رأيكم في الفورتشنر vx1 تماتيك عيوب ومميزات لا عدمتكم

[المشراف99]

السلام عليكم ورحمة الله وبركاته


إخوتي الأعزاء


أخي وفي مقام والدي له رغبة في شراء الفورتشنر vx1 تماتيك


وحبيت قبل ما يشتريه أن آخذ رأي من استخدم هذه السيارة


فماهي عيوبها ومميزاتها


علما بأن سعرها عند أبو جميل 105 ألف ريال


رأيكم لا عدمتكم

[الجيب]

الله يوفقه

[Bader-M]

اعتقد انه افضل الموجود

تحياتي اليك

[النوفلي]

:
:
أهلا بك أستاذي ومرحبا ..
< أكلمك من ناحية تجربة شخصية للموتر .. يوجد لدي فوتشينر 2007 - 6 سلندر - فل كامل .. توماتيك .. بصراحة الموتر لا يعلى عليه بمعنى الكلمة من ناحية البر والشارع وكل شيء ,, لكن الرساوة لك عليه شوي بس بيني وبينك ما تأثر على إمكانياته الرائعة وخفته .. بصراحة هو موتر شبابي ( للعقال ) أكرر وأقول للعقال < أقصد الراكدين في السواقة .. قل ليه ؟! أنت لو لاحظت الموتر فمسافة الدفرنس ضيقة مما يجعل الإنقلاب - لا قدر الله - سريعة للمتهورين .. أما إذا كنت رجال عاقل وهادئ فانا أنصحك فيه وبقوة .. وبخصوص أي شيء آخر أتشرف بمكالمتك 0503180130

[المشراف99]

الله يوفقه
ويوفقك ياالغالي

[المشراف99]

اعتقد انه افضل الموجود

تحياتي اليك
ألف شكر
وهذا رأيي له

[المشراف99]

:
:
أهلا بك أستاذي ومرحبا ..
< أكلمك من ناحية تجربة شخصية للموتر .. يوجد لدي فوتشينر 2007 - 6 سلندر - فل كامل .. توماتيك .. بصراحة الموتر لا يعلى عليه بمعنى الكلمة من ناحية البر والشارع وكل شيء ,, لكن الرساوة لك عليه شوي بس بيني وبينك ما تأثر على إمكانياته الرائعة وخفته .. بصراحة هو موتر شبابي ( للعقال ) أكرر وأقول للعقال < أقصد الراكدين في السواقة .. قل ليه ؟! أنت لو لاحظت الموتر فمسافة الدفرنس ضيقة مما يجعل الإنقلاب - لا قدر الله - سريعة للمتهورين .. أما إذا كنت رجال عاقل وهادئ فانا أنصحك فيه وبقوة .. وبخصوص أي شيء آخر أتشرف بمكالمتك 0503180130

أنت أستاذي لا عدمتك

كلامك صحيح ونصائح تشترى بالفلوس

الله يوفقك في الدنيا والآخرة

[المشراف99]

منتظر بقية الآراء

وفق الله الجميع

[المميـز]

سيارة ممتــــــــازه جداً :good:

وكلامي هذا من واقع تجربتي الشخصيه للسيارة

وأي استفسار عن السيارة اسأل وسوف تجد الجواب الشافي بإذن الله تعالى

علما تجربتي لـ 6 سلندر قير عادي

والسياره على فكره راسيه ماشاء الله ...

[المشراف99]

سيارة ممتــــــــازه جداً :good:




وكلامي هذا من واقع تجربتي الشخصيه للسيارة


وأي استفسار عن السيارة اسأل وسوف تجد الجواب الشافي بإذن الله تعالى


علما تجربتي لـ 6 سلندر قير عادي


والسياره على فكره راسيه ماشاء الله ...


بارك الله فيك
عندي بعض الاسئلة
1- هل السيارة مريحة في المسافات الطويلة
2- وصرفية البنزين وش أخبارها
3- قطع الغيار غالية ام عادية
4- هل السيارة ثقيلة في التنقل داخل المدينة او تشبه السيدان الصغيرة
5- أبرز عيوبها من وجهة نظرك

[غالي]

أخوي والله كانها ب105

انا انصحك تنحاش عنها

لين شفناها بالشوارع كنها ام 60 الف

نصيحه انحش سعرها غالي حيل

خله يدور له برادو 2008 اخو الجديد افضل منه بالف مره ومميزات واريح

وتحس انك تسوق جيب مهوب هايلوكس مصندق ((مع احترامي))

و105 تجيب له يوكون او تاهو 2008

خله بعيد النظر من جديد نصيحه

حتى الفورتشنر عند البيع يطيح عقب سنتين او ثلاث

بالمعارض على 60 الف وفيه ارخص وفيه اعلى موديلات 2006 - 2007 ((وانا قديم بعد عن المعارض وكانت هذي اسعارها))


لكن ناظر البرادو مثلا 2006 - 2007

ارجع واقول يعيد النظر

ويلقى جي اكس ار او في اكس ار او باترول او غيره ابرك منه صراحه واشخص واكبر وارسى وكل شيء

حتى المميزات هم احسن منه

موفقين

[المشراف99]

أخوي والله كانها ب105

انا انصحك تنحاش عنها

لين شفناها بالشوارع كنها ام 60 الف

نصيحه انحش سعرها غالي حيل

خله يدور له برادو 2008 اخو الجديد افضل منه بالف مره ومميزات واريح

وتحس انك تسوق جيب مهوب هايلوكس مصندق ((مع احترامي))

و105 تجيب له يوكون او تاهو 2008

خله بعيد النظر من جديد نصيحه

حتى الفورتشنر عند البيع يطيح عقب سنتين او ثلاث

بالمعارض على 60 الف وفيه ارخص وفيه اعلى موديلات 2006 - 2007 ((وانا قديم بعد عن المعارض وكانت هذي اسعارها))


لكن ناظر البرادو مثلا 2006 - 2007

ارجع واقول يعيد النظر

ويلقى جي اكس ار او في اكس ار او باترول او غيره ابرك منه صراحه واشخص واكبر وارسى وكل شيء

حتى المميزات هم احسن منه

موفقين

جزاك الله خير

المشكلة يقول ما ابغى مطلقة

الرجل وده بالجديد

والجديد غالي

موفق

[غالي]

جزاك الله خير

المشكلة يقول ما ابغى مطلقة

الرجل وده بالجديد

والجديد غالي

موفق

يزودها 20 الف ويطقله يوكون وكاله :( او ارخص بعد

على كل موفق والله يدله على الخير

[ابوناصرالبدراني]

كثيره عليه 105 انصحك بنيسان احسن للك

[المميـز]

بارك الله فيك
عندي بعض الاسئلة
1- هل السيارة مريحة في المسافات الطويلة
2- وصرفية البنزين وش أخبارها
3- قطع الغيار غالية ام عادية
4- هل السيارة ثقيلة في التنقل داخل المدينة او تشبه السيدان الصغيرة
5- أبرز عيوبها من وجهة نظرك


بالنسبه لإستفساراتك ... الرد عليها بالترتيب :

1- نعم مريحه في المسافات الطويله ولم أشتكي منها ولله الحمد بخصوص الراحه

2- تانكي البنزين بالنسبه لموديل 2009 يتسع لـ 85 لتر ويمشي مسافة 550 كيلو على سرعة 140 ( لفئة 6 سلندر فقط )

3- أعرف واحد معه موديل 2006 ماخذه وكاله ويقول إلى الحين ماحط عليه
إلا قماشات بس وسعره رخيص وماشاء الله موتره الحين ماشي 100 الف
ولم يشتكي من شي ماشاء الله عليه :)

4- والله السياره خفيفه فوق ماتتصور بالديره وحجمه صغير وسهل الحصول على موقف بالزحمه
وخفيف بالبر والنفود وفيه ميزة الرباعي المستمر يساعد على ثبات السيارة
في المنعطفات ومايحتاج تشغل الدبل بالنفود ولا يحتاج للتنسيم لخف الموتر ونشاطه ماشاء الله

5- أبرز العيوب في الوقت الحالي مع السرعات العاليه مثل 160 وفوق تسمع
صفير هواء مع الأبواب الأماميه .. طبعا في حالة وحده بس وهي إذا كان بالجو
هواء قوي .... أما إذا كان الجو خالي من الهواء القوي ماتسمع صووووت مررره
وأنا أعتبر هذا الصوت طبيعي جدا من سيارات تويوتا لأنه موجود في الأغلبيه منها

بالمختصر .. الفورتشنر في الوقت الحالي له شعبيه كبيره بين الناس
وانتشر في السنه الأخيره هذي خاصه بعد التعديلات الحلوه في موديل 2009
ولو تلاحظ قلة وجوده مستعمل في المعارض لأنه مرغوب جدا ماشاء الله

خاصه ان فئة 6 سلندر تجي مكينة 4.0 مثل اللاندكروزر والـ اف جي والبرادو
وهو أصغر منهم حجما واخف منهم وزناً وفيه كل المواصفات

ويكفيك وجود ( الدف لوك :good: )

عليكم بالاستخاره بعد الاستشاره

واحد من الزملاء كان ناوي يطلع vx1 ولكن الوكاله قالت له مخلص
الموجود الآن vx2 فقط

لكن ان شاء الله انكم تلحقون خير إذا الله كاتب لكم تاخذون

[محمد بن سعيد]

انا معي 2007 في اكس 2 6 سلندر ما شاء الله تبارك الله سيارة ممتازة وخفيفة وخصوصاً في النفود نسم وادخل لا تشغل الدبل ابد الرباعي المستمر يخدمك
وافضل شيء بنزين 95 على الموتر لأنه يعطيك نشاط في الموتر مع أنه يقبل 91 بس انا غيرت البنزين وفرق عندي العزم

[اابوعبداللطيف]

بما ان الموضوع قديم يستاهل ان يكون محور لنقاش
اتمنى من الأخوه الي عندهم تجارب مايبخلو علينا
وبذات ان السيارة لها شعبيه كبيره جدآ

[محمد1415]

العمليه 10/10

القوه 10/10

سعر البيع 10/10

الامان بالمنعطفات المفاجئه والحاده 0/10

جودة البدي والديكورات 0/10


سريع الانقلاب لانه بدون عمود توازن خلفي وهذا عيب صناعي ما ادري ليش تويوتا منزلته بدونه

[XTERRA -2010]

العمليه 10/10

القوه 10/10

سعر البيع 10/10

الامان بالمنعطفات المفاجئه والحاده 0/10

جودة البدي والديكورات 0/10


سريع الانقلاب لانه بدون عمود توازن خلفي وهذا عيب صناعي ما ادري ليش تويوتا منزلته بدونه
من الي قال مافيه فيه عمود توازن خلفي

أرسلت من SM-N9005 بإستخدام تاباتلك

[محمد1415]

عزيزي شي معروف وابحث بالنت

ورح شفه بعينك منتب لاقيه

[المميـز]

:

عمود التوازن موجود ..

والموضوع قديم .. وكان النقاش على ٢٠٠٩
الان من ٢٠١٢ تغير الفورتشنر للافضل ومواصفات اكثر
لذلك يفضل فتح موضوع جديد او المتابعه في رابطة الفورتشنر
على الرابط
http://www.mekshat.com/vb/showthread.php?t=218512&page=197

:

[محمد1415]

اخوي المميز ياليت صوره لعمود التوازن بالفورتشنر


وهذا عمود التوازن للتوضيح

http://www.mekshat.com/pix/upload06/images/2014/08/mk312082_image.jpg

[محمد1415]

اللذي بالاسفل

[الشهراني 1]

السلام عليكم أخي (المميز) تقول معك فورشنر 6سرندر قير عادي .... بغيت أسألك . سمعت يقولون أن القير عادي ستة سرندر ييضرب صحن الكلتش قي الفورشنر . صحيح الكلام ولا لا؟
أفدني جزاك الله خير

[ابو نايوفيتش]

ماشاء الله

والله يالغالي معي واحد شارية 120 الف ، والحمد لله ماني متحسف اني دفعت هالمبلغ بسيارة الفورتشنر
وله معي الان 3 سنوات والحمد لله ماشكيت منه بشي
وانا راعي سفريات والموتر ماتحس فيه بمشاكل الطريق ، مريح

والدعسة حقته على قد ماتعطية مايقول لا ، يمشي معك
والبر مافيه مثلة

والرساوة راسي اساسا ولا سمعت نهائيا ان فيه فورتشنر انقلب بسبب الشي ، كلام ماله منطقي لانه دفع رباعي
والمعروف ان الرباعي ارسى من الدفع الثنائي ومع هذا خفيف
والدليل اني اقاوم افجيات ومع هذا نصف جنب بعض مع ان الاف جي خلفي دفع خلفي

والبر مايحتاج تطق الدبل لان الرباعي شابك على طول فيمشي معك مثل ماتبي ولا تشيل هم

وبالديرة خفيف وعملي ولا راح تشوف منه مشكلة بالروحات والجيات ، يعجبك

وقطع الغيار اسعاره معقوله حاله حال اي سيارة ، من 3 سنوات اغلى شي هو تغيير زيت القير 800 ريال في الوكالة
اما الباقي 120 160 220 70 اسعار لا تذكر

وعيبة
1 ان مافيه صدام في الخلف
2 صوت صفير اذا كان الجو هواء شديد وماشي بسرعة


اما السيارة تستاهل قيمته

[المميـز]

السلام عليكم أخي (المميز) تقول معك فورشنر 6سرندر قير عادي .... بغيت أسألك . سمعت يقولون أن القير عادي ستة سرندر ييضرب صحن الكلتش قي الفورشنر . صحيح الكلام ولا لا؟
أفدني جزاك الله خير

وعليكم السلام
نعم صحيح يضرب اذا كان الاستخدام سيء خصوصا اذا غرز الموتر تغريزه بسيطه والسواق يحاول يطلع
الموتر بدون لايشغل الدبل نهائيا ويكون معتمد على الرباعي المستمر فقط وهذا اكبر خطأ ويأثر على الكلتش مباشره
افضل طريقة تشغيل الدبل مباشره .. بمختصر الكلام اي عمل تحس فيه مشقه على الكلتش على طول شغل الدبل وريح بالك
واذا تبي نصيحتي .. خذ التماتيك اريح بالقياده والاداء قوي جدا وكانه قير عادي لان فيه وضعيات قياده D.1.2.3.4
بالنسبه لي غيرت واخذت قير تماتيك وارتحت من هم القير العادي ولله الحمد

[المميـز]

ماشاء الله

والله يالغالي معي واحد شارية 120 الف ، والحمد لله ماني متحسف اني دفعت هالمبلغ بسيارة الفورتشنر
وله معي الان 3 سنوات والحمد لله ماشكيت منه بشي
وانا راعي سفريات والموتر ماتحس فيه بمشاكل الطريق ، مريح

والدعسة حقته على قد ماتعطية مايقول لا ، يمشي معك
والبر مافيه مثلة

والرساوة راسي اساسا ولا سمعت نهائيا ان فيه فورتشنر انقلب بسبب الشي ، كلام ماله منطقي لانه دفع رباعي
والمعروف ان الرباعي ارسى من الدفع الثنائي ومع هذا خفيف
والدليل اني اقاوم افجيات ومع هذا نصف جنب بعض مع ان الاف جي خلفي دفع خلفي

والبر مايحتاج تطق الدبل لان الرباعي شابك على طول فيمشي معك مثل ماتبي ولا تشيل هم

وبالديرة خفيف وعملي ولا راح تشوف منه مشكلة بالروحات والجيات ، يعجبك

وقطع الغيار اسعاره معقوله حاله حال اي سيارة ، من 3 سنوات اغلى شي هو تغيير زيت القير 800 ريال في الوكالة
اما الباقي 120 160 220 70 اسعار لا تذكر

وعيبة
1 ان مافيه صدام في الخلف
2 صوت صفير اذا كان الجو هواء شديد وماشي بسرعة


اما السيارة تستاهل قيمته

بالنسبه للعيوب الي ذكرتها
1 تقد عدم وجود جسر للصدام الخلفي
الحل بسيط .. موجود عند رفيق الدرب جسر مخصص للفورتشنر سعره 500 ريال مع التركيب
وفيه واحد بالرياض بالصناعيه اسمه حسن يفصل جسر للفورتشنر مع فتحة هوك بالصدام ب 350 ريال