شوركم يا شباب فتــك ولا اكسبديشن طوييل ؟!

[>> ابوعلي <<]

السلام عليكم


يا اخوان في البدايه

اذكرو الله ;)

بصراحه واحد يقرب لي ناوي له على موتر واستشارني وانا قلتله اصبر اسال ذيابه مكشات

واردلك العلم :)


المهم يا شباب هو يبي موتر يستخمه بالديره وبالبر

وبنفس الوقت اذا جاه سواق بيعطيه السواق

فــ هو يسال

هل الباترول مع سواق فيها شي ؟!

يعني مايصلح

طبعا هو شاف الفتك واهله مارضوا بالحيل يبون اكسبدشن يقولون اوسع

بس هو يقول اظغط عليهم شوي بس اهم نقطه انه يصلح مع سوااق

وايهم اقل خرابات ؟:rolleyes:

[I COM 2100]

وآلله شووف

حرآم يشتري سيآرة قيمتهآ فوق 100 آلف ويعطيهآ سوآق

ويحووسهآ حووس

صدقني يبي يتحسف ~

إذآ كآن له خله يآخذ فتك

وعلى قولتهم :: خذ آلفتك وخل آلمصخرة

[>> ابوعلي <<]

مشكوور ياخوي

بس هو لازم حدا الموترين

[براوننق]

انا اقول اذا كان يبي سيارة يستانس به بالبر ياخذ فتك اما بيخليه للديره ولهوب طالع ابد وبيرفق عليه خله ياخذ اكسبدشن



انا اقول................ vtc ............ حتى بالبيعه تلقا له زبون

[>> ابوعلي <<]

مشكووورين

بس ما جاوبتوا على السؤال المهم اللي هو

هل يصلح الفتك مع سوااق ؟

[براوننق]

اي نعم انا اعرف كم واحد معطي سواق vtc ما فيها شي

[حرب]

الفتك يصلح مع الكل ولاهو مخسر عند البيع كثر الاكسبيدشن
ونصيحتي انه ياخذ فتك ورأي له

[ابولولو]

خله ياخذ فتك مكده وعملي ويلقاه بالبروشيك عند البيع

[زمان الوحداوي]

الفتك يصلح مع الكل ولاهو مخسر عند البيع كثر الاكسبيدشن
ونصيحتي انه ياخذ فتك ورأي له
وتقبلوا مروري

[ابوهتون]

اذا عنده القدرة فالاكبدشن اوسع واريح,سواء للبر او المدينة,تبقى مسألة السواق بيلقى اكسبدشن 2004-2005 في حدود ال 50,000 ريال,ويحرص على النظافة والمتابعة للسواق..وسلامتكم.

[الادعج]

الاكسبديشن افضل للعائلة عشانة اوسع ...لكن اذا كنت تبية للبر فما ينفع ولو بريال ..اما بالنسبة فتك مع سواق ..هي صحة انها غريبة شوي لكن عادي ما فيها شي ..واذا كنت تبي نصيحتي خذلك فتك ان بغيتة بر ولا ديرة ولا سواق وريح بالك الامريكي يبي يشغلك بالخرابات والراي الاول والاخير لك.

[ahmad995]

الفتك لسواق العائلة ما ينفع ابد لانه ضيق مقارنه بالاكسبديشن
واعطاله كثيرة
مادامه لسواق انصحك بالكسبديشن
واذا تقدر تطلع عن هالسيارتين فال Gxr افضلهن

[مقلع الرمث]

شوف حبيبي انت وخويك انا ابختصر لك الموضوع;)

خويك كانه راعي بر وتكسير وبطانيج وكل اسبوع نازل للبر

وجلدي مع الصياهد تحميل حطب وشيل من العزب والماء

والترامس واشوي راقي نفود واشوي نازل واشوي رايح

يقنص اطيور ومره ضبان ومره يعني على طول بالبر فاااناااا

مو انصحه اقوله ياخذ غصب باترول فتك لانه هو اللي يتحمل:good:

اما اذا صار خويك راعي طلعات بسيطه يعني على ابو خفيف

من الشهر لشهر متى ماطنت قليل يطلع وان طلع

مايبعد عن السطحات والزفلت;) فاااناا اا انصحه بالامريكي :j

الاكسبديشن ولا يزعلون علينا راعين الامريكي

اما بالنسبه للسائق لو تعطيه عربانه:p مافيها شي عادي فيه

ناس عندي بالحاره معطين سواقهم فتك لكن يوم سمعته

ذكاليوم ولاه امغيره مكينته وحطين ديزل :(

ومستانسين وازيدك من الشعر بيت فيه تانكي مركب شكل

راعيه لاطنت يكشت عطاه الصغيره وركب الجيب ووسع اصديره

انا اقول الااكسبديشن ممتاز وكبير ووسيع للعائله اذا كان راعي طلعات بسيطه لا كن مايصلح بالجلد الواجد

والباترول كد ومد وسلامتكم

والسلام عليكم

[واثق الخطوه-]

شف اخوي ابو علي
مثل ماقالو الاخوان اذا كان للعائله ف الاكسبديشن اوسع من الفتك واذا كانك تبي طلعات للبر ف الفتك احسن بواجد واذا العائله صغيره خذ فتك ولا تشاور

[سوبر VTC]

و عليكم السلام و رحمة الله

لا اله الا الله

الباترول افضل و اوفق و مرغوب عند البيع

لا تنسى الاستخارة بعد الاستشارة

موفق

[سوبر VTC]

عربانه:p



ههههههههه

الله يرجك انت وضروسك :D:p

[KASHTAT]

العائلة يصلح لها فان هونداي وسيع ويكد. والبر عليك بالياباني خصوصا تويوتا (الله يقرب ساعة الفرج ويتغير وكيله) أما شغلة ثنين في واحد ماتنفع

[ftc]

اخوي الفتتتتتك افضل بواجد من ناحية الكرف وطلعات البر
ماينتقارن بالامريكي ابد وعند البيع افضل بواجد
نصيحتي له ياخذ فتك وهو مغمض ..... تقبل مروري

[>> ابوعلي <<]

الله لا يهين كل من رد علي ويوفقه ويرزقه من حيث لا يحتسب ويطول بعمره

مشكووورين يا شباب ما قصرتوا والرجال بيستخير ويسلم عليكم

ويقول بيض الله وجيييهكم

الله يجزاكم خيير

[ابوحمد666]

والله اذا كانت عائلته واجد وطلعاته خفيفه وراعي سفر ياخذ اكسبدشن
اما عكس ذلك فياخذ فتك
تحياتي

[أبو LAMeS]

السلام عليكم
وعليكم السلام ...


يا اخوان في البدايه

اذكرو الله ;)

لا إله إلا الله محمد رسول الله ...

بصراحه واحد يقرب لي ناوي له على موتر واستشارني وانا قلتله اصبر اسال ذيابه مكشات

واردلك العلم :)


المهم يا شباب هو يبي موتر يستخمه بالديره وبالبر

وبنفس الوقت اذا جاه سواق بيعطيه السواق

فــ هو يسال

هل الباترول مع سواق فيها شي ؟!

يعني مايصلح

الظاهر الباترول ما عليه أستكر مكتوب تراه ما يصلح للسواق والصراحة سؤال غريب ؟!! ... وبعدين شفنا مرسيدس بانوراما مع سواقين...ما جت على الباترول وغيره ...

طبعا هو شاف الفتك واهله مارضوا بالحيل يبون اكسبدشن يقولون اوسع

بس هو يقول اظغط عليهم شوي بس اهم نقطه انه يصلح مع سوااق

وايهم اقل خرابات ؟:rolleyes:

إذا كان يبي السيارة مخصصة لأهله وأهله يبحثون عن الوسع فعلية بالاكسبدشين سيارة خدومة وصبورة ... وتصلح للبر والاكسبدشن بالبر مهوب شين أبد أبد ويوصلك أماكن الأهل يأخذون فيها راحتهم ... بس لا جاء السواق خله يعلمه طريقة أستخدام الدبل وهي سهلة جدا مع تنسيم الكفرات ...

http://www10.0zz0.com/2009/07/30/11/636579840.jpg (http://www.0zz0.com/)
http://www.mekshat.com/pix/upload03/images122/mk63546_extn.jpg
http://www.mekshat.com/pix/upload03/images121/mk130425_dd.jpg
http://www.mekshat.com/pix/upload03/images122/mk62186_dscn0402.jpg
http://www.mekshat.com/pix/upload03/images117/mk125093_qwer.jpg


وهذه هدية فوق البيعة ...
http://www.mekshat.com/pix/upload03/images123/mk63546_forex.jpg

وبالنسبة لأسعار قطع الغيار الأمريكي بشكل عام أرخص من الياباني ...

بعض الأخوان الله يصلحهم يتكلم وهو ما جرب يعني يهرف بما لا يعرف ... وأنا متأكد إن البعض منهم معه كسرة سيارة وكل يوم بورشة ورغم ذلك جاي يتكلم عن الاعطال ...

اللي جرب يعطينا تجربته واللي ما جرب يقول ما عندي علم ... لكن الاستهزاء والاستهتار ما يجيب نتيجة نستطيع نستهزيء وبعد نجيب صور للباترول وموديلات جديدة متعطل ومحمل على سطحة ...
وأنا مع اللي يقول إذا كان يبي الموتر للبر أكثر من الديرة والسفر فعليه أن يأخذ الباترول لأن الباترول مخصص ومجهز للبر بشكل أفضل من الاكسبدشن... وأعتبر الباترول أفضل سيارة للبر ... وأقسم بالله العظيم بالشهر الكريم لو أبي سيارة مخصصة ومجهزة للبر ما راح أتعدى الباترول سواء كان صالون أو ربع ...


ولا تنسون يا محبين الباترول أنه كان في يوم من الأيام شعار فورد على الباترول ... واللي معه باترول عليه يتذكر أن شعار فورد كان على موتره في أستراليا وبعض دول أوروبا ...

http://www.mekshat.com/pix/upload03/images124/mk63546_ford pat.jpg

فورد باترول يمين ... ونيسان باترول يسار ...
http://www.mekshat.com/pix/upload03/images124/mk63546_7189_9136_mav2.jpg

فورد باترول في ورشة تعديلات...

http://www.mekshat.com/pix/upload03/images124/mk63546_7189_1239_patrol2.jpg

باترول فورد ربع ... شوفوا علامة فورد في الخلف فوق اللوحة ...

http://www.mekshat.com/pix/upload03/images124/mk63546_fopa.jpg
http://www.mekshat.com/pix/upload03/images124/mk63546_fopat.jpg
http://www.mekshat.com/pix/upload03/images124/mk63546_patfor.jpg

وهذه صورة لمحبين الباترول الفورد والباترول نيسان في أستراليا ما عندهم أي مشكلة مستانسين ورائقين ... ما عندهم شيء أسمه هذا فورد وهذا نيسان أهم شيء الوناسة ...

http://www.mekshat.com/pix/upload03/images124/mk63546_panoramic.jpg

وأنا والله ما همني يشتري فورد أو نيسان أو أي سيارة ثانية هو اللي يبي يدفع الفلوس والفلوس ما راح تدخل جيبي الله يوفقه ويكتب الصالح له ...
لكن المشكلة في بعض الردود واللي أعتبرها سقيمة ...
أسمح لي يا صاحب الموضوع لكن هي نقاط لا بد من توضيحها من باب الفايدة ...
وشكرا وبالتوفيق لك ولقريبك وللجميع ...

[>> ابوعلي <<]

ابــو LAMES


كفيــــت ووفيت وانا خوك

الله لا يهينك لا بدنيا ولا باخره

بيض الله وجهك

ورفع قدرك


وظحت لي الصوره بشكل وااضح جداا

ويبدو انه بيتكل وياخذ اكسبدشن طويل

والله يوفقه


ومشكووور يا خوك ما قصرت

[التعـ King ـديل]

للسواق ياخذ اكسبديشن هو موتر السواويق

اما الباترول لا لطيور البر

[ولد الجبور]

اخوي انصحك في فورد اكسبدشن افضل من الفتك من كل النواحي من ناحيت الا مان وهي اهم شي ومن الوسع ومن الراحه ام الفتك لا راحه ولا امان ويتفكك لا جديد\ وقديم كله والاسبدشن مناسب بي كول شي البر خذ موتر في المدينه خذ راحه وقوي ولافتك 6 سرندل والاكسبدشن كله 8 سرندل ونصحك ثم انصحك لا تخذ فتك اسال مجارب تحياتي

[ولد الجبور]

الفتك ياشباب مصخرات اليابان وما عليش ياشباب كل سيارات اليبانين زفت وماعليش لي كنت غلت

[عاشق الخرازة.]

الفتك مايركبه الا شيـووووخ
مهب تعطيه سوااق السوواق للعائله يعني اكسبددشن أفضل من ناحية الوسع ووومن نواحي عدة البر والتطعيس الفتـك

[البوعينين99]

للسواق ياخذ اكسبديشن هو موتر السواويق

اما الباترول لا لطيور البر

هذا الكلام الصح ولا يهونون باقي الشباب

[البوعينين99]

ولا تنسون يا محبين الباترول أنه كان في يوم من الأيام شعار فورد على الباترول ... واللي معه باترول عليه يتذكر أن شعار فورد كان على موتره في أستراليا وبعض دول أوروبا ...

http://www.mekshat.com/pix/upload03/images124/mk63546_ford pat.jpg




هلا اخوي , بس المفروض تعرف وش سالفه هالشعار الي على الباترول قبل ماتفتح هالموضوع.
http://en.wikipedia.org/wiki/Button_car_plan

حبيت اصحح معلوماتك بس , ترى هذي نقطه تحسب لشركه نيسان وللباترول تحديدا مب للفورد.

وعلى فكره ترى مانزل هالموتر "Ford Maverick" في "بعض دول أوروبا" إلا إذا كان مستورد أو تحت اسم "Ebro Patrol" , لأنه أساسا فكره استراليه , ماحب اطول في الشرح لأن كل الي بقوله بيكون مكتوب في الوصله الي فوق.

بالتوفيق

[>> ابوعلي <<]

مشكووورين ياشباب

بس لا تقولون الاكسبدشن موتر سواقين

انا معي اكسبدشن موديل 97

ولا قد مسكه سوااق وعااجبني

اذا كذا قولكم ع السيارات

اجل الكامري موتر تكااسي صح ولا لا

وشف كل الشعب كامري ؟!

انا مقتنع بشي ان الموتر مو مصنع لشريحه معينه الا الفارهه مثل البنتلي والروز ... الخ

ومشكوورين

[ابو نوره 2006]

الاكسبديشن افضل واريح واوجه .

[القناص4800]

السلام عليكم

اخوي ابو علي

ان كانه يبيه للبر فتك

وان كانه يبيه للديره فتك

وان كانه يبيه للخط فتك

وان كانه يبيه للخرابات اكسبدشن

(((هج عن الامريكي وانت بخير)))

[أبو LAMeS]

بزر + كمبيوتر + نت = ردود سقيمة



مشكووورين ياشباب

بس لا تقولون الاكسبدشن موتر سواقين

انا معي اكسبدشن موديل 97

ولا قد مسكه سوااق وعااجبني

اذا كذا قولكم ع السيارات

اجل الكامري موتر تكااسي صح ولا لا

وشف كل الشعب كامري ؟!

انا مقتنع بشي ان الموتر مو مصنع لشريحه معينه الا الفارهه مثل البنتلي والروز ... الخ

ومشكوورين
أبو علي الله يعينك على بعض العقليات ...
أتمنى من المشرفين متابعة الردود ... أتمنى من أخوي بدوي جنوبي وأخوي طاير بالعجة وأخوي دهران متابعة الردود السقيمة واللي ما تضيف أي فايدة للموضوع...
الواحد يبغى حوار ونقاش يطلع بفايدة منه .... لكن للأسف بعض الخلق يحسب المرجلة بنوع السيارة ...


هلا اخوي , بس المفروض تعرف وش سالفه هالشعار الي على الباترول قبل ماتفتح هالموضوع.
http://en.wikipedia.org/wiki/Button_car_plan

حبيت اصحح معلوماتك بس , ترى هذي نقطه تحسب لشركه نيسان وللباترول تحديدا مب للفورد.

وعلى فكره ترى مانزل هالموتر "Ford Maverick" في "بعض دول أوروبا" إلا إذا كان مستورد أو تحت اسم "Ebro Patrol" , لأنه أساسا فكره استراليه , ماحب اطول في الشرح لأن كل الي بقوله بيكون مكتوب في الوصله الي فوق.

بالتوفيق
هلا بك أكثر وحياك الله...
أعرف وش سالفة الموضوع بجميع تفاصيله ... ولم أذكر معلومات علشان تصحح لي ... وثق ثقة تامة أن الجميع سواء نيسان أو فورد حصل لهم الفائدة ... وكل اللي ذكرته وجود شعار فورد على الباترول ولم أمدح أو أذم ... ولو لم تثق شركة نيسان بشعار فورد وما يتمع به شعبية كان ما خاطرت بوضع الشعار على الباترول وتسويقه في استراليا ..
ويا ليتك طولت بالشرح لأن فيه بعض الأخوان ما عنده لغة على الأقل نطلع بفايدة أحسن الردود السقيمة ..
بالتوفيق...

[>> ابوعلي <<]

ما قصرت أبو LAMeS (http://www.mekshat.com/vb/member.php?u=63546)
الله يبيض وجهك والله يعين الجميع

ما قرت وكثر الله من امثالك

والرجال عزم على الاكسبدشن الجديد طويل دبل والله يكتب اللي به الخير

[البوعينين99]

هلا بك أكثر وحياك الله...

أعرف وش سالفة الموضوع بجميع تفاصيله ....



ويا ليتك طولت بالشرح لأن فيه بعض الأخوان ما عنده لغة



هلا بك يالغالي ,, طيب أبيك تشرح لي وللشباب الموضوع وسبب وضع شعار الفورد على الباترول الله لايهينك . يمكن انقليزيتك أفضل مني.






ولم أذكر معلومات علشان تصحح لي ...





الغالي ترى مب عيب ولا هو سبب للزعل أني أصحح لك أو تصحح لي , عادي ترى , الموضوع هو تبادل معلومات فقط , يعني لاتحط في خاطرك يوم اني قلت ابصحح لك, وإذا حطيت في خاطرك ترى العذر والسموحه.






ولو لم تثق شركة نيسان بشعار فورد وما يتمع به شعبية كان ما خاطرت بوضع الشعار على الباترول وتسويقه في استراليا ..

..







شركه نيسان مالها علاقه بالشعار وتركيبه على الباترول ولا بتسويقه كأحد موديلات فورد.
ولا حتى شركه فورد.






أحسن الردود السقيمة ..

بالتوفيق..





الردود السقيمه مب صوبي ولالي فيها ومكرم أنت وأعضاء مكشات عن هالردود.




والسموحه على الإطاله وبالتوفيق يا اخ >> ابوعلي <<

[>> ابوعلي <<]

مشكووورين


خلاص

انتهى الموضوع والله يوفق اللي بيشتري

[راعي جيوب]

فتك أفضل من الفورد