المساعد الشخصي الرقمي

مشاهدة النسخة كاملة : ياجماعه الفزعه


علوش العتيبي
03/09/2009, 12:27 AM
السلام عليكم ياجماعه الخير فلوسي 58000ألف ريال وأنا ناوي أشتري موتر جديد ويش رايكم وأنا راعي مكاشيت بس ماني براعي طعوس ولا كلام فاضي ويش رايكم تكفون أبي حل لأني ماشي بكره الرياض من شان أشتري سياره وأهم شي عندي النظافه المطلقه للموتر وأن لا يكون يهربد ولا خراباته واجد وأنا ماكتبت الموضوع هنا ألا أبي المشوره من أهل التجارب تكفون عجلو ولو سمحتو اللي يعرض سياره يذكر عيوبه وممييزاته وشكرا جزيلا
العزوم
03/09/2009, 12:46 AM
اعتقد بالمبلغ هذا تقدر تشتري هايلكس غماره ,,,, سياره مايحتاج سؤال تصبر على البر واعطالها قليله ومرغوبه عند البيع

الله يعطيك من خيرها ويكفيك شرها
عزٍيزٍ
03/09/2009, 12:55 AM
أخوي آنصحك بهايلكس دفرنسين

من 2006 الى 2009

اتوقع دراهمك تجيب لك نظيفه مره

والله يرزقك
علوش العتيبي
03/09/2009, 01:01 AM
مشكورين على المرور وما قصرتو بس الهلي مريحه مع الخط لأني من أهل ساجر وأدرس بالطايف مأبي موتر يفقع كبدي خرابات
ahmad995
03/09/2009, 01:05 AM
جي اكس ار 98
كد ومد ومركب ورساوية وقوة
توكل على الله
سوبر VTC
03/09/2009, 01:38 AM
مشكورين على المرور وما قصرتو بس الهلي مريحه مع الخط لأني من أهل ساجر وأدرس بالطايف مأبي موتر يفقع كبدي خرابات



دام انك راعي كشتات و عزبه بر
و الحطب بالصندوق
انصحك بهايلوكس
و اذا وصلت البيت تضف العزبه و تجدعه بالبيت و الحطب يبقى بالصندوق
و هذي حلاة الصندوق :good:
ليش ما دور هايلوكس دفرنسين دبل ديزل م2006 و طالع
قيمتهن 50 و طالع او 48
بما انت تدرس خذلك هايلوكس بنزين او ديزل دفرنسين

اذا امورك زينه اشر جيب
خصوصا باترول صالون م97 او 96 او 95
مريح و النيسان معروف بالراحه :good:
بخاخ مكيفين داخلي بيج لون عشبي بفضي :good:
او لون بحري بفضي
او لون عودي

اهم شي الاستخارة بعد الاستشارة

موفق