أنتبه من وكالة فورد في السعودية [الأرشيف]

مشاهدة النسخة كاملة : أنتبه من وكالة فورد في السعودية

naif0008

03/09/2009, 02:52 PM

بسم الله الرحمن الرحيم

السلام عليكم ورحمة الله وبركاته

ياخوان انا ابي احذركم من وكالة فورد في السعودية

لقد قام زميلي بشراء سيارة فكتوريا 2009 جديد من

توكيلات الجزيره

وتفاجأ بعده بفتره ان السياره مصدومه مع الباب ومرشوشه

بويه ولم ينتبه الا عن طريق اخيه قال له ان بوية الباب

مختلفه عن السياره وذهب بها وفحصها وطلع صحيح الباب

مصدوم ومرشوش وانا شاهدة السياره واضح انا الباب

مرشوش لانه يختلف الون

وذهب الى الوكالة وقال لهم الموضوع لكن قالوا له ان

السياره غير مصدومه

ذهب الى المرور واخرج برنت بعدم وجود عليها اي بلاغات

او حوادث وذهب الى المحكمه ليشتكي عطوه موعد بعد ثماني

اشهر ...

ياخواني أنا أنبهكم قبل استلام اي سياره جديده تفحصها جيدا

انتبه قبل أن تشتري

انتـــــــــــــــــبه

انتــــــــــــــــبه

الضو المرعده

03/09/2009, 03:03 PM

لا حول ولا قوة الاباالله
والله مهزلة لا حسيب ولا رقيب
مغير الشكوى لله . الله يعوضه

وجزاك الله خير اخوي على التنبية

أبو LAMeS

03/09/2009, 03:41 PM

وعليكم السلام ورحمة الله وبركاته...

كأني قريت قبل فترة نفس القصة مع اختلاف بسيط ...
ممكن صورة للموتر ... وأيضا لو فيه إمكانية تجيب رقم شاص الموتر أو اللوحة ...

naif0008

03/09/2009, 04:32 PM

AMAZ

03/09/2009, 04:44 PM

إعرف واحد من جماعتي نفس المشكله لكن من عند شركة الجميح اشترى يوكن وبعد فتره طاحت عليه العلامه الى على الجنب الايمن وذهب فيها إلى ورشة قاله صاحب الورشه الخطاء من الى سمكر السياره اول ماثبت الشعار تمام الرجال المسكين تجنن قال السياره جديده وعلى يدي من الوكاله قاله السمكري الجنب الايمكن كله مسمكر طبعا الكلام هذا بعد سنه من شراء السياره راح للوكاله ونكروه وقاله اذا فيه سمكره فيها منك .

أبو LAMeS

03/09/2009, 04:47 PM

الاخ ابو LAMES

حياك الله

ممكن صاحب السياره كتب عن مشكلته في المنتدى

وانا لي فتره ماشفت صاحب السياره لاني مسافر خارج

الرياض

لاكن اوعدك انشاء الله ان ابلغك بالمستجدات

واحاول اني اجيب رقم الشاص والصوره
الله لا يهينك ولا يعنيك بمكروه أيضا أرسل لي أسمه ورقم جواله على الخاص علشان أرسل رسالة لأمريكا ورسالة لدبي ولو تكرمت تكون الصورة واضحة فيها أختلاف الرشة
ومتى أكتشف إن السيارة مرشوشة من تاريخ الشراء؟
وشكرا...

صعافيق 911

03/09/2009, 04:56 PM

مساء الخير ....... ياحليلكم كثر الكلام بالموضوع هذا كثير وتعددت الشركات ....
للاسف الذمه صفر ولا فيه خوف من الله ابد لكن الله حسيبهم ... والمسكين المستهلك اللي كل ماطقه عوووووجا ...

ahmad995

03/09/2009, 05:13 PM

من امن العقوبه اساء الادب

ابوراس الدحمي

03/09/2009, 09:03 PM

ولا حماية مستهلك ولا ما يحزنون والله مهازل يعني اشتري سيارة وانثبر اذا كشفت فيها
اي مشكلة ؟؟؟؟
هذا دليل على ان انظمة البيع والشراء انظمة شغالة على البركة (انت وحظك)
بس ما كذب اللي قال (((حسابهم عند الله )))

باثفايندر2005

04/09/2009, 12:04 AM

.... حسبي الله ونعم الوكيل ....
الحين الواحد يهج من المستعمل عشان كذا
طلع الجديد أخس وأردا منه
يعني شاري جديد أومستعمل لازم تفحصة
.... لا حول ولا قوة إلا بالله ....

مكشاتي كوكتيل

04/09/2009, 12:23 AM

أعوذ بالله. خله يشتكيهم على وزارة التجارة ويدخل على المدير العام ويشرح له الوضع وإذا ماساعده يراسل الشركة الأم.
وإذا تقفلت في وجهه يتسلف رشاش من أحد الأعضاء في خيمة الصيد وعلى المستودع ويشقق بودي السيارات كلها ووحده بوحده :)

ميمون111

04/09/2009, 12:43 AM

انا شاري ددسن جديدة وبعد شهر اكتشفت انها مصدومة بس الحمد لله السيارة مصدومة من الخلف وصدمه بيطه ومغير الصدام الخلفي فقط
وتحسبت على راعي المعرض

غرامي نجد

04/09/2009, 01:11 AM

اجل انا وش اقول

شاري هوندا اكورد على عزها موديل 1999م من الراجحي وبعد 10 سنوات اكتشفت انها مصدومه مع الوجهيه يوم جيت ابغير فلتر المكيف انصدمت انا والعامل قال وين الفلتر ماهو فيه ويوم جيت ارش الكبوت طايره بويته قال راعي الورشه موترك جته صدمه

ماأقول الا حسبي الله عليهم
ان شاء الله في موقف العرض عند رب الارباب ناخذ حقوقنا منهم

شعب ملعوب عليه ومن تبي تشتكيله عشان تاخذ حقك مالك الا رب العالمين

مطعوس

04/09/2009, 01:12 AM

الله المستعان

سيد النشاما..

04/09/2009, 01:28 AM

و غير اللي شاف له شيصان طالعة من الدمام متجهه للرياض
ماجرين طبلونها مجر لا تمرين ولا حاجة وأهي توها جديدة و مالها لوحات الموضوع في خيمة السيارات وتم الإطلاع عليه كثير من الأعضاء

مانقول الا حسبنا الله ونعم الوكيل

شغوف

04/09/2009, 01:30 AM

ياجماعه أنا صايره لي نفس السالفه .. أعطاني أحد الزملاء فورد له يبين أبيعه المهم داخل برحة المعارض على انه غير مرشوشه وبعد ان أتى الزبون الصامل وراح يفحص كمبيوتر قالو مرشوش كامل.. المهم ما اقتنعت ورحت كلمت شريطي وفحص السياره .. قال انها مرشوشه رش محترم لتغيير اللون حيث أن اللون الأول مقارب للوردي علماً ان السياره ما فيها أي سمكره فقط تغيير لون والسياره فكتوريا 2005

قناص خلاوي

04/09/2009, 01:31 AM

الله يكون بالعون وصادق اخوي
صارت مع قريب لي من مدة طويلة شرى فورد وبعد مدة تبين له ان الرفرف مسمكر

الحذر واجب حتى من السيارات الجديدة لان الوكالات مستحيل تبيع سيارات ( ستوك) اذا صار في أي سيارة شي تسمكرها وتبيعها جهرا والعين ترا ولا حسيب ولا رقيب

وعلى طاري سيارات الوكالة المسمكرة تفضلوا هالصور
صورتها من شهرين او ثلاثة تقريبا وكنت بنزلها بمكشات لكن نسيت
شوفوا سيارات ابو قميل تهقون يبي يسمكرها او يبيعها كذا بناقص سعر ؟؟>>>

http://www.mekshat.com/pix/upload03/images123/mk90260_toyota1111.jpg

http://www.mekshat.com/pix/upload03/images123/mk90260_toyota2222.jpg

http://www.mekshat.com/pix/upload03/images123/mk90260_toyota3333.jpg

http://www.mekshat.com/pix/upload03/images123/mk90260_toyota4444.jpg

بقايا روح

04/09/2009, 01:43 PM

انا لله خش ولا حسيب ولا رقيب

الله على الظالم

قناص خلاوي

10/09/2009, 11:39 PM

وينك يا حماية المستهلك ؟؟

Abu Saad

11/09/2009, 12:07 AM

بسم الله الرحمن الرحيم

السلام عليكم ورحمة الله وبركاته

ياخوان انا ابي احذركم من وكالة فورد في السعودية

لقد قام زميلي بشراء سيارة فكتوريا 2009 جديد من

توكيلات الجزيره

وتفاجأ بعده بفتره ان السياره مصدومه مع الباب ومرشوشه

بويه ولم ينتبه الا عن طريق اخيه قال له ان بوية الباب

مختلفه عن السياره وذهب بها وفحصها وطلع صحيح الباب

مصدوم ومرشوش وانا شاهدة السياره واضح انا الباب

مرشوش لانه يختلف الون

وذهب الى الوكالة وقال لهم الموضوع لكن قالوا له ان

السياره غير مصدومه

ذهب الى المرور واخرج برنت بعدم وجود عليها اي بلاغات

او حوادث وذهب الى المحكمه ليشتكي عطوه موعد بعد ثماني اشهر ...

ياخواني أنا أنبهكم قبل استلام اي سياره جديده تفحصها جيدا

انتبه قبل أن تشتري

انتـــــــــــــــــبه

انتــــــــــــــــبه

لعب الوكالات والشركات هذي شي خالصين منه ومتعودين عليه الله يخلف.
لكن هذا كوووم .... وموعد المحكمة كووووم ثااني حسبي الله ونعم الوكيل ..

الصــرح

11/09/2009, 01:29 AM

مــاأقول إلا حسبي الله ونعم الوكيل

بس على فكرة قبل أربع سنوات عُرض عليّ ونيت فورد 150 أسترا كاب موديل نفس السنة بقراطيسه ونازل عن قيمته حوالي أربعين ألف ريال ويوم سألت راعيه إتضح أنه من عايلةالنهدي أصحاب التشاليح قال لي إن السيارة وهم ينزلونها بالميناءمن الباخرة إنصدمت صدمة خفيفة لهذا إضطروا يبيعونها للنهدي اللي صلحها بمركز العيتاني بجدة شارع فلسطين وقام بعرضه عليّ وقال لي إنه متقاول لشركة التوكيلات يأخذ المصدملت منهم

لكن من قراءة الموضوع أعلاه يبدو إن شركة التوكيلات غيرت سياستها القديمة .. والله أعلم

ونش

12/09/2009, 04:16 AM

انا شريت الي بالصوره تحت وقبل ما اوقع على استلام السياره شيكت عليه ولقيت الدعسات حقت الرجلين ماخوذه عييت اوقع على الاستلام لين يجيبونهن وفعلا جابوهن بعد اسبوع وسويت نفسي حريص وفاهم وبعد ما استلمت السياره بمده اكتشفت اني ناسي اشيك على المكينه وافتح الكبوت ليش لاني لقيت السبته الي تمسك البطاريه مهيب بوه