استفسار عن ورشه سوافي ( لتجهيز سيارات البر )

[هويدي]

السلام عليكم ورحمه الله وبركاته

عندي كم واحد من الربع مجهزين سياراتهم بورشه سوافي وانلحست من الاسعار

واحد يقولي بـ 1300 والثاني يقولي بـ 2000 !! مدري من اللي مضيع بينهم :D


التجهيزات كما يلي

بطاريه إضافيه ـ محول كهرب مثبت بالسياره وافياش ـ تمديد كنود ـ تمديد قارمن ـ لمبات بالكبوت ـ لمبات خارجيه ـ تثبيت تانكي مع تمديد بزبوز خارجي ـ تثبيت ماطور هوا بالصدام للباترول


المطلوب ولا عليكم امر :

اللي جهز موتره من قريب كم اخذو عليه ووش التجهيزات اللي سواها مع نوع الموتر

[محمد الحياني]

للأسف يالغالي
ما اقدر افيدك
لكن نصيحة ان تذهب لخبير .. كي يعمل لك التجهيزات بالشكل الصحيح

[صصعفق]

مع الادوات بدون تانكي 1300 الى 1450
ورشه الدفع الرباعي ازين بس اغلى بواجد
وانا افضلهم على السوافي من واقع خبره
يمكن الرابط يفيدك
http://www.mekshat.com/vb/showthread.php?p=2960838
بالتوفيق

[ابولولو]

اخوي سلمت مخك من التضيع البطاريه اذكر لوحده من 700 الي 800 والمحول مع التمديد والافياش 500الي 700وهذا رقم صاحب الورشه ابوعبدالله 0505288840 ومبلغ 2000 تقريبا صحيح

[المحترف800]

أنا كلمتهم قلت أبي بطاريتين يعني بشيل الموجوده الآن مع محول 300 واط وفيشين فقط ..

قالوا لي 1300 أو 1400 غااااااالي

[هويدي]

للأسف يالغالي
ما اقدر افيدك
لكن نصيحة ان تذهب لخبير .. كي يعمل لك التجهيزات بالشكل الصحيح

يكفيني تشريفك للموضوع ياخلفهم

وشغل الورشه اللي اسأل عنها ماعليه كلام بس اسعارهم نار ـ موتري الاول انا مسوي التجيهزات والتمديدات بنفسي ولله الحمد ماشفت الا كل خير بس التنسيق والترتيب لك عليه هذولا ميزتهم اسلاكهم منسقه ومرتبه وعلى قوله القايل ( عط الخبز خبازه لو اكل نصه ) :D



مع الادوات بدون تانكي 1300 الى 1450
ورشه الدفع الرباعي ازين بس اغلى بواجد
وانا افضلهم على السوافي من واقع خبره
يمكن الرابط يفيدك
http://www.mekshat.com/vb/showthread.php?p=2960838
بالتوفيق

الله يعطيك العافيه اخوي صعفق ويوفقنا وياك شكلي ابسوي عندهم البطاريه والتجهيزات الباقيه امخمخ عليهن واسويهن بيدي


اخوي سلمت مخك من التضيع البطاريه اذكر لوحده من 700 الي 800 والمحول مع التمديد والافياش 500الي 700وهذا رقم صاحب الورشه ابوعبدالله 0505288840 ومبلغ 2000 تقريبا صحيح

الله يسلم قليبك يابوالولو وشاكرلك اضافتك الرائعه ومرورك الاروع



نا كلمتهم قلت أبي بطاريتين يعني بشيل الموجوده الآن مع محول 300 واط وفيشين فقط ..

قالوا لي 1300 أو 1400 غااااااالي


غالي بقوه البطاريه انا شاري قبل امس وحده 90 انبير من شارع الريل

كوريه ضمان سنه بـ 230 ريال فأنصحك وانصح نفسي اول تشتري البطاريات وتروح يمهم والله يوفقنا وياك :good:

[روقي]

انصحك بسوافي انا اشتغلت عنده وكم واحد من الشباب يشتغل عنده

واسعاره غاليه بس شغله حلو وتضمنه

البطارية الاضافية فقط 850 ريال

اي تمديدات اخرى بسعرها

تمديد الكنود اريل وكهرباء 120
لمبات اضافيه في الكبوت عدد 2 ب 120 ريال

تمديد للثلاجة 120 ريال

تمديد قارمن 60 ريال


تقريباً الاسعار الي سويتها عنده

[سيف الظفير]

اسعاره غالية

[سيف الظفير]

اسعاره غالية

[سيف الظفير]

اسعاره غالية

[مكشاتي g x r]

السلام عليكم

فيه واحد يمدحونه لي الشباب يركب مراوح وشغله حلو ومرتب انا شفت كم سياره مركب عليه واسعاره معقوله وشغله نظيف سئلت واحد عن اسمه وراقمه
اسمه ابو محمد
جواله / 0507456582

[هبــ حريملاااء ـبوب]

السلام عليكم ..

هذي مشاركتي رقم 786 فيها توضيح بالسعر + الصور ..

http://www.mekshat.com/vb/showthread.php?t=172623&page=20

والسوافي ممتاز جدا وشغله نظيف .. واي اضافه بحقها .. بس يستاهل

حياكم الله ..

[ولد ال عبهول]

السلام عليكم انا من من ركب عنده في وقت مضاء
وقمت بتركيب مثل هيك شغلات وركبت لكذا واحد ما ركبه سوافي وهي للهاوي سهله ولكن صعبه في التطبيق حيث تحتاج لفك الديكورات وشغلاته واجده فهي لا تكلف الكثير من ناحية المواد ولكن عملها متعب وتاخذ وقت لذا لا ارا في سعرها بالنسبه للورشه شي رغم اني ركبتها للشباب باقل من سوافي بخمس مائه ريال وشغل نظيف وراح ازودكم بصور لما قمت به ولكن احتاج وقت ولدي استفسار لمن يعلم أين وجدت كل القطع التي احتاجة للتركيب وبقي علي فيش الولاعه الذي يضعة للثلاجة لم اجده وبدلته بالذكر والانثى حق الكنود ولكن لرغبة الزبون به اريد من يدلني على مكانه وفقكم الله ولكم جزيل الشكر .. ولد آل عبهول

[حزم نجد]

اسعار السوافي غاليه جداً جداً

حتى لو كان شغله في (بعض) التعديلات حلو ماتوصل لدرجة هالاسعار

[سوبر VTC]

البديل موجود
المنديل
الخطيب

[سلطان تميم]

السلام عليك اخوي هويدي انا طال عمرك مصلح موتري عند السوافي قبل تقريبن اسبوع سيارتي باترول 2000 طبعن التجهيزات بطاريه اضافيه مع تركيب قاعده للبطاريه وتركيب لنبتين في الكبوت وتركيب سلك للكنودمع تركيب محول تحت المرتبه مع تركيب فيش كهرب على الطبلون قوته 220 وتركيب فيش ولاعه بلقرب من الولاعه حقت السياره وتركيب لنبه في الباب الخلفي للسياره مع تركيب فيش في الخلف في الجنب قوته 220 وتركيب فيش ولاعه للثلاجه هذا الي انا طلبته منهم بس الصراحه شغل ذمه وراعيه سعودي صراحه رجال ونعم حبيب وسهل التعامل والعامل حقه الي يشرف على الشغل طيب مثل عمه طيب بصراحه والسعر كان بنسبه لي 1600ريال ممكن انت تقول غالي بس الدعوه مره وحده وشغل صراحه وكاله لاتشوف اسلاك ولاتشوف تخليع لديكور صراحه انصح فيها اهل البرواذا بغيت تشتغل عنده اتصل عليهقبل تروح له عشان تحجز واذا بغيت تخلص سيارتك في نفس اليوم اشرط عليه قله انا من بعيد وابيها بنفس اليوم طبعن دخلها عليه الساعه 8 صباح يطلعها لك الساعه 7 مساء وانت تبي تشوف سيارات عنده صراحه سيارات جديده مديلاته من 2009 و2010جيوب شيصان وجيوب فكس ارات وجميع الجيوب الله يوفقه ويرزقهرقم السعودي 0505288840ورقم العامل الي يشرف على الشغل 0568992163طبعن العلم عند السعودي والتوقيت والله يوفقك صح اني طولت عليك بس العذر وسموحه يطيب

[for]

بغض النظر عن اسعاره كيف تعامله معك هو وعماله ؟؟؟؟ (قابلني ولا تعشيني)
اقسم بالله كنك تشحذ عشان يشتغلك يكلمك من طرف خشمه.. الهم لك الحمد .. (أول ما شطح نطح)
الهنود يطالعونك بعين وتهامسون سألت واحد يكلمني وهو يتاغر (يامال البعج)!!

[ولد ال عبهول]

اخي سلطان تميم كلامك انه تعامله كويس يمكن انك تعرفه ومعاملته معك خاصه لكن الرجال الحق يقال نفسه شينه وشايف نفسه وتقل يشتغل للناس ببلاش تلقاك تكلمه ويسحب ويروح لواحد ثاني ولا يعبرك يا اخي زعته وكرهته ولا يعلمك وين القطع موجوده فيه ولا يبي احد يعرف للشغل تقل بياخذون رزقه ما يدري ان الارزاق عند الله وهو يصرفه كيف يشاء سئلته مره عن الدقمه وين تباع فيه ما عطاني خبر ولا تحلم يبيعك قطع هذا حسد ما نبي نتكلم ولكن ان متأكد أنه مهب انا لوحدي اعرف الشي هذا في الشخص الله يهديه بل الكثير يعرفونه ويؤيدون ان ما قلت صحيح بغض النظر عن الشغل الناجح في عمله يجد زبون ولكن يجب أن ينجح بكلا الثنتين العمل والاخلاق واسف على الاطاله.

[ramisif]

أنصحك أخوي بأبو سليمان المنديل رجال ذمة وشغل نظيف وتمديد مرتب

أتصل علية وشف أسعارة أنا مركب عنده لباترول 2007 بطارية إضافية و6 لمبات واحدة بالكبوت وثنتين بالابواب الخلفية وواحدة بقاعة أنتل الكنود الجانبية و واحدة عند رجول السواق والراكب ومحول كهرب قوة 600 وممدد اسلاك الكنود وولاعات إضافية ( السعر والله ناسي كم التكلفة)


جواله لو بغيت تستفسر
0504472382

[هويدي]

الله يجزاكم خير يا اخواني والله يبيض وجيهكم

الموضوع قديم ركبت وخلصت ابشركم .. ( وجه مستحي )

ولكن ما يمنع نخزن الارقام للمرات القادمه وللأصدقاء والاقارب

شاكرلكم اهتمامكم وحرصكم على منفعه اخوانكم

حرم الله وجيهكم ووالديكم عن النار

[محمد بن سعيد]

أنا اشتغلت بعض الشغلات بسيارتي عند ورشة الدفع الرباعي وشغلهم زين مره وممتازين وبالنسبة لي افضل من ورشة سوافي

[هويدي]

صدقت الدفع الرباعي شغلهم زين بس يتسوون مع العلبات

اسعارهم غاليه البطاريه بـ 1200 .. ولكن كلمه الحق تقال الشاب الملتحي تعامله طيب ووسيع صدر ماشاء الله عليه

ركبت عندهم البطاريه بستمائه ريال لاني جايب علبه فيوز وبطاريه
عطيت الفلبيني ريد بول وهستر ضبط اسلاك لمبات مركبها انا من قبل :)

[سيف الذهب]

الله يوفق الجميع