزات ...

المهم فك لي مروحة البلد وركب المروحتين وتمام.. لكن المشكله يوم خلص تفاجات بالاتي عند التجريب...:
1- الكهرب يومض على خفيف (الطبلون - النور الامامي )
2- اول ماوقفت جاي من الورشه وجيت اشغل مره ثانيه خالصه البطاريه مررررررره يعني ماشغلتها الا باشتراك مع ان لونها اخضر يعني فووووول...

السوال:
افيديوني قبل لاادعي على الي نصحني بتركيب المراوح تكفوووووووون تراني تعبت وخساير مالها داعي ...

وهل بكرا اروح الغي المراوح وارجع شد البلد والا فيه حل ثاني تكفووووووووووووووووووون الموتر طفا مرتين بنفس اليوم ...

علما اني في الدمام واقرب صناعيه لي هي الخضريه يعني لو فيه واحد فاهم فيهن دلوني عليه ارجووووكم...

لان المراوح باقي بظمانها يومين عشان ارجها واخذ بس فلوووسي واريح راسي...



اخوي تاكد من الدنمو
لان حركة رمش الانوار من الدنمو

فيه حركة تسويها وتعرف اذا الدنمو او لا

تشغل النور بالليل وتدعس دعسة بنزين سريعه

اذا صار النور قوي مع الدعسه وضعف فهذا من الدنمو


وفيه كهربائي ممتاز موجود على طريق ابو حدرية مقابل المعارض
بتحصل محطة فيها صرافة بنك العربي هذي هي المحطة اللي فيها الكهربائي

وياليت تعلمني على المراوح اللي شريتها هل هي جديده او مستخدمه ووين ركبتها بالضبط
لاني ابي اركبها على الجمس عندي

[وجعين]

نفس طريقك مسويها بلمكسيما ونفس المروحه (مزنوقه)على قولك ماتحتاج تثبيت بس للاسف المروحه دفعه ضعيف جدا وما يصلح ابد ل6 سلندر وشلون 8 سلندر

[فديت سدير]

مشاء الله ابدااااااااااااااااااااااااااااااااااااااااااااااا اااع وربي