مليت من اليوكن وشرايكم ابيعه

[ابوغلا2004]

ياخوان اناعندي يوكن 2006 مليت منه كل شوي وطالعلي بسالفه
بدل صوف العامود والا يجب فحص تحسين الثبات والا الدفع الرباعي لايعمل
والا افحص مقياس الإطارات لا و هالحين طالعلي بساعات الطبلون مخرفات
حقات الحراره والبنزين والبطاريه وش رايكم فيه علما اني رجال حار
ما احب الموتر يصير فيه شيء يعني تولع لمبه غير مهمه
ما ارتاح حتى اصلحه يعني ححححاااااااااااار ياجماعه ابي شوركم
1-هل ابيعه وافتك امنه ام اصبر عليه.
2-هل هذه المشاكل توجد في السيارات الأخرى ام في الأمريكي فقط
3-من يرى اني ابيعه ماهي السياره البديله والمريحه وفي نفس الوقت
ولا فيها مشاكل اكترونيه او غيرها لأني راعي خطوط واليوكن بالخط
موتر مريح مره ظليمته شينه.
واسف على الإطاله.
.
.
.
.

[المميز99]

هلا فيك اخوي

والله من خلال خبرتي البسيطه انصحك تدور لك لاندكر وزر نظيف وبأذن الله ماتعرف الا الزيت والاشياء الأستهلاكية فقط

تحياتي لك

[بدوي جنوبي]

والله يبو غلا
جربت 2003 لم اشتكى من اى مشكله ولله الحمد
مشكلة الامريكي بصفه عامه ،، هى الحساسات
ويحتاج بصفه دوريه للتشييك

ومشكلتنا الاكبر في محلات الصيانه
المفروض تتوفر اجهزة كفيه (كمبيوتر) لكشف الخلل من بدايته
واعتقد سعره رخيص لانه ينفع السائق كثيرا ويغنيه عن الورش
ويمكن الاستفاده منه في اكثر من سياره

بالنسبه للعدادات فيه موضوع لاحد الاعضاء
قام باصلاح العدادات في ورشة عاديه وبتكلفه بسيطه

اما التهريبات ،،، خذها منى لا تتعب نفسك مع الامريكي
لازم يهرب ،،، اذا كان التهريب بسيط اتركه مع التشييك الدائم للسوائل (الزيت)

اذا اشتريت السياره مستعمله وفيها المشاكل من قبل
المفترض انك قمت بعمل صيانه كامله .

واعتذر عن الرد السريع

بالتوفيق

[سيد النشاما..]

الله يعينك يابوغلا 2004
1 ( شكل الأشياء عندك تملـّها على طول ) هههههههه
اليوكن مريح وقوي وزين بالخط وقطع غياره مناسب السعر وسهل الصيانة
, بس يلاحظ الثقل فيه عند تنقلاتك ومساييرك الصغيرة , ويمكن تخالفني الرأي


ما احب الموتر يصير فيه شيء يعني تولع لمبه غير مهمه
ما ارتاح حتى اصلحه يعني ححححاااااااااااار ياجماعه ابي شوركم

2 حيث أنك حااار مثل ماذكرت عالياً
خذلك موتر خفيف طينه وأبرد تسبدك يالغالي
ترى الموتر الخفيف ولاصار عزمه قوي يوسع الصدر وماتمله على طول
بشرط ياباني وعملي مافيه قراشيع لافائدة لها وكذلك له شعبية عند البيع



الله يوفقك ويستر عليك

[بنزرت]

والله ياخوي انا جربت اللاند كروزر بعد اليوكن ماارتحت ابد
ضيق وتعبت رجولي من ضيق المكان والقير ارضيته لافه يعني يكون جسمك مو معتدل مع رجليك وانت تسوق وتتعب لما يكون مشوارك طويل والقير يتهزهز مع كل تعشيقه (تماتيك وهذا في كل اللند) لكنه سياره عمليه واعتماديه بالحيل
ماصدقت على الله ارجع لليوكن
ياخوي انا مشكلتي اني جربت اليوكن بلاول لو ماجربته كان استمريت على اللاند

انا انصحك تستاجر لاند لمده اسبوع وبعدين اذا مشي معاك وارتحت اشتري واحد زيه وبع اليوكن والله يوفقك

[راعي المجهم]

موترك هذا فيه مشكلة

أغلب الأخوان الي معهم يوكنات وجمسات مبسوووووووطين منها على الآخر

بس أنت شكل موترك عكس معك

ياشيخ أعرف ناس كثير باعوا جيوب فكسارات وباترول وأشتروا يوكن

وكل واحد منهم يقول أثاريني كنت ظالم عمري بالياباني

اليوكن رااااااااااااااااااحة إذا وفقك الله في النظيف الي معك شكله مكرووووووووف

[VXR.2007]

لا يكون فيه عين
يمكن فيه واحد مزعجك ويقولك بعني موترك وعين عليه

[غالي]

متكلين على الله سبحانه

لكن عيون الناس ماترحم اسألني

رايي لك اخوي

دخله للمعارض على نية ان جابلك سعر مكسب تبيعه

سمعت والله اعلم انها تطفي العين ان كان فيه عين

وجبلك موية قرايه ورش عليه كله واذكر الله من جوه وداخل

والله يستر ويسمح امرنا وامرك

[aoh200]

الاكسبدشن الجديد من افضل السيارات بالوقت الحالي

خاصة من ناحية الراحه والرساوه وبنفس الوقت ممتازه بالبر..

موفق..

[قطب 999]

هالعلوم ما تلقاها الا بالامريكي وانصحك تبيعه ابتسلب سرق اهله وتاخذ لك عطي الله هالكروزر 7 ولا 6

[سوبر VTC]

الحمدلله تكفير ذنوب
و على الاجر ان شاء الله

المواتر توافيق من الله سبحانه

الموتر اللي يسلك يسلك حتى لو هو معفول و مكروف :good:
و احيانا العكس تاخذ نظيف و يكون هرجته خرابات

به جموس م2000 و 2001
كدن 7سنين
و اخر شي يغير طرمبه ماء فقط بكم
ب230ريال بلاش :good:

احيانا بعض الناس يجي على وجهه
يشري موتر بديه نظيف جدا
و لكن يفاجا ان المحركات و المكينه تعبانه جدا
لذلك تحتاج الى شخص يبخص الموتر
و يعرف يطلع عيوب الموتر قبل الشراء
او يفحصه عند ورشة ثقة يخاف الله

الصمعاني يقول الان التويوتا اخذ مكان الامريكي بتهريب الصوف
اقل تهريبات بالدرجه الاولى النيسان

موفق

[ابوغلا2004]

اشكر جميع الأخوه الي مرو على الموضوع وبيض الله وجيهكم اما مسالة عين انشاء الله ماتصل الى ذلك انا الي حيرني انه كلما اشغل الموتر يطلع الكمبيوتر بتحذيرات كثيره واذا رحت افحص كمبيوتر قال مافيه شيء وللمعلوميه ترا موتري يجلس بعض الأحيان الى عشر ايام ما استخدمه لأن عندي سياره ثانيه اما الساعات ذكرلي سوري بالرياض ما ادري احد من الأخوان جربه كذلك ابي كمبيوتر صح علشان يشوفلي حل مع هذه التحذيرات ,
كذلك حبيت ابين ان الصوف الي غيرت صوف العكوس لأنه هرب واصبح الهوب يطلع دخان هل احد الأخوان حصل معه مثل ذلك وآسف على الاطاله وجزاكم الله الف خير.
.
.
.

[راعي جيوب]

أخي أبو غلا بع الموتر وأفتك منه خذلك تلاندكروزر موتر عملي ولاهو راعي حساسات والدليل شف الشوارع مليانه منه والبر والخطوط وإذا دراهمك شويه خذلك نيسان هو البديل الثاني والله يوفق الجميع لما فيه الخير

[أوكسجين02]

أقول لك يا عزيزي إذا الموتر كثرت طلباته عن المعقول بعه في المعارض وأشتر لك يوكن ثاااااااااااااني نظيف لأن اليوكن ما راح تنساه مريح وقطع الغيار أسعارها مناسبه وقوي على الأسفلت والرمل يعني لا تحاول تغير اليوكن ترى بتندم أنا عندي يوكن 2004 أمريكي مبرد خاطري نصييييييييييييييييحه لا تغير إلى نوع ثاني اليوكن وبسسسسس

[رآعي GMC]

والله أنصحك ماتبيعه الجمس السوبر واليوكن مافي زيهووووووم

[راعي جيب]

أخوي بعه وافتكـ منه ومن مشاكل الامريكي طقلكـ سفاري 2010 وريح نفسكـ فخامه وكشخه ومريح بنفس الوقت

[aboriyadh]

و الله يا خوي اليوكن ما في زيه

لكن اهم شي توفيق الله

انا كان عندي يوكن 2001 استخدمته 4 سنوات ما غيرت فيه الا السلف (انحرق يوم شغله واحد وعلق السوتش ولا رجع المفتاح الين انحرق السلف )
غيرها ما حطيت فيه الا الزيت و البنزين
حتى زيت القير غيرته مرة وحده مع الفلتر اول ما شريته
لمبات السيرفس اشتغلت من اول سنة وبعته وهي مولعه ولا فيه الا العافية
في الاخير ضعفت طرمبة الزيت و حليتها بتغيير نوعية الزيت الى
الزيت الخفيف 10w 30
و يوم بعته اشتريت يوكن 2004

و لا عندي نية أذا الله راد اغير عن اليوكن
سيارة خط بر واسفلت و سيارة عائلة من الدرجة الاولى

اذا متأكد من مكينة سيارتك وقيرها و العضلات كلها سليمة صلح الاعطال البسيطة ذي ولا راح تكلفك 1000 او 2000 ريال
و لا تخسر عمرك 10000 او 20000 او 40000 فرق قيمة في سيارة جديدة او مستعملة

هذي نصيحتي لك و انت ادرى

[ياليل خبرني]

انا معي يوكن 2002 ماشاء الله ماشي 220 الف بس اغير قطع استهلاكية
وغيرت طرمبة البنزين هذا اللي اذكره رغم اني اسافربة اماكن بعيدة واطلع
اكشتبة وماشاء الله ماشي معي زي الحلاوة

[عابر سبيل933]

حياك الله الموتر لاعوكس بعه اناانصحك تبيعه وتشتري يوكن 2008او2009بس لاتقرب الدينالي خذ اكس ال

[حكم ساحة]

اليوكن ماغيرة خفيف ومريح
التايوتا عموما شيك
ولكن الامريكي راحة

[ابوغلا2004]

اشكر جميع الأخوه الي مرو على الموضوع وبيض الله وجيهكم اما مسالة عين ان شاء الله ماتصل الى ذلك انا الي حيرني انه كلما اشغل الموتر يطلع الكمبيوتر بتحذيرات كثيره واذا رحت افحص كمبيوتر قال مافيه شيء وللمعلوميه ترا موتري يجلس بعض الأحيان الى عشر ايام ما استخدمه لأن عندي سياره ثانيه اما الساعات ذكرلي سوري بالرياض ما ادري احد من الأخوان جربه كذلك ابي كمبيوتر صح علشان يشوفلي حل مع هذه التحذيرات ,
كذلك حبيت ابين ان الصوف الي غيرت صوف العكوس لأنه هرب واصبح الهوب يطلع دخان هل احد الأخوان حصل معه مثل ذلك وآسف على الاطاله وجزاكم الله الف خير.
.
.
.

[ARB]

تبي نصيحتي
اذا انت تقول معجبك اليوكن بس ضايقك فيه هذي الاعطال بعه و خذ ثاني

مع العلم اني انا كل سياراتي تويوتا و من سقت و معي لندكروزر لكن عندي نظرية مب اي شي يعجبني اكيد بيعجبك و لا هوب لازم تقتنع بكلامي ولا ترى انت غلطان كل سيارة فيها ميزات و عيوب
ارجو اني وصلت لك الفكرة

[PICASSO.]

انصحك تاخذ الارمادا سياره عائليه وفخمه ورفاهيه وكل شيء

صورة

http://pictures.topspeed.com/cars/nissan/2010-nissan-armada-ar77573/IMG/crop/200908/2009-nissan-armada-20_1280x0w.jpg

[PICASSO.]

هذا تقرير شامل للارمادا

http://www.abathasotor.com/vb/showthread.php?p=61177

[قمة افرست]

الجمس لايعلى علية شبح بالخط خاصة الدينالي
اذا مشكلة سيارتك سهلة صلحها وان شاء الله تزبط
الاخوان ماقصروا
كلام العقل
لو بتبيع بتخسر بالسيارة غير انك بتزيد مبلغ كبير ويمكن تلقى سيارة كلها مشاكل
شوف ورشة ممتازة
وشيك على السيارة
وانشاء الله تزبط

الان الجموس من 200 حتى 2006 والهمر اقوى سيارات من ناحية العضلات والجيب الباترول النيسان مافيها تعقيد
جيب التويوتا اسواء شي الان من ناحية الصلابة بس اخذ سمعه عند الناس

[ابوغلا2004]

ماقصرتو وبيض الله وجيهكم يالمكشاتيه
.
.
.
.

[عاشق الفرعه]

طقلك دينالي من 2002 إلى 2009 بإستثناء 2007 وبترتاح وترى الجديد مكينته 6200 بينما القديم 6000 واليوكن العادي 5000

[WAW]

عندي لك بليزر 79
شرايك رأس براس

اذا بتزودني ماعندي مانع




ههههه امزح معك اخوي : انا اقول تبيعه وتشتري يوكن غيره

[س6ك7ب]

أقول وأنا أخوك واسمعني
ود موترك للوكالة وخلهم يفحصونه ويقولولك وش الخرابات اللي فيه ورح وصلح برا، أفضلك وأنا مجربها
هذا أول شي وثاني شي
نصيحة لا تبيع موترك ترى اليوكن مافي مثله
وأنا لو أحصل واحد نظيف شريته .

[ابو زايد2009]

بالنسبه للعدادات بسيطة جدا بس الورش اللي معقدين السالفة
والوكاله كمان اطم منهم
كان عندي واحد
وخربت عداداته رحت لكهربائي تركي يجيب شريحة من دبي ويغيرها في العداد اللي خربان وتشتغل
وبتكلفة بسيطة