ابداء الرأي ايهما افضل نافار او الهاي

[الرأي الآخر]

السلام عليكم ورحمة الله وبركاته
اللهم وفق اعضاء هذا المنتدى للصيام وقيام هذا الشهر المبارك ايمانا واحتسابا
اخواني مااردت منكم الا ابداء الرأي واذا امكن ذكر اسباب ذلك


طلب الرأي عن ايهما افضل اقتناء
1- نافارا 2009 قير اتو
2- هاي لوكس 2009 قير عادي


واسال الله لكم التوفيق والسداد


اخوكم ومحب لكم الخير
الرأي الآخر

[bn 3mir]

الله لايهينك على الدعوه ...
وانا افضل الهاي

[حادي العيس]

الرأي الاخر / صباحك ورد مخلوط بشذا الغفران والعتق من النيران أن شاء الله ..
ياسيدي الكريم أن لا لي ولا علي يعني سيارتي اللي تحت رجلي مو من احدى الشركتين نيسان أو تايوتا ( عشان ماتقول : ذو رأي متحيز ) :)
الهايلكس : والنفارا المساحه والسعه الداخليه تحسب كثير لصالح النفارا ( مهيب حولها الهلي بالسعه ) النفارا جديدة على سوقنا المحلي لم نعرف له عيوب حتى الان .. أم الهايلكس كثير اللي يشتكون من صوت الهواء وفحمه الكلتش والمكيف الخ ... حسب ماسمعته من الاخوان .. والبودي لك عليه الملاحظات كثيره لاسمح الله حادث بالوجه صعب تعاد سمكرتها ( تبيعها تشليح ) ..:no:
النفارا شكلها حلو ومركب مريح اكثر من الهلي ..
هذا اللي عندي وسلامتك ... وتراني من انصار الايسوزو عشان ماتقول يطبل لتيار معين ..!! :D

[ابوراس الدحمي]

شوف النافارا توّه شكل جديد مدري عن قطع غياره وكثير يقولون ليش تسأل عن قطع الموتر ما دام انه جديد ؟؟أقول لا!!!!اذا تحط عينك على شكل جديد من السيارات اول
ما تسأل عنه القطع ولا مانع انك تسأل عن بعض اسعار القطع خاصة الشغلات الاستهلاكية زي اقمشة ,,,,الخ ..
اما الهايولكس خذ موتر لك وللزمن بس لك على اسعارها شوي
تحياتي ::::::::

[>> ابوعلي <<]

والله صراحه

الهايلكس بالراحه تدري ليش

اولا يمسك سعره بقوه

ثانيا قطع متوفره

ثالثا مكينه اقوى

رابعا يصبررر صبر ما شاء الله

خامسا الله يوفقك ولاتنسا الاستخاره

[البرحه]

الهايلكس طبعا ..

لو فكرت في غير النفارا من الوانيتات المعروفه كان احسن وكان فيه مجال للمقارنه

[I COM 2100]

آبد آلهلي ~

وآلله بطلة

تتحمل وقوة وفخآمة

وعلى فكرة فيه هآيلكس تمآتيك ^_^

تلقآهـآ عند آبو جميل

[ابو نوره 2006]

هاي لوكس 2009 قير عادي

[الرأي الآخر]

الشكر لكم اخواني على المشوره الطيبه
واسأل الله ان يجعلها في ميزان حسناتكم

[فارس العمور]

عزم الهايلكس اقوى بس

الباقي لصالح النفارا

[ahmad995]

فرق السماء عن الارض
اكيد الهايلكس افضل بكل النواحي
تراه Toyota

[الوتر الحزين]

لو علي انا كان خذيت نافارا بس قير عايدي
خاصه النوع الاخير يجي خطوط والباب الخلفي مكتوب عليه نيسان يعني صاير شكله احسن من الموديل الاول
اما الهايلكس والله ممتاز بس شكله بصراحه بايخ يعني تقدر تقول كرولا لها صندوق.
هذي وجهة نظر شخصيه وانا داري بيزعلون حقين الهايلكسات بس مثل ماقلت هذي وجهة نظر شخصية.

[بو خليفه]

تبغي من الناحية الراحة النافارا أفضل و الكبينة الداخلية بالنسبة للركاب النفارا افضل و النافارا جير اتوماتيك 5 سرعات و انا عندي نافارا جير اتوماتيك 2008 اذا تبغي تفصيل اكثر اعطيك

[باثفايندر2005]

والنفارا المساحه والسعه الداخليه تحسب كثير لصالح النفارا ( مهيب حولها الهلي بالسعه ) النفارا جديدة على سوقنا المحلي لم نعرف له عيوب حتى الان .. أم الهايلكس كثير اللي يشتكون من صوت الهواء وفحمه الكلتش والمكيف الخ ... حسب ماسمعته من الاخوان .. والبودي لك عليه الملاحظات كثيره لاسمح الله حادث بالوجه صعب تعاد سمكرتها ( تبيعها تشليح ) ..:no:
النفارا شكلها حلو ومركب مريح اكثر من الهلي ..
:good: :good: :good: :good: :good: :good: :good: :good: :good: :good: :good: :good: :good: :good: :good:

[NissaN 1990]

المشكله أغلب الناس يتكلم وهو ماجرب ولا يعرف أحد جرب بس يحكم على طول
من قال أن الهايلكس أقوى عزم من النفارا يكفي أن قيرها 6 تعاشيق من غير الريوس
وفخامه من داخل وراحه ماهي طبيعيه في الخط ماتقول على موتر حوض
وإذا شفت وجهيتها تقول جيب ماتقول موتر حوض ،،،،
مكيفها ما شاء الله تبارك الله ثلج ،،،
ومواصفاتها عندي 2008 ستاندر
عداد ضغط
طبلونها 220
مراتب الأماميه متحركه ومنفصله
فيها سماعات في الباب الخلفي والباب الأمامي وعلى الطبلون
الأرضيه ماهي بلاستيك مخمل
وفيها عزم يشق الأرض تخيل تفحط الكفرين الخلفيه ماهي مثل المواتر يفحط واحد اليمين بس ،،
بس قطع الغيار مدري عنها ،،،، بسراحه ماسعرتها قبل الشراء أو بعده

ماني متعصب لأي موتر وكلها حلوه وكلها جربتها ،،،،

أما من ناحية سعرها بعد البيع ما أدري عنها الناس ماعرفوها بس نيسان ماهي أرغب من التايوتا ،،،

[أمين الود]

الهايلكس ماركة معروفة

النافارا : مع أحد الزملاء ويقول قطع الغيار غالية وما تطول مثل الفحمات سعرها 270ريال وفترة بسيطة وبدأت تفوت وأنا سقت النافارا مريحة بس ست تعاشيق والفرامل لك عليها