علاج عين الطير ..!!

[سماره]

بسم الله الرحمن الرحيم

ياجماعة الخير عندي طير أحدى عيناه فيه ماء ولايقدر يشوف فيها بسبب هذا الماء الموجود فيه

ولون الماء بياض على زراق خفيف ياجماعة الخير اللي عنده خبره بالمرض هذا ياليت يفيدنا

واكون شاكر له..وعلى فكره الطير بس يغمض العين المصابه ونرجو الافاده وشكرا

[@قرناص@]

يامرحبا وعليكم السلام ،،

اخوي وين موقعك ؟؟

فيه طبيب شعبي يقاله /خالد العويدي بيفيدك ان شاء الله ،،

[نسيم الهدا]

السلام عليكم ورحمة الله وبركاته
اخوي هذا حسب خبرتي التهاب في الجيوب الانفيه ويسبب بمثل الصقر بمثل الحاله الي بطيرك التهاب بغشاء العين

العلاج بإذن الله عباره عن مضادات حيويه تجدها في البيطره
مر علي طير بهالحاله والحمد لله اصبح من افضل طيوري وشفي تماما

ولا تنسى تنضيف محل الطير وتهيئة الجو المناسب الغير متقلب

ان شاء الله افدتك

[ابو امنه]

الله يشفي طيرك
موفق خير يالغالي

[قلب ذيب]

من الافضل عرضه على البيطري المختص .
لأن التشخيص صعب وغير مجدي بدون المعاينه .
والله يوفقك .

[عاهد بن علي]

الله يشفيه ان شاء الله

[feras19]

اللة يشفية ودة اليوم قبل بكلاة للبيطري

[راعي غضبان]

مرحبا فيك اخوي الله يعافيه من عنده هل الطير مبرقع والبرقع ناش عينه يسوي فيها التهاب وتقوم تدمع ويغمض فيها اذا كان البرقع ضيق وناش عينه وابطاء وهو مبرقع فيه هو الي يضرعينه ويخلي عليها زي الغشاء الغمص من كثر ما دمعت وتصغر عينه وجفونه يصير فيها زي النفخ وهذا وانا اخوك حط ماء دافي وملح ورش عينه سواء ببخاخ او بفمك مرتين في اليوم صبح ومساء وانشاءالله ماياخذ ثلاثه ايام الا وهو طائب وسالمه اعيونه والله يستر عليه وخله مفرع احسن ولا خذا ايام تقدر تبرقعه ببرقع وسيع علشان ما يجي اعيونه والله يعافيه من عنده وشكرا

[مشبر البران]

الله يشفي طيرك

[الفياض***]

الله يشفه ان شاء الله

[قرناس حائل]

حياك الله اخوي

اولا الله يشفي طيرك أن شاء الله

ثانيا سبق وأن مرت على مثل هالحاله لكن بسبب البرقع والطير ولله الحمد من أحسن مايكون

خذيت مرهم وقطره للعيون من الصيدليه البشريه وقمت بالتقطير في عين الطير ومن بعدها

دهنت العين بالمرهم لمده 3 ايام ( تقطير ومن بعدها دهن )

ملاحظه : بعد كل علاج يجب أنك تبرقع الطير وتعلفه من ورى البرقع كلحم مفروم او غيره

ولا يترك الطير في مكان بارد ( يعني لا تشغل مكيف اذا هو بربطه ) وأن شاء الله مايشوف

شر

تقبل تحياتي

[سماره]

الله يعافيكم ياإخوان وبيض الله وجيهكم

بالنسبه للبيطري انا رحت للبيطري واخذت من عنده مضاد ورحت للصيديله واخذت قطره

ولكن هو الحين تحسن بكثير كان اول ضعيف بس عند العلف يعلف مافيه مشاكل والحمدلله الحين طيب

ولكن فقط مشكلة العين وان شاء الله بروح لاقرب صيدليه واشتري قطره واشترب مرهم واجرب..

وبجرب اللي قاله اخوي اني ارش عليه بماء دافي وشوية ملح وعساه يطيب باذن الله..

تعرفون الجوف مافيه غير البيطري وتاخذ منه مضاد..مافيه علاج للطيور او مختبر للطير ولكن الحمدلله على

كل شيء...

[راعي شلهوب]

لك رساله على الخاص ياذيب