المساعد الشخصي الرقمي

مشاهدة النسخة كاملة : مطلوب سواق يعرف يشب الضو ويساعد الصقار


أبو فيصل
07/09/2009, 03:04 PM
السلام عليكم

مطلوب سائق يعرف يسوق سيارة العزبه في البر ويبني الخيمه و يشب الضو و يزين المعاميل لحطيته في مسيله وخليته بلحاله.

وماهي شينه لصار يعرف ينقل الطير ويدعيه لرحت للبلاد مبلا أكثر لراتبه. لا يشترط جنسيه معينه وأنكانه من هل الديره أبرك و أسعد.

المده من 15 أكتوبر الى 15 ديسمبر 2009 ويمكن تمـــــــــــــــــغـــــــــــــــــــط لجاز الحال الى آخر الربيع.

بعض الأعضاء المعروفين ممنوعين من التهكم يومهم فاضين و الوعد بعد التقاعـــــــــــــــــد واللي يبي الفزعه (مثلي) يبشر ويكثر القطيه حتى لو خلفتين هههه
قناص البردويل
07/09/2009, 03:38 PM
كم تعطي راتب ؟ ووين ديارك ؟ .
مشبر البران
07/09/2009, 04:09 PM
طلب غريب شوي
المري
07/09/2009, 04:16 PM
هلا يابو فيصل وحياك الله يالغالي

عسى الله يعطيك على نيتك الطيبه ويرزق بالعامل الطيب اللي يعرف ينقل الارنب

ويقص ثر الحباري ويشب الضو من تالي الليل ..


اخوك -المري
@قرناص@
07/09/2009, 04:29 PM
ابو فيصل ،،

الله يرزقك ماتتمنى ــ
سنافي
07/09/2009, 04:36 PM
ابو فيصل...

الله يوفقك وتلقى خطوا ولد يكفيك من بعض الخويا
بو غازي
07/09/2009, 06:43 PM
السلام عليكم ورحمه الله وبركاته
الله يرزقك مبتغاك ويطول في عمرك .
أبو فيصل
07/09/2009, 06:58 PM
قناص البردويل: حياك الله و الراتب حسب الخدمات ولا كل واحد بيصلح طال عمرك

مشبر البران: حياك الله والطلب ماهو غريب طال عمرك ما سمعت بالوظيفه اللي فيها راتب ما قلنا أن حنا شيوخ نعطي الخوي شرهه آخر المقناص. الدعوى مقناص ووناسه.

المرى: الله يجزاك خير و يرزقك يا صديقي والجره ما قنصت ألاّ بقصها ولا أبيه لها لكن مثلك عارف أحب أقنص لحالي نهاري كله و أبيه معي للضروره و أستغلال الوقت

@قرناص@: الله يرزقنا و يرزقك و بيض الله وجهك على الدعوه الطيبه

سنافي: أرحب يابو ناصر ياحي ذا الحجاج ويا حي مقابل ضوي بلحالي و لا بعض الخويا !!
أبو فيصل
07/09/2009, 06:59 PM
السلام عليكم ورحمه الله وبركاته
الله يرزقك مبتغاك ويطول في عمرك .

الله يجزاك خير
قناص البردويل
07/09/2009, 09:07 PM
ابو فيصل كنه جازلي الموضوع ولا هي قصة فلوس او ماشابه
لاكن حالي مثل حالك دايم بالقنص بلحالي
ومنها نكسب خوتك طال عمرك لاكن علمنا وين ديارك
المري
07/09/2009, 09:23 PM
مرحبا اخوي قناص البردويل

ابو فيصل من اهل الشرقية ( حول الخبر والدمام )

وعسى الله يوفق الجميع

اخوك - المري
محمد النفود
07/09/2009, 09:33 PM
الله يوفقك
..@القناص@..
08/09/2009, 12:52 AM
الله يرزقك مابغيت .. وترجع بسلامه ان شاء الله
مقناص الكويت
08/09/2009, 04:42 AM
لله يرزقك باليقص الحبارى هههههههه
أبو فيصل
08/09/2009, 09:05 AM
ابو فيصل كنه جازلي الموضوع ولا هي قصة فلوس او ماشابه
لاكن حالي مثل حالك دايم بالقنص بلحالي
ومنها نكسب خوتك طال عمرك لاكن علمنا وين ديارك


يا مرحبا و مسهلا ولك رساله على الخاص
alajmi110
08/09/2009, 10:32 AM
الله يرزقك ما تمنى يا ابو فيصل

والله يفكك من ( ابو لحي قوي حيل فاتر) ههههههههه
راعى شاهين
08/09/2009, 11:00 AM
هلا يابو فيصل وحياك الله يالغالي

عسى الله يعطيك على نيتك الطيبه ويرزق بالعامل الطيب اللي يعرف ينقل الارنب

ويقص ثر الحباري ويشب الضو من تالي الليل ..


اخوك -المري
يعرف ينقل الارنب؟طير هى؟:j
المري
08/09/2009, 12:50 PM
هلا اخوي راعي شاهين

ماهيب ينقل ( يشيل )

قصدي ينــقّـل ( بتشديد القاف) وهي مصطلح يعرفه اكثر القوانيص!!!

الله يحفظك ويرعاااك

اخوك - المري
وحيشان
08/09/2009, 02:05 PM
مرحبا ومسهلا ابشر بالسعد يابو فيصل انت من الشرقيه؟؟ تراني لا طير ولا وغراب ذالزمان ابشر بالخوي
بو غازي
09/09/2009, 02:19 AM
السلام عليكم ورحمه الله وبركاته
تعقيبا على كلام اخوي ابو معيض على كلمة تنقل للاخ راعي شاهين:D
تنقل هي وانا اخوك الارنب لامنها ضمدت او صفت يعني قامت تمشي على الصوف ماعاد يبين اثرها يالله يالله تشوفها يبدا ينقلها يبحث عنها يعني هنا تقال كله ينقل.
اتمنى انها وصلت .
:)
أبو فيصل
10/09/2009, 02:04 AM
يا جماعه أدور عامل يشتغل براتب و نظامي أما نقل كفاله أو يشتغل فتره و يعود لكفيله أو أجيبه بعد ما راح خروووج نهائي أنكانه طيب ولكنه خروووج لظروف العامل أو كفيله وليس مطرود.
راعى شاهين
10/09/2009, 02:40 AM
السلام عليكم ورحمه الله وبركاته

تعقيبا على كلام اخوي ابو معيض على كلمة تنقل للاخ راعي شاهين:D
تنقل هي وانا اخوك الارنب لامنها ضمدت او صفت يعني قامت تمشي على الصوف ماعاد يبين اثرها يالله يالله تشوفها يبدا ينقلها يبحث عنها يعني هنا تقال كله ينقل.
اتمنى انها وصلت .

:)

اوصلت جعلك تعرس
قلب ذيب
10/09/2009, 02:44 AM
ارحب يابوفيصل .
الله يحييك وين هالغيبه !
-- ابشر - - العامل موجود - - سيّر عليّ بعد العيد عند الابل شرقي منزلنا العامي اللي جيتنا فيه .
( غربي سعادة- الحبل ) وفالك طيب . عندي لك علوم طيبه .
لك تقديري وتحياتي .
أبو فيصل
10/09/2009, 02:54 AM
ارحب يابوفيصل .
الله يحييك وين هالغيبه !
-- ابشر - - العامل موجود - - سيّر عليّ بعد العيد عند الابل شرقي منزلنا العامي اللي جيتنا فيه .
( غربي سعادة- الحبل ) وفالك طيب . عندي لك علوم طيبه .
لك تقديري وتحياتي .

أرحب يابو ماجد لا خلا ولا عدم و خيرك سابق بسيّر عليك و يشرفني أجيك و تجيني طال عمرك.

لنا أن شاء الله لقاء وأحتمال أمر معرض أبو ظبي بعد العيد وقفه وأنقلابه في يومي وأن حصل فرصه أشوفك في المعرض يوم الخميس.