المساعد الشخصي الرقمي

مشاهدة النسخة كاملة : صيدنا ليوم السبت 21/8/ 2004 مع سؤال لأهل الخبرة ضروي


سلاح
22/08/2004, 08:54 AM
بسم الله الرحمن الرحيمن
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

هذي طبعا أول مره أروح أصيد فيها في البحر

المهم طلعنا وجلسنا تقريبا ساعه نصف نصيد ومشينا لحدوث أمر طارئ

وكل إلي صدنا 6 أسماك من نوع الحاقول


وثلاث أسماك من نوع غريب بالنسبة لي أول مره أشوفه


وهذه هي الصورة
فيها جميع ما أستطعنا صيده خلال ها الوقت القصير

http://www.mekshat.com/pix/upload/images5/mk1633_PICT0024.jpg


ولكم جزيل الشكر


هذه صورة للأسماك اتي لا أعرف نوعها بالضبط

أرجوا من يعرف عنها أن يخبرني هل تؤكل أم لا؟
ماهو إسم هذا النوع؟

http://www.mekshat.com/pix/upload/images5/mk1633_PICT0028.jpg
gulfhunter
22/08/2004, 09:26 AM
عليمكم السلام ورحمة الله وبركاته

بدايه موفقه وإن شاء الله الجاي أزين...............

بالنسبه لنوع السمك ........ وحر(للجمع) وحره (للمفرد).........

في ناس يقولون تؤكل بس أكثر الناس لا ..................
بالنسبه لنا نستخدمه صلاخه لصيد السبيطي أو للهامورز...........
والسمكه اللي ماذكرتها ......... تسمى بدح

والله الموفق
ابو زاهر
22/08/2004, 12:42 PM
وعليكم السلام ورحمة الله وبركاته
مشاء الله صيد موفق لواحد اول مره يصيد
السمك الي في الصوره الاولى هي الحواقيل بس فروخ صغار يعني لحمها مو لهناك
اما السمك الي في الصوره الثانيه هو الوحر فعلا
يعد لحم الوحر من افضل انواع اللحم للسمك وما عليك من كلام الناس ترى السعوديين وجه فقر يصيدونه ويعطونه الاجانب والله يرتفع ضغطك ياخي ولمن تسئله ليش يقول طعمها مو حلو وشكلها مو زين قلتله ذقت طعمه يقول لا قلت وش دراك ان طعمه مو زين قال الناس يقولون واقنعته وعطيته وحده انا صايدها علشان يذوقها وغير رايه وشكرني
طريقة طبخها
اقطع الراس وابعد البطن والقشور وبهرها وفي الزيت وما جاك علي واشكرني اذا اعجبك الطعم وكل ما كبر الحجم اصبح الطعم الذ
نصيحه اي شي تصيده وتحسه سمين اطبخ وذوق طعمه وجرب لا تعتمد على كلام الناس ولكل شخص ذوق
مع تحياتي ;)
أبوفيصل
22/08/2004, 12:43 PM
حواقيل ووحر وبدح.
سلاح
22/08/2004, 04:55 PM
يعطيكم ألف عافية أخواني
gulfhunter

ابو زاهر


أبوفيصل

وبيض الله وجهكم وإنشاء الله الروحة الجاية تكون أحسن وتشوفون الصور

والوحر بنجربة ونقولك الراي

جـــــــــــــــــــــــزاكـــــــــــم اللـــــــــــــــــــــــــــه خيـــــــــــــــــــــــــــــر
الكشاح
22/08/2004, 10:36 PM
صيد موفق...اخي العزيز اما بالنسبه للوحر فهو دايم يتواجد في الماكن الرمليه الطينيه..وبصراحه كنت اصيده ولا اكله..لكن بعدين اكتشفنا ان الوحرة مطلوبه..ولحمها جيد..على حسب ما يقولون اصحاب الخبره..
وان صدته مرة ثانيه باكله..اما هالحواقيل تنع ييم للكنعد خاصة وهو حي يموت على شي يتحرك ببطى الكنعد

وتقبل تحياتي
سلاح
22/08/2004, 11:42 PM
يعطيك العافيه أخوي الكشاح

بالنسبه للوحر بأجربها وأعطيكم رأيي في لحمها

وبالنسبه للحواقيل أكبر وحده فيها طولها 60 سم تقريبا يعني كبار
تخيل الثلاجه إلي هم عليها من أكبر مقاس

يعني هالحجم من الحواقيل ينف طعم وهو بالحجم هذا ؟
gulfhunter
23/08/2004, 10:06 AM
السلام عليكم ورحمة الله وبركاته

اخوي ابو زاهر .... عسى ماشر... وشفيك زعلان....................... إذا زعلناك وحنا ماندري العذر والسموحه.......

وبعدين أنا ما أوافقك الراي بالنسبه للكلام اللى تقوله (اي شي تصيده وتحسه سمين اطبخ وذوق طعمه)
طبعاً بتصر على رايك ......انا عارف.........

طيب وش رايك في الضلعه مافي اسمن منها................ هي والشٌم........... نبي رايك في طعمها........؟؟؟؟؟؟؟؟
:confused::D
صاروخ
23/08/2004, 11:32 AM
اخواني فى خيمة الصيد البحري انا ما اعرف السمك ولا انواعها ماقد شفت سمك الا فى علب التونه بالبقاله :D
انا دورني عند الصيد البري القميري الحباري

لكن للفايده اقراء قول الله تعالى (أُحِلَّ لَكُمْ صَيْدُ الْبَحْرِ وَطَعَامُهُ مَتَاعًا لَّكُمْ وَلِلسَّيَّارَةِ وَحُرِّمَ عَلَيْكُمْ صَيْدُ الْبَرِّ مَا دُمْتُمْ حُرُمًا وَاتَّقُواْ اللّهَ الَّذِيَ إِلَيْهِ تُحْشَرُونَ ) يعني اذا صدت شي سم الله وكل فان اعجبك فبها ونعمه والا اعطه لغيرك لينتفع به
وسامحوني على المداخل
gulfhunter
23/08/2004, 12:12 PM
حياك الله أخي صاروخ ومشكور على المشاركه والتوضيح............................

وبالنسبه إلى اختلافي مع زاهر على الطعم والنفس وما تهوى......... لكن بالنسبه للحلال والحرام .......... أن شاء الله مافي أختلاف..............
سلاح
23/08/2004, 02:16 PM
يا شباب بالنسبة للوحره قلينا في الزيت بعد ما بهرناها وضبطنها
والطعم بصراحه حلو
وبصراحه ما توقعت طعمها مثل كذا


وشكرا للجميع على مشاركتهم معنا
ابو زاهر
23/08/2004, 03:26 PM
حياك الله اخوي قلف
بالنسبه للظلعه الحجم الكبير منها ماذقته
لاكن وبدون عناد وكذب ذكت ضلعه صايدها بوزن كيلو تقريبا سويناها قطع فيليه وقليناها بدون ملح او بهار طعمها ماهو بطال
لاكن فيها زفر واجد يعني لحمها ثقيل بس هذا عيبها ويقولون لها طريقة طبخ تاكل اصبعك وراها
اما الشم ما ذكته في حياتي علشان احكملك الواحد مايبغا يطلع قدام الناس كذاب وسلامتكم كلكم
والله انكم نشامى
تحياتي .

( سلاح انا جربت صيد البر والبحر صيد البر متعه اما صيد البحر بكل صراحه تحدي وذكاء جرب وبتفهم كلامي بعدين )شكر خاص لك ولا يهونون النشامى:D :p
gulfhunter
23/08/2004, 04:20 PM
حياك الله اخوي بو

مشكور ...... والله يعطيك العافيه...........

أخوي سلاح..... بالعافيه........
الكشاح
23/08/2004, 10:27 PM
اخوي سلاح حياك والحاضرين...بالنسبه لحجم الحواقيل...يا خوي العكنعد ما عنده خلاف ابد بالي اصغر منه

..والبيئه البحريه معروفه الكبيرياكل الصغير...بس اتمنى ان اتجرب الحاقول وتحدقبه للكعند..بس افضل شي يكون حي..يعني تحطله على اظهره وعند ذيله ميادير ابو خطاف..له ثلاث رؤوس.ومسيم..وحذفه بالبحر بدون بلد..خاصة اذا انك خابرهالامكان فيه كنعد...وعليك باول الصبح بعد الفجر..والعصريه قبل المغرب بساعه هذا على السيف...

اما بنسبه للوحر تقول ان طعمها طيب ..فيها العافيه ان شاء الله
سلاح
24/08/2004, 09:48 AM
مشكورين ياغالين
ويعطيكم العافيه

كفيتوا ووفيتوا


وإن شاء الله الليلة بنطلع
ولله يوفقنا وياكم
ابو زاهر
25/08/2004, 12:13 AM
الشكر لله
وانا في الخدمه في اي زمان ومكان
سلاح
25/08/2004, 02:13 AM
ماتقصر أخوي أبو زاهر
وتراب حاضر بأي شئ تبونه مني
وإن شاء الله نخدمكم في الأفراح
هاوي صيد
29/08/2004, 02:14 AM
بسم الله الرحمن الرحيم


الســــــــــــــــــــــــــــــــلام عليــــــــــــــــــــــــــــــــــــــــم ورحمه الله وبركاته وبعد
يسعدني اني اول مره اشارك معكم بم
ندى مكشات الرائع واللي يوسع الصدر


وحقيقه اشكر كل من قام علاا اعداد هذا المنتدي والمساهمين فيه من الشباب
وعندي تعليق بسيط حول الصيد بالشوزن وخصوصا صيد الطيار
1= اولا للمعلوم انه كل ما كان رقم الفشق كبير مثل 9ونص او اكثر زاد نسبه اصابه الطير والظغط يكون من 36وطالع حتا انه يفرش مظبوط ويكون سرعه اعلاا وتستطيع رمي الطيار بكل راحه
والشوزن اللي ترمي فيه مثل ام سيلان ماصوره طويله تبرد سبدك في الطيار وشكرا
AKRM1234
03/09/2004, 07:36 PM
السلام عليكم ورحمة الله وبركاته
بالنسبه لسمك الحاقول أولا الصغير زين ولكن مو حلو للدرجه اللي ينعجب فيها اللي ياكلها يعني ماتصلح الا ان تكون طريه يعني توك صايدها ومن تدخلها الفريزر وبعد ايام تكون مو حلوه وبعدين ماتصلح الا مقلي فقط او تحت القدر اما للصوره الثانيه السمكه الرصاصيه فهي الوحره وتعيش يا في الطين او الرمل لانها تلخ وتجلس في الارض واذا تبي تاكلها قص راسها وبهرها واذا تبي بعد يكون حلاوه فيها اصلخ جلدها وقطعها اربع قطع واعملها بروستد اما بالنسبه الى البدح فعادة يعيش في بحر العقير ومايكون سمين الا في موسم الصيف مع الجنم والصافي ويصلح مقلي ومشوي . والعافيه بمن يأكلها
MARINE
05/09/2004, 03:22 PM
كيف حالك اخوي سلاح
ماقصروا الشباب عطوك كل شئ
واعذرني بالمشاركه المتأخرة بسبب عدم تواجدي في المنطقه
واشكر كل من شارك في هذا الموضوع لإفادة بعضنا البعض
اخوكم
MARINE
:heart:
سلاح
05/09/2004, 10:24 PM
أخوي مارين الشباب ماقصروا
يعطيهم العافيه
وأنت ماقصرت في شئ ياغالي
MARINE
11/09/2004, 07:30 AM
لاشكر على واجب اخوي سلاح وحياك الله في اي وقت
اخوك
MARINE
:heart:
baracuda
08/09/2012, 09:39 AM
الله الله عالحاقول سمكة مميزه ولذيذه جداً
تقرير مبسط وشيق وقديم :) "" بتاريخ 2004 ""
وشكرا
قناص2000
08/09/2012, 11:07 AM
ان شاء الله تعوضها المرات الجاية
abdulazizhh
08/09/2012, 03:17 PM
الوحر من افضل انواع السمك من حيث الطعم جيده جدا خاصة المشوي على الفحم منها:good2::good2: