يا اهل الخبرة في كفرات سيام وبعض الاكسسوارات في الباترول

[فزوع]

احبتي السلام عليكم ورحمة الله وبركاتة
وشهر مبارك علينا وعليكم
احبتي عندي بعض الاسئله الرجاء من اهل الخبرة أن اجد عندهم النصح والمعرفه من واقع تجربة عندي سيارة باترول سفاري 2 مديل 2009 جديد وارغب
1- تبديل الكفرات الى سيام هل تنصحون من واقع تجربه وكيف هي على الخط والرمال وهل تتحمل الطرق الوعرة
وعلى الخطوط السريعه في السفر ومدى سلامة الكفر وهل تعمل رجه في السيارة وانتم تعرفون أن السفاري يوجد فيه رجه خفيفه من 80 حتى 120 وبعد ذلك تختفي ام ترك الكفرات الاصليه دون تغيير
2- بخصوص الكشافات الصدام اريد أن اظيف لها العليان موجود عنده ولكن كيف التركيب يوجد عندهم فاصل فما هو افظل طريقه واين يكون موقع الفاصل .
أو اشتري عصاء الإشارة حق سوبر سفاري بدل الفاصل

[ftc]

اخوي الفاصل قدام القير في المربعات تقبل مروري

[ابرق نثيل]

الله يطعمك من خيره ويكفيك شره
بالنبسه للكشافات انصحك تاخذها من العليان
اما من ناحية التسليك فا الباترول مسلك وجاهزه فقط تركيب الكشفات ومد سلك من عصى الطلبون الى الفاصل
ومكانه في الفتحات حول القير انا مسلكها عندهم ولا احلى


بالنسبة للبوالين فبشكل عام ممتازه تحفط الموتر في البر ومافي ازين منها في كل ماذكرت

بالسنبه لرجه 80-120 انا موتري 2008 وعليه بوالين ولا يوجد رجه ابد


في النهايه يبي اذا انت راعي بر - وعفشك واجد وماتبي موترك يتفكك فركب مايلي

1- يايات استراليه
2- مساعادات استراليه- او شاص الانسب لراحتك
3- كفرات بالوان جنط 16 اصلى واعتقد جنط 17 يجي له بوالين ولكن ثقيله على الموتر يمكن معاد يمشي موترك

وبالتوفيق

[ابونايف الروقي]

السلام عليكم

اول شي مبروك الباترول الله يعطيك من خيره ويكفيك شره

ثاني شي بالنسبه للبالون ما انصحك فيها سواء سيام والا ماكسس والا اي نوع .. انا كنت مركبها على باترول 98 ذبحتني بالرجه وكل اسبوعين ارصص وماهي راسيه في الخط .. خل كفراتك شد البلد ..

بسالك عن الرجه الي انت تقول انا معي باترول سفاري رقم 2 2009 والحمد لله مافيه رجه ولا شي ؟

بالنسبة للكشافات عند العليان 250 ريال مع فاصل يتركب في المربعات الي جنب القير وريح نفسك من عصاء الاشاره لانها 1500 ريال وعلا الفاضي .. وركب عند العليان الي في طريق خريص عندهم فلبيني ممتاز ..

لاتنسى تركب لمبة في الكبوت مع فاصل جنب البطاريه ..


تقبل مروري
ابونايف الروقي

[واثق الخطوه-]

الله يطهمك من خيرها ويكفيك شرها
الكفرات لا تغيرها الى بعد سنه
والكشافات ركبها عند العليان في الغرابي شغلهم ممتاز ومجربه انا عندهم اندنوسي والي يشوفه يقول فلبيني
ركبتها ب 370 مع الفاصل وركب لمبة كبوت ب 80 مع فاصل :no2: ولا تنسى تاخذ السبير لمبه لأنك محاسب عليها والرجه انا معي سفاري 2 2009 توني مطلعه قبل اسبوع ما فيه رجه بس فيه صوت خرفشه اذا دعست وانا ماشي كنها القزوز هل هو عايدي ولا فيه بلا:confused:

[هويدي]

الف مبروك الموتر الله يطعمك من خيره ويكفيك شره

بالنسبه للكفرات زي ماتفضلو الربع اكرف اللي عندك سنه بعدين ركب

السيام من اجود انواع البالون بس عيبه غالي وثقيل شوي والظاهر مايجي مقاس17 فمالك الا الماكسس

تصدق كان عندي طقم كرفته ثلاث سنوات وماخليت مكان ماطبيته رحتبه للحره بحايل حطيت الهوا عشرين تمخشن بس ما بنشر ولا مره هاذا غير طلعات النفود ومكاشيت الصمان والخطوط ورحت عليهن للأمارات وباقيبهن خرفه بس خفت وفكيتهن

والكبوس شريت هالايام من محل بالغرابي بـ 150 ريال يجي معهن فاصل وظفيره كامله وكتاوت ركبتهن بالبيت وماتفرقهن عن الاصلي ماشاء الله
والفاصل رهمته بجنب اللي يرفع النور وينزله

واعتذر على الاطاله والهمق الزايد

[فزوع]

جزاكم الله خير

[التعـ King ـديل]

اول شي الله يطعمك من خيره ويكفيك شره ..

ثاني شي الكشافات الشباب ماقصرو .. لكن بالنسبه للبالون ركب ماكسس 16 انا مركبه على موتري والحمدلله ولا احلا منها

بس طق لها جنط حلو وعملي ورصصها عند ميزان المجد وابشر بالخير وعن تجربه