مشكلة في قير الجكس آر [الأرشيف]

مشاهدة النسخة كاملة : مشكلة في قير الجكس آر

خالد77

06/09/2009, 08:05 PM

بسم الله الرحمن الرحيم
السلام عليكم ورحمة الله وبركاته
الحادثة بدأت قبل شهر تقريبا وأنا مسافر للمدينة المنورة على سيارتي الجكس آر 2003 خليجي وهي خروج رائحة زيت قير أو نحوه المهم بعد مارجعت لمنطقة سدير اكتشف أن الرائحة تخرج إذا تجاوزت 100 كيلو أو أكثر بعد عدة مشاوير ؟؟
وبعد فترة اكتشفت إن فيه تهريب بسيط جدا بين العمود الأساسي والقير وليس العمود الأمامي وقالوا [ صوفه ]
وغيرت الصوفة وبعدها غسلت السيارة بالديزل وهي أول مرة أغسل بالديزل ولست مرتاح منه لكن مضطر حتى أنظف بقايا الزيوت المتطايرة للكنداسة والدفرنس وماحولها
المهم أن الرائحة لا تزال موجودة بعد أن أضرب مشاوير طويلة تخرج وصارت الآن أشد من الأولى وأصبحت أتضايق منها جدا
ومريت مهندس العضيب وقال غسل السيارة مرة ثانية ونظف الشحوم اللي على العمدان لأني كل فترة أشحم العمدان بتوصية أحد الفنيين
وقلت طيب الريحة زادت وش تتوقع ؟
قال ممكن تكون المشكلة بنفس عصا القير من تحت وممكن من غيره المهم خرجت من عنده ورجعت لسدير وحاولت أسكر عصا القير وفعلا بدأت الرائحة تقل وناوي أغسل االموتر بس هالمرة بالصابون وأشوف

والسؤال :
ماهي المشكلة يالشقردية ؟
وهل فيه أحد مرت عليه المشكلة ؟
أرجو ممن كان عنده أدنى خبره أن يخبرني
وله مني الدعاء
والسلام عليكم ورحمة الله وبركاته

سوبر VTC

06/09/2009, 08:39 PM

و عليكم السلام و رحمة الله

المشكله حدثت لساري111 جيب هدد م2007
ننتظر رده الليلة ان شاء الله
احتمال المشكله من الغطاء اللي تحت عصا القير
ربله
اخبره غسل مكان عصا القير بصابون
الرائحه ريحة سوايل القير :no:
ريحه شنيعه :no:

abood3

06/09/2009, 10:24 PM

آخوي آنتبه ليصير معك مثل آللي صـآر مع وآحد من آلربع طيق قيرهـ وترى آلقير لآطق يوحش

آلقير توضيبه بـ 4 يعني آنتبه آنـآ آتوقع زي خوينـآ من آلطرمبه آلدآخليه

حتى خوينـآ صـآرت معه هآلسآلفه وتطلع منه ريحة ولآ بعد يطلع دخآن آذ وقف لآن آلزيت يوصل للكندآسه وهي حـآرهـ ويطلع دخآن

فيه ورشه آسمه آلدخيل آلله فيه مهندس آسمه آبوعمر سودآني مضبوط
آلوصف سلمك آلله
صنآعية آلنسيم وآنت على آلميه قبل محل آلغآمدي للقطع آدخل يمين بعدين يجيك تقآطع خله وآبتل سيدآ
بعدهـ آول لفه يمين آدخل معه بعدين يجيك T خذ يسآر بعدين آبتل ثآني لفه آو ثآلث خذ يمين تجيك آلورشه بآلزآويه آذآ مشيت شوي

آنتبه تكفى مآ ودي يطق عليك آلقير همن تحسف على يوم يومك

خالد77

07/09/2009, 05:46 PM

الله يجزاكم خير
وبانتظار رد الشباب الذين جربوا المشكلة

ملكvtcالصحراء

07/09/2009, 06:04 PM

تأكد من ربلة عصا القير احيانا تكون منفكه او فيهاشقوق او انها مامسكت بقوه على عصا القيـر
ـــــــ تقبل الله منا ومنكم الصيام و القيام ــــــــ

Abu Saad

07/09/2009, 06:47 PM

اذا كان موترك تماتيك فاحتمال ان زيت القير زايد عندك .
لان فيه بلف خاص بتفريغ الزيت الزائد (مايشاورك) في حال ارتفاع الحرارة ومسكة الخطوط.
والله اعلم

ابوحمد666

07/09/2009, 07:08 PM

اخوي خالد
المشكله بسيطه ان شاء الله اذا كان رائحة السوائل داخل السياره فما المشكله والله اعلم من ربلة القير مشقوقه او احد مسامير الربله مرتخي فتستطيع بنفس انك تفك ديكور القير وتتاكد بنفس من ذلك
تحياتي لك

راعي شلهوب

07/09/2009, 07:13 PM

تأكد من ربلة عصا القير احيانا تكون منفكه او فيهاشقوق او انها مامسكت بقوه على عصا القيـر
ـــــــ تقبل الله منا ومنكم الصيام و القيام ــــــــ
انا مع اخوي فتك

راعي جيوب

07/09/2009, 07:34 PM

تأكد من ربله عصا القير وربلاته

adil33

07/09/2009, 09:18 PM

غير جلدة الغطاء الي تحت العصا وكمان حاول تشوف لك قطعة موكيت تحطها تحت الجلدة السوداء الي تحت ديكور القير وباذن الله ترتاح من الريحه وترتاح من صوت القير

خالد77

08/09/2009, 01:48 PM

بارك الله فيكم
وليتها على عصا القير وأنت جاي الدعوة لا تصير بفك القير أو توظيب والمشاكل هذي لا طاقة لي بها
عموما أشكر الجميع على مشاركته ومداخلته وبيض الله وجيهكم وتقبل الله صيامكم وقيامكم

سوبر VTC

09/09/2009, 08:44 AM

يارجال لا توسوس

اهم شي شيك على الموتر بورشه ثقة :good:
لا تمر على المراكز الكبيره غالبيتهم حراميه
و تاكد من الزيت هل هو ناقص
بالرياض به ورشة البريدي رجال كبير بالسن شرق معارض النسيم
ان بغيت به ورشة ممتازة ببريده

موفق

قطب 999

09/09/2009, 10:27 AM

القير يبي له فك وفحص الصوف جميعها وتغيير ما يلزم

ساري 111

09/09/2009, 01:16 PM

وليتها على عصا القير وأنت جاي الدعوة لا تصير بفك القير أو توظيب والمشاكل هذي لا طاقة لي بها
عموما أشكر الجميع على مشاركته ومداخلته وبيض الله وجيهكم وتقبل الله صيامكم وقيامكم

لاماتوصل لفك القير .. انا صاير معي نفس مشكلتك
لقيت بقدام القير فيه غطاء اسود بحجم كف اليد طايح
شريته بـ 20 ريال وركبته وخفت الريحه بشكل ملحوظ
بس الى الحين ماجربته بخط .. يعني اتوقع ان الهواء كان يدخل مع هالفتحه ويدف عليك ريحه الزيوت داخل الغماره

طبعاً على عصاء القير ربلتين وحده فوق ووحده تحت يمكن تصير احدهم مشقوقه حسب كلام ابوخالد الخضير بس الى الحين مافضيت عشان اصلحه

ملاحظه / اذا كنت بخط لاتفتح الهوايه حقت المكيف وماراح يدخل عليك شي ..

واذا لقيت المشكله لاتنسى تقولنا

abady88

09/09/2009, 01:20 PM

اخوي....
من واقع معاناة مثلك بتهريب الزيت بس مو جيب لاندكروزر سوبربان
المواتر واحد .
كانت المشكله تهريب اذا وقف فتره طويله جدا او مسكت الخط بسرعه
وانت واقف ماتحصل تهريب....
السبب انك تغير الفلنجة الي راكبه على العمود الدوران وداخله في القير.
بتوضيح اكثر الصوفة تركب على الفلنجة واذا الصوفه جديدة والفلنجة(حديده ملسا) فيها خدش طفيف جدا يحصل التهريب.

خالد77

16/09/2009, 07:36 PM

أبشركم جميعا المشكلة تم السيطرة عليها ولله الحمد
وهي اصلاح عصا القير مع ربلاته بقيمة 110
وشغل اليد عند العضيب بالمكاسر وحب الخشوم 100 ريال
وسافرت عدة مرتين ولله الحمد معد شميت الريحة وياربي لك الحمد
وأتمنى يستفاد من الموضوع

خالد77

16/09/2009, 07:37 PM

خطأ مطبعي [ عدة مرتين ]
الصواب [ مرتين ]
خروج امن المبالغة

س ل ي م ا ن

16/09/2009, 11:17 PM

أخوي العزيز أنا معي باثفندر قبل أسبوع صار يهرب زيت الدبل والسبب الصوفه المهم صلحته بس يوم رحت لمحل قطع الغيار رجال نصوح ويجيب القطع من الوكاله سألته وش خرب الصوفه قال الصوف عدوه اللدود الديزل وبالفعل كنت توي شاري السياره وصاحبه قد غسله قريب بالديزل فيمكن تصير مشكلتك رجعت ثاني مره من الديزل طبعا هاذا أجتهاد وقرن بين مشكلتي ومشكلتك ولا فيه ناس أفهم من

س ل ي م ا ن

16/09/2009, 11:19 PM

أسف رديت قبل لا أشوف ردك الأخير عموما الحمد لله أنك لقيت المشكله والله يجعله أخر المشاكل

نسل الكرام

17/09/2009, 12:55 AM

أبشركم جميعا المشكلة تم السيطرة عليها ولله الحمد

وهي اصلاح عصا القير مع ربلاته بقيمة 110
وشغل اليد عند العضيب بالمكاسر وحب الخشوم 100 ريال
وسافرت عدة مرتين ولله الحمد معد شميت الريحة وياربي لك الحمد

وأتمنى يستفاد من الموضوع

الحمدلله على كل حال

بس عندي استفسار هل كانت عصى القير تحتر عندك ولا لا

waledsaleh

17/09/2009, 04:56 AM

غير الربلة حقت القير 20 ريال عند النهدي و الضحيان ومع السلامة

أبوضيف الله

17/09/2009, 10:19 AM

والله ياخوي انا معي لاندكروزر 2006 فاكه وكاله وعندي طقة في القير ولا لقيتلها حل
يكتم ولا يغير الا بعد مايطق طقة تدمي القلب
وللمعلومية ان هذه الطقة اعاني منها من يوم كان الموتر ماشي 5000
والحين الموتر ماشي 210000 ومازالت الطقة موجودة
اسمعها في اليوم تقريبا من 4 الى 5 مرررات
ولا ادري وش الحل
لذالك انا قررت ابيعه هذه الايام

مغلي

17/09/2009, 02:47 PM

^^^ لو تفرد موضوع مستقل لمشكلتك يا ابوضيف الله .... افضل لك ولجميع الاعضاء ... لأن من يعاني مثلك ... سيجد موضوع مكتوب عن نفس المشكله ... ولو تذكرهل الجيب فكسار او جكسار ونوع القير لزيادة التوضيح

داورد

17/09/2009, 11:32 PM

لك رسالة بالخاص

سوبر VTC

18/09/2009, 07:18 AM