المساعد الشخصي الرقمي

مشاهدة النسخة كاملة : فزعتكم ياهل الجموس


آل زايد502
03/09/2009, 01:15 AM
السلام عليكم ورحمة الله وبركاته
يالربع عندي سلفرادو ويبيله تصفية مكينه كم يكلف لان ماعندي خبره خايف اروح ويلعبون علي اهل الورش ووين الورشه المضبوطه؟
والجلنط عندي منقطع من تحت مفصول كم يكلف؟
وصوفة الدبل كم تكلف؟
واعذروني على اسألتي الكثيره
لاهنتو ياشباب:)

http://www.mekshat.com/vb/images/misc/progress.gif
علوش العتيبي
03/09/2009, 01:27 AM
أخوي الله يوفقك ويعلمونك الشباب بس لو سمحت وش موديله وهل هو غماره ولا غماره ونص وعلمني وش رايك باستخدامه وهل تنصحني به
آل زايد502
03/09/2009, 01:34 AM
اشكرك على مرورك
موديله 2001 غماره ونص والله انا صارلي يمكن 3ونص شاريه مالحقنا على الكشتات بس والله ماواجهتني معه مشاكل وترا استخدامي شديد على الموتر يعني دايم صافق الطبلون
بس انت اسأل الي عندهم من زمان وهم يخبرونك عنده وكثار الشباب الي هنا عندهم مثله
وانا والله موب ناصحك فيه لاني توني مارحت فيه وجيت اكثر مكان رحت له يمكن ابو 150 كيلو بس مقل ماقلت لك اسأل اهل الخبره
وترا الصوفه وتصفية المكينه قبل اشتريه وهو فيه
سوبر VTC
03/09/2009, 02:07 AM
و عليكم السلام و رحمة الله

لابتي عزوتي يالاد زايد :)

هذا اقتباس من الاخ العزيز ماجلان :good:



عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...
والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب
وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه
وفي عندك صناعية ام الحمام ورشة القحطاني رقم 11 سوداني فلته في الكهرباء
تبي زياده وإلا خلاص





فيه ورشة جامعة الملك سعود تلاقيها بعد مدخل بوابة الجامعه من الجهه الشرقيه بعد ما تدخل على طول تلاقيها فوق على اليمين تطلع لها طلوع بالطلعه والمشرف على الورشه سوداني اجودي وحبوب اسمه فيصل
رح له وعلومك كلها بتصير طيبه ...وانسى انك ترجع له مره ثانيه لانه لاركب لك الشئ بيضمن لك شغله صح
بس وانا اخوك اول ما تجيه بيسلخك شوي الا اذا انت راعي طويله وراعي بال طويل في المكاسر وتراه حبوب
وانا باذن الله والضامن الله اضمن لك شغله ....الورشه هذي انا معاملها من ست سنين ولا بعمري اشتكيت منهم
بس اغلى شئ عندهم السمكره سمكرتهم صحححححححححح مثل الوكاله بس ياهم بالسمكره يصلخونك صلخ
اما بالمكيانيكا فالسعر مقارب لكل الورش بس على حسب مكاسرك له ...


وفيه ورشه ثانيه نفس المستوى بحي الملك فهد اللي فيها سوداني والعماله كلهم فلبينين تلاقيها لاجيت ووراك اسواق العويس روح على طول بتجيك المطاعم على يديك اليمين طوول الين تجيك اشاره وديور لا ديورت
بتجيك على يمينك محطه بنزين وورشه خلها على يدك المين ولف يمين وطووووووول الين تجيك الورشه على يمينك بس هاه موب ورشة المحطه لالا فيه ورشه بعدها لا لفيت يمين والمحطه صارت على يمينك طووول كانك تبي شارع الامير محمد ابن سعود المرسلات قديما وتلاقيها قبل لا يجيك هالشارع على يمينك شغلهم بعد حلو
سوبر VTC
03/09/2009, 02:10 AM
للمعلوميه

ترى ال1500 ما يستحمل الجر ابو كفر 6مسامير
لان احد الربع قبل كم يوم معه جمس غمارة و نص م2003
جر دينا بنفود اظن ارض مستويه و انعدمت عليه الكارونة الخلفيه :good:
قيمته ب1800 تقريبا
حتى عمي سابقا معه نفس الموتر لكن م2000 عانى من الكارونة الاماميه

الموتر اللي يتحمل الجر 2500 8 مسامير :good:

بامكانك سؤال اهل الرابطه
عن ذلك



رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)


موفق
آل زايد502
03/09/2009, 02:35 AM
يعطيك الف عافيه ياخوي بس انا المشكله الي عندي موب الكراونه لا صوفة الدبل تنزل زيت خفييف وياليت تعلمنا الاسعار