المساعد الشخصي الرقمي

مشاهدة النسخة كاملة : افيدوني عن الرجه بالدركسون مع المطب ؟؟؟ لاندكروزر


تركي بن حميد
02/09/2009, 10:59 PM
بسم الله الرحمن الرحيم

اخواني عندي جي اكس ار 2000 فيه رجه مع المطب بالدركسون خاصه اذا كان المطب على الكفر الامامي الايسر .
الجنوط حديد الهلل الاصليه والكفرات دانلوب الحجريه طبعا كفرات بتاريخ 2009 يعني جديده
ورحت لمكانيكي كشف على الركب والاذرعه والكفرات مرصصه عند افضل محل بالرياض ولا عرفنا وش العله ؟؟؟؟؟؟؟؟
افيدونا الله لايحرمكم الاجر .
ahmad995
02/09/2009, 11:13 PM
فيه حلين انشاء الله انه منهم

الاول / مساعد الدركسون
الثاني / رمان
طير جراح
02/09/2009, 11:13 PM
شيك على المساعدات وعلى الياي
الوسم
03/09/2009, 12:06 AM
بحسب نظام التعليق في السيارة اللي ذكرتها !!!!

لا يوجد مساعد دريكسيون ولا يايات ،،،

والمشكلة والله أعلم إن جلب المقصات اللي عندك سواء العلويه الصغيرة أو السفلية الكبيرة مهترئة

والله يعيينك على مقصات كاملة لأن الجلد مكبوسة من الشركة ولا تقدر تغييرهن إلا بمثلها

ولكن إحتياطاً 000 إبدأ بالركب في الفحص ويمكن تكون الركب فقط اللي في نفس المقصات

والله يدللك على العلة بدون خساير كثيرة
قرناس2009
03/09/2009, 12:06 AM
شيك على مساعد الدركسون
السالمي2006
03/09/2009, 12:11 AM
اقترح ان تبدأ بالمساعدات
تعمل اهتزاز مع المطبات
الدبوس
03/09/2009, 12:19 AM
كان معي شاص 2001 شريته من معارض دبي ويوم جيت أسافر عليه السعودية إلا والسيارة ترج ، نسيت أقول إن الكفرات بالون وجنوط كروم وكاله ، المهم رحت ورشه ي دبي قال من الكفرات غيرت الكفرات الأمامية ونفس العلة ، تجي على سرعات معينة وإذا روغت بالدركسون والسيارة تمشي 100 راحت .
المهم رحت ورشة بالرياض قال الرمان حق الفلنجات الأمامية وغيرتها وراحت الرجة . والله أعلم
سليمان 10
03/09/2009, 12:24 AM
اللاندكروزر من 98 فمافوق بنزين ماله مساعد دركسون 0لذلك شيك على الركب واصلاح العكس والله يعينك ويسهل امرك000
العزوم
03/09/2009, 12:42 AM
اعتقد والله اعلم ان السبب فضاوة في الدوده (علبة الدركسون السفليه) شيك عليها وعلى اذرعتها ؟؟؟؟؟
تستطيع عمل تجربه اذا لفيت الدركسون والسياره واقفه وماهي شغاله يبين البوووش معاك
سوبر VTC
03/09/2009, 02:01 AM
اذا كانت الرجه على سرعه 70 و طالع

الرجه موجوده بالجيب الحوض و الربع و الصالون مدري عنه

بعضهم رصص الجنوط ترصيص عادي
بعضهم رصص ليزر
الجنوط سواءا شنبر ام كروم ترصصهن كله واحد ما يزين

بعضهم غير مساعد الدركسون و بعضهم دبل المساعد ماستفاد

و الحل؟؟؟؟؟؟؟؟؟

الحل طال عمرك شف عندك الذراع اللي يلف الكفر
اللي راكب على الكليبر
تلقى بنهايته مع الجنب تيله او مسمار
هذا ما يدرون عنه راعين الورش :no2::no2:
تفك التيله اذا فكيته يصير بوجهك صاموله كبيره جدا
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق

طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن

هذا الراس تقدر تشد به الصامولة

اذا خلصت تركب التيل مرة ثانية

علمن وش يصير معك

و هذه الطريقة احد الزملاء ياخذ منك 300ريال و تضبط الشغله و مع الضمان على الشغل

لان فيه اشخاص غيروا اشياء و لا استفادوا خساير


عندك عدة حلول

بدل الكفرات الاماميه مع الخلفيه و جرب

اذا كان عندك حره
فك عمود الدبل
و جرب
احيانا عمود الكردان الخلفي يسبب رجه على سرعه 100 و طالع
يصير به طعج
همن تاكد من دودة الدركسون لا يكون به فضاوة
تاكد من الذراع اللي شابك بالدودة من الاعلى الذراع اللي طالع من الدركسون


هذا رابط ممتاز



رصصت كفرات الجيب وبعدها ضبط (http://www.mekshat.com/vb/showthread.php?t=40839)


رابط اخر

رجة بـ جنوط الجيب ( الفراشه ) 17" وش السوات ؟ ؟ ؟ !!! (http://www.mekshat.com/vb/showthread.php?t=123709)




الرجه احيانا تكون من الطين تغسل الموتر و يزين :good:
عندك ترصيص الكفرات ارضي ليزر يجيب نتيجه
تبديل الكفرات الاماميه بالخلفيه يعطي نتيجه
تبديل الكفرات و الجنوط من موتر اخر يجيب نتيجه
شيك على مساعد الدركسون يمكن مهرب زيت
اذا كان ضغطته بيدك و كان رخو غيره
اذا كان عندك حره فك عمود الدبل قد صارت لاحد الربع جيب م99
و راحت الحره قيمه العمود جديد ب800
احيانا تكون المشكله من العمود الخلفي مطعوج او عندك صليبات تعبانه


موفق
تركي بن حميد
05/09/2009, 10:34 PM
آسف على التأخر بالرد


الله يجزاكم خير جميعا والله لايحرم كل من رد على الموضوع من الاجر في هذا الشهر الفضيل


المشكله ولله الحمد طلعت بسيطه جدا


المشكله من الرمان كان مرتخي ويبي له ربط
والحمد لله شدينا عليه وظبط ولله الحمد


شوف الصوره


http://i717.photobucket.com/albums/ww178/1779415/248.jpg


http://i717.photobucket.com/albums/ww178/1779415/249.jpg


حبيت اذكرها هنا علشان الجميع يستفيد وترى تكلفت الربط عند الميزان 50 ريال واذا الواحد عنده خبره ميكانيكيه ممكن يشد عليها بنفسه
اتمنى للجميع التوفيق واسأل الله ان لاتروا مكروه
سوبر VTC
05/09/2009, 11:21 PM
الله يبشرك بالخير

و الحمدلله ان الشغله طلعت سهله و ما خسرت دراهم على الفاضي :good:

جزاك الله خير

موفق